Hebrews 3
3
Moses Sangin Jesu Lianzaw
1Tua ahi manin vantung-lam sapna a ngah a siangtho sanggamte aw, eite in i pulak tua sawltakpi le tulpi Jesu tungah na ngaihsutnate uh kipsak un. 2 Pasian inn sung khempeuh ah Moses a muanhuai bang tektekin amah a sehpa tungah amah a muanhuai hi. 3 Inn sangin a lampa in pahtawina a ngah zawk bang tektek in Moses sangin Jesu in pah tawina thupizaw a ngah ding kilawm hi. 4 Ahang in, inn peuhmah a lam mi khat om a, ahi hangin na khempeuh a lam Pasian ahi hi. 5 Moses pen mailam a kigen ding thute teci a pang, Pasian innkuan sung khempeuh ah nasem muanhuai ahi hi. 6 Ahi hangin Pasian innkuan tungah Christ tapa muanhuai ahi hi. Eite in i hanna le i kisialhpih tua lametna i letkip suak leh ama innkuan i hi hi.
Uplohna Hangin Vauhilhna
7 Tua hi-a, Khasiangtho in:
"Tu ni-in ama aw na zak uh leh,
8 gamlak a zia-etna hun sungin
na lehdo lai bangun,
na lungtang uh khauhsak kei un.
9 Tua lai-ah na pate un kei hong zia-et in hong sin uh a
kum sawmli sung ka hihte a mu uh hi.#Ns 14:33
10 Tua khang tungah ka heh a, tua ciangin,
‘Amaute lungtang lam pial tawntung a,
ka lampite a thei kei uh hi,’ ka cihna tua hang ahi hi.
11 Tua ciangin ka heh a,
‘Amaute ka khawlna-ah a lut ngei kei ding uh hi,’ ci-in kiciamin ka genkhia hi," h#3.11 Ph. 95:7-11 a ci hi.#Tp 1:34-35
12 Sanggamte aw, note a kuamah peuh lungtang ah mawhdim le umlah in, a nungta Pasian kiang pan na pialmang loh nadingun kikem un. 13 Ahi hangin tuni a kici sungin mawhna’ khemhatna hangin kuamah in a lungsim a khauhsak loh nadingin nisimin khat le khat na kihan thawn un. 14 Eite in a masa-a i neih kimuanna, a tawp dongin kiptaka i letkip leh Christ sungah tanh a nei i hi hi. 15 Amah in,#Eph 3:12
"Tu ni-in ama aw na zak uh leh,
na lehdo lai bangun
na lungsim uh khauhsak kei un," a#3.15 Ph. 95:7,8 na ci khin phet hi.
16 Za napi-a, a lehdo kuate ahi hiam? Egypt pana Moses in a pikhiatte hi lo uh ahi hiam? 17 Amah kum sawmli sung a hehna kuate tung ahi hiam? Mawhna bawla, a pumpi uh gamlaka, a pukte tung hi lo ahi hiam? 18 Pasian in ama khawlna ah amaute a tung ngei kei ding uh hi, ci a, a tomlawh, a thumang lote b#3.18 Ahikeh thu um lote tung lo kua tung hi ding hiam? 19 Tua ahi ciangin amaute uplahna hangin a lut thei kei uh hi, cih i thei hi.#Ms 14:2; Ph 78:22
Currently Selected:
Hebrews 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission