Esther 3
3
Haman in Jew-te Siatsak Sawmsim
1Hih thute khit ciangin Kumpi Xerxes in Agag-te Hammedatha tapa Haman pahtawi a, lamto in ulian dang khempeuh sangin pahtawina tokhom a pia hi. 2 Kumpipa thupiaksa ahi manin kumpi kongpi sunga nasem kongpi tawna a pai peuhmah in zahtakin a khukdin uh hi. Ahi hangin Mordecai khukdin loin a zahtakbawl kei hi.
3 Tua ciangin kumpi kongpi-a nasemte in Mordecai kiangah, "Bang hangin kumpipa thupiak mang lo na hi hiam?" ci-in a dong uh hi. 4 Ni khat khit ni khat amah a paupih uh hangin a thukim ding a nial hi. Tua ahi ciangin amah Jew mi ahilam amaute tungah genkhin ahi manin Mordecai gamtatna ahi ding mah hiam, cih Haman tungah a gen uh hi.#Pc 39:10; Da 3:12
5 Mordecai khukdin loin amah zahtak lo cih a muh ciangin Haman a heh mahmah hi. 6 Tua banah Mordecai mipihte thu a theih khit ciangin Mordecai guak thahtaak a sa kei hi. Tua sangsikin Haman in Xerxes kumpi-gam sung khempeuh a om Mordecai mipihte - Jew-te khempeuh suksiat nading lampi a zong hi.#Ph 83:4; Pn 16:25
7 Kumpi Xerxes in a uk a kum sawm le nihna a kha masapen ahi Nisan kha a kipan pur (tua pen aisanna) zangin a ni a kha ding teelna-in Haman omin ai a lawn uh hi. Tua ciangin a kha sawm le nihna, Adar kha ah ai a tu a#3.7 Septuagint, Hebrew in tuateh a tungah ai tu cih nei lo hi.#Sp 16:8; Ezr 6:15; Est 9:24
8 Tua ciangin Haman in Kumpipa Xerxes kiangah, "Na kumpi-gam sung gamneu tuamtuamte ah kithehthangin a tuam om mi pawlkhat a om hi. Amaute ngeinate adangte aa tawh kibang lo a, kumpipa thukhamte a mang nuam kei uh hi; amaute khahkhong ding kumpipa deihpen ahi kei hi. 9 Kumpipa na lungkim leh amaute suksiat nading thukip bawl inla, tua tawh kisai nasem dingte adingin na sumkholhna ah talent b#3.9 Tua in ton 375 bang (metric ton 235 bang) tulsawm ka pia ding hi," a ci hi.#Est 7:4; Da 6:13; Ns 16:20
10 Tua ciangin kumpipa in a seal tupna zungbuh suahkhia a, Jew-te galpa, Hagag-te beh Hammedatha tapa Haman a pia hi. 11 Kumpipa in Haman kiangah, "Na sum nang kem inla na mi gente na lungkim bangin hih in," a ci hi.
12 Tua ciangin a kha masapen a ni sawm le thumna ni-in kumpi zum lai-atte a kikaikhawm uh hi. Amaute in Haman thupiakna khempeuh a gamgama, amau kam ciatin gelhkhia uh a, kumpipa ukna sunga gamkhen tuamtuama gam-ukte tung, le mi tuamtuama uliante tungah a pia uh hi. Hihte Kumpi Xerxes in ama min mahmah a kigelh lai hi-a a zungbuh seal a tup ahi hi. 13 Kumpipa gam sung khempeuhah kha sawm le nihna Adar kha a ni sawm le thumna ni, ni khat bek sungin Jew-te a khangmoi, a khangham, numei le naupangnote thatin kisumaimang dinga a neihsate uh kilaksak ding hi, cih thu laitaite a kipuaksak hi. 14 Tua ni-in a baihsa-a a om theih nadingin hih thupiakna lai gam khempeuh ah upadi bangin dal khat ciat kipuak hi - tua pen a gam sung mite theihkimsak nading ahi hi.#2Ku 21:8
15 Kumpipa thupiakna tawh kintakin laitaite a kuankhia uh hi; hih thupiakna kumpipa khua Susa pana kihawmkhia ahi hi. Kumpipa le Haman zu dawn dingin tukhawm uh a, ahi hangin Susa khua sung a buai mahmah hi.#Est 1:10; 8:15
Currently Selected:
Esther 3: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
Esther 3
3
Haman in Jew-te Siatsak Sawmsim
1Hih thute khit ciangin Kumpi Xerxes in Agag-te Hammedatha tapa Haman pahtawi a, lamto in ulian dang khempeuh sangin pahtawina tokhom a pia hi. 2 Kumpipa thupiaksa ahi manin kumpi kongpi sunga nasem kongpi tawna a pai peuhmah in zahtakin a khukdin uh hi. Ahi hangin Mordecai khukdin loin a zahtakbawl kei hi.
3 Tua ciangin kumpi kongpi-a nasemte in Mordecai kiangah, "Bang hangin kumpipa thupiak mang lo na hi hiam?" ci-in a dong uh hi. 4 Ni khat khit ni khat amah a paupih uh hangin a thukim ding a nial hi. Tua ahi ciangin amah Jew mi ahilam amaute tungah genkhin ahi manin Mordecai gamtatna ahi ding mah hiam, cih Haman tungah a gen uh hi.#Pc 39:10; Da 3:12
5 Mordecai khukdin loin amah zahtak lo cih a muh ciangin Haman a heh mahmah hi. 6 Tua banah Mordecai mipihte thu a theih khit ciangin Mordecai guak thahtaak a sa kei hi. Tua sangsikin Haman in Xerxes kumpi-gam sung khempeuh a om Mordecai mipihte - Jew-te khempeuh suksiat nading lampi a zong hi.#Ph 83:4; Pn 16:25
7 Kumpi Xerxes in a uk a kum sawm le nihna a kha masapen ahi Nisan kha a kipan pur (tua pen aisanna) zangin a ni a kha ding teelna-in Haman omin ai a lawn uh hi. Tua ciangin a kha sawm le nihna, Adar kha ah ai a tu a#3.7 Septuagint, Hebrew in tuateh a tungah ai tu cih nei lo hi.#Sp 16:8; Ezr 6:15; Est 9:24
8 Tua ciangin Haman in Kumpipa Xerxes kiangah, "Na kumpi-gam sung gamneu tuamtuamte ah kithehthangin a tuam om mi pawlkhat a om hi. Amaute ngeinate adangte aa tawh kibang lo a, kumpipa thukhamte a mang nuam kei uh hi; amaute khahkhong ding kumpipa deihpen ahi kei hi. 9 Kumpipa na lungkim leh amaute suksiat nading thukip bawl inla, tua tawh kisai nasem dingte adingin na sumkholhna ah talent b#3.9 Tua in ton 375 bang (metric ton 235 bang) tulsawm ka pia ding hi," a ci hi.#Est 7:4; Da 6:13; Ns 16:20
10 Tua ciangin kumpipa in a seal tupna zungbuh suahkhia a, Jew-te galpa, Hagag-te beh Hammedatha tapa Haman a pia hi. 11 Kumpipa in Haman kiangah, "Na sum nang kem inla na mi gente na lungkim bangin hih in," a ci hi.
12 Tua ciangin a kha masapen a ni sawm le thumna ni-in kumpi zum lai-atte a kikaikhawm uh hi. Amaute in Haman thupiakna khempeuh a gamgama, amau kam ciatin gelhkhia uh a, kumpipa ukna sunga gamkhen tuamtuama gam-ukte tung, le mi tuamtuama uliante tungah a pia uh hi. Hihte Kumpi Xerxes in ama min mahmah a kigelh lai hi-a a zungbuh seal a tup ahi hi. 13 Kumpipa gam sung khempeuhah kha sawm le nihna Adar kha a ni sawm le thumna ni, ni khat bek sungin Jew-te a khangmoi, a khangham, numei le naupangnote thatin kisumaimang dinga a neihsate uh kilaksak ding hi, cih thu laitaite a kipuaksak hi. 14 Tua ni-in a baihsa-a a om theih nadingin hih thupiakna lai gam khempeuh ah upadi bangin dal khat ciat kipuak hi - tua pen a gam sung mite theihkimsak nading ahi hi.#2Ku 21:8
15 Kumpipa thupiakna tawh kintakin laitaite a kuankhia uh hi; hih thupiakna kumpipa khua Susa pana kihawmkhia ahi hi. Kumpipa le Haman zu dawn dingin tukhawm uh a, ahi hangin Susa khua sung a buai mahmah hi.#Est 1:10; 8:15
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission