2 Kumpite 1
1
Ahaziah tungah TOPA Thukhenna
1Ahab a sih khit ciangin Moab in Israel a lehdo hi. 2 Tu-in Samaria a, a inndei tungnung a vathangheng panin Ahaziah kia-a a liam hi. Tua ciangin amaute kiangah kamtaite sawlin, "Pai unla hih ka liamna pan ka dam zo ding hiam, Ekron pasian Baal-Zebub va dotsak un," a ci hi.#2Sa 8:2; 2Ku 3:5; Mk 3:2
3 Ahi hangin TOPA vansawltak in Tishbi-te Elijah kiangah, "Pai to inla, Samaria kumpipa kamtaite tawh kimu in, ‘Ekron pasian Baal-Zebub thu dong dinga na pai Israel sungah Pasian a om lo man hiam? 4 Tua ahi ciangin TOPA gen hih ahi hi: ‘Tu-a na lupna na kan nawn kei ding hi. Na si taktak ding hi! ci in," a ci hi. Tua ciangin Elijah a pai hi.#Pc 16:7; 1Ku 17:1
5 Kumpipa kiangah kamtaite a kileh uh ciangin, "Bang hangin hong ciah kik na hi uh hiam?" ci-in amaute a dong hi.
6 Amaute in, "Ko tawh kimu dingin mi khat hong pai-a, ‘No hong sawl kumpipa kiangah ciah kik unla ama kiangah, ‘TOPA thugen hih ahi hi: Ekron pasian Baal-Zebub thu dong dingin mi na sawl sese Israel sungah Pasian om lo ahi hiam? Tua ahi ciangin tu-a na lupna na kan nawn kei ding hi. Na si taktak ding hi!" hong ci hi,’ ci un," a ci uh hi.
7 Kumpipa in, "No tawh kimu dinga hong pai-a hih thu hong gen mi a bangci khat ahi hiam?" ci-in amaute a dong hi.
8 Amaute in, "Amah in samul puan silh-a, a kawngah savun kawnggak a gak hi," a ci uh hi.
Kumpipa in, "Tishbi-te Elijah ahi hi," a ci hi.
9 Tua ciangin amah in galkap sawmnga a uk galkap bupa a mi teng tawh Elijah kiangah a sawl hi. Elijah kiangah bupa paito-a, amah mualdawn khatah a na tu hi. Amah in, "Pasian mipa aw, kumpipa in, ‘Hong paisuk hen!’ ci hi," a ci hi.#Pk 18:25; 2Ku 6:14
10 Elijah in, "Kei Pasian mipa ka hihleh van panin meikuang hong kiasuk henla nang le na mi sawmngate hong kangtum hen!" ci-in a ukpa a dawng hi. Tua ciangin van pan meikuang kiasuaka bupa le a miteng a kangtum hi.#1Ku 18:38; Lk 9:54
11 Tua khitteh kumpipa in Elijah kiangah mi sawmnga le bu dang khat a sawl hi. Bupa in amah kiangah, "Pasian mipa aw, kumpipa in, ‘Hong paisuk pah hen,’ ci hi," a ci hi.
12 Elijah in, "Kei Pasian mi khat ka hileh van panin meikuang hong kiasuk henla nang le na mi sawmngate hong kangtum hen’" ci-in a dawng hi. Tua ciangin van panin Pasian meikuang kia-a amah le a mi sawmngate a kangtum hi.
13 Tua ciangin kumpipa in a thumna bupa le a mi sawmnga a sawl hi. Hih a thumna bupa paito a, Elijah mai-ah a khukdin hi. Amah in, "Pasian mipa aw, na nasemte keima nuntakna le hih mi sawmngate nuntakna hong thusimsak in! 14 En in, van panin meikuang kia-a, a masa bu nih le amau mite khempeuh a kangtum uh hi. Ahi zongin tu-in ka nuntakna hong thusimsak in!" ci-in a ngen hi.#1Sa 26:21; Ph 72:14
15 TOPA vansawltak in Elijah kiangah, "Amah tawh tonsuk in; amah kihta kei in," a ci hi. Tua ciangin Elijah dinga amah tawh kumpipa kiangah a paikhawm uh hi.#Isa 51:12; Jer 1:17 Eze 2:6
16 Kumpipa kiangah, "TOPA gen hih ahi hi: Ekron pasian Baal-Zebub thu dongin kamtaite na sawl, Israel sungah Pasian om lo ahi hiam? Hici-a hih khin na hi manin tu-a na lupna na kan ngei nawn kei ding hi. Na si taktak ding hi," a ci hi. 17 Tua ciangin Elijah gensa TOPA thu tawh kizui-in amah a si hi.#2Ku 8:15; Jer 20:6; 28:17
Ahaziah in tapa nei lo ahi manin Judah kumpipa Jehoshaphat tapa Jehoram a kum nihna kumin Joram a#1.17 Hebrew ah Jehoram; Joram tawh kilamdang lo in luaha kumpi a suak hi. 18 Ahaziah in a uk sungin thupiang dangte khempeuh le ama sepsate Israel kumpite khangthu ciamtehna laibu sungah kigelh hi lo ahi hiam?#2Ku 3:1
Currently Selected:
2 Kumpite 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission