2 Khangthute 1
1
Solomon in Pilna Ngen
1David tapa Solomon in a kumpi-gam kiptakin a uk hi, ahang in, TOPA ama Pasian in amah ompiha, a liansak mahmah hi.#Pc 39:2; 1Ku 2:12,26; 1Kh 29:25
2 Tua ciangin Solomon in Israel khempeuh tung - a tulte a ukte tung le a zate a ukte tung, thukhente tung le Israel sunga makaite khempeuh, innkuan lutangte tungah thu gena - 3 tuateh Solomon le mipi buppi Gibeon a munsang ah a pai uh hi; ahang in, TOPA nasempa Moses in a lam Kikhopna Puanbuk Pasian aa tua lai-ah a om hi. 4 Tu-in David in Kiriath Jearim panin a om nadinga a bawlsa munah singkuangpi a puakto khin hi, bang hang hiam cih leh amah in Jerusalem ah tua koih nading puanbuk a zak khitsa ahi hi. 5 Ahi hangin Hur tapa, Uri tapa Bezalel in a bawlsa sumngo biakna-tau Gibeon-a TOPA biakbuk mai-ah om a; Solomon le amah tawh a kikhawm mipite in amah thu a va dong uh hi. 6 Kikhopna Puanbuk sung TOPA mai-a sumngo biakna-tau ah Solomon paito a, tua tungah meihal biakna tulkhatte a lui hi.#Pk 36:8; 38:2
7 Tua zanin Solomon tungah Pasian kilang a, "Nang kong piak ding na deih peuhpeuh hong ngen in," a ci hi.#2Kh 7:12
8 Solomon in Pasian kiangah, "Ka pa David tungah na migitna lianpi na lak khina, ama munah kei kumpi-in nong koih khin hi. 9 Tu-in TOPA Pasian aw, ka pa David tungah na khapsa kipsak in, ahang in, leivui zaha tam mipi tungah kei kumpi nong suaksak khin hi. 10 Hih mite ka makaih theih nadingin pilna le theihna hong pia in, ahang in, hihzah a tam na mite kua in uk thei ding ahi hiam?" ci-in a dawng hi.
11 Pasian in Solomon tungah, "Hih in nangma lungsim deihna ahi neih le lam, hauhna ahikeh pahtawina, na galte sih nadingte nong nget loh nungsang, khansauna zong hong ngen loin kumpi kong suahsakna ka mite uk nadingin pilna le theihna hong ngen na hi manin 12 tua pilna le theihna nang hong kipia ding hi. Tuateh nang ma le nang nunga kumpite in tua bang a neihloh, neih le lam, hauhna le pahtawina zong kong pia ding hi," a ci hi.#1Kh 29:25
13 Tua ciangin Gibeon a munsanga Kikhopna Puanbuk mai panin Jerusalem ah Solomon a pai hi. Tuaci-in Israel tungah a uk hi.
14 Solomon in sakolte le sakol-lengte zonbeh a; sakolleng tulkhat le zali le sakol a#1.14 Ahikeh Sakolleng hawlte tulsawm le tulnih nei a, tuate sakolleng khuapite le ama omna Jerusalem ah a koih hi. 15 Kumpipa in Jerusalem ah ngun le khamte suang zatin zanga tamtak singte mualbula theiba singte bangin a tamsak hi. 16 Solomon sakolte b#1.16 Ahikeh Muzur zong hi thei Cilicia kual khat; tg.17 ah zong Egypt pan le Kue c#1.16 Cilicia hi thei ding pana kila hi a - kumpi sumbawlte in tuate Kue pana a lei uh ahi hi. 17 Amaute in Egypt panin leng khat ngun shekel d#1.17 Tua in, pound 15 bang (kilogram 7 bang) zaguk in la uh a, sakol khat za le sawmnga-in e#1.17 Tua in, pound 3 ¾ bang (kilogram 1.7 bang) a la uh hi. Amaute in Hit-te le Aram-te kumpite khempeuh tungah zong tuate a puakkhia uh hi.
Currently Selected:
2 Khangthute 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission