ROM 12
12
A matahalai hudu hudugoro vovohoi nora tangaloi ram huri Kraes
1Siu ire tueku, ko ire haqeku, i God u haharagi na nona hahagavi lawe gide. Ineu nam navu siaga lawe gimiu ve nen siregi na mwasoamiu na voragi na rugurugu mwaso lawea. A nomiu hogohogo vin eno lawe God hogosie ko vin vei havuhevu ginie, ngehi a matahalai hudu-hudugoro lawe gimiu lo vui. 2Igimiu nein mese leahi gimiu ve nein mwere na sinobu ta lolo ure ngaha, nge nein siregi lawe God na leahi na matahalai nomiu ladolado. Siu igimiu nein domigi lei na gineu ngerehi i God mo taranire huri gimiu, igimiu nein ilo na gineu hi u garea ko mo vai havuhevu ginie ko u vovohoi
3A vevenagi i God u bete na nona matani hogohogo laweau. A gineu mo eno ve nain veve lawe gimiu doluegi. Nein mese lailei hagegi gimiu. Nen domigi gimiu ve neu mwerehilogo vin huri na nomiu ladohogo i God u bete lawe gimiu. 4Vatavataha gide a tarabeside gagatalegi a mahangagi u sao, ko a mahangagi ngerehi ram vai na gineu wagiwegineu. 5Lo matahalagi mwerehi teu, igide doluegi dam voragi na tarabesigi gatagale lui Kraes, gagatalegi gide a duvi tarabesigi hi. A duvi tarabesigi gagatalegi mo eno lawe na tarabesigi lavasigi. 6I God u bete na hogogi wagiwegineu lawe gide. A hogogi gagatagalegi hi rau vonai a vevenagi a nona dom tabetabe lawua. A tangaloi mo hakovi na hogogi huri leo ligoligogi vin vei na gineu ginie vin basa mena nona ladohogo. 7Ihine tea mo hakovi na hogogi ve vin tabana bului na tangaloi vin vei mwerehi. Ihine tea mo hakovi na hogogi huri vin bului na tangaloi vin buluie. Ihine tea mo hakovi na hogogi huri ve vin huhui, ingeie vin huhui. 8Ihine tea mo hakovi na hogogi huri ve vin vagamwamwavigi na domire tangaloi, ingeie vin vei mwerehi. Ihine tea mo hakovi na hogogi huri betebete gineu lawe na tangaloi wagiwegineu vin bete tabetabegi. Ihine tea mo hakovi na hogogi huri tomtomuegi vin labe siaga huri vin tomuegi. Ihine tea mo hakovi na hogogi huri mo hagavi na tangaloi wagiwegineu vin vei mwerehi gina havuhevu.
9Igimiu nein mese kaligoro lo nomiu tabetabe. Nein rahagi na gineu esi ko nein wirisiagagi na gineu garea. 10Igimiu nein vui tabetabe gimiu huri nem havahava lui Kraes, ko a domimiu vin mwamwavi huri ve nein vui lado mavagi gimiu. 11Igimiu nein mese huiwiri lo nomiu tabana, ko nein mese wiriwiri, nge nen tabanagi lawe na Huqe gina loloi taqangimiu doluegi. 12Igimiu nein havuhevu huri na tanoi nomiu ladotare mo eno. Igimiu nein rongoribi lune a gineu esi ram vanai, ko nein tataro vataha tarogi. 13Igimiu nein betegi na nomiu vivilakogi lawe na tangaloi noi God hi ram tarani buluiana, ko nen lai vurugegi na halavano ta lolo nomiu togagi venue.
Igimiu nein lolo garea gina nomiu tavului vuro
14Igimiu nein nevu dei God ve na vai gareagi nire hi ram vai esiesigi gimiu. Igimiu nein mese navu denie vena vaivoho ginire, nge nein navu denie ve na vaigarea ginire. 15Igimiu nen havuhevu meire hi ram havuhevu, ko nen hahagavi meire hi ram hahagavi. 16A tamwata na toga mei gimiu gagatagalegi. Nein mese sagesage gimiu, nge nen bulu garea meire tangaloi eno hivo vuine. Nein mese domigi sibomiu ve neu mataisao.
17Tare ihine tea mo vaiesiesi ginigo, goin mese soso taligu lawea gina gineu esi. Iniko gon vai leo ve gon vai na gineu ngehi a tangaloi doluegi ram lado ve u vovohoi. 18Iniko gon vaileo ve gon toga tamwata meire tangaloi doluegi. 19Retueku, nein mese vaileo ve nen veveginire tangaloi wagineu, lune ram vaiesiesigi gimiu, nge nen rarai huri God vin veveginire gina nona lologagasi. Mwere u uli lo Reve reve Gogona mo veve huri ve, “A Huqe mo veve vena, ineu nain vevegi nire hi rau galegaleasi, ineu nain soso lawera.” 20Nge igimiu nein vei mwere ngaha, “Tare a nomiu tavului vuro mo mwaruruhi, igimiu nein vanganie, tare mo madogu, nen bete wai lawea. Nein vei mwere ngaha vin mwerehi ve nem didihi na manonoi evi lo qatune. 21Igimiu nein mese vaie ve, a gineu esi na luluwegi gimiu, nge nen qoragi na gineu esi lo tabanagi garea.
Currently Selected:
ROM 12: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
ROM 12
12
A matahalai hudu hudugoro vovohoi nora tangaloi ram huri Kraes
1Siu ire tueku, ko ire haqeku, i God u haharagi na nona hahagavi lawe gide. Ineu nam navu siaga lawe gimiu ve nen siregi na mwasoamiu na voragi na rugurugu mwaso lawea. A nomiu hogohogo vin eno lawe God hogosie ko vin vei havuhevu ginie, ngehi a matahalai hudu-hudugoro lawe gimiu lo vui. 2Igimiu nein mese leahi gimiu ve nein mwere na sinobu ta lolo ure ngaha, nge nein siregi lawe God na leahi na matahalai nomiu ladolado. Siu igimiu nein domigi lei na gineu ngerehi i God mo taranire huri gimiu, igimiu nein ilo na gineu hi u garea ko mo vai havuhevu ginie ko u vovohoi
3A vevenagi i God u bete na nona matani hogohogo laweau. A gineu mo eno ve nain veve lawe gimiu doluegi. Nein mese lailei hagegi gimiu. Nen domigi gimiu ve neu mwerehilogo vin huri na nomiu ladohogo i God u bete lawe gimiu. 4Vatavataha gide a tarabeside gagatalegi a mahangagi u sao, ko a mahangagi ngerehi ram vai na gineu wagiwegineu. 5Lo matahalagi mwerehi teu, igide doluegi dam voragi na tarabesigi gatagale lui Kraes, gagatalegi gide a duvi tarabesigi hi. A duvi tarabesigi gagatalegi mo eno lawe na tarabesigi lavasigi. 6I God u bete na hogogi wagiwegineu lawe gide. A hogogi gagatagalegi hi rau vonai a vevenagi a nona dom tabetabe lawua. A tangaloi mo hakovi na hogogi huri leo ligoligogi vin vei na gineu ginie vin basa mena nona ladohogo. 7Ihine tea mo hakovi na hogogi ve vin tabana bului na tangaloi vin vei mwerehi. Ihine tea mo hakovi na hogogi huri vin bului na tangaloi vin buluie. Ihine tea mo hakovi na hogogi huri ve vin huhui, ingeie vin huhui. 8Ihine tea mo hakovi na hogogi huri ve vin vagamwamwavigi na domire tangaloi, ingeie vin vei mwerehi. Ihine tea mo hakovi na hogogi huri betebete gineu lawe na tangaloi wagiwegineu vin bete tabetabegi. Ihine tea mo hakovi na hogogi huri tomtomuegi vin labe siaga huri vin tomuegi. Ihine tea mo hakovi na hogogi huri mo hagavi na tangaloi wagiwegineu vin vei mwerehi gina havuhevu.
9Igimiu nein mese kaligoro lo nomiu tabetabe. Nein rahagi na gineu esi ko nein wirisiagagi na gineu garea. 10Igimiu nein vui tabetabe gimiu huri nem havahava lui Kraes, ko a domimiu vin mwamwavi huri ve nein vui lado mavagi gimiu. 11Igimiu nein mese huiwiri lo nomiu tabana, ko nein mese wiriwiri, nge nen tabanagi lawe na Huqe gina loloi taqangimiu doluegi. 12Igimiu nein havuhevu huri na tanoi nomiu ladotare mo eno. Igimiu nein rongoribi lune a gineu esi ram vanai, ko nein tataro vataha tarogi. 13Igimiu nein betegi na nomiu vivilakogi lawe na tangaloi noi God hi ram tarani buluiana, ko nen lai vurugegi na halavano ta lolo nomiu togagi venue.
Igimiu nein lolo garea gina nomiu tavului vuro
14Igimiu nein nevu dei God ve na vai gareagi nire hi ram vai esiesigi gimiu. Igimiu nein mese navu denie vena vaivoho ginire, nge nein navu denie ve na vaigarea ginire. 15Igimiu nen havuhevu meire hi ram havuhevu, ko nen hahagavi meire hi ram hahagavi. 16A tamwata na toga mei gimiu gagatagalegi. Nein mese sagesage gimiu, nge nen bulu garea meire tangaloi eno hivo vuine. Nein mese domigi sibomiu ve neu mataisao.
17Tare ihine tea mo vaiesiesi ginigo, goin mese soso taligu lawea gina gineu esi. Iniko gon vai leo ve gon vai na gineu ngehi a tangaloi doluegi ram lado ve u vovohoi. 18Iniko gon vaileo ve gon toga tamwata meire tangaloi doluegi. 19Retueku, nein mese vaileo ve nen veveginire tangaloi wagineu, lune ram vaiesiesigi gimiu, nge nen rarai huri God vin veveginire gina nona lologagasi. Mwere u uli lo Reve reve Gogona mo veve huri ve, “A Huqe mo veve vena, ineu nain vevegi nire hi rau galegaleasi, ineu nain soso lawera.” 20Nge igimiu nein vei mwere ngaha, “Tare a nomiu tavului vuro mo mwaruruhi, igimiu nein vanganie, tare mo madogu, nen bete wai lawea. Nein vei mwere ngaha vin mwerehi ve nem didihi na manonoi evi lo qatune. 21Igimiu nein mese vaie ve, a gineu esi na luluwegi gimiu, nge nen qoragi na gineu esi lo tabanagi garea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013