ROM 10
10
1Retueku ko ire haqeku, a gineu nam tarani garagaraginie huri ve a duvi Israel doluegi rain mwaso. Ineu nam tataro lawe God ve vin vei mwerehi. 2Ineu nain veve lai mwere ngaha hurire. Ingere ram vaileo hogo ve ran huri God, nge rahe ilo na turegi vovohoi tea. 3A vevenagi ingere rahe ilo na turegi ngehi i God mo vai na tangaloi ram vovohoi lo nagona. Ingere ram vaileo ve rain vovohoi lo nora matahala sibora. Siu ingere rahe lai vurugegi na matahala noi God tea ngehi mo vai na sinobu ram vovohoi. 4I Kraes u vonai mo vai vohogi na Leohora huri ve ihine tea mo ladohogo ginie ingeie vin vovohoi lo nagoi God.
I God u vagamwasoi na duvi Israel, ko ingere hi hate duvi Israel vage
5I Mosis u uli huri na tangaloi mo vovohoi lo nagoi God lune hi mo ronghuri na Leohora, “Ihine tea mo ronghuri na leo hi a Leohora mo veve, ingeie vin mwaso. 6Nge huri a Reve reve Gogona mo veve vena, igide dam vovohoi lo nagoi God lo noda ladohogo,” Iniko goin mese veve lawe go sibomu vena, “Ihine vin hage lo eulu? (Ngehi a iloilogi huri ve, ihine vin hage eulu ve nai lai Kraes ta himei lo ure?)” 7Ko goin mese veve vena, “?Ihine vin hivo lo vavai tano?” A iloilogi huri ve, (Ihine vin hivo vena ragasi Kraes dena mateana?) 8A Reve reve Gogona mo veve vena, “A leo mo eno kakarani lobemiu, mo eno lolo wuwamiu ko lolo lolomiu.” Ngehi a leohuhui talo ladohogo ngehi igamai gam toretore hurie. 9Tare igimiu nem veve gina singomiu vena, “I Jisas Kraes ingeie Huqe,” ko tare ve igimiu nem ladohogo gina lolo lolomiu huri ve i God u ragasi Jisas dena mateana, igimiu nein mwaso. 10Igide dam ladohogo gina lolo loloda doluegi ko giniehi igide dam vovohoi lo nagoi God. Ko igide dam veve lue gina singoda huri ve dam ladohogo, ko igide dam lai na mwasoana. 11Mwere a Reve reve Gogona mo veve vena, “Ihine tea mo lado talune vin he maemae lai tea.” 12A Reve reve Gogona mo veve vena, “Ihine tea,” a vevenagi hatie gineu ve u wagineu ve mo eno lo livugara hi a duvi Israel ko i ngerehi hatie duvi Israel. A Huqe ingeie tau hi mo huqegi gorora doluegi, ko mo bete na vaigarea u sao lawera hi ram lado ta lune. 13Mwerehi a Reve reve Gogona mo veve vena, “Ihine tea mo wareware lo henai Huqe vin mwaso.”
14Nge tomue siu a sinobu rain hui lai buluiana dena Huqe, ingere rain ladohogo ginie, tomue siu rain ladohogo ginie, ingere rain rongo na roro hurie. Tare ingere rain rongo na roro hurie a tangaloi vin vevea lawera. 15Ko tomue siu a tangaloi mo bei vano mo vevea, lawera a tangaloi hi i God vin horae. Mwerehi u uli lo Reve reve Gogona vena, “A hava na tangaloi garea hi mo vonai ve na veve sere na Roro Garea.” 16Nge hate ve ingere a duvi Israel doluegi rau lei vurugegi na Roro Garea. I Aesaea u veve vena, “?Huqe irahine hi rau ladohogo gina leo hi gau vevera?” 17Siu a ladohogo mo vonai dena Roro Garea hi a tangaloi mo rorongtaginie, ko a sinobu ram rongo na Roro Garea lune a tangaloi mo veve serea lawera huri Kraes.
18Nge ineu nam hui vena, ?Wa sinobu rahe rongo na roro tea, sige rau rongoe? Io ingere rau rongo. Mwerehi a Reve reve Gogona mo veve vena,
“A dilora mo vano vataha na ureure doluegi,
a nora leo u dadari lo goloi ure.”
19Siu ineu nam hui taligu vena, ?Wa a sinobu hi a duvi Israel rahe ilo vurugegi tea, sige rau iloe? Io ingere rau iloe. I Mosis, ingeie a muei tangaloi u bete na gai duvi leo hi. Mo veve sere huri ve i God u veve vena,
“Ineu nain veie ve vin garasi gimiu
gina vanue hi he roroa tea.
Ineu nain vei gimiu nein lologagasi
gina vanue hi mo toga haroharo.” 20I Aesaea u veve u mala tutu vano vena,
Ingere hi rahe hikesieu tea vohogi, rau haqeau beno.
Ingere hi rahe huieu tea vohogi vena,
?I God hi ingeie logo?
Nge ineu nau sereluau beno lawera hi ram hikesieu.
21Nge i God mo veve hurire duvi Israel vena, vataha bongi ineu nam rarai huri ve nain lei vurugegi na sinobu ngerehi ram kalokalo lo leo ko a qature u siaga.
Currently Selected:
ROM 10: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
ROM 10
10
1Retueku ko ire haqeku, a gineu nam tarani garagaraginie huri ve a duvi Israel doluegi rain mwaso. Ineu nam tataro lawe God ve vin vei mwerehi. 2Ineu nain veve lai mwere ngaha hurire. Ingere ram vaileo hogo ve ran huri God, nge rahe ilo na turegi vovohoi tea. 3A vevenagi ingere rahe ilo na turegi ngehi i God mo vai na tangaloi ram vovohoi lo nagona. Ingere ram vaileo ve rain vovohoi lo nora matahala sibora. Siu ingere rahe lai vurugegi na matahala noi God tea ngehi mo vai na sinobu ram vovohoi. 4I Kraes u vonai mo vai vohogi na Leohora huri ve ihine tea mo ladohogo ginie ingeie vin vovohoi lo nagoi God.
I God u vagamwasoi na duvi Israel, ko ingere hi hate duvi Israel vage
5I Mosis u uli huri na tangaloi mo vovohoi lo nagoi God lune hi mo ronghuri na Leohora, “Ihine tea mo ronghuri na leo hi a Leohora mo veve, ingeie vin mwaso. 6Nge huri a Reve reve Gogona mo veve vena, igide dam vovohoi lo nagoi God lo noda ladohogo,” Iniko goin mese veve lawe go sibomu vena, “Ihine vin hage lo eulu? (Ngehi a iloilogi huri ve, ihine vin hage eulu ve nai lai Kraes ta himei lo ure?)” 7Ko goin mese veve vena, “?Ihine vin hivo lo vavai tano?” A iloilogi huri ve, (Ihine vin hivo vena ragasi Kraes dena mateana?) 8A Reve reve Gogona mo veve vena, “A leo mo eno kakarani lobemiu, mo eno lolo wuwamiu ko lolo lolomiu.” Ngehi a leohuhui talo ladohogo ngehi igamai gam toretore hurie. 9Tare igimiu nem veve gina singomiu vena, “I Jisas Kraes ingeie Huqe,” ko tare ve igimiu nem ladohogo gina lolo lolomiu huri ve i God u ragasi Jisas dena mateana, igimiu nein mwaso. 10Igide dam ladohogo gina lolo loloda doluegi ko giniehi igide dam vovohoi lo nagoi God. Ko igide dam veve lue gina singoda huri ve dam ladohogo, ko igide dam lai na mwasoana. 11Mwere a Reve reve Gogona mo veve vena, “Ihine tea mo lado talune vin he maemae lai tea.” 12A Reve reve Gogona mo veve vena, “Ihine tea,” a vevenagi hatie gineu ve u wagineu ve mo eno lo livugara hi a duvi Israel ko i ngerehi hatie duvi Israel. A Huqe ingeie tau hi mo huqegi gorora doluegi, ko mo bete na vaigarea u sao lawera hi ram lado ta lune. 13Mwerehi a Reve reve Gogona mo veve vena, “Ihine tea mo wareware lo henai Huqe vin mwaso.”
14Nge tomue siu a sinobu rain hui lai buluiana dena Huqe, ingere rain ladohogo ginie, tomue siu rain ladohogo ginie, ingere rain rongo na roro hurie. Tare ingere rain rongo na roro hurie a tangaloi vin vevea lawera. 15Ko tomue siu a tangaloi mo bei vano mo vevea, lawera a tangaloi hi i God vin horae. Mwerehi u uli lo Reve reve Gogona vena, “A hava na tangaloi garea hi mo vonai ve na veve sere na Roro Garea.” 16Nge hate ve ingere a duvi Israel doluegi rau lei vurugegi na Roro Garea. I Aesaea u veve vena, “?Huqe irahine hi rau ladohogo gina leo hi gau vevera?” 17Siu a ladohogo mo vonai dena Roro Garea hi a tangaloi mo rorongtaginie, ko a sinobu ram rongo na Roro Garea lune a tangaloi mo veve serea lawera huri Kraes.
18Nge ineu nam hui vena, ?Wa sinobu rahe rongo na roro tea, sige rau rongoe? Io ingere rau rongo. Mwerehi a Reve reve Gogona mo veve vena,
“A dilora mo vano vataha na ureure doluegi,
a nora leo u dadari lo goloi ure.”
19Siu ineu nam hui taligu vena, ?Wa a sinobu hi a duvi Israel rahe ilo vurugegi tea, sige rau iloe? Io ingere rau iloe. I Mosis, ingeie a muei tangaloi u bete na gai duvi leo hi. Mo veve sere huri ve i God u veve vena,
“Ineu nain veie ve vin garasi gimiu
gina vanue hi he roroa tea.
Ineu nain vei gimiu nein lologagasi
gina vanue hi mo toga haroharo.” 20I Aesaea u veve u mala tutu vano vena,
Ingere hi rahe hikesieu tea vohogi, rau haqeau beno.
Ingere hi rahe huieu tea vohogi vena,
?I God hi ingeie logo?
Nge ineu nau sereluau beno lawera hi ram hikesieu.
21Nge i God mo veve hurire duvi Israel vena, vataha bongi ineu nam rarai huri ve nain lei vurugegi na sinobu ngerehi ram kalokalo lo leo ko a qature u siaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013