LALAKOGI 23
23
1I Bol mo leo loloi nagora burigi talo Kansel ko mo veve lawera vena, “Retueku. U teuvuigi tuei mo dadari gaqarigi, lo mwasoaku ineu nahe rongo haqea tea ve nau vei na gineu esi lo nagoi God.” 2Siu i Ananias a muei rugurugu mo rongoe, mo veve lawera tangaloi hi rau labe kakarani lobei Bol, ve ran raba goro wuwana. 3I Bol mo veve lawe na muei rugurugu hi vena, “!I God vin rabago vage! !Iniko gu mwere na qetuqetu hi rau besie gina qie lase! Gum toga ta hi gom vevegieu, mo huri na Leo hora noi Mosis. Nge gom hora ve ran rabau, ngehi gu vei utu na Leo hora beno.” 4A tangaloi hi ram labe kakarani lobei Bol, ram huie vena, “?Wa gom ilo ve gom veve asiesigi na muei rugurugu noi God?”
5I Bol mo duvi vena, “!A! Nahe ilo tea ve ingeie a muei rugurugu. A Reve reve Gogona u suri gide mo veve vena, ‘Gom mese veve asiesigi na nomiu tomtomuegi.’ ”
6I Bol mo leo ve a burigi hi talo Kansel lavasigi a Sadusi ko lavasigi ingere a Varise, mo waregi siaga vena, “Retueku, ineu a Varise i tamaku a Varise. Nge ingere hi ram tarani ve ran vai lehieu bagataha, a vevenagi nam ladohogo ve ira hine rau mate beno rain maraga taligu sulo mwaso.”
7Lune i Bol mo veve mwere hi, ira Varise ko ira Sadusi ram vuigarogi, a burigi talo Kansel hi ram tauvuigi ram vilewahe. 8Ira Sadusi rahe ladohogo tea gina engsel sige a vui ko sige ira hine hi rau mate beno ve rain maraga taligu sulo mwaso, nge ira Varise rau ladohogo gina gineu ingere hi doluegi ve a hogo. 9Giniehi, a roroana mo lawua mo vagevage. Siu a huhui lavasigi talo leohora noi Mosis, ingere a Varise, ram maraga, ram waregi siaga, vena, “Gahe haqe na asiana te lo tangaloi ngaha. Bataha a vui sige a engsel u laqa meie.”
10A garoana hi mo lawua mo vagevage ko a muei tangaloi vuro hi mo matagu, vate vaiteu ram lai Bol ram reve suasuae, siu mo veve lawera nona tangaloi vuro ve ran soro lolo buri tangaloi ingere hi ran lai Bol, ran vano meie taligu sulolo valera. 11Siu lolo bongi hi teu a noda Huqe mo labe lobei Bol, mo veve lawea vena, “Goin mese matagu, gu laqagi lawe na tangaloi lavasigi hurieu beno a Jerusalem, siu ngaha goin laqagi hurieu vage lo vanue Rom.”
A burigi lavasigi den duvi Israel ram vai rarai ve rain wehi Bol
12-13Maraga robongigi a burigi gatagale a duvi Israel ingere ngavulu gaivesi mo domwa ram sone bubugi, ram tau na nora waratau siaga ve rain he gani te hinaga ko rain he inu na wai tea vin dadari lune rain wehi Bol. 14Siu lavasigi denire ram vano lobera rugurugu lalawua ko ira tamaragai a duvi Israel ko ram veve vena, “Gamai gau waratau lawe God ve gain he gagani tea vin dadari gain wehi Bol. 15Siu igimiu ko ingere hi doluegi talo Kansel nein vano lobena muei tangaloi vuro nora ta Rom ko nein kelie ve nem tarani ve nen ilo vurugegi na gineu ingere hi i Bol mo veire, siu igimiu nem tarani ve nen huie huri. Nein nevuhie ve vin leie vanai lo nagomiu. Siu huri igamai gain rarai huri gain wehe lo duvi turegi.”
16Lune i aloai Bol mo rongo huri na nora tau leo hi, mo vano lo valera tangaloi vuro ko mo veve serea lawe Bol. 17Siu i Bol mo veve lawe na leogoroi tangaloi vuro gatagale hi vena, “Lai na mwalakelo ngaha vano lawe na muei tangaloi vuro. Mo tarani ve na veve sere na gineu lawea.” 18A leogoroi tangaloi vuro hi mo lai na mwalakelo hi vano lawe na nora muei tangaloi vuro ko mo veve vena, “A tangaloi vauveu hi a henana i Bol mo veve laweau ve nan lai na mwalakelo ngaha vanai lawego, huri ingeie mo tarani ve na veve na gineu lawego.”
19A muei tangaloi vuro hi mo duleie na mwalakelo hi rom vano gahera ko mo huie vena, “Gom tarani ve gon veve na havagineu laweau?”
20A mwalakelo hi mo duvi vena, “A tangaloi lalawua den duvi Israel ram tau na nora leo ve rain nevu denigo ve goin lei Bol vin hivo lo nagoi nora Kansel mavugo. Ram tarani ve rain keligo ve iniko goin lado ve ingere rain huie gina huihui tea. 21Nge nam navu siaga denigo ve goin mese vaie mwere hi ram tarani. A tangaloi u liu dena ngavulu gaivesi ram rarai, ram hili lo turegi huri ve rain wehi Bol. A tangaloi ingere hi rau vei na waratau siaga beno, huri ve ingere rain he gagani tea ko rain he inu tea gineu vin dadari ingere rain ue vagamate Bol. Siu ingere ram rarai ve rain rongo ve iniko goin veve te mwere hi logo.”
22A muei tangaloi vuro hi mo suri na mwalakelo hi ve, “Goin mese veve lawe hine tea wagineu huri na havagineu hi gu veve laweau.” Siu mo horae mo vano.
A muei tangaloi vuro hi mo horagi Bol mo vano lawe Vilikis a muei Kavman lo vanue Sisaria
23A muei tangaloi vuro hi mo ware na nona leogoroi tangaloi vuro gairue vanai lobena ko mo veve lawera vena, “Igimiru nero vano nero vagararai na tangaloi vuro vudolue vagavesi avigi ngavulu gaibitu huri ve ran rarai huri ve rain vano lo vanue Sisaria. Neri vagatai na tangaloi vuro vudolue vagarue hi rain dige lo tano, ngavulu gaibitu rain toa lo hos, siu vudolue vagarue ingere hi ram wali sari. Ingere rain rarai huri rain dige lo aho gaisiwo lolo bongi. 24Neri bete te hos vin sao huri Bol vin toa lure, siu neri leo huri garagaraginie vin dadari lobei Vilikis, a muei Kavman lo vavai ratahigi ta Rom.” 25A muei tangaloi vuro hi mo revei na leta mo veve vena, 26“Ineu Klodias Lisias, nam uli na leta ngaha mo vanatu lawego, Vilikis. Iniko a tangaloi lawua hogo. Ineu nam veve noku rani garea lawego. 27A tangaloi ngaha, a sinobu lavasigi den duvi Israel rau wiribibie u kakarani ve rain ue vagamatea, nge nam haqea ve ingeie a nati Rom, nam lai na noku tangaloi vuro gam vano, gam reve vohoginie denire. 28Nam tarani ve na haqe na havagineu hi ram qalo meie huri, siu nam laie mo vano lo nora Kansel. 29Nge nam haqea ve he vai na gineu esi tea huri ve vin mate, sige rain teue lolo valei veuveu huri. Nge nam haqea ve ram veve ginie mo huri na nora tamwata sibora. 30A tangaloi gatagale mo veve laweau ve ira duvi Israel lavasigi ram vai rarai ve rain wehi Bol, giniehi nam hora siseriginie vanatu lawego. Nam veve lawe na tangaloi ingere hi rau veve na leo huire vovohoie ve rain vanai rain veve serera lo nagomu. A noku leo mo rovo tangaha.”
31A tangaloi vuro ingere hi ram huri na leo noi nora muei tangaloi vuro, ko lolo bongi hi ram lai Bol mo vano lo qatui venue Antibatris. 32Lo rani tuegi ira tangaloi vuro hi ram toa lo hos ram vano tuturedu meie, nge ingere lavasigi ram mule taligu sulo nora togagi venue. 33Lune ram dadari Sisaria, ram bete na leta hi lawe na muei Kavman hi i Vilikis, ko ram tau Bol lo limana. 34I muei kavman hi mo valu na leta hi, siu mo hui Bol vena, “?Iniko a nati logo?” Lune mo rongoe ve mo vanai dena vanue Silisia, 35siu a muei kavman hi mo veve vena, “Ineu nain rorongtagi na nom leo lune a sinobu ingere hi rain vanai rain veve na nora leo asi ingere hi vovohigo.” Siu mo veve lawera nona tangaloi vuro ve ran wiribibi Bol vena toga vau lolo nona muei vale lawua hi, nge hi a ratahigi hi i Herod u vutue tuei.
Currently Selected:
LALAKOGI 23: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
LALAKOGI 23
23
1I Bol mo leo loloi nagora burigi talo Kansel ko mo veve lawera vena, “Retueku. U teuvuigi tuei mo dadari gaqarigi, lo mwasoaku ineu nahe rongo haqea tea ve nau vei na gineu esi lo nagoi God.” 2Siu i Ananias a muei rugurugu mo rongoe, mo veve lawera tangaloi hi rau labe kakarani lobei Bol, ve ran raba goro wuwana. 3I Bol mo veve lawe na muei rugurugu hi vena, “!I God vin rabago vage! !Iniko gu mwere na qetuqetu hi rau besie gina qie lase! Gum toga ta hi gom vevegieu, mo huri na Leo hora noi Mosis. Nge gom hora ve ran rabau, ngehi gu vei utu na Leo hora beno.” 4A tangaloi hi ram labe kakarani lobei Bol, ram huie vena, “?Wa gom ilo ve gom veve asiesigi na muei rugurugu noi God?”
5I Bol mo duvi vena, “!A! Nahe ilo tea ve ingeie a muei rugurugu. A Reve reve Gogona u suri gide mo veve vena, ‘Gom mese veve asiesigi na nomiu tomtomuegi.’ ”
6I Bol mo leo ve a burigi hi talo Kansel lavasigi a Sadusi ko lavasigi ingere a Varise, mo waregi siaga vena, “Retueku, ineu a Varise i tamaku a Varise. Nge ingere hi ram tarani ve ran vai lehieu bagataha, a vevenagi nam ladohogo ve ira hine rau mate beno rain maraga taligu sulo mwaso.”
7Lune i Bol mo veve mwere hi, ira Varise ko ira Sadusi ram vuigarogi, a burigi talo Kansel hi ram tauvuigi ram vilewahe. 8Ira Sadusi rahe ladohogo tea gina engsel sige a vui ko sige ira hine hi rau mate beno ve rain maraga taligu sulo mwaso, nge ira Varise rau ladohogo gina gineu ingere hi doluegi ve a hogo. 9Giniehi, a roroana mo lawua mo vagevage. Siu a huhui lavasigi talo leohora noi Mosis, ingere a Varise, ram maraga, ram waregi siaga, vena, “Gahe haqe na asiana te lo tangaloi ngaha. Bataha a vui sige a engsel u laqa meie.”
10A garoana hi mo lawua mo vagevage ko a muei tangaloi vuro hi mo matagu, vate vaiteu ram lai Bol ram reve suasuae, siu mo veve lawera nona tangaloi vuro ve ran soro lolo buri tangaloi ingere hi ran lai Bol, ran vano meie taligu sulolo valera. 11Siu lolo bongi hi teu a noda Huqe mo labe lobei Bol, mo veve lawea vena, “Goin mese matagu, gu laqagi lawe na tangaloi lavasigi hurieu beno a Jerusalem, siu ngaha goin laqagi hurieu vage lo vanue Rom.”
A burigi lavasigi den duvi Israel ram vai rarai ve rain wehi Bol
12-13Maraga robongigi a burigi gatagale a duvi Israel ingere ngavulu gaivesi mo domwa ram sone bubugi, ram tau na nora waratau siaga ve rain he gani te hinaga ko rain he inu na wai tea vin dadari lune rain wehi Bol. 14Siu lavasigi denire ram vano lobera rugurugu lalawua ko ira tamaragai a duvi Israel ko ram veve vena, “Gamai gau waratau lawe God ve gain he gagani tea vin dadari gain wehi Bol. 15Siu igimiu ko ingere hi doluegi talo Kansel nein vano lobena muei tangaloi vuro nora ta Rom ko nein kelie ve nem tarani ve nen ilo vurugegi na gineu ingere hi i Bol mo veire, siu igimiu nem tarani ve nen huie huri. Nein nevuhie ve vin leie vanai lo nagomiu. Siu huri igamai gain rarai huri gain wehe lo duvi turegi.”
16Lune i aloai Bol mo rongo huri na nora tau leo hi, mo vano lo valera tangaloi vuro ko mo veve serea lawe Bol. 17Siu i Bol mo veve lawe na leogoroi tangaloi vuro gatagale hi vena, “Lai na mwalakelo ngaha vano lawe na muei tangaloi vuro. Mo tarani ve na veve sere na gineu lawea.” 18A leogoroi tangaloi vuro hi mo lai na mwalakelo hi vano lawe na nora muei tangaloi vuro ko mo veve vena, “A tangaloi vauveu hi a henana i Bol mo veve laweau ve nan lai na mwalakelo ngaha vanai lawego, huri ingeie mo tarani ve na veve na gineu lawego.”
19A muei tangaloi vuro hi mo duleie na mwalakelo hi rom vano gahera ko mo huie vena, “Gom tarani ve gon veve na havagineu laweau?”
20A mwalakelo hi mo duvi vena, “A tangaloi lalawua den duvi Israel ram tau na nora leo ve rain nevu denigo ve goin lei Bol vin hivo lo nagoi nora Kansel mavugo. Ram tarani ve rain keligo ve iniko goin lado ve ingere rain huie gina huihui tea. 21Nge nam navu siaga denigo ve goin mese vaie mwere hi ram tarani. A tangaloi u liu dena ngavulu gaivesi ram rarai, ram hili lo turegi huri ve rain wehi Bol. A tangaloi ingere hi rau vei na waratau siaga beno, huri ve ingere rain he gagani tea ko rain he inu tea gineu vin dadari ingere rain ue vagamate Bol. Siu ingere ram rarai ve rain rongo ve iniko goin veve te mwere hi logo.”
22A muei tangaloi vuro hi mo suri na mwalakelo hi ve, “Goin mese veve lawe hine tea wagineu huri na havagineu hi gu veve laweau.” Siu mo horae mo vano.
A muei tangaloi vuro hi mo horagi Bol mo vano lawe Vilikis a muei Kavman lo vanue Sisaria
23A muei tangaloi vuro hi mo ware na nona leogoroi tangaloi vuro gairue vanai lobena ko mo veve lawera vena, “Igimiru nero vano nero vagararai na tangaloi vuro vudolue vagavesi avigi ngavulu gaibitu huri ve ran rarai huri ve rain vano lo vanue Sisaria. Neri vagatai na tangaloi vuro vudolue vagarue hi rain dige lo tano, ngavulu gaibitu rain toa lo hos, siu vudolue vagarue ingere hi ram wali sari. Ingere rain rarai huri rain dige lo aho gaisiwo lolo bongi. 24Neri bete te hos vin sao huri Bol vin toa lure, siu neri leo huri garagaraginie vin dadari lobei Vilikis, a muei Kavman lo vavai ratahigi ta Rom.” 25A muei tangaloi vuro hi mo revei na leta mo veve vena, 26“Ineu Klodias Lisias, nam uli na leta ngaha mo vanatu lawego, Vilikis. Iniko a tangaloi lawua hogo. Ineu nam veve noku rani garea lawego. 27A tangaloi ngaha, a sinobu lavasigi den duvi Israel rau wiribibie u kakarani ve rain ue vagamatea, nge nam haqea ve ingeie a nati Rom, nam lai na noku tangaloi vuro gam vano, gam reve vohoginie denire. 28Nam tarani ve na haqe na havagineu hi ram qalo meie huri, siu nam laie mo vano lo nora Kansel. 29Nge nam haqea ve he vai na gineu esi tea huri ve vin mate, sige rain teue lolo valei veuveu huri. Nge nam haqea ve ram veve ginie mo huri na nora tamwata sibora. 30A tangaloi gatagale mo veve laweau ve ira duvi Israel lavasigi ram vai rarai ve rain wehi Bol, giniehi nam hora siseriginie vanatu lawego. Nam veve lawe na tangaloi ingere hi rau veve na leo huire vovohoie ve rain vanai rain veve serera lo nagomu. A noku leo mo rovo tangaha.”
31A tangaloi vuro ingere hi ram huri na leo noi nora muei tangaloi vuro, ko lolo bongi hi ram lai Bol mo vano lo qatui venue Antibatris. 32Lo rani tuegi ira tangaloi vuro hi ram toa lo hos ram vano tuturedu meie, nge ingere lavasigi ram mule taligu sulo nora togagi venue. 33Lune ram dadari Sisaria, ram bete na leta hi lawe na muei Kavman hi i Vilikis, ko ram tau Bol lo limana. 34I muei kavman hi mo valu na leta hi, siu mo hui Bol vena, “?Iniko a nati logo?” Lune mo rongoe ve mo vanai dena vanue Silisia, 35siu a muei kavman hi mo veve vena, “Ineu nain rorongtagi na nom leo lune a sinobu ingere hi rain vanai rain veve na nora leo asi ingere hi vovohigo.” Siu mo veve lawera nona tangaloi vuro ve ran wiribibi Bol vena toga vau lolo nona muei vale lawua hi, nge hi a ratahigi hi i Herod u vutue tuei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013