1 KOREN 1
1
1Ineu Bol, i God u wareau mo huri na nona tarani ve nain voragi gaihora noi Jisas Kraes, a vevenagi ngehi a gineu i God mo tarani. Vage dein Sostinis i tuada lui Kraes, 2Igamaru gorom hora nomaru veve garea lawe na warelue noi God lolo togagi venue lawua Koren, ko lawe gimiu doluegi hi i God u vaga gogonagi gimiu lui Jisas Kraes, i God u ware gimiu ve nein voragi nona sinobu gogona meire sinobu doluegi vataha ute hi ram tataro lo henai noda Huqe Jisas Kraes, a nora Huqe ko a noda vage.
3A hogogi ko a tamwata na toga lobemiu ve i God i tamada ko a Huqe Jisas Kraes ron bete na hogogi ko a tamwata lawe gimiu.
I Bol mo veve gareagi God
4Ineu nam veve garea gesegi lawe na noku God huri gimiu, a vevenagi huri na hogogi hi i God u bete lawe gimiu lui Jisas Kraes. 5Ineu nam veve gareagi God, huri lui Jisas Kraes, i God u vaga horongi gimiu gina gineu gagarea u sao. Lo nomiu laqaana doluegi ko a nomiu lolorani doluegi ko a mataisao. 6Ngehi mo haharagi huri ve a hava gineu hi nau veve lawe gimiu huri Kraes a hogo, ngaha mo haharaginie lo mwasoamiu. 7Siu igimiu neu lei doluegi na hogogi dein God beno lune igimiu nem rarai na Huqe i Jisas Kraes ve vin vanai taligu. 8I Jisas vin vai siagagi gimiu vin dadari lo rovonai bongi, siu huri gimiu nein mwasara dena gineu rau esi lo rani hi a noda Huqe i Jisas Kraes vin vonai taligu. 9I God hi mo labe siaga lo nona waratau ko ingeie u ware gimiu sulo nona bulu gatagale mei netune, i Jisas Kraes a noda Huqe.
A vile wahe lolo Warelue
10Retueku ko irehaqeku, ineu nam navu siaga dein gimiu, lo henai noda Huqe i Jisas Kraes huri ve igimiu doluegi nein mesinge mei gimiu gagatalegi ko nein mese vile wahe lo burigi u saosao. Nam navu huri ve igimiu nein bulu bubugi vin siaga huri ve a domimiu vin gatagale ko huri na gineu hala gatagale. 11Retueku ko irehaqeku, a sinobu lavasigi dein ra renetui Kloe rau veve laweau huri ve a vui garogi mo eno mei gimiu. 12A iloiloi noku leo nge ngaha. Gatagale dein gimiu mo veve ve, “Ineu nam huri Baul,” tuegi mo veve ve, “Ineu nam huri Abolo,” gatagale mo veve ve, “Ineu nam huri Bita,” gatagale mo veve ve, “Ineu nam huri Kraes.” 13Mo mwerehi ve i Kraes u mawahe lo burigi u sao! ?Wa i Bol u mate huri gimiu lo gai saroutu? Hatie! ?Wa igimiu neu lei na garuhi gogona lo henai Bol? Hatie!
14Ineu nam veve gareagi God huri nahe garuhi gogonagi gimiu tea gatagale, nge nau geruhi gogonagi Krisba tona Kaias hogosie. 15Siserigi ngaha ihine tea vin he veve lai tea huri ve ingere rau geruhi gogona lo henaku. 16A hogo, ineu nau geruhi gogonagi Stevanas mei renetune doluegi. Ineu nahe lado haqe tea ve nau geruhi gogonagi hine tea. 17Huri i Kraes he horau tea ve nain vei na garuhi gogona, nge ve nain waregi sere na Roro Garea, vage ingeie he horau tea ve nain waregi sere na Roro Garea hi gina mataisao nona tangaloi. Tare ineu nain laqa lo mataisao hi, a leo hi vin ue hivogi na iloiloi mateana noi Kraes lo gai saroutu.
I Kraes a huireana ko a mataisao noi God
18A sinobu hi rau sala ingere ram veve vea roro huri na gai saroutu noi Kraes hatie ve a iloilogi lune. Nge igide hi dam mwaso dam leo hogosi na roro hi ve a managi noi God. 19Mwerehi a Reve reve Gogona mo veve vena, “Ineu nain ue vohogi na mataisao noi rahine doluegi hi ram veve lolo taqangire ve rau mataisao, ineu nain rogegi na domire hi ram lado ve ingere rau ilo na gineu garagara.” 20?A hava gineu u vei lawe na sinobu mataisao ngerehi? ?A hava gineu u vei lawera hi a iloilora u lawua? ?A hava gineu u vei lawera hi ram lado ve a gineu ingere ngaha ingere rau ilo na gai duvigi doluegi? ?Wa igimiu nehe ilo tea ve i God u vei na mataisao talo ure ngaha ve hatie iloilogi lune? 21I God lo nona mataisao u leo utu beno huri ve a sinobui ure ngaha rain he haqe laie tea lo mataisao nona tangaloi, siu i God u vei na roro hi gam wareginie ngehi a sinobu ram veve huri ve he vovohoi tea, huri ve vin vagamwasoire doluegi hi ram lado hogo ginie. 22Ira duvi Israel ram navu ve ran lehi na vaigi Vui. Ingere ta Kris ram hikesi na mataisao. 23Siu lune igamai gam waregi sere huri i Kraes rau toto vehavehaginie. A gineu ngaha mo vai na vatu taturegi lawera duvi Israel. A sinobu ngerehi hatie duvi Israel ram lado ve a gineu hi hatie iloilogi lune. 24Nge i Kraes a huireana noi God ko a nona mataisao lawera hi u warera, hatie huri tare ingere a duvi Israel sige ingere ta Kris. 25A sinobu lavasigi ram veve ve i God u wiriwiri, nge tare ve i God u wiriwiri hogo siu a nona wiriwiri hi u huire taligu dena huireana nona tangaloi.
26Retueku ko irehaqeku, igimiu nen lado haqe ve igimiu neu mwere na havagineu tomue siu i God u ware gimiu. Huri lo matana tangaloi tegaivihe dein gimiu rau mataisao sige rau muremure sige tegaivihe dein gimiu hogosie rau vora den duvire ratahigi. 27Nge i God u leo wahe na gineu ngerehi a sinobui ureure ngaha ram lado huri ve ingeie hi a reraana huri ve na vaga maemaegi rahine hi ram lado ve rau mataisao. Ingeie u leowahe na gineu ngerehi a sinobui ureure ngaha ram domiginie ve u kekena, huri ve na vagamaemaegi irahine hi ram lado ve rau muremure. 28Ingeie u leo wahe na gineu ngerehi a sinobui ure ngaha ram leoleo hivoginire ko ram lado ve hatie gineu lure, ko ram siesieginire, huri ve vin ue vohogi na havagineu hi a sinobui ure ngaha ram lado ve rau enhageliu. 29Siu i God u vei na gineu doluegi ingere ngaha huri ve ingere rain mese lai hagehagenire lo nagona. 30A vevenagi i God igimiu nem bulu gatagale mei Jisas Kraes, ingeie mo voragi na noda mataisao ngehi mo vonai dein God. Lui Kraes igide dam vovohoi lo nagoi God, ko u vei gogonagi gide, ko u vei gide dam mariqe dena bugude. 31Siu mwere a Reve reve Gogona mo veve vena, “Tare ve ihine tea mo tarani vena gato sagesagea, ingeie vin sagea huri na Huqe hogosie.”
Currently Selected:
1 KOREN 1: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
1 KOREN 1
1
1Ineu Bol, i God u wareau mo huri na nona tarani ve nain voragi gaihora noi Jisas Kraes, a vevenagi ngehi a gineu i God mo tarani. Vage dein Sostinis i tuada lui Kraes, 2Igamaru gorom hora nomaru veve garea lawe na warelue noi God lolo togagi venue lawua Koren, ko lawe gimiu doluegi hi i God u vaga gogonagi gimiu lui Jisas Kraes, i God u ware gimiu ve nein voragi nona sinobu gogona meire sinobu doluegi vataha ute hi ram tataro lo henai noda Huqe Jisas Kraes, a nora Huqe ko a noda vage.
3A hogogi ko a tamwata na toga lobemiu ve i God i tamada ko a Huqe Jisas Kraes ron bete na hogogi ko a tamwata lawe gimiu.
I Bol mo veve gareagi God
4Ineu nam veve garea gesegi lawe na noku God huri gimiu, a vevenagi huri na hogogi hi i God u bete lawe gimiu lui Jisas Kraes. 5Ineu nam veve gareagi God, huri lui Jisas Kraes, i God u vaga horongi gimiu gina gineu gagarea u sao. Lo nomiu laqaana doluegi ko a nomiu lolorani doluegi ko a mataisao. 6Ngehi mo haharagi huri ve a hava gineu hi nau veve lawe gimiu huri Kraes a hogo, ngaha mo haharaginie lo mwasoamiu. 7Siu igimiu neu lei doluegi na hogogi dein God beno lune igimiu nem rarai na Huqe i Jisas Kraes ve vin vanai taligu. 8I Jisas vin vai siagagi gimiu vin dadari lo rovonai bongi, siu huri gimiu nein mwasara dena gineu rau esi lo rani hi a noda Huqe i Jisas Kraes vin vonai taligu. 9I God hi mo labe siaga lo nona waratau ko ingeie u ware gimiu sulo nona bulu gatagale mei netune, i Jisas Kraes a noda Huqe.
A vile wahe lolo Warelue
10Retueku ko irehaqeku, ineu nam navu siaga dein gimiu, lo henai noda Huqe i Jisas Kraes huri ve igimiu doluegi nein mesinge mei gimiu gagatalegi ko nein mese vile wahe lo burigi u saosao. Nam navu huri ve igimiu nein bulu bubugi vin siaga huri ve a domimiu vin gatagale ko huri na gineu hala gatagale. 11Retueku ko irehaqeku, a sinobu lavasigi dein ra renetui Kloe rau veve laweau huri ve a vui garogi mo eno mei gimiu. 12A iloiloi noku leo nge ngaha. Gatagale dein gimiu mo veve ve, “Ineu nam huri Baul,” tuegi mo veve ve, “Ineu nam huri Abolo,” gatagale mo veve ve, “Ineu nam huri Bita,” gatagale mo veve ve, “Ineu nam huri Kraes.” 13Mo mwerehi ve i Kraes u mawahe lo burigi u sao! ?Wa i Bol u mate huri gimiu lo gai saroutu? Hatie! ?Wa igimiu neu lei na garuhi gogona lo henai Bol? Hatie!
14Ineu nam veve gareagi God huri nahe garuhi gogonagi gimiu tea gatagale, nge nau geruhi gogonagi Krisba tona Kaias hogosie. 15Siserigi ngaha ihine tea vin he veve lai tea huri ve ingere rau geruhi gogona lo henaku. 16A hogo, ineu nau geruhi gogonagi Stevanas mei renetune doluegi. Ineu nahe lado haqe tea ve nau geruhi gogonagi hine tea. 17Huri i Kraes he horau tea ve nain vei na garuhi gogona, nge ve nain waregi sere na Roro Garea, vage ingeie he horau tea ve nain waregi sere na Roro Garea hi gina mataisao nona tangaloi. Tare ineu nain laqa lo mataisao hi, a leo hi vin ue hivogi na iloiloi mateana noi Kraes lo gai saroutu.
I Kraes a huireana ko a mataisao noi God
18A sinobu hi rau sala ingere ram veve vea roro huri na gai saroutu noi Kraes hatie ve a iloilogi lune. Nge igide hi dam mwaso dam leo hogosi na roro hi ve a managi noi God. 19Mwerehi a Reve reve Gogona mo veve vena, “Ineu nain ue vohogi na mataisao noi rahine doluegi hi ram veve lolo taqangire ve rau mataisao, ineu nain rogegi na domire hi ram lado ve ingere rau ilo na gineu garagara.” 20?A hava gineu u vei lawe na sinobu mataisao ngerehi? ?A hava gineu u vei lawera hi a iloilora u lawua? ?A hava gineu u vei lawera hi ram lado ve a gineu ingere ngaha ingere rau ilo na gai duvigi doluegi? ?Wa igimiu nehe ilo tea ve i God u vei na mataisao talo ure ngaha ve hatie iloilogi lune? 21I God lo nona mataisao u leo utu beno huri ve a sinobui ure ngaha rain he haqe laie tea lo mataisao nona tangaloi, siu i God u vei na roro hi gam wareginie ngehi a sinobu ram veve huri ve he vovohoi tea, huri ve vin vagamwasoire doluegi hi ram lado hogo ginie. 22Ira duvi Israel ram navu ve ran lehi na vaigi Vui. Ingere ta Kris ram hikesi na mataisao. 23Siu lune igamai gam waregi sere huri i Kraes rau toto vehavehaginie. A gineu ngaha mo vai na vatu taturegi lawera duvi Israel. A sinobu ngerehi hatie duvi Israel ram lado ve a gineu hi hatie iloilogi lune. 24Nge i Kraes a huireana noi God ko a nona mataisao lawera hi u warera, hatie huri tare ingere a duvi Israel sige ingere ta Kris. 25A sinobu lavasigi ram veve ve i God u wiriwiri, nge tare ve i God u wiriwiri hogo siu a nona wiriwiri hi u huire taligu dena huireana nona tangaloi.
26Retueku ko irehaqeku, igimiu nen lado haqe ve igimiu neu mwere na havagineu tomue siu i God u ware gimiu. Huri lo matana tangaloi tegaivihe dein gimiu rau mataisao sige rau muremure sige tegaivihe dein gimiu hogosie rau vora den duvire ratahigi. 27Nge i God u leo wahe na gineu ngerehi a sinobui ureure ngaha ram lado huri ve ingeie hi a reraana huri ve na vaga maemaegi rahine hi ram lado ve rau mataisao. Ingeie u leowahe na gineu ngerehi a sinobui ureure ngaha ram domiginie ve u kekena, huri ve na vagamaemaegi irahine hi ram lado ve rau muremure. 28Ingeie u leo wahe na gineu ngerehi a sinobui ure ngaha ram leoleo hivoginire ko ram lado ve hatie gineu lure, ko ram siesieginire, huri ve vin ue vohogi na havagineu hi a sinobui ure ngaha ram lado ve rau enhageliu. 29Siu i God u vei na gineu doluegi ingere ngaha huri ve ingere rain mese lai hagehagenire lo nagona. 30A vevenagi i God igimiu nem bulu gatagale mei Jisas Kraes, ingeie mo voragi na noda mataisao ngehi mo vonai dein God. Lui Kraes igide dam vovohoi lo nagoi God, ko u vei gogonagi gide, ko u vei gide dam mariqe dena bugude. 31Siu mwere a Reve reve Gogona mo veve vena, “Tare ve ihine tea mo tarani vena gato sagesagea, ingeie vin sagea huri na Huqe hogosie.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013