Ruti 3
3
Kumyae Nawomi Ikyaen Ruti
1Isim ayine, Nawomi iya ubaen Ruti ri te wu baa, “Unda-m, kiye nde pu wu ti m sha na fu urom ti afu u baen, u tu kununn, u pu unyang. 2Nung! Bowazi, unde ti afu ti anda ti wande-wu ta te atso, si rishi-ti. Utitang ne, awu u skae wuci ti a rug tsi utae. 3Jwo ijwe ti shin kindob, ti fu pu atupwa-fu ti tinyang si, ti fu si yi utae atang. Cwe-fu ti awu ā sae ye fu be, se ti awu a ci u ngwa tag pu wu ti tawe. 4Kiye ti awu a ku nae riben, sae uwog wu nyinyang ama ti ru ka funn atupwa ti afxen-wu tso, ti nae sang atang. Awu u ri te fu iken ti afu u nde.”
5Ruti cwe ira iya ubaen-wu baa, “Meme ira ti afu ri, ame u nde yi.” 6Ruti nwunn u si yi utae atang, ka nde pangma ti iya ubaen-wu ri te wu. 7Kiye ti Bowazi ci u ngwa tag, ama uwae-wu nyang, awu ru ka nae fer uwog ti a skae ayaen wuci tsi kur atang. Ama Ruti yag skuu ru ka funn atupwa ti takyi Bowazi tso, u nae sang afxen-wu. 8Ti ukatitang utitang, Bowazi pxem shwu kicwag, u kafe kujwo ti wu nunung, unda nae sang wu afxen. Ikyenricwu ye wu. 9Awu rang baa, “Afu si aye?” Ruti cwe baa, “Ame si Ruti, upyi-fu. Pu atupwa-fu kukyi m#3:9 Pu atupwa-fu kukyi m Ariki uwae ande ti ku bae iken ri baa, a na u ndetu ti a u ri ra yine baa, “Nde fengo ti fu ndetu ti yaen me.”, ikyaen ti, afu si rishi ubaen-m ti fifer.”
10Ama awu ri baa, “Yaweh ā nde fu itinyang, unda-m, ikyaen ti, iken tinyang ti afu nde ne, nyang skeb pu yi ti afu nde ti kucang. Ikyaen ti, afu sa utob tsi-fu risu anyisu itaen be, ko ti wakaen ko ti rifunn. 11Tine, unda-m, kab-fu rikaen iki be. Ame u nde meme iken ti afu ku sha. Ikyaen ti, meme ande-m ti ta uten ike nung pu ba baa, afu na si unda ti utin. 12Ama tine, ayi si kubenti ti ame si rishi ubaen-fu, amaa, rishi ti fer ubaen-fu skeb me ta atang. 13Nae-fu riben. Ucwe a fam kiskinn, ame u ri ira te wu. Asiti unde wu a yaen fu, ayi nyang. Asiti awu a cwe-wu ti wu yaen fu be, ame yer unju yi rinyi Yaweh, ame u yaen fu. Nae-fu riben ti ucwe ā fam ti tawe.” 14Ruti nae afxen Bowazi, ama ti ucwefam ku si, awu nwunn ti ayib byibyi, ti ande ku nung ben-ba atso be. Bowazi fwa wu kusen baa, “Nda-fu ti unde iki ā nung baa, unda iki na ba nae utae ike be.” 15Bowazi ri te wu ama baa “Pu kutupwa-fu njab ta riben ike.” Ama awu njab ta kutupwa wu. Bowazi myae ayaen wuci kitu kumyae ka itsongnjo si wu, ama Ruti ye ikyin sang yi uwae uten. 16Kiye ti Ruti ka tu iya ubaen-wu, Nawomi rang wu baa, “Afu kyang rimang unda-m?” Ruti ri te iya ubaen-wu meme iken ti Bowazi nde na wu.
17Ruti ri kyi te iya ubaen-wu baa, “Awu myae ayaen wuci kitu-kumyae itsongnjo yine na m baa, ‘Ayi na nyang-yi ti m na kafe ba tu fu ajwo ukaen be.’ ”
18Nawomi ri te wu baa, “Unda-m, tab utob-fu riben. Ira yine u nda Bowazi u nae-wu kicwag be. Awu u nde kang ira risu-yi.”
Currently Selected:
Ruti 3: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Ruti 3
3
Kumyae Nawomi Ikyaen Ruti
1Isim ayine, Nawomi iya ubaen Ruti ri te wu baa, “Unda-m, kiye nde pu wu ti m sha na fu urom ti afu u baen, u tu kununn, u pu unyang. 2Nung! Bowazi, unde ti afu ti anda ti wande-wu ta te atso, si rishi-ti. Utitang ne, awu u skae wuci ti a rug tsi utae. 3Jwo ijwe ti shin kindob, ti fu pu atupwa-fu ti tinyang si, ti fu si yi utae atang. Cwe-fu ti awu ā sae ye fu be, se ti awu a ci u ngwa tag pu wu ti tawe. 4Kiye ti awu a ku nae riben, sae uwog wu nyinyang ama ti ru ka funn atupwa ti afxen-wu tso, ti nae sang atang. Awu u ri te fu iken ti afu u nde.”
5Ruti cwe ira iya ubaen-wu baa, “Meme ira ti afu ri, ame u nde yi.” 6Ruti nwunn u si yi utae atang, ka nde pangma ti iya ubaen-wu ri te wu. 7Kiye ti Bowazi ci u ngwa tag, ama uwae-wu nyang, awu ru ka nae fer uwog ti a skae ayaen wuci tsi kur atang. Ama Ruti yag skuu ru ka funn atupwa ti takyi Bowazi tso, u nae sang afxen-wu. 8Ti ukatitang utitang, Bowazi pxem shwu kicwag, u kafe kujwo ti wu nunung, unda nae sang wu afxen. Ikyenricwu ye wu. 9Awu rang baa, “Afu si aye?” Ruti cwe baa, “Ame si Ruti, upyi-fu. Pu atupwa-fu kukyi m#3:9 Pu atupwa-fu kukyi m Ariki uwae ande ti ku bae iken ri baa, a na u ndetu ti a u ri ra yine baa, “Nde fengo ti fu ndetu ti yaen me.”, ikyaen ti, afu si rishi ubaen-m ti fifer.”
10Ama awu ri baa, “Yaweh ā nde fu itinyang, unda-m, ikyaen ti, iken tinyang ti afu nde ne, nyang skeb pu yi ti afu nde ti kucang. Ikyaen ti, afu sa utob tsi-fu risu anyisu itaen be, ko ti wakaen ko ti rifunn. 11Tine, unda-m, kab-fu rikaen iki be. Ame u nde meme iken ti afu ku sha. Ikyaen ti, meme ande-m ti ta uten ike nung pu ba baa, afu na si unda ti utin. 12Ama tine, ayi si kubenti ti ame si rishi ubaen-fu, amaa, rishi ti fer ubaen-fu skeb me ta atang. 13Nae-fu riben. Ucwe a fam kiskinn, ame u ri ira te wu. Asiti unde wu a yaen fu, ayi nyang. Asiti awu a cwe-wu ti wu yaen fu be, ame yer unju yi rinyi Yaweh, ame u yaen fu. Nae-fu riben ti ucwe ā fam ti tawe.” 14Ruti nae afxen Bowazi, ama ti ucwefam ku si, awu nwunn ti ayib byibyi, ti ande ku nung ben-ba atso be. Bowazi fwa wu kusen baa, “Nda-fu ti unde iki ā nung baa, unda iki na ba nae utae ike be.” 15Bowazi ri te wu ama baa “Pu kutupwa-fu njab ta riben ike.” Ama awu njab ta kutupwa wu. Bowazi myae ayaen wuci kitu kumyae ka itsongnjo si wu, ama Ruti ye ikyin sang yi uwae uten. 16Kiye ti Ruti ka tu iya ubaen-wu, Nawomi rang wu baa, “Afu kyang rimang unda-m?” Ruti ri te iya ubaen-wu meme iken ti Bowazi nde na wu.
17Ruti ri kyi te iya ubaen-wu baa, “Awu myae ayaen wuci kitu-kumyae itsongnjo yine na m baa, ‘Ayi na nyang-yi ti m na kafe ba tu fu ajwo ukaen be.’ ”
18Nawomi ri te wu baa, “Unda-m, tab utob-fu riben. Ira yine u nda Bowazi u nae-wu kicwag be. Awu u nde kang ira risu-yi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017