Matiyu 4
4
Shetann Myae Yesu Kumyae Uwae Kutur
(Markus 1:12-13; Luka 4:1-13)
1Isim yine Kusung Rimam sa Yesu ru yi uwog iki uwae kutur khika. Kusung Rimam ti sa wu ru yi atang ti ukwe kukyaefa na ka myae wu kumyae. 2Awu nde usir mae ifaen ti utitang mae ifaen atang u cwe unju. Usirtaen ti utitang awu ci-wu wuci be. Isim yine rimenn ku wen wu. 3Ama Shetann ru ba tu wu u ri te wu baa, “Asiti afu a si Umbae Rimam, ri ira te atxom yine ti ayi ā kafe wuci.” 4Yesu ri te wu baa, “A bae uwae Kutsingken Rimam baa, ‘Ayi si-yi nyang wuci ti ku nda unde tsi ser be, se ira ti ku tso unju Rimam.’ ”
5Awu Ukwe Kukyaefa nwunn atang u pu Yesu ru yi Uka ti Saen Kyag, Urushelima, u sa wu ru ka tsi tsa risu kusog Rimam tiyang 6u ri te wu baa, “Asiti afu a si Umbae Rimam, mbyaesi yi riben, ikyaen ti, a bae uwae Kutsingken Rimam baa, ‘Rimam u ri te atom-wu baa, aba na nungkyi fu.’ Aba u kyangte fu ti apupwen, ikyaen ti fu na pu afxen-fu na byinn mber-fu ijwe atxom be.” 7Yesu ri te kyi wu cwucwo baa, “Aba bae ama baa, afu na myae-fu Itsekuru-fu Rimam myae be.”
8Ukwe kukyaefa pu wu nwunn kyi atang cwucwo u tso yi kitaen rikwen iki ti kob timambe u ka tatso tag wu ajwo ukwe utense ti riyinn-yi meme. 9Awu ri baa, “Asiti afu a ku riben na m u fen m, ame u pu iken yi ti afu sae ne meme na fu.” 10Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”
11Uwog wune, awu ukwe kukyaefa ter ru u ya wu ta, ama ti ritsen, atom Rimam si apupwen ba tu wu, u ndeya wu.
Yesu Kyangtsi Wande-wu Uwae Uten ti Galili
(Markus 1:14-15; Luka 4:14-15)
12Ti Yesu fxen baa, a na ye Yohana#4:12 Yohana ne si Yohana ti ku nde batisma. na cwunnkyi uwae pursuna, awu nwunn u kafe ba ti uten ti Galili. 13Awu ya uten Nazareti ta, u ru ka som uten Kaparnawum, unju uyinn, uwog ti rishi Zebulun ti Nafitali nae atang. 14Ayine nde ikyaen ti ayi na kumunn ira ti Rimam ri kute, yi unju Ishaya, unde ti ku ya iskin ira-wu Rimam baa,
15“Afu uten ti Zebulun!
Afu uten ti Nafitali!
Ani ti ta fengo uyinn tiyang,
iyen akwen unyim ti Yordan.
Ani ti ta Galili,
Galili uten ande ti kufub!
16Ande ti ta uwae kufub
tu pu ba uwog ti sisaen!
Ande ti ta uwae kufub
na kukwae iticwu,
ucwe fam yae pu wu aba.”
17Iken ti tsi kiye wu ru fe yi uwe, Yesu bag ku ri te ande baa, “Ni kafe isim ta ikentitibi, be Kujwokwe Rimam fer mam pu yi!”
Yesu Kunn Ande Inje ti a na Putsa wu
(Markus 1:16-20; Luka 5:1-11)
18Ti Yesu kyang putsa uyinn ti Galili, awu tu ande ifaen, aba si ameinja atso. Kinjo si Siman ti a ku kunn wu baa, Bitrus ama. Itifaen si Andarawu. Aba pu kukye-ba ku si uwae uyinn, ikyaen ti, aba si ande ti ku ye iwag. 19Yesu ri te ba baa, “Ni ba putsa m, ame u nda ni kafe ande ti ku pu ande ba uwog Rimam.” 20Ti ritsen, aba ya akye-ba yi ta u nwunn putsa wu.
21Ti awu kyang putsa unju uyinn ti Galili, awu sae ameinja atso iki ifaen. Aba si anyisu Zebedi, rinyi kinjo si Yakubu, rinyi itifaen ama si Yohana. Aba ti ite-ba ta uwae kuyae tetso u ku kyaenyang akye-ba. Ama Yesu kunn ba ira. 22Ti ritsen, a ter ya ite-ba ta ti uwae kuyae u nwunn ru ka putsa Yesu.
Ajwo Wande Yesu
(Luka 6:17-19)
23Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.
24Iten wande-wu shag kyife uten ti Siriya meme. Ama a pu meme ande ti kicaeb ti tsotso ti tsotso ba uwog-wu. Ande ti rijwen titibi ku nde ba ira, ande ti kicaeb kiku, ande ti site rijwen titibi risu-ba, ande ti wam afxen ti ajwo, Yesu nwangru meme-ba. 25Ama ande nwunn ti ujwunn-ba ruye uwae uten ti Galili ti uten Dekapoli, ti uten Urushelima ti Yawudiya ti iyen akwen unyim ti Yordan u ba putsa wu.
Currently Selected:
Matiyu 4: kubNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Matiyu 4
4
Shetann Myae Yesu Kumyae Uwae Kutur
(Markus 1:12-13; Luka 4:1-13)
1Isim yine Kusung Rimam sa Yesu ru yi uwog iki uwae kutur khika. Kusung Rimam ti sa wu ru yi atang ti ukwe kukyaefa na ka myae wu kumyae. 2Awu nde usir mae ifaen ti utitang mae ifaen atang u cwe unju. Usirtaen ti utitang awu ci-wu wuci be. Isim yine rimenn ku wen wu. 3Ama Shetann ru ba tu wu u ri te wu baa, “Asiti afu a si Umbae Rimam, ri ira te atxom yine ti ayi ā kafe wuci.” 4Yesu ri te wu baa, “A bae uwae Kutsingken Rimam baa, ‘Ayi si-yi nyang wuci ti ku nda unde tsi ser be, se ira ti ku tso unju Rimam.’ ”
5Awu Ukwe Kukyaefa nwunn atang u pu Yesu ru yi Uka ti Saen Kyag, Urushelima, u sa wu ru ka tsi tsa risu kusog Rimam tiyang 6u ri te wu baa, “Asiti afu a si Umbae Rimam, mbyaesi yi riben, ikyaen ti, a bae uwae Kutsingken Rimam baa, ‘Rimam u ri te atom-wu baa, aba na nungkyi fu.’ Aba u kyangte fu ti apupwen, ikyaen ti fu na pu afxen-fu na byinn mber-fu ijwe atxom be.” 7Yesu ri te kyi wu cwucwo baa, “Aba bae ama baa, afu na myae-fu Itsekuru-fu Rimam myae be.”
8Ukwe kukyaefa pu wu nwunn kyi atang cwucwo u tso yi kitaen rikwen iki ti kob timambe u ka tatso tag wu ajwo ukwe utense ti riyinn-yi meme. 9Awu ri baa, “Asiti afu a ku riben na m u fen m, ame u pu iken yi ti afu sae ne meme na fu.” 10Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”
11Uwog wune, awu ukwe kukyaefa ter ru u ya wu ta, ama ti ritsen, atom Rimam si apupwen ba tu wu, u ndeya wu.
Yesu Kyangtsi Wande-wu Uwae Uten ti Galili
(Markus 1:14-15; Luka 4:14-15)
12Ti Yesu fxen baa, a na ye Yohana#4:12 Yohana ne si Yohana ti ku nde batisma. na cwunnkyi uwae pursuna, awu nwunn u kafe ba ti uten ti Galili. 13Awu ya uten Nazareti ta, u ru ka som uten Kaparnawum, unju uyinn, uwog ti rishi Zebulun ti Nafitali nae atang. 14Ayine nde ikyaen ti ayi na kumunn ira ti Rimam ri kute, yi unju Ishaya, unde ti ku ya iskin ira-wu Rimam baa,
15“Afu uten ti Zebulun!
Afu uten ti Nafitali!
Ani ti ta fengo uyinn tiyang,
iyen akwen unyim ti Yordan.
Ani ti ta Galili,
Galili uten ande ti kufub!
16Ande ti ta uwae kufub
tu pu ba uwog ti sisaen!
Ande ti ta uwae kufub
na kukwae iticwu,
ucwe fam yae pu wu aba.”
17Iken ti tsi kiye wu ru fe yi uwe, Yesu bag ku ri te ande baa, “Ni kafe isim ta ikentitibi, be Kujwokwe Rimam fer mam pu yi!”
Yesu Kunn Ande Inje ti a na Putsa wu
(Markus 1:16-20; Luka 5:1-11)
18Ti Yesu kyang putsa uyinn ti Galili, awu tu ande ifaen, aba si ameinja atso. Kinjo si Siman ti a ku kunn wu baa, Bitrus ama. Itifaen si Andarawu. Aba pu kukye-ba ku si uwae uyinn, ikyaen ti, aba si ande ti ku ye iwag. 19Yesu ri te ba baa, “Ni ba putsa m, ame u nda ni kafe ande ti ku pu ande ba uwog Rimam.” 20Ti ritsen, aba ya akye-ba yi ta u nwunn putsa wu.
21Ti awu kyang putsa unju uyinn ti Galili, awu sae ameinja atso iki ifaen. Aba si anyisu Zebedi, rinyi kinjo si Yakubu, rinyi itifaen ama si Yohana. Aba ti ite-ba ta uwae kuyae tetso u ku kyaenyang akye-ba. Ama Yesu kunn ba ira. 22Ti ritsen, a ter ya ite-ba ta ti uwae kuyae u nwunn ru ka putsa Yesu.
Ajwo Wande Yesu
(Luka 6:17-19)
23Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.
24Iten wande-wu shag kyife uten ti Siriya meme. Ama a pu meme ande ti kicaeb ti tsotso ti tsotso ba uwog-wu. Ande ti rijwen titibi ku nde ba ira, ande ti kicaeb kiku, ande ti site rijwen titibi risu-ba, ande ti wam afxen ti ajwo, Yesu nwangru meme-ba. 25Ama ande nwunn ti ujwunn-ba ruye uwae uten ti Galili ti uten Dekapoli, ti uten Urushelima ti Yawudiya ti iyen akwen unyim ti Yordan u ba putsa wu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017