Jona 2

Itijwam Jona

1Ama ti Jona ta uwae rishwu iwag atang, awu jwam Yaweh, Rimam ti ana-wu 2u ri baa,

“Uwae rikaen-m, ame kunn ira na Yaweh,

awu fxen itikunn-me.

Uwae kukwae iticwu,

ame jwub ira u sha itindeya,

afu fxen itijwub ti ana me.

3Afu ye m jwunnsi

uwae uyinn ti rurong,

si fife yi riben imbyi uyinn,

ame ngwa byinn uwae ambyi,

ambyi tekyi tag m sisisaen.

4Ame ri baa,

‘Ko ti a rwae sha m kutxuwe-fu,

ame u nde rimang u sae kyi

kusog-fu ti saen kyag?’

5Ambyi kyebkyi pu yi ame,

ambyi uyinn munnkyi m.

Irum uwae ambyi

cwenkyi pu yi risu-m.

6Kiye ti ame si fife

yi ipab rikwen riben,

ame ku tang baa,

ame na u ru ye-m pursuna wune

cwucwo be.

Ama afu Yaweh,

Rimam ti ana-m,

afu nwangru unyang-m

uwae kukwae iticwu.

7Ti unyang-m jim ku si,

ame tangsom te fu Yaweh,

ama u sa itijwam-m ru ba uwog fu.

Ama uwae kusog-fu ti sisaen,

afu fxen.

8Ariki sa utob-ba na apxin

ti si iken ti ukaen,

u kafe isim ta Rimam

ti si Rimam na ure ti ayibrisi.

9Amaa, ame u teb fu

u nda fu fxaefa.

Ame u twen ikentitwen na fu.

Ame u ye su unju ti yer

ti ame yer te fu.

Itinwangru ku kyangji uwog Yaweh.”

10Ama Yaweh ri ira te iwag wu, ama iwag wu ba cwo ra Jona tso nae tsa ukunn uyinn.

Currently Selected:

Jona 2: kubNT

Highlight

Copy

Want to have your highlights saved across all your devices? Sign up or sign in

Learn More About Kutsingken Ira Rimam ti Saen Kyag