Itiruye 26
26
Fengo ti A Kyae Kufug Uwog ti Som Yaweh
(Itiruye 36:8-38)
1“Cwucwo, kyae kufug uwog ti som-m ti atupwa rijwe ti a ndxob yi te itub lilin, ti itub ti rikàen-yi ru irum titisub, ti itibyaen ti itiru itibyaen. Sha unde ti ku wae kusung iken ti awu ā wae kusung Kerubi nyinyang si ijwe atupwa yi. 2Rikob atupwa yi ā si yadi rijwe asu inje rijwe asu inje. Riyaen-yi ama ā si yadi ifaen ifaen. Ā myae meme-yi pang atso pang atso. 3Kob ren itsong uwog kinjo, ti kob ren itsong ti tsitsi ama uwog kinjo. 4Kob ren unju atupwa yi meme ifaen-yi te itub ti rikàen-yi ru irum titisub. 5Kob unju atupwa yi serye atso serye atso mae ifaen mbe rijwe iyen kyab ne, mae ifaen mbe rijwe iyen ti ifaen, ti ayi ā cwu kyang kwer atso. 6Kwén ukwàb mae ifaen mbe rijwe ana zinariya, ti fu pu fae ren atupwa yi tetso, ti kufug uwog ti som Yaweh wu ā si kinjo.
7“Ndxob atupwa rijwe asu kinjo te asing iwenten ti fu pu burkyi kufug uwog ti som Yaweh wu. 8Rikob atupwa yi u si yadi rijwe asu itsong rijwe asu itsong. Riyaen-yi ama u si yadi ifaen ifaen. Atupwa rijwe asu kinjo yi ā pang atso pang atso. 9Pu atupwa itsong kob ren atso, ti fu pu itsongnjo ti tsitsi ama kob ren atso. Tapxib kutupwa ti itsongnjo pxib, ti fu sa kyensi uwe kufug wu. 10Kob unju atupwa yi serye atso serye atso mae ifaen mbe rijwe iyen ikyab ne, ti fu nde ahan ama iyen ti ifaen.
11“Pu bronzi kwén ukwab mae ifaen mbe rijwe, ti fu pu fae ren atupwa yi tetso ti atupwa kufug Yaweh wu ā si kinjo. 12Ripye kujwo ikyab wu ti tsitsi ne, pu wu kyensi isim kufug uwog ti som Yaweh wu. 13Ya ripye yadi kinjo na atupwa yi ta ti ayi ā kyensi kufug Yaweh wu iyen ike ti iyen akwen, ti ayi ā burkyi uwog ti som Yaweh wu. 14Pu apwa iwentam ti a fwufwá, ti apwa ibye iki ti tutub, ti fu pu burkyi kufug Yaweh wu.
15“Pye ituku akasiya ti ndindab ti kyae kufug Yaweh wu te yi. 16Rikob ituku yi ā si afxen rijwe asu itsong. Baen ren yi ifaen ifaen ti riyata riyata-yi ā si afxen ifaen ti ripye afxen ifaen ti ripye. 17Yer ituku ti pang pang ifaen ifaen sim fa meme imbyi ituku kufug uwog ti som Yaweh wu. 18Pu ituku yi ti baen ren tso baen ren tso ne sim iyen ti isi na kufug uwog ti som Yaweh wu. Ituku yi ti baen ren tso baen ren tso ne ā si rikom. 19Pu azurfa kyae akwae ituku yi ti pang pang ne te yi. Pu ituku yi ti pang pang ne sim ifaen ifaen imbyi ayi ti baen ren tso baen ren tso ne. 20Pu kyi ituku iki baen ren tso ifaen ifaen rikom sim iyen ti isku na kufug uwog ti som Yaweh wu pangma iyen ti isi ne. 21Kyae kyi akwae ituku ti pang pang ifaen ifaen imbyi ituku yi ti baen ren tso baen ren tso ne. 22Pu ituku baen ren tso ifaen ifaen ka itsongnjo ikyaen iyen ti usir kujwo ureb na kufug uwog ti som Yaweh wu. 23Pu ituku ti rikob baen ren tso baen ren tso ifaen ifaen ikyaen ukub kufug uwog ti som Yaweh wu uwe ti usir kujwo ureb. 24Sim ituku yi txi txi yi akub ifaen yi, ama ren risu-yi yi ti ta kunyang titawe. Ayine ti u si akub ifaen ana uwog ti som Yaweh wu. 25Ituku itsongta ti a u pu tsi si uwae akwae na azurfa. Ituku titini site ukwae-wu ti a u ye wu tsi si atang.
26“Pu indab ituku akasiya ti rikob itsong ikyaen ti a pu ce sang iyen kyab kufug uwog ti som Yaweh wu, 27itsong iki iyen ti ifaen ana kufug uwog ti som Yaweh wu. Itsong iki ama afu u pu fae sang iyen ti usir kujwo ureb ana kufug uwog ti som Yaweh wu. 28Ukum ti ta kutampwa ikum yi ā nwunn ti iyen ike ka sang iyen akwen. 29Shi ituku yi ti baen ren tso ifaen ifaen ne te zinariya, ti fu kwen kunyang zinariya baefa ijwe-yi, ikyaen ti ayi u ye su ituku ti risang ana iyen ikyab uwog ti som Yaweh wu. Shi ituku ti risang yi te zinariya.
30“Kyae kufug uwog ti som-m Yaweh pangma ti ame tatso fu utaen rikwen.
31“Yer kutupwa lilin ti rikàen-yi ru irum titisub, ti ti ru itibyen ti itibyaen. Sha unde ti ku wae tu iken ti awu ā wae kusung kerubi ijwe-wu. 32Pu yi kyensi afwá ituku akasiya inje ti a shi yi te zinariya, ti site akwàb na zinariya risu-yi. Sim ituku uwae akwae inje na azurfa. 33Pu kutupwa wu kyensi ukwab ti ta risu uwog ti som Yaweh wu, ti awu ā kagtsen uwog ti sisaen ti uwog ti saen siskeb. Ama ye akpati unju ti yer tsi uwae uwog ti saen siskeb wu. 34Sa kubur bur risu akpati wu uwae uwog ti saen siskeb wu atang. 35Ye tebur ta ise kutupwa wu uwe ti isku na kufug uwog ti som Yaweh wu, ama sa iken ti a ku pu fitila tsitsa atang tsi kujwo isi na kufug uwog ti som Yaweh wu ti ayi ā tsi kwer atso.
36“Ana ufu ti ku sang yi uwog ti som Yaweh wu, sha kutupwa ti rikàen-yi ru irum titisub ti ti ru itibyaen ti itibyaen ti atupwa lilin. Sha unde ti ku wae iken ti awu a wae rimenn kutupwa wu. 37Pu ikum kutuku akasiya itsong, ti fu shi yi te zinariya. Kwen ukwab zinariya ti a pu kutupwa yi kyensi atang, ama u kyae ukwae na bronzi ti a pu ikum yi sim atang.”
Currently Selected:
Itiruye 26: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Itiruye 26
26
Fengo ti A Kyae Kufug Uwog ti Som Yaweh
(Itiruye 36:8-38)
1“Cwucwo, kyae kufug uwog ti som-m ti atupwa rijwe ti a ndxob yi te itub lilin, ti itub ti rikàen-yi ru irum titisub, ti itibyaen ti itiru itibyaen. Sha unde ti ku wae kusung iken ti awu ā wae kusung Kerubi nyinyang si ijwe atupwa yi. 2Rikob atupwa yi ā si yadi rijwe asu inje rijwe asu inje. Riyaen-yi ama ā si yadi ifaen ifaen. Ā myae meme-yi pang atso pang atso. 3Kob ren itsong uwog kinjo, ti kob ren itsong ti tsitsi ama uwog kinjo. 4Kob ren unju atupwa yi meme ifaen-yi te itub ti rikàen-yi ru irum titisub. 5Kob unju atupwa yi serye atso serye atso mae ifaen mbe rijwe iyen kyab ne, mae ifaen mbe rijwe iyen ti ifaen, ti ayi ā cwu kyang kwer atso. 6Kwén ukwàb mae ifaen mbe rijwe ana zinariya, ti fu pu fae ren atupwa yi tetso, ti kufug uwog ti som Yaweh wu ā si kinjo.
7“Ndxob atupwa rijwe asu kinjo te asing iwenten ti fu pu burkyi kufug uwog ti som Yaweh wu. 8Rikob atupwa yi u si yadi rijwe asu itsong rijwe asu itsong. Riyaen-yi ama u si yadi ifaen ifaen. Atupwa rijwe asu kinjo yi ā pang atso pang atso. 9Pu atupwa itsong kob ren atso, ti fu pu itsongnjo ti tsitsi ama kob ren atso. Tapxib kutupwa ti itsongnjo pxib, ti fu sa kyensi uwe kufug wu. 10Kob unju atupwa yi serye atso serye atso mae ifaen mbe rijwe iyen ikyab ne, ti fu nde ahan ama iyen ti ifaen.
11“Pu bronzi kwén ukwab mae ifaen mbe rijwe, ti fu pu fae ren atupwa yi tetso ti atupwa kufug Yaweh wu ā si kinjo. 12Ripye kujwo ikyab wu ti tsitsi ne, pu wu kyensi isim kufug uwog ti som Yaweh wu. 13Ya ripye yadi kinjo na atupwa yi ta ti ayi ā kyensi kufug Yaweh wu iyen ike ti iyen akwen, ti ayi ā burkyi uwog ti som Yaweh wu. 14Pu apwa iwentam ti a fwufwá, ti apwa ibye iki ti tutub, ti fu pu burkyi kufug Yaweh wu.
15“Pye ituku akasiya ti ndindab ti kyae kufug Yaweh wu te yi. 16Rikob ituku yi ā si afxen rijwe asu itsong. Baen ren yi ifaen ifaen ti riyata riyata-yi ā si afxen ifaen ti ripye afxen ifaen ti ripye. 17Yer ituku ti pang pang ifaen ifaen sim fa meme imbyi ituku kufug uwog ti som Yaweh wu. 18Pu ituku yi ti baen ren tso baen ren tso ne sim iyen ti isi na kufug uwog ti som Yaweh wu. Ituku yi ti baen ren tso baen ren tso ne ā si rikom. 19Pu azurfa kyae akwae ituku yi ti pang pang ne te yi. Pu ituku yi ti pang pang ne sim ifaen ifaen imbyi ayi ti baen ren tso baen ren tso ne. 20Pu kyi ituku iki baen ren tso ifaen ifaen rikom sim iyen ti isku na kufug uwog ti som Yaweh wu pangma iyen ti isi ne. 21Kyae kyi akwae ituku ti pang pang ifaen ifaen imbyi ituku yi ti baen ren tso baen ren tso ne. 22Pu ituku baen ren tso ifaen ifaen ka itsongnjo ikyaen iyen ti usir kujwo ureb na kufug uwog ti som Yaweh wu. 23Pu ituku ti rikob baen ren tso baen ren tso ifaen ifaen ikyaen ukub kufug uwog ti som Yaweh wu uwe ti usir kujwo ureb. 24Sim ituku yi txi txi yi akub ifaen yi, ama ren risu-yi yi ti ta kunyang titawe. Ayine ti u si akub ifaen ana uwog ti som Yaweh wu. 25Ituku itsongta ti a u pu tsi si uwae akwae na azurfa. Ituku titini site ukwae-wu ti a u ye wu tsi si atang.
26“Pu indab ituku akasiya ti rikob itsong ikyaen ti a pu ce sang iyen kyab kufug uwog ti som Yaweh wu, 27itsong iki iyen ti ifaen ana kufug uwog ti som Yaweh wu. Itsong iki ama afu u pu fae sang iyen ti usir kujwo ureb ana kufug uwog ti som Yaweh wu. 28Ukum ti ta kutampwa ikum yi ā nwunn ti iyen ike ka sang iyen akwen. 29Shi ituku yi ti baen ren tso ifaen ifaen ne te zinariya, ti fu kwen kunyang zinariya baefa ijwe-yi, ikyaen ti ayi u ye su ituku ti risang ana iyen ikyab uwog ti som Yaweh wu. Shi ituku ti risang yi te zinariya.
30“Kyae kufug uwog ti som-m Yaweh pangma ti ame tatso fu utaen rikwen.
31“Yer kutupwa lilin ti rikàen-yi ru irum titisub, ti ti ru itibyen ti itibyaen. Sha unde ti ku wae tu iken ti awu ā wae kusung kerubi ijwe-wu. 32Pu yi kyensi afwá ituku akasiya inje ti a shi yi te zinariya, ti site akwàb na zinariya risu-yi. Sim ituku uwae akwae inje na azurfa. 33Pu kutupwa wu kyensi ukwab ti ta risu uwog ti som Yaweh wu, ti awu ā kagtsen uwog ti sisaen ti uwog ti saen siskeb. Ama ye akpati unju ti yer tsi uwae uwog ti saen siskeb wu. 34Sa kubur bur risu akpati wu uwae uwog ti saen siskeb wu atang. 35Ye tebur ta ise kutupwa wu uwe ti isku na kufug uwog ti som Yaweh wu, ama sa iken ti a ku pu fitila tsitsa atang tsi kujwo isi na kufug uwog ti som Yaweh wu ti ayi ā tsi kwer atso.
36“Ana ufu ti ku sang yi uwog ti som Yaweh wu, sha kutupwa ti rikàen-yi ru irum titisub ti ti ru itibyaen ti itibyaen ti atupwa lilin. Sha unde ti ku wae iken ti awu a wae rimenn kutupwa wu. 37Pu ikum kutuku akasiya itsong, ti fu shi yi te zinariya. Kwen ukwab zinariya ti a pu kutupwa yi kyensi atang, ama u kyae ukwae na bronzi ti a pu ikum yi sim atang.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017