Daniyel 6
6
A Ye Daniyel Jwunn Sang Rukug Itumu
1Ayi nyang uwae Dariyusi ti wu tsab ande ukob kinjo mbe rikom ti a na ta risu uten uten ti ta yi kujwokwe-wu. 2Awu tsab ande ita ti u ta risu-ba. Daniyel si kinjo uwae ande ita bane. Ande ba ti ta risu uten uten yine u ba ri te ba iken ti ku kyang ikyin ajwokwe-ba, ti ayi ā shir itijwunnsi na-yi ukwe be. 3Ama kujwo wande Daniyel tsi txi ra te wande ande ba ti tsitsi, ikyaen ti, awu site kusung iki ti nyang timambe. Ama ukwe kab ti wu na u sa Daniyel ta risu meme kujwokwe wu. 4Ikyaen yine, ande ti uwe aba sha fengo ti a u tu Daniyel te riraen yi uwog wande-wu ti a u ri ira titibi risu-wu, amaa, aba tu-ba ira iki ti a u sa kujwo kutsa atang u rimbeb wu be, ikyaen ti, awu si unde ti ku nde wande-wu uwae kubenti ama ande tu-ba awu te riraen iki be. 5Tiri, ande ba ri tetso baa, “Fengo iki ta-wu ti ati u sa kujwo kutsa atang u rimbeb Daniyel be, se iken ti a ren te icwe Rimam ti awu ku fen.”
6Tiri ande ti uwe ba yer unju tetso u ba uwog ukwe ama ri baa, “Ukwe Dariyusi, unyang-fu ā ko ra ru yi uwe! 7Meme ande ti uwe ti uwe ti ku nde wande yi kujwokwe-fu, ti akwe rika, ti ande ti uwe na uten, ti ande ti ku myae ira, ti gomna gomna meme cwe pu ba ti ukwe na sa icwe ruye baa, asiti unde a jwam itijwam uwog apxin iki, ko unde iki ti si-yi afu be uwae usir rijweta ti ku ba, a na ye wu jwunn sang rukug itumu. 8Tine ukwe, bae icwe ruye ti fu kwa kujwo atang ti a u fi-ba yi fi be, putswa icwe Mede ti Pasiya.” 9Ikyaen yine, ukwe Dariyusi bae kutsingken icwe wu ruye u kwa kujwo atang.
10Kiye ti Daniyel nungye baa, a na bae icwe na u kwa pu ba kujwo atang, awu ru kununn-wu u ka sang kusog-wu iki ti kiye kusog wu mbubta rukwer uwe ti Urushelima. Awu ka ku riben u jwam Rimam, ama tso fxaefa na Rimam atsepu ita uwae usir pangma ti awu ku nde kob. 11Tiri ande ba ti yer unju ti a kaa yer afxen Daniyel ne ba tu wu, awu ta uwae Rimam ti ti jwam ku sha itindeya uwog Rimam. 12Ama aba ka tu ukwe u rang wu ira risu icwe yi ti awu bae baa, “Ukwe, afu kwa-fu kujwo u sa icwe ruye baa, uwae usir rijweta ti ku ba, unde iki na ku-wu riben na apxin ko unde iki fa fu ukwe be, be a na u ye wu jwunn sang rukug itumu be a.”
Ukwe cwe ba unju baa, “Een icwe yi tsi ti atang, putswa icwe na Medesi ti Pasiya ti ku kafe-yi fe be.”
13Ama aba ri te ukwe baa, “Daniyel, kinjo uwae Mbayawuda, ti a ye ba apyi ru ba ike, nae-wu risu riben te fu ukwe be, u ku putswa-wu icwe-fu be. Awu ku jwam bwe itijwam atsepu ita uwae usir.” 14Ama kiye ti ukwe fxen ira yine, utob-wu nae-wu riben be. Awu kwab fengo ti wu nwangruye Daniyel. Awu kwab itikwab yi ti kiskinn ti kiskinn pu usir sunn.
15Tiri ande ba pu atso ba tu ukwe baa, “Afu nung ti icwe Medesi ti Pasiya ri baa, icwe ti ukwe a bae u kwa pu wu kujwo atang, a ku fi-ba yi fi be.”
16Ama ukwe nda unju, a ka ye Daniyel ba jwunn sang rukug itumu. Ukwe ri te Daniyel baa, “Rimam ti afu ku fen ā nwangruye fu.”
17Ama a kaen kutxom ba cwunn unju rukug itumu wu. Ama ukwe ti afaen-wu kwa kujwo ikyaen ti unde iki na nwangruye-wu Daniyel be.
Itumu Tekunn-yi Daniyel Be
18Tiri ukwe kafe ru yi fenkyi-wu. Awu ci-wu be u ngwa-wu be. Utob-wu ndembeb, kicwag ama pyir-wu ayib.
19Ti ucwe fam ku si, ukwe nwunn u ru ti ritsen yi uwog itumu atang. 20Kiye ti awu ba fer rukug itumu ti Daniyel ta atang, awu kunn ira ti ribom baa, “Daniyel, afu ti ku fen Rimam ti site unyang, Rimam-fu ti afu ku fen kob né sa ruye pu wu afu unju itumu a.”
21Ama Daniyel cwe baa, “Ukwe, unyang-fu ā ko ra ru yi uwe! 22Rimam-m tom atom-wu ti apupwen si ba kwerkyi unju itumu yi ama ayi kub-yi ame be. Ikyaen ti, yi uwe Rimam, ame raen-m awu ira iki be, u nde-m afu ukwe ira titibi iki be ama.”
23Ama utob ukwe tsen timambe. Awu nda unju ti a na pu Daniyel ruye rukug itumu atang. Ama a pu Daniyel ruye. Ribang iki mbog-yi awu ijwe be, ikyaen ti, awu ru kubenti uwog Rimam.
24Ama ukwe nda unju, a pu ande ba ti yer unju u ri ira titibi risu Daniyel, aba ti anyisu-ba ti awa-ba, jwunn sang rukug itumu. Itumu yi ye ba shiryae ti apupwen, ti ti afxen-ba ka-yi riben be, ama kub mbub tag akub-ba jwog jwog jwog.
25Ama ukwe Dariyusi bae atsingken shag kyife ambukwen ande ti unju uten uten ti ta utense baa,
“Kujimshwur ā si ana-ni.
26“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu.
“Ikyaen ti, awu si Rimam na unyang,
u tsi kukunn ru fife yi uwe.
Kujwokwe-wu u twenji-wu ji ama be,
Kuko-wu ama
u tsi kukunn ru fife yi uwe.
27Awu ku nwangru, ku sa ruye unde.
Awu ku nde iken ti ku fur ayib
yi apupwen ti utense ike,
awu ti nwangruye Daniyel
yi unju itumu.”
28Ama Daniyel tu risu ti tinyang uwe ukwe Dariyusi ba sang ti kiye ukwe Saerus na Pasiya.
Currently Selected:
Daniyel 6: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Daniyel 6
6
A Ye Daniyel Jwunn Sang Rukug Itumu
1Ayi nyang uwae Dariyusi ti wu tsab ande ukob kinjo mbe rikom ti a na ta risu uten uten ti ta yi kujwokwe-wu. 2Awu tsab ande ita ti u ta risu-ba. Daniyel si kinjo uwae ande ita bane. Ande ba ti ta risu uten uten yine u ba ri te ba iken ti ku kyang ikyin ajwokwe-ba, ti ayi ā shir itijwunnsi na-yi ukwe be. 3Ama kujwo wande Daniyel tsi txi ra te wande ande ba ti tsitsi, ikyaen ti, awu site kusung iki ti nyang timambe. Ama ukwe kab ti wu na u sa Daniyel ta risu meme kujwokwe wu. 4Ikyaen yine, ande ti uwe aba sha fengo ti a u tu Daniyel te riraen yi uwog wande-wu ti a u ri ira titibi risu-wu, amaa, aba tu-ba ira iki ti a u sa kujwo kutsa atang u rimbeb wu be, ikyaen ti, awu si unde ti ku nde wande-wu uwae kubenti ama ande tu-ba awu te riraen iki be. 5Tiri, ande ba ri tetso baa, “Fengo iki ta-wu ti ati u sa kujwo kutsa atang u rimbeb Daniyel be, se iken ti a ren te icwe Rimam ti awu ku fen.”
6Tiri ande ti uwe ba yer unju tetso u ba uwog ukwe ama ri baa, “Ukwe Dariyusi, unyang-fu ā ko ra ru yi uwe! 7Meme ande ti uwe ti uwe ti ku nde wande yi kujwokwe-fu, ti akwe rika, ti ande ti uwe na uten, ti ande ti ku myae ira, ti gomna gomna meme cwe pu ba ti ukwe na sa icwe ruye baa, asiti unde a jwam itijwam uwog apxin iki, ko unde iki ti si-yi afu be uwae usir rijweta ti ku ba, a na ye wu jwunn sang rukug itumu. 8Tine ukwe, bae icwe ruye ti fu kwa kujwo atang ti a u fi-ba yi fi be, putswa icwe Mede ti Pasiya.” 9Ikyaen yine, ukwe Dariyusi bae kutsingken icwe wu ruye u kwa kujwo atang.
10Kiye ti Daniyel nungye baa, a na bae icwe na u kwa pu ba kujwo atang, awu ru kununn-wu u ka sang kusog-wu iki ti kiye kusog wu mbubta rukwer uwe ti Urushelima. Awu ka ku riben u jwam Rimam, ama tso fxaefa na Rimam atsepu ita uwae usir pangma ti awu ku nde kob. 11Tiri ande ba ti yer unju ti a kaa yer afxen Daniyel ne ba tu wu, awu ta uwae Rimam ti ti jwam ku sha itindeya uwog Rimam. 12Ama aba ka tu ukwe u rang wu ira risu icwe yi ti awu bae baa, “Ukwe, afu kwa-fu kujwo u sa icwe ruye baa, uwae usir rijweta ti ku ba, unde iki na ku-wu riben na apxin ko unde iki fa fu ukwe be, be a na u ye wu jwunn sang rukug itumu be a.”
Ukwe cwe ba unju baa, “Een icwe yi tsi ti atang, putswa icwe na Medesi ti Pasiya ti ku kafe-yi fe be.”
13Ama aba ri te ukwe baa, “Daniyel, kinjo uwae Mbayawuda, ti a ye ba apyi ru ba ike, nae-wu risu riben te fu ukwe be, u ku putswa-wu icwe-fu be. Awu ku jwam bwe itijwam atsepu ita uwae usir.” 14Ama kiye ti ukwe fxen ira yine, utob-wu nae-wu riben be. Awu kwab fengo ti wu nwangruye Daniyel. Awu kwab itikwab yi ti kiskinn ti kiskinn pu usir sunn.
15Tiri ande ba pu atso ba tu ukwe baa, “Afu nung ti icwe Medesi ti Pasiya ri baa, icwe ti ukwe a bae u kwa pu wu kujwo atang, a ku fi-ba yi fi be.”
16Ama ukwe nda unju, a ka ye Daniyel ba jwunn sang rukug itumu. Ukwe ri te Daniyel baa, “Rimam ti afu ku fen ā nwangruye fu.”
17Ama a kaen kutxom ba cwunn unju rukug itumu wu. Ama ukwe ti afaen-wu kwa kujwo ikyaen ti unde iki na nwangruye-wu Daniyel be.
Itumu Tekunn-yi Daniyel Be
18Tiri ukwe kafe ru yi fenkyi-wu. Awu ci-wu be u ngwa-wu be. Utob-wu ndembeb, kicwag ama pyir-wu ayib.
19Ti ucwe fam ku si, ukwe nwunn u ru ti ritsen yi uwog itumu atang. 20Kiye ti awu ba fer rukug itumu ti Daniyel ta atang, awu kunn ira ti ribom baa, “Daniyel, afu ti ku fen Rimam ti site unyang, Rimam-fu ti afu ku fen kob né sa ruye pu wu afu unju itumu a.”
21Ama Daniyel cwe baa, “Ukwe, unyang-fu ā ko ra ru yi uwe! 22Rimam-m tom atom-wu ti apupwen si ba kwerkyi unju itumu yi ama ayi kub-yi ame be. Ikyaen ti, yi uwe Rimam, ame raen-m awu ira iki be, u nde-m afu ukwe ira titibi iki be ama.”
23Ama utob ukwe tsen timambe. Awu nda unju ti a na pu Daniyel ruye rukug itumu atang. Ama a pu Daniyel ruye. Ribang iki mbog-yi awu ijwe be, ikyaen ti, awu ru kubenti uwog Rimam.
24Ama ukwe nda unju, a pu ande ba ti yer unju u ri ira titibi risu Daniyel, aba ti anyisu-ba ti awa-ba, jwunn sang rukug itumu. Itumu yi ye ba shiryae ti apupwen, ti ti afxen-ba ka-yi riben be, ama kub mbub tag akub-ba jwog jwog jwog.
25Ama ukwe Dariyusi bae atsingken shag kyife ambukwen ande ti unju uten uten ti ta utense baa,
“Kujimshwur ā si ana-ni.
26“Ame sa icwe tsi pu m uwae kujwokwe-m ti ko aye ā kyen ikyenricwu Rimam Daniyel, u fen wu.
“Ikyaen ti, awu si Rimam na unyang,
u tsi kukunn ru fife yi uwe.
Kujwokwe-wu u twenji-wu ji ama be,
Kuko-wu ama
u tsi kukunn ru fife yi uwe.
27Awu ku nwangru, ku sa ruye unde.
Awu ku nde iken ti ku fur ayib
yi apupwen ti utense ike,
awu ti nwangruye Daniyel
yi unju itumu.”
28Ama Daniyel tu risu ti tinyang uwe ukwe Dariyusi ba sang ti kiye ukwe Saerus na Pasiya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017