Amos 8

Ira ti Kitam Risu Awaen ituku

1Ayine si ira ti Yaweh Itsekuru tso m. Ame sae kutyika ti munn te awaen ituku ti ben. 2Ama awu rang baa, “Amos, imi ti afu sae?” Ame ri te wu baa, “Kutyika ti munn ti awaen ituku ti ben.”

Tiri Yaweh ri te m baa,

“Ikentitibi ande-m Isirela

munn pu-yi kutyika.

Ame u ya ba ta-m be.

Ricwunnkyi Isirela ba pu-yi.

3Akyáng kusog Rimam usir wu

u kafe ira ti jwub ti utob tibeb.”

Yaweh Itsekuru ti ri.

“Akom ande u shag

kyife uwog meme.

Aba u ye akom yi ru ye

ko aka ti unju utsu.”

4Ni fxen,

ani ande ti ku ceb pu

ande ti shanunum fa afxen,

ani ande ti ku twenji awakaen

ti ta uwae uten.

5Ani ku ri baa,

“Isinn ti ukwab ishaen tishe

u mam,

ti ati u jabci ayaen wuci-ti?

Isinn ti usir ikyinn u yafe

ti ti u jabci awum-ti

te kitu kumyae tikiyib,

ama u ko aser-yi tsutso,

ama u byinn imbyi tasa kumyae-ti

tsutso, ikyaen ti ti u ci ande,

6ti ati ama u pu azurfa

jab ande ti shanunum,

ande ti jab tu-ba apwafxen be,

ti aba u ba kafe apyi-ti,

ti ati u pu ifwen wuci kyikab fa

ti ayaen-yi,

u ye jabci?”

7Yaweh, ti ande ti Isirela

ku ndub ijwe yi rinyi-wu#8:7 Ijwe ti ndub ande ti Isirela si Yaweh ti risu-wu.,

ben uben baa,

“Kubenti ame u tangsom ti

meme ikentitibi ti aba nde.

8“Ikyaen ayine,

riben u kyi ijwe tititang,

ande meme ti nae atang ama

u jwub ira.

Riben u ndub tso

pangma uyinn ti Nel, yi Ejib,

ti ku munn tso u ba yaen ru.

9“Itsekuru Yaweh, ri baa,

Usir wu,

ame u nda uwog byikyi pyipyib

kiye ti usir ta utaen pampam,

ama u nda utense byi tititang

yi usir utaen.

10Ame u nda usir ukwab-ni

kafe usir utob ti beb,

meme akyang ti yang-ni

u kafe ukunn ricwu.

Ame u nda ni

ani u pu arae atupwa sī,

u pwén risu-ni pwen

ti u ta tso utob ti beb-ni.

Ame u nda ni jwub ira

pangma ande ti ku jwub ricwu

risu umbae ti urom-ba

kinjo amam ti cwu,

ricwunnkyi-yi u nunn ngag.

11“Itsekuru Yaweh ri baa,

Nung, usir ku ba ti ame u nda

rimenn u pu uten,

si-yi rimenn wuci ko ambyi be,

amaa, rimenn ira Yaweh ti fxen.

12Aba u ter nwunn uyinn ike

u ka sang uyinn akwen,

u ter nwunn kujwo rici

ru yi kujwo ife

ku mbyir ye mbyir ye,

ku sha ti a fxen ira Yaweh,

amaa, aba u tu-ba ira yi be.

13Usir wu anyisu wandab

ti waen timambe

ti anyisu itaen

ti tsi ti ribom-ba,

u pu cwu ikyaen unwáen.

14Ande iki ku ben uben

yi rinyi apxin Samariya#8:14 apxin Samariya. Ike ariki ku kafe ira yi baa, iken ti ku wae rukwae na Samariya, ko “Ashima.”,

u ku ri baa,

‘Ati ku ben apxin Dan.’

Ariki ku ben apxin Beyersheba.

Aba u jwunnsi

u sunwunn-ba cwucwo be.”

Currently Selected:

Amos 8: kubNT

Highlight

Copy

Compare

Want to have your highlights saved across all your devices? Sign up or sign in

Learn More About Kutsingken Ira Rimam ti Saen Kyag