1 Tesaloniki 4
4
Tagamaŋɛ min di Ala ye
1Awa, n nɛɛnɛdɔndɛnu, mɔ ka wo degen nun tagamaŋɛ la min si diya Ala ye, wo ka wo karan de mɔ bolo. Wo ɲan be tagamanna ɲɔgɔnna le. Kɔnɔ mɔ be wo madiyala, ka wo kawandi Marige Isa tɔgɛ la, wo ni to kunmasala wo ye tun. 2Marige Isa ka a fɔ mɔ ni wo yamɔri fen min na, wo ka a lɔn yati. 3Ala sagoe le mu wo ni saniyan, wo ni wo yɛtɛ latanga langbeya ma, 4alako wo dɔndɔ dɔndɔ bɛ ni a bali bangue tabita ɲa lɔn saniyaŋɛ nun biliya la. 5Wo la natá kana to dunuyanteya koenu tɔ, iko sii gbɛtɛnu be ki min na, Ala lɔnbalenu. 6Wo butɔ, mɔgɔ yo kana tɔŋɛ tiɲa, ka junube ma a bareŋɛnu la kɛ koenu tɔ. Bayi Marige be wo koe bɛ makiitila le a ni jihade ma. Mɔ bata wo fɔ wo ye, mɔ bata wo lasii a ɲinma la. 7Bayi Ala ma mɔ kele saniyanbaliya ma, fɔ saniyaŋɛ le ma. 8Wo butɔ, mɔgɔ min be balanna kɛ koe labatula, a bele balanden mɔgɔ le ye, fɔ Ala, min ka a Hakkili saniyandeŋɛ dii wo ma.
9Hali mɔ ma wo lasii nɛɛnɛdɔndɛnu kanu koe kan na ko tɔ, bayi wole yɛtɛ be karanden de Ala bolo, ka a fɔla wo ni ɲɔgɔn kanu. 10Wo be wolo yati mala nɛɛnɛdɔndɛnu la, minnu be Masedoni duge bɛ tɔ. Kɔnɔ n nɛɛnɛdɔndɛnu, mɔ mɛn ni wo lalimaniya, wo ni to a kunmasala. 11Wo ni kata bɛ ma alako jususa ni to wo tɛma. Dodo kana do la ko masoe. Wo ni kɛnɛ walila wo ⸂yɛtɛ⸃ bole la iko mɔ ka a yita wo la ki min na. 12Wo butɔ, wo ni to tagamanna teleŋɛ la dɛnkɛnɛyabalenu tɛma, bɛ ni nɔ tola a yɛtɛ tɛn niiniŋɛ kɔtɔ.
Marige Isa tana koe
13N nɛɛnɛdɔndɛnu, mɔ bele diren wo ni to fahamubaliya tɔ dɛnkɛnɛyabaganu la ko la minnu bata faga. Wolo si a ma wo te suunu iko mɔgɛ minnu bele anu yigi sɔren Ala ma. 14Wo mɔ be laaren a la Isa bata faga, a mɛn tawulita, kaa? Awa, fagabaganu minnu dɛnkɛnɛyata Isa ma, mɔ mɛn be laaren a la, Ala si naa wonu tugun nawuli le, a ni anu layɛlɛ Isa la ko sabu la, anu bɛ ni kunbɛn kan dɔndɔ. 15Marige la kuma le ka, mɔ be min fɔla wo ye: Marige na tɛmuɛ be wo mɔle minnu taranna dunuya mɔ kende la, wo mɔle le fɔlɔ bele yɛlɛla dɛnkɛnɛyabaga fagareŋɛnu ko de ka anu to kɔma. 16Iyon, Marige yɛtɛ yati le be nala jigila kulɛ banba la bɔɔla saŋɛ tɔ, anun maleka kuntige kulɛ, a ni Ala tɛn bute fe. Isa la dɛnkɛnɛyabaga minnu bata faga nun, a fɔlɛ la betun wondelen be wulila wo lun. 17Wo tanbi kɔma, wo mɔle minnu kende be toren dunuya, wo mɔle nun wonu si jigan de, ka yɛlɛ ɲɔgɔn na luuture tɔ, ka Marige labɛn fɔɲɛ tɔ. Wo butɔ, mɔ si to Marige kɛnna ɲɔgɔnna le abada. 18Wolo mu, wo ni ɲɔgɔn nalimaniya kɛ kumanu la.
Currently Selected:
1 Tesaloniki 4: MOG
Highlight
Share
Copy
Want to have your highlights saved across all your devices? Sign up or sign in
1 Tesaloniki 4
4
Tagamaŋɛ min di Ala ye
1Awa, n nɛɛnɛdɔndɛnu, mɔ ka wo degen nun tagamaŋɛ la min si diya Ala ye, wo ka wo karan de mɔ bolo. Wo ɲan be tagamanna ɲɔgɔnna le. Kɔnɔ mɔ be wo madiyala, ka wo kawandi Marige Isa tɔgɛ la, wo ni to kunmasala wo ye tun. 2Marige Isa ka a fɔ mɔ ni wo yamɔri fen min na, wo ka a lɔn yati. 3Ala sagoe le mu wo ni saniyan, wo ni wo yɛtɛ latanga langbeya ma, 4alako wo dɔndɔ dɔndɔ bɛ ni a bali bangue tabita ɲa lɔn saniyaŋɛ nun biliya la. 5Wo la natá kana to dunuyanteya koenu tɔ, iko sii gbɛtɛnu be ki min na, Ala lɔnbalenu. 6Wo butɔ, mɔgɔ yo kana tɔŋɛ tiɲa, ka junube ma a bareŋɛnu la kɛ koenu tɔ. Bayi Marige be wo koe bɛ makiitila le a ni jihade ma. Mɔ bata wo fɔ wo ye, mɔ bata wo lasii a ɲinma la. 7Bayi Ala ma mɔ kele saniyanbaliya ma, fɔ saniyaŋɛ le ma. 8Wo butɔ, mɔgɔ min be balanna kɛ koe labatula, a bele balanden mɔgɔ le ye, fɔ Ala, min ka a Hakkili saniyandeŋɛ dii wo ma.
9Hali mɔ ma wo lasii nɛɛnɛdɔndɛnu kanu koe kan na ko tɔ, bayi wole yɛtɛ be karanden de Ala bolo, ka a fɔla wo ni ɲɔgɔn kanu. 10Wo be wolo yati mala nɛɛnɛdɔndɛnu la, minnu be Masedoni duge bɛ tɔ. Kɔnɔ n nɛɛnɛdɔndɛnu, mɔ mɛn ni wo lalimaniya, wo ni to a kunmasala. 11Wo ni kata bɛ ma alako jususa ni to wo tɛma. Dodo kana do la ko masoe. Wo ni kɛnɛ walila wo ⸂yɛtɛ⸃ bole la iko mɔ ka a yita wo la ki min na. 12Wo butɔ, wo ni to tagamanna teleŋɛ la dɛnkɛnɛyabalenu tɛma, bɛ ni nɔ tola a yɛtɛ tɛn niiniŋɛ kɔtɔ.
Marige Isa tana koe
13N nɛɛnɛdɔndɛnu, mɔ bele diren wo ni to fahamubaliya tɔ dɛnkɛnɛyabaganu la ko la minnu bata faga. Wolo si a ma wo te suunu iko mɔgɛ minnu bele anu yigi sɔren Ala ma. 14Wo mɔ be laaren a la Isa bata faga, a mɛn tawulita, kaa? Awa, fagabaganu minnu dɛnkɛnɛyata Isa ma, mɔ mɛn be laaren a la, Ala si naa wonu tugun nawuli le, a ni anu layɛlɛ Isa la ko sabu la, anu bɛ ni kunbɛn kan dɔndɔ. 15Marige la kuma le ka, mɔ be min fɔla wo ye: Marige na tɛmuɛ be wo mɔle minnu taranna dunuya mɔ kende la, wo mɔle le fɔlɔ bele yɛlɛla dɛnkɛnɛyabaga fagareŋɛnu ko de ka anu to kɔma. 16Iyon, Marige yɛtɛ yati le be nala jigila kulɛ banba la bɔɔla saŋɛ tɔ, anun maleka kuntige kulɛ, a ni Ala tɛn bute fe. Isa la dɛnkɛnɛyabaga minnu bata faga nun, a fɔlɛ la betun wondelen be wulila wo lun. 17Wo tanbi kɔma, wo mɔle minnu kende be toren dunuya, wo mɔle nun wonu si jigan de, ka yɛlɛ ɲɔgɔn na luuture tɔ, ka Marige labɛn fɔɲɛ tɔ. Wo butɔ, mɔ si to Marige kɛnna ɲɔgɔnna le abada. 18Wolo mu, wo ni ɲɔgɔn nalimaniya kɛ kumanu la.
Currently Selected:
:
Highlight
Share
Copy
Want to have your highlights saved across all your devices? Sign up or sign in