1 Samiyɛli 2
2
Hana la Alatala tantu beete
1Wo kɔma, Hana ka kɛ beete bɔɔ Alatala ye, a ko:
«N be ɲagalinden Alatala la koola,
Alatala bata n kun nawuli.
N da bata mafulen n jaguenu digii ma,
n bata sɛɛwa bayi ile Alatala bata n dɛman.
2Alatala la saniyaŋɛ ɲɔgɔn yo bele.
Marige gbɛtɛ bele fɔ ile Ala.
Tuuku Mansa yo bele fɔ mɔ Marige Ala.
3Wo ni wo la wasumanteya kuma dan.
Fan nakoloya kuma kana bɔɔ wo da tɔ.
Bayi Alatala, Ala le mu a la min ka koe bɛ lɔn,
ale le be mɔgɛ la wale bɛ sala sikele tɔ, a ni a suman.
4Kɛlɛ malá sɛnbɛmanu la kalanu bata makati,
kɔnɔ minnu sɛnbɛ bele nun, wonu bata sɛnbɛ sɔtɔ.
5Minnu be faren nun, fɔ wonu ni wali kɔtɛ balue ɲini koe la,
minnu be kɔnkɔren nun, wonu bata wasa.
Hali musu den sɔtɔ bale bata den kunɲa wɔrɔwila sɔtɔ,
kɔnɔ den siyama sɔtɔlá bata den sɔtɛ dan, a bata to a dɔrɔn.
6Alatala le be mɔgɛ fagala, ale le mɛn be mɔgɛ balula.
Ale le be mɔgɛ donila laakira, ale le mɛn be mɔgɛ tanatila dunuya.
7Alatala le be mɔgɛ lafugariyala, ale le mɛn be mɔgɛ labannayala.
Ale le be mɔgɛ kun majigila, ale le mɛn be mɔgɛ kun nawulila.
8A ni fondobɔnɛ jigan suntukuŋɛ tɔ, a ni a la ko mayɛlɛ.
A ni misikinɛ jigan ɲagama tɔ, a ni a sigi kuntigenu tɛma,
a ni na mansaya kunnawule dii a ma kɛɛ la.
Bayi Alatala le tɛŋɛ mu dunuya tunkenu bɛ la,
a be duge lafontiren wonu kunma.
9A si a hakkile to le a la lannanteya mɔgɛnu ma.
Kɔnɔ mɔgɔ koroŋɛnu kan be samala le dibe tɔ,
bayi mɔgɛ te nɔɛ sɔtɔ a yɛtɛ sɛnbɛ la.
10Alatala be balamantaŋɛ lajigila,
minnu be kantabɛlɛyaren a ma, a ni wonu la ko tiɲa.
Alatala si duge bɛ makiiti le han dunuya daŋɛ tɔ.
A si kunnawule dii le a la mansa ma,
a be Ala la mɔgɔ masubɛreŋɛ sɛnbɛ lakoloyala le.»
11Wo tanbi kɔma, Elikana saagita a bata Rama, a ka kɛ den kayirendeŋɛ kan to a ni wali Alatala ye a la hɔrɔma dingira tɔ, Eli sarika lakelá bolo.
Eli la den kayireŋɛnu la wali koroŋɛ
12Awa, Eli la den kayireŋɛnu, mɔgɔ sɔnkoroŋɛnu le mu anu la, anu bele sɔnden Alatala la kuntigiya la. 13Kɛ sarika lakelanu be walila kaa le nun jama mafanna: Mɔgɛnu tini na sarika bɔɔdula wagate yo ma, sarika lakelá la walilá be nala subu taba wagate le. Subu sɔgɔfeŋɛ ɲin saba be bitaren a bole la. 14A be wo sɔgɔfeŋɛ lajigila le daga butɔ, ka wo ma, tabari mafeŋɛ butɔ min yo be ta kunma. A ka min yo layɛlɛ, sarika lakelá be wolo jiganna a ni a ma a tɛŋɛ la. Anu be wolo mala nun Isirayila kaanu bɛ la minnu bɛ be nala nun sarika bɔɔdula Silo. 15Wagati do ɲan, yannun kɛ́ŋɛ ni bintan Alatala ye sarika bintandula kunma, sarika lakelá la walilá ni na kisanna, a ni a fɔ sarika tige ye, wo tigi ni subu kutaŋɛ don a bolo alako sarika lakelá ni wo yilan a fan ye. A mɛn ni a fɔ, aa sarika lakelá te sɔn subu tabareŋɛ la, fɔ a ni a sɔtɔ a kutaŋɛ le la. 16Ka sarika tige ka a fɔ a ye, «A to mɔ ni a kɛ́ŋɛ fɔlɔ bintan betunna; wo tini ban, i be diren min yo ye, i ni a jigan wo tuma», awa, sarika lakelá la walilá be a fɔla le, «N balan. Ka i ma sɔn, n be a jiganna sɛnbɛ le la.» 17Awa, Eli la den kayireŋɛnu be junubu banba le ɲinila Alatala la, bayi anu bele biliya yo saren sarikanu ma minnu be bɔɔla a ye.
18Kɔnɔ Samiyɛli kamarendeŋɛ kan be a la wale le mala Alatala ɲakɔtɔ, a taranta tasɔgɔ doroke be lajigiren a ma.
19San yo san, a nɛɛnɛ si guba lanma ɲiɲa le a ye. A ni a sanba wo la a nun a la kaye tini be nala Silo san yo san sarika bɔɔdula. 20Anu be ɲɔ le, Eli tota dubala Elikana nun a la muse ye, a fɔ koe la Elikana ye: «Ala mu a lagirila i la kɛ muse ni den gbɛtɛnu sɔtɔ i ye, deŋɛ faliŋɛ la a ka min maɲininka nun Alatala ma.» Wo kɔma, anu ni saagi anu bata.
21Awa, Alatala hinnɛta Hana la kaa le, a ka den kayiren saba nun den museren fila sɔtɔ. Samiyɛli kamarendeŋɛ kan tota koloyala Alatala ɲala.
22Wo ka a taran, Eli sarika lakelá bata kikalakɔtɔya koola. A ka a mɔɛ a la deŋɛnu be min bɛ mala Isirayila kaanu la. A mɛn ka a mɔɛ, anu be kɛnɛ musenu le masala minnu be wale mala hɔrɔma dingira dondula dala. 23Wo koe bɛ mɔɛ kɔma le, a ka anu maɲininka, a ko: «N be fen de mɔɛla wo kunma ka? Jama bɛ be wo la wali koroŋɛnu le fɔla. Wo be wo mɔɔle mala fenna? 24N na deŋɛnu, wo a to! N be min mɔɛla wo kunma, wo maɲin feu! Wo be Alatala la jama lamurutɛla le a la sariya ma. 25Ka mɔgɛ ka junube ma a kafuɲɔgɛ la, Ala si a dɛman a tabɛn koe la. Kɔnɔ, ka mɔgɛ ka kɛlɛ tɛgɛ Alatala le ma, ɲɔmɔ le kan si wo tigi dɛman a ni a tabɛn?»
Kɔnɔ, anu ma sɔn anu tolomasɔla anu baaba la, bayi Alatala bata di anu la ko ni dan.
26Samiyɛli kamarendeŋɛ kan tota koloyala le tun. A la ko diyata Alatala ye, anun mɔgɛnu tugun ye.
Ɲagankata min na ko fɔta Eli nun a la denbaya ye
27Lun do, Ala la kiilá do nata Eli dula, a ka a fɔ a ye, a ko: «Alatala la kuma le kɛ la: ‹N ma n yɛtɛ yita le i benbanu la ba Misira jamanɛ tɔ, anu be Firauna la yamɔre kɔtɔ wagate min tɔ? 28Nde le ka i benba masubɛ Isirayila bɔnsɛ bɛ ɲaama, a ni ma sarika lakelá la n na hɔrɔma dingira butɔ, a ni kɛnɛ yɛlɛla n na sarika bintandula, a ni sorayi bintan, a be kɛnɛ sarika lakelá banba la guba lajigila a ma a ni naa sɔɔ n ɲakɔtɔ.#2:28 a be kɛnɛ sarika lakelá banba la guba lajigila a ma a ni naa sɔɔ n ɲakɔtɔ. Min be sɛbɛren Hebure kuma tɔ yan, a si nɔ mayɛlɛmanna Mɔgɔfin kuma tɔ ka le tugun: a ni n sagona koe lɔn ka a ɲamakaran jama ye. Ale yo, a bɔnsɛnu yo, bani Isirayila kaanu be sarika bintannɛŋɛ min bɛ bɔɔla ka a kɛrɛkɛrɛ n ɲɛ, anu ni anu tɛŋɛ sɔtɔ wo tɔ. 29N be n na jama yamɔriren anu ni to nala sarika nun hadiya minnu bɔɔla n ɲɛ han kudai, fenna wo be anu matɛnden? Fenna i be i la den kayireŋɛnu biliyala tanbi nde la, han wo ni wo yɛtɛ labɔrɔgɛ hadiya fɔlɔnɛŋɛnu la, n na jama Isirayila kaanu ka minnu bɔɔ?› 30Alatala la kuma fɔreŋɛ le kɛ la, bani Isirayila Marige Ala: ‹Tɔɲa le, nde le ka a fɔ nun, i la fɔgɛ nun i benba la fɔgɔ da mɔgɛ bɛ be tola n na wale le tɔ nun kudai. Kɔnɔ kɔtɛ, n bata wo lahire bɔɔ a tɔ feu. Bayi n be mɔgɛ le biliyala min ka n biliya, kɔnɔ minnu be n fɛɛyala, n be maluya le dusula wonu kunma. 31Luŋɛ be nala, n be i nun i bɔnsɛ bɛ sɛnbɛ katila lun min na. Wolo mu, mɔgɔ yo te simaya yanfama sɔtɔ bitugun i bɔnsɛ ɲaama. 32I si naa to ko makilandeŋɛ le yenna kudai. Wo si a taran koenu ni to sɔnɔyala Isirayila bɛ ye, kɔnɔ ile kan, kikala yo te to i bɔnsɛ tɔ bitugun. 33N si naa i la mɔgɔ do to le n na sarika bintandula kɛnna, kɔnɔ a si ma i ye ɲaje nun tɔɔrɛ la. Bɔɔ wo tigi la, minnu bɛ be nala i bɔnsɛ tɔ anu si faga le yannun anu ni kɔtɔya. 34Koe min be nala i la den mɔgɔ fila masɔtɔla, Hofuni nun Finehasi, wolo be mala i ye tɔnkuma la. Anu fila bɛ si faga le lun dɔndɔ. 35N si naa sarika lakelá do sɔ min mu lannanteya mɔgɛ la, min be n diyanankoe nun n sagona koe bɛ mala. N si bɔnsɔ sabatireŋɛ dii le a ma, a si tagaman de wagate bɛ mansa ɲala n be naala min masubɛla. 36Min bɛ be nala tola i bɔnsɛ tɔ, anu si naa anu majigi a kɛn kɔtɔ, alako anu ni dalasi dɔndɔ sɔtɔ, ka wo ma, dɛgɛ kunte, anu ni a fɔ a ye: ‹Hɔrɔma dingira wali dula do taaku n na, alako n ni n balue sɔtɔ.››»
Currently Selected:
1 Samiyɛli 2: MOG
Highlight
Share
Compare
Copy
Want to have your highlights saved across all your devices? Sign up or sign in
1 Samiyɛli 2
2
Hana la Alatala tantu beete
1Wo kɔma, Hana ka kɛ beete bɔɔ Alatala ye, a ko:
«N be ɲagalinden Alatala la koola,
Alatala bata n kun nawuli.
N da bata mafulen n jaguenu digii ma,
n bata sɛɛwa bayi ile Alatala bata n dɛman.
2Alatala la saniyaŋɛ ɲɔgɔn yo bele.
Marige gbɛtɛ bele fɔ ile Ala.
Tuuku Mansa yo bele fɔ mɔ Marige Ala.
3Wo ni wo la wasumanteya kuma dan.
Fan nakoloya kuma kana bɔɔ wo da tɔ.
Bayi Alatala, Ala le mu a la min ka koe bɛ lɔn,
ale le be mɔgɛ la wale bɛ sala sikele tɔ, a ni a suman.
4Kɛlɛ malá sɛnbɛmanu la kalanu bata makati,
kɔnɔ minnu sɛnbɛ bele nun, wonu bata sɛnbɛ sɔtɔ.
5Minnu be faren nun, fɔ wonu ni wali kɔtɛ balue ɲini koe la,
minnu be kɔnkɔren nun, wonu bata wasa.
Hali musu den sɔtɔ bale bata den kunɲa wɔrɔwila sɔtɔ,
kɔnɔ den siyama sɔtɔlá bata den sɔtɛ dan, a bata to a dɔrɔn.
6Alatala le be mɔgɛ fagala, ale le mɛn be mɔgɛ balula.
Ale le be mɔgɛ donila laakira, ale le mɛn be mɔgɛ tanatila dunuya.
7Alatala le be mɔgɛ lafugariyala, ale le mɛn be mɔgɛ labannayala.
Ale le be mɔgɛ kun majigila, ale le mɛn be mɔgɛ kun nawulila.
8A ni fondobɔnɛ jigan suntukuŋɛ tɔ, a ni a la ko mayɛlɛ.
A ni misikinɛ jigan ɲagama tɔ, a ni a sigi kuntigenu tɛma,
a ni na mansaya kunnawule dii a ma kɛɛ la.
Bayi Alatala le tɛŋɛ mu dunuya tunkenu bɛ la,
a be duge lafontiren wonu kunma.
9A si a hakkile to le a la lannanteya mɔgɛnu ma.
Kɔnɔ mɔgɔ koroŋɛnu kan be samala le dibe tɔ,
bayi mɔgɛ te nɔɛ sɔtɔ a yɛtɛ sɛnbɛ la.
10Alatala be balamantaŋɛ lajigila,
minnu be kantabɛlɛyaren a ma, a ni wonu la ko tiɲa.
Alatala si duge bɛ makiiti le han dunuya daŋɛ tɔ.
A si kunnawule dii le a la mansa ma,
a be Ala la mɔgɔ masubɛreŋɛ sɛnbɛ lakoloyala le.»
11Wo tanbi kɔma, Elikana saagita a bata Rama, a ka kɛ den kayirendeŋɛ kan to a ni wali Alatala ye a la hɔrɔma dingira tɔ, Eli sarika lakelá bolo.
Eli la den kayireŋɛnu la wali koroŋɛ
12Awa, Eli la den kayireŋɛnu, mɔgɔ sɔnkoroŋɛnu le mu anu la, anu bele sɔnden Alatala la kuntigiya la. 13Kɛ sarika lakelanu be walila kaa le nun jama mafanna: Mɔgɛnu tini na sarika bɔɔdula wagate yo ma, sarika lakelá la walilá be nala subu taba wagate le. Subu sɔgɔfeŋɛ ɲin saba be bitaren a bole la. 14A be wo sɔgɔfeŋɛ lajigila le daga butɔ, ka wo ma, tabari mafeŋɛ butɔ min yo be ta kunma. A ka min yo layɛlɛ, sarika lakelá be wolo jiganna a ni a ma a tɛŋɛ la. Anu be wolo mala nun Isirayila kaanu bɛ la minnu bɛ be nala nun sarika bɔɔdula Silo. 15Wagati do ɲan, yannun kɛ́ŋɛ ni bintan Alatala ye sarika bintandula kunma, sarika lakelá la walilá ni na kisanna, a ni a fɔ sarika tige ye, wo tigi ni subu kutaŋɛ don a bolo alako sarika lakelá ni wo yilan a fan ye. A mɛn ni a fɔ, aa sarika lakelá te sɔn subu tabareŋɛ la, fɔ a ni a sɔtɔ a kutaŋɛ le la. 16Ka sarika tige ka a fɔ a ye, «A to mɔ ni a kɛ́ŋɛ fɔlɔ bintan betunna; wo tini ban, i be diren min yo ye, i ni a jigan wo tuma», awa, sarika lakelá la walilá be a fɔla le, «N balan. Ka i ma sɔn, n be a jiganna sɛnbɛ le la.» 17Awa, Eli la den kayireŋɛnu be junubu banba le ɲinila Alatala la, bayi anu bele biliya yo saren sarikanu ma minnu be bɔɔla a ye.
18Kɔnɔ Samiyɛli kamarendeŋɛ kan be a la wale le mala Alatala ɲakɔtɔ, a taranta tasɔgɔ doroke be lajigiren a ma.
19San yo san, a nɛɛnɛ si guba lanma ɲiɲa le a ye. A ni a sanba wo la a nun a la kaye tini be nala Silo san yo san sarika bɔɔdula. 20Anu be ɲɔ le, Eli tota dubala Elikana nun a la muse ye, a fɔ koe la Elikana ye: «Ala mu a lagirila i la kɛ muse ni den gbɛtɛnu sɔtɔ i ye, deŋɛ faliŋɛ la a ka min maɲininka nun Alatala ma.» Wo kɔma, anu ni saagi anu bata.
21Awa, Alatala hinnɛta Hana la kaa le, a ka den kayiren saba nun den museren fila sɔtɔ. Samiyɛli kamarendeŋɛ kan tota koloyala Alatala ɲala.
22Wo ka a taran, Eli sarika lakelá bata kikalakɔtɔya koola. A ka a mɔɛ a la deŋɛnu be min bɛ mala Isirayila kaanu la. A mɛn ka a mɔɛ, anu be kɛnɛ musenu le masala minnu be wale mala hɔrɔma dingira dondula dala. 23Wo koe bɛ mɔɛ kɔma le, a ka anu maɲininka, a ko: «N be fen de mɔɛla wo kunma ka? Jama bɛ be wo la wali koroŋɛnu le fɔla. Wo be wo mɔɔle mala fenna? 24N na deŋɛnu, wo a to! N be min mɔɛla wo kunma, wo maɲin feu! Wo be Alatala la jama lamurutɛla le a la sariya ma. 25Ka mɔgɛ ka junube ma a kafuɲɔgɛ la, Ala si a dɛman a tabɛn koe la. Kɔnɔ, ka mɔgɛ ka kɛlɛ tɛgɛ Alatala le ma, ɲɔmɔ le kan si wo tigi dɛman a ni a tabɛn?»
Kɔnɔ, anu ma sɔn anu tolomasɔla anu baaba la, bayi Alatala bata di anu la ko ni dan.
26Samiyɛli kamarendeŋɛ kan tota koloyala le tun. A la ko diyata Alatala ye, anun mɔgɛnu tugun ye.
Ɲagankata min na ko fɔta Eli nun a la denbaya ye
27Lun do, Ala la kiilá do nata Eli dula, a ka a fɔ a ye, a ko: «Alatala la kuma le kɛ la: ‹N ma n yɛtɛ yita le i benbanu la ba Misira jamanɛ tɔ, anu be Firauna la yamɔre kɔtɔ wagate min tɔ? 28Nde le ka i benba masubɛ Isirayila bɔnsɛ bɛ ɲaama, a ni ma sarika lakelá la n na hɔrɔma dingira butɔ, a ni kɛnɛ yɛlɛla n na sarika bintandula, a ni sorayi bintan, a be kɛnɛ sarika lakelá banba la guba lajigila a ma a ni naa sɔɔ n ɲakɔtɔ.#2:28 a be kɛnɛ sarika lakelá banba la guba lajigila a ma a ni naa sɔɔ n ɲakɔtɔ. Min be sɛbɛren Hebure kuma tɔ yan, a si nɔ mayɛlɛmanna Mɔgɔfin kuma tɔ ka le tugun: a ni n sagona koe lɔn ka a ɲamakaran jama ye. Ale yo, a bɔnsɛnu yo, bani Isirayila kaanu be sarika bintannɛŋɛ min bɛ bɔɔla ka a kɛrɛkɛrɛ n ɲɛ, anu ni anu tɛŋɛ sɔtɔ wo tɔ. 29N be n na jama yamɔriren anu ni to nala sarika nun hadiya minnu bɔɔla n ɲɛ han kudai, fenna wo be anu matɛnden? Fenna i be i la den kayireŋɛnu biliyala tanbi nde la, han wo ni wo yɛtɛ labɔrɔgɛ hadiya fɔlɔnɛŋɛnu la, n na jama Isirayila kaanu ka minnu bɔɔ?› 30Alatala la kuma fɔreŋɛ le kɛ la, bani Isirayila Marige Ala: ‹Tɔɲa le, nde le ka a fɔ nun, i la fɔgɛ nun i benba la fɔgɔ da mɔgɛ bɛ be tola n na wale le tɔ nun kudai. Kɔnɔ kɔtɛ, n bata wo lahire bɔɔ a tɔ feu. Bayi n be mɔgɛ le biliyala min ka n biliya, kɔnɔ minnu be n fɛɛyala, n be maluya le dusula wonu kunma. 31Luŋɛ be nala, n be i nun i bɔnsɛ bɛ sɛnbɛ katila lun min na. Wolo mu, mɔgɔ yo te simaya yanfama sɔtɔ bitugun i bɔnsɛ ɲaama. 32I si naa to ko makilandeŋɛ le yenna kudai. Wo si a taran koenu ni to sɔnɔyala Isirayila bɛ ye, kɔnɔ ile kan, kikala yo te to i bɔnsɛ tɔ bitugun. 33N si naa i la mɔgɔ do to le n na sarika bintandula kɛnna, kɔnɔ a si ma i ye ɲaje nun tɔɔrɛ la. Bɔɔ wo tigi la, minnu bɛ be nala i bɔnsɛ tɔ anu si faga le yannun anu ni kɔtɔya. 34Koe min be nala i la den mɔgɔ fila masɔtɔla, Hofuni nun Finehasi, wolo be mala i ye tɔnkuma la. Anu fila bɛ si faga le lun dɔndɔ. 35N si naa sarika lakelá do sɔ min mu lannanteya mɔgɛ la, min be n diyanankoe nun n sagona koe bɛ mala. N si bɔnsɔ sabatireŋɛ dii le a ma, a si tagaman de wagate bɛ mansa ɲala n be naala min masubɛla. 36Min bɛ be nala tola i bɔnsɛ tɔ, anu si naa anu majigi a kɛn kɔtɔ, alako anu ni dalasi dɔndɔ sɔtɔ, ka wo ma, dɛgɛ kunte, anu ni a fɔ a ye: ‹Hɔrɔma dingira wali dula do taaku n na, alako n ni n balue sɔtɔ.››»
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in