ರೋಮ್ 13
13
ಅದಿಕಾರಕ್ ತಗ್ಗಿತ್ ನಡ್‍ಪದ್
1ಎಲ್ಲಾರು ತಾಂಡ ಮೇಲೆ ಅದಿಕಾರತ್‍ಲ್ ಉಳ್ಳಯಿಂಗಕ್ ತಗ್ಗಿತ್ ನಡ್‌ಕಂಡು. ಎನ್ನಂಗೆಣ್ಣ್‌ಚೇಂಗಿ, ದೇವ ನೇಮಿಚಿಡತೆ, ಏದ್ ಅದಿಕಾರವು ಇಲ್ಲೆ. ನಂಗ ಕಾಂಬ ಎಲ್ಲಾ ಅದಿಕಾರವು ದೇವ ನೇಮಿಚತ್. 2ಆನಗುಂಡ್, ಅದಿಕಾರಕ್ ಎದ್‍ರ್ ನಿಪ್ಪಂವೊ ದೇವ ನೇಮಿಚಿಟ್ಟದಂಗ್ ಎದ್‍ರಾಯಿತ್ ನಿಂದಂಡ್ ಉಂಡ್. ಅನ್ನನೆ ಎದ್‍ರ್ ನಿಪ್ಪಯಿಂಗ ಅಯಿಂಗಕ್ ಅಯಿಂಗಳೇ ತೀರ್ಪ್ ಮಾಡಿಯಂಡುಂಡ್. 3ಅದಲ್ಲತೆ, ಅದಿಕಾರಿಯಂಗ ನಲ್ಲದ್ ಮಾಡ್‌ವಯಿಂಗಕ್ ಅಲ್ಲ, ಕೆಟ್ಟದ್ ಮಾಡ್‌ವಯಿಂಗಕೇ ಕ್ರೂರವಾಯಿತ್ ಇಪ್ಪ; ಆನಗುಂಡ್ ಅದಿಕಾರಿಯಂಗಕ್ ಪೋಡಿಯಿಲ್ಲತೆ ಬದ್‍ಕಂಡೂಂದ್ ನಿಂಗಕ್ ಆಸೆ ಇಂಜತೇಂಗಿ, ನಲ್ಲದ್ ಮಾಡಿ; ಅನ್ನನೆ ಮಾಡ್‌ವಗುಂಡ್ ನಿಂಗಕ್ ನಲ್ಲ ಪೆದ ಕ್‍ಟ್ಟುವ. 4ನೀಕ್ ನಲ್ಲದ್ ಆಂಡೂಂದ್ ಅಯಿಂಗ ದೇವಡ ಸೇವಕಂಗಳಾಯಿತ್ ಉಂಡ್. ನೀನ್ ಕೆಟ್ಟದ್ ಮಾಡ್‍ಚೇಂಗಿ ಬೊತ್ತಿಯಂಡಿರ್; ಮುಂಡತೆ ಅಯಿಂಗಕ್ ಅದಿಕಾರ#13.4 ಬಾಳ್ ಕತ್ತಿ ಕೊಡ್‍ತಿತ್ತ್‌ಲ್ಲೆ; ಕೆಟ್ಟದ್ ಮಾಡ್‌ವಯಿಂಗಕ್ ಶಿಕ್ಷೆ ಕೊಡ್‍ಪಕಾಯಿತ್ ಅಯಿಂಗ ದೇವಡ ಸೇವಕನಾಯಿತುಂಡ್. 5ಆನಗುಂಡ್, ನಿಂಗಕ್ ಶಿಕ್ಷೆ ಕ್‍ಟ್ಟ್‌ವಾಂದ್ ಮಾತ್ರ ಅಲ್ಲ, ಮನಸಾಕ್ಷಿರಗುಂಡು ತಗ್ಗಿತ್ ನಡ್‌ಕಂಡು. 6ಇದ್ಂಗಾಯಿತೇ ನಿಂಗ ಕಂದಾಯ ಕೊಡ್‍ತಂಡುಂಡ್. ಅಯಿಂಗ ಈ ಕೆಲಸತ್‍ನ ನೋಟುವ ದೇವಡ ಸೇವಕಂಗಳಾಯಿತುಂಡ್. 7ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.
ಪ್ರೀತಿ ಮಾಡಂಡೂಂದ್ ಉಳ್ಳ ಬೋದನೆ
8ಒಬ್ಬಂಡ ಕೂಡೆ ಒಬ್ಬ ಪ್ರೀತಿ ಮಾಡ್‌ವ ಸಾಲತ್‍ನ ಅಲ್ಲತೆ, ಬೋರೆ ಏದ್ ವಿಷಯತ್‍ಲು ಸಾಲ ಇಪ್ಪಕ್ಕಾಗ; ಬೋರೆಯಿಂಗಳ ಪ್ರೀತಿ ಮಾಡ್‌ವಂವೊ ನ್ಯಾಯಪ್ರಮಾಣತ್‍ನ ನೆರೆವೇರಿಚಿಟ್ಟಂಡುಂಡ್. 9ಎನ್ನನೆ ಎಣ್ಣ್‌ಚೇಂಗಿ: ವ್ಯಬಿಚಾರ ಮಾಡ್‌ವಕ್ಕಾಗ, ಕೊಲೆ ಮಾಡ್‌ವಕ್ಕಾಗ, ಕಪ್ಪಕ್ಕಾಗ, ಪೊಟ್ಟ್ ಸಾಕ್ಷಿ ಪರಿಯುವಕ್ಕಾಗ, ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡುವಕ್ಕಾಗ,#13.9 ಪ್ರಯಾಣ ಪುಸ್ತಕ 20.13–15,17; ದರ್ಮಶಾಸ್ತ್ರ ಪುಸ್ತಕ 5.17–19,21 ಇನ್ನತಾನ ಪ್ರಮಾಣವು, ಬೋರೆ ಏದ್ ಪ್ರಮಾಣವು, ನೀನ್ ನಿನ್ನ ಪ್ರೀತಿ ಮಾಡ್‌ವನೆಕೆ, ಬೋರೆಯಿಂಗಳ ಸಹ ಪ್ರೀತಿ ಮಾಡಂಡೂಂದ್ ಉಳ್ಳ ಒರೇ ಪ್ರಮಾಣತ್‍ರ#13.9 ಯಾಜಕ ಪುಸ್ತಕ 19.18 ಒಳ್‍ಕ್ ಅಡಂಗಿತುಂಡ್. 10ಪ್ರೀತಿ ಬೋರೆಯಿಂಗಕ್ ಕೆಟ್ಟದ್ ಮಾಡುಲೆ, ಆನಗುಂಡ್ ಪ್ರೀತಿ, ನ್ಯಾಯಪ್ರಮಾಣತ್‍ನ ಪೂರ್ತಿ ಮಾಡ್‌ವದಾಯಿತ್ ಉಂಡ್.
11ವರ್‌ಕ್‌ಯಿಂಜ ಏವ ಸಮಯ ಆಚೀಂದ್, ನಂಗ ಇಕ್ಕತ್‍ರ ಕಾಲತ್‍ನ ಅರ್ಥಮಾಡ್‍ನಯಿಂಗಳಾಯಿತ್, ಇನ್ನನೆ ಮಾಡಂಡು; ನಂಗ ಯೇಸುನ ನಂಬ್‍ನ ಆದ್ಯ ಕಾಲತ್‍ಲ್ ನಂಗಡ ಆಕೀರ್ ರಕ್ಷಣೆ ಪಕ್ಕತ್‍ಲ್ ಇಂಜಕಿಂಜ, ಇಕ್ಕ ಇಂಞು ಜಾಸ್ತಿ ನಂಗಡ ಪಕ್ಕತ್‍ಲ್ ಉಂಡ್. 12ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ. 13ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು. 14ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.
Currently Selected:
ರೋಮ್ 13: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ರೋಮ್ 13
13
ಅದಿಕಾರಕ್ ತಗ್ಗಿತ್ ನಡ್‍ಪದ್
1ಎಲ್ಲಾರು ತಾಂಡ ಮೇಲೆ ಅದಿಕಾರತ್‍ಲ್ ಉಳ್ಳಯಿಂಗಕ್ ತಗ್ಗಿತ್ ನಡ್‌ಕಂಡು. ಎನ್ನಂಗೆಣ್ಣ್‌ಚೇಂಗಿ, ದೇವ ನೇಮಿಚಿಡತೆ, ಏದ್ ಅದಿಕಾರವು ಇಲ್ಲೆ. ನಂಗ ಕಾಂಬ ಎಲ್ಲಾ ಅದಿಕಾರವು ದೇವ ನೇಮಿಚತ್. 2ಆನಗುಂಡ್, ಅದಿಕಾರಕ್ ಎದ್‍ರ್ ನಿಪ್ಪಂವೊ ದೇವ ನೇಮಿಚಿಟ್ಟದಂಗ್ ಎದ್‍ರಾಯಿತ್ ನಿಂದಂಡ್ ಉಂಡ್. ಅನ್ನನೆ ಎದ್‍ರ್ ನಿಪ್ಪಯಿಂಗ ಅಯಿಂಗಕ್ ಅಯಿಂಗಳೇ ತೀರ್ಪ್ ಮಾಡಿಯಂಡುಂಡ್. 3ಅದಲ್ಲತೆ, ಅದಿಕಾರಿಯಂಗ ನಲ್ಲದ್ ಮಾಡ್‌ವಯಿಂಗಕ್ ಅಲ್ಲ, ಕೆಟ್ಟದ್ ಮಾಡ್‌ವಯಿಂಗಕೇ ಕ್ರೂರವಾಯಿತ್ ಇಪ್ಪ; ಆನಗುಂಡ್ ಅದಿಕಾರಿಯಂಗಕ್ ಪೋಡಿಯಿಲ್ಲತೆ ಬದ್‍ಕಂಡೂಂದ್ ನಿಂಗಕ್ ಆಸೆ ಇಂಜತೇಂಗಿ, ನಲ್ಲದ್ ಮಾಡಿ; ಅನ್ನನೆ ಮಾಡ್‌ವಗುಂಡ್ ನಿಂಗಕ್ ನಲ್ಲ ಪೆದ ಕ್‍ಟ್ಟುವ. 4ನೀಕ್ ನಲ್ಲದ್ ಆಂಡೂಂದ್ ಅಯಿಂಗ ದೇವಡ ಸೇವಕಂಗಳಾಯಿತ್ ಉಂಡ್. ನೀನ್ ಕೆಟ್ಟದ್ ಮಾಡ್‍ಚೇಂಗಿ ಬೊತ್ತಿಯಂಡಿರ್; ಮುಂಡತೆ ಅಯಿಂಗಕ್ ಅದಿಕಾರ#13.4 ಬಾಳ್ ಕತ್ತಿ ಕೊಡ್‍ತಿತ್ತ್‌ಲ್ಲೆ; ಕೆಟ್ಟದ್ ಮಾಡ್‌ವಯಿಂಗಕ್ ಶಿಕ್ಷೆ ಕೊಡ್‍ಪಕಾಯಿತ್ ಅಯಿಂಗ ದೇವಡ ಸೇವಕನಾಯಿತುಂಡ್. 5ಆನಗುಂಡ್, ನಿಂಗಕ್ ಶಿಕ್ಷೆ ಕ್‍ಟ್ಟ್‌ವಾಂದ್ ಮಾತ್ರ ಅಲ್ಲ, ಮನಸಾಕ್ಷಿರಗುಂಡು ತಗ್ಗಿತ್ ನಡ್‌ಕಂಡು. 6ಇದ್ಂಗಾಯಿತೇ ನಿಂಗ ಕಂದಾಯ ಕೊಡ್‍ತಂಡುಂಡ್. ಅಯಿಂಗ ಈ ಕೆಲಸತ್‍ನ ನೋಟುವ ದೇವಡ ಸೇವಕಂಗಳಾಯಿತುಂಡ್. 7ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.
ಪ್ರೀತಿ ಮಾಡಂಡೂಂದ್ ಉಳ್ಳ ಬೋದನೆ
8ಒಬ್ಬಂಡ ಕೂಡೆ ಒಬ್ಬ ಪ್ರೀತಿ ಮಾಡ್‌ವ ಸಾಲತ್‍ನ ಅಲ್ಲತೆ, ಬೋರೆ ಏದ್ ವಿಷಯತ್‍ಲು ಸಾಲ ಇಪ್ಪಕ್ಕಾಗ; ಬೋರೆಯಿಂಗಳ ಪ್ರೀತಿ ಮಾಡ್‌ವಂವೊ ನ್ಯಾಯಪ್ರಮಾಣತ್‍ನ ನೆರೆವೇರಿಚಿಟ್ಟಂಡುಂಡ್. 9ಎನ್ನನೆ ಎಣ್ಣ್‌ಚೇಂಗಿ: ವ್ಯಬಿಚಾರ ಮಾಡ್‌ವಕ್ಕಾಗ, ಕೊಲೆ ಮಾಡ್‌ವಕ್ಕಾಗ, ಕಪ್ಪಕ್ಕಾಗ, ಪೊಟ್ಟ್ ಸಾಕ್ಷಿ ಪರಿಯುವಕ್ಕಾಗ, ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡುವಕ್ಕಾಗ,#13.9 ಪ್ರಯಾಣ ಪುಸ್ತಕ 20.13–15,17; ದರ್ಮಶಾಸ್ತ್ರ ಪುಸ್ತಕ 5.17–19,21 ಇನ್ನತಾನ ಪ್ರಮಾಣವು, ಬೋರೆ ಏದ್ ಪ್ರಮಾಣವು, ನೀನ್ ನಿನ್ನ ಪ್ರೀತಿ ಮಾಡ್‌ವನೆಕೆ, ಬೋರೆಯಿಂಗಳ ಸಹ ಪ್ರೀತಿ ಮಾಡಂಡೂಂದ್ ಉಳ್ಳ ಒರೇ ಪ್ರಮಾಣತ್‍ರ#13.9 ಯಾಜಕ ಪುಸ್ತಕ 19.18 ಒಳ್‍ಕ್ ಅಡಂಗಿತುಂಡ್. 10ಪ್ರೀತಿ ಬೋರೆಯಿಂಗಕ್ ಕೆಟ್ಟದ್ ಮಾಡುಲೆ, ಆನಗುಂಡ್ ಪ್ರೀತಿ, ನ್ಯಾಯಪ್ರಮಾಣತ್‍ನ ಪೂರ್ತಿ ಮಾಡ್‌ವದಾಯಿತ್ ಉಂಡ್.
11ವರ್‌ಕ್‌ಯಿಂಜ ಏವ ಸಮಯ ಆಚೀಂದ್, ನಂಗ ಇಕ್ಕತ್‍ರ ಕಾಲತ್‍ನ ಅರ್ಥಮಾಡ್‍ನಯಿಂಗಳಾಯಿತ್, ಇನ್ನನೆ ಮಾಡಂಡು; ನಂಗ ಯೇಸುನ ನಂಬ್‍ನ ಆದ್ಯ ಕಾಲತ್‍ಲ್ ನಂಗಡ ಆಕೀರ್ ರಕ್ಷಣೆ ಪಕ್ಕತ್‍ಲ್ ಇಂಜಕಿಂಜ, ಇಕ್ಕ ಇಂಞು ಜಾಸ್ತಿ ನಂಗಡ ಪಕ್ಕತ್‍ಲ್ ಉಂಡ್. 12ಬೈಟ್ ದುಂಬ ಕಳೆಂದ್ ಪೋಚಿ, ಪೋಲ್ ಪಕ್ಕ ಬಾತ್; ಆನಗುಂಡ್ ಇರ್‌ಟ್‌ರ ಕ್ರಿಯೇನ ಬುಟ್ಟಿತ್, ಬೊಳಿರ ಆಯುದತ್‍ನ ಇಡೋನ. 13ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು. 14ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)