ಪ್ರಕಟನೆ 9
9
1ಅಂಜನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಬಾನತ್ಂಜ ಒರ್ ನಕ್ಷತ್ರ ಬೂಮಿಕ್ ಬುದ್ದಾನ ನಾನ್ ಕಂಡಿಯೆ. ಅಂವೊಂಗ್ ಪಾತಾಳತ್‍ರ ಬೀತ್‌ಕೈನ ಕೊಡ್‌ತಿತ್ಂಜತ್. 2ಅಂವೊ ಪಾತಾಳತ್‍ನ ತೊರ್ಂದತ್. ಅಕ್ಕಣೆ, ಆ ಆಳವಾನ ಕುಂಡ್‍ಂಜ ಬಲ್ಯ ಪೊಗೆ ಕೊಡಿಕ್ ಬಾತ್. ಆ ಆಳವಾನ ಕುಂಡ್‍ರ ಪೊಗೆಯಿಂಜ ಸೂರ್ಯವು ಬಾನವು ಕರ್ತದಾಚಿ. 3ಆ ಪೊಗೆಯಿಂಜ ದುಂಬ ಪಚ್ಚೆ ಪುಕ್ಕ ಪೊರಟ್ ಬಾತ್. ಅದ್ಂಗ್ ಬೂಮಿಲುಳ್ಳ ಚೇಳ್‍ವಕ್ ಎಂತ ಶಕ್ತಿ ಉಂಡೋ ಆ ಶಕ್ತಿನ ಕೊಡ್‌ತಿತ್ಂಜತ್. 4ಬೂಮಿಲುಳ್ಳ ಪಿಲ್ಲ್‌ನ, ಏದ್ ಒರ್ ಪಚ್ಚೆ ಗಿಡತ್‍ನ ಅಥವ ಮರತ್‍ನ ಪಾಳ್ ಮಾಡತೆ, ನೆತ್ತಿಲ್ ದೇವಡ ಮುದ್ರೆ ಇಲ್ಲತಯಿಂಗಳ ಮಾತ್ರ ಹಿಂಸೆ ಮಾಡ್‌ವಕ್ ಅಯಿಂಗಕ್ ಹುಕುಮ್ ಕ್‍ಟ್ಟಿತ್ಂಜತ್. 5ಅದಲ್ಲತೆ, ಅಯಿಂಗಳ ಕೊಲ್ಲುವಕ್ ಅಯಿಂಗಕ್ ಅದಿಕಾರ ಕ್‍ಟ್ಟಿತ್‌ಲ್ಲೆ, ಆಚೇಂಗಿ ಅಂಜ್ ತಿಂಗಕ್ ಹಿಂಸೆ ಮಾಡ್‌ವಕ್ ಮಾತ್ರ ಅಯಿಂಗಕ್ ಹುಕುಮ್ ಕೊಡ್‌ತಿತ್ಂಜತ್; ಆ ಹಿಂಸೆರ ನೊಂಬಲ, ಚೇಳ್ ಕಡಿಪಕ ಆಪ ನೊಂಬಲತ್‍ರನೆಕೆ ಇಪ್ಪ. 6ಆ ಕಾಲತ್‍ಲ್ ಮನುಷ್ಯಂಗ ಚಾವಂಡೂಂದ್ ಚಾವ್‍ನ ತ್‍ೕಡ್‍ಚೇಂಗಿಯು, ಅಯಿಂಗ ಚಾವ್‍ನ ಕಾಂಬ್‍ಲೆ. ಅಯಿಂಗ ಚಾವಂಡೂಂದ್ ಆಸೆ ಪಡುವ, ಆಚೇಂಗಿ ಚಾವ್ ಅಯಿಂಗಡಿಂಜ ಪಾರಿ ಪೋಪ.
7ಆ ಪಚ್ಚೆಪುಕ್ಕತ್‍ರ ರೂಪ ಯುದ್ದಕ್ ತಯಾರಾನ ಕುದರೆನೆಕೆ ಇಂಜತ್; ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟತ್‍ರನೆಕೆ ಎಂತೋ ಇಂಜತ್. ಅದ್ಂಡ ಮೂಡ್ ಮನುಷ್ಯಂಡ ಮೂಡ್‍ರನೆಕೆ ಇಂಜತ್. 8ಅಯಿಂಗಡ ತಲ್‍ಮಿ ಪೊನ್ನ್‌ರ ತಲ್‍ಮಿರನೆಕೆ ಇಂಜತ್; ಅಯಿಂಗಡ ಪಲ್ಲ್ ಸಿಂಹತ್‍ರ ಪಲ್ಲ್‌ರನೆಕೆ ಇಂಜತ್. 9ಅಯಿಂಗಕ್ ಇರ್‍ಂಬ್‍ರ ಎದೆತಟ್ಟೆರನೆಕೆ ಕವಚ ಇಂಜತ್; ಆ ಪಚ್ಚೆಪುಕ್ಕತ್‍ರ ರೆಕ್ಕೆರ ಸದ್ದ್, ಯುದ್ದಕ್ ಓಡುವ ದುಂಬ ಕುದ್‌ರೆ ರಥತ್‍ರ ಸದ್ದ್‌ರನೆಕೆ ಇಂಜತ್. 10ಅಯಿಂಗಕ್ ಚೇಳ್‍ಕ್ ಉಳ್ಳನೆಕೆ ಬಾಲ್ ಪಿಂಞ ಆ ಬಾಲ್‍ಲ್ ಕೊಂಡಿಯು ಇಂಜತ್. ಮನುಷ್ಯಂಗಳ ಅಂಜ್ ತಿಂಗಕತ್ತನೆ ಹಿಂಸೆ ಮಾಡ್‌ವಕ್ ಅಯಿಂಗಡ ಬಾಲ್‍ಕ್ ಶಕ್ತಿ ಕೊಡ್‌ತಿತ್ಂಜತ್. 11ಅಯಿಂಗಕ್ ಒರ್ ರಾಜ ಇಂಜತ್, ಅಂವೊ ಪಾತಾಳತ್‍ರ ದೂತ; ಇಬ್ರಿಯ ಬಾಷೆಲ್ ಅಬದ್ದೋನಾಂದೂ, ಗ್ರೀಕ್ ಬಾಷೆಲ್ ಅಪೊಲ್ಲುವೋನಾಂದೂ ಅಂವೊಂಗ್ ಪೆದ ಉಂಡ್#9.11 ಇದ್ಂಡ ಅರ್ಥ ಪಾಳ್ ಮಾಡ್‌ವಂವೊ..
12ಆದ್ಯ ಬಲ್ಯ ಅಪಾಯ ಕಯಿಂಜಿ ಪೋಚಿ; ನೋಟಿ, ಇದಾನ ಪಿಂಞ ಇಂಞು ದಂಡ್ ಬಲ್ಯ ಅಪಾಯ ಬಪ್ಪಕುಂಡ್.
13ಆರನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ದೇವಡ ಎದ್‍ಕೆ ಇಂಜ ಪೊನ್ನ್‌ರ ಬಲಿಪೀಠತ್‍ರ ನಾಲ್ ಕೊಂಬ್‍ಯಿಂಜ ಒರ್ ವಾಣಿ ಬಾತ್. 14ವಾಲಗತ್‌ನ ಪುಡ್‌ಚಂಡಿಂಜ ಆರನೆ ದೇವದೂತನ ನೋಟಿತ್: ಯೂಫ್ರೇಟೀಸ್ ಎಣ್ಣುವ ಬಲ್ಯ ಪೊಳೆರ ಪಕ್ಕ ಕೆಟ್ಟಿ ಬೆಚ್ಚಿತುಳ್ಳ ನಾಲ್ ದೂತಂಗಳ ಉತ್ತಿತ್ ಬುಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್. 15ಅಕ್ಕ ಲೋಕತ್‍ಲ್ ಉಳ್ಳ ಮನುಷ್ಯಂಗಡಲ್ಲಿ ಮೂಂದ್ ಬಾಗತ್‍ಲ್ ಒರ್ ಬಾಗತ್‍ರ ಜನಳ ಕೊಲ್ಲುವ ಈ ಗಂಟೆಕಾಯಿತು, ಈ ನಾಳ್‌ಕಾಯಿತು, ಈ ತಿಂಗಕಾಯಿತು, ಈ ಕಾಲಕಾಯಿತು ತಾಯಾರಾಯಿತ್ಂಜ ಆ ನಾಲ್ ದೂತಂಗಳ ಉದ್ದಿತ್ ಬುಟ್ಟತ್. 16ಕುದ್‌ರೇಲ್ ಅಳ್‌ತಿತ್ ಉಳ್ಳ ಸೇನೆರ ಸಂಖ್ಯೆ ಇರುವದ್ ಕೋಟೀಂದ್ ನಾಕ್ ಕ್‍ೕಟತ್.
17ಕುದ್‌ರೆಯಳ ಪಿಂಞ ಅದ್ಂಡಮೇಲೆ ಅಳ್‌ತಿತ್ಂಜ ಮನುಷ್ಯಂಗಳ ದರ್ಶನತ್‍ಲ್ ನಾನ್ ಇನ್ನನೆ ಕಂಡಿಯೆ. ಅಯಿಂಗ ತಿತ್ತ್‌ರ ರಂಗ್, ನೆತ್ತಲೆ ರಂಗ್ ಪಿಂಞ ಗಂಧಕತ್‍ರ ರಂಗ್‍ಲ್ ಎದೆ ತಟ್ಟೆನ ಇಟ್ಟಿತ್ಂಜತ್. ಕುದ್‌ರೆಯಡ ಮಂಡೆ ಸಿಂಹತ್‍ರ ಮಂಡೆರನೆಕೆ ಇಂಜತ್. ಅಯಿಂಗಡ ಬಾಯಿಂಜ ತಿತ್ತು, ಪೊಗೆಯೂ, ಗಂಧಕವು ಪೊರಟಿತ್ ಬಾತ್. 18ಅಯಿಂಗಡ ಬಾಯಿಂಜ ಬಪ್ಪ ತಿತ್ತ್ ಪೊಗೆ ಗಂಧಕ ಎಣ್ಣುವ ಈ ಮೂಂದ್‍ಂಜ ಮನುಷ್ಯಂಗಡಲ್ಲಿ ಮೂಂದ್‍ಲ್ ಒರ್ ಬಾಗ ಮನುಷ್ಯಂಗ ಚತ್ತ್ ಪೋಚಿ. 19ಕುದ್‌ರೆಯಡ ಶಕ್ತಿ ಅಯಿಂಗಡ ಬಾಯಿ ಪಿಂಞ ಬಾಲ್‍ಲ್ ಉಂಡ್; ಅಯಿಂಗಡ ಬಾಲ್ ಮಂಡೆ ಉಳ್ಳ ಪಾಂಬ್‍ರನೆಕೆ ಇಂಜತ್. ಅದ್‍ನಗುಂಡ್ ಕೇಡ್‍ನ ಉಂಟ್ ಮಾಡ್‌ವ.
20ಇನ್ನನೆಲ್ಲಾ ಆಚೇಂಗಿಯು, ಈ ಹಿಂಸೆರಗುಂಡ್ ಚಾವತೆ ಬಾಕಿ ಇಂಜ ಜನ, ಪೊನ್ನ್, ಬೊಳಿ, ಚೆಂಬ್, ಕಲ್ಲ್, ಮರ ಇನ್ನತಾನಗುಂಡ್ ಮಾಡ್‍ನ ಕಾಂಬಕು, ಕ್‍ೕಪಕು, ನಡ್‌ಪಕು ಕಯ್ಯತ ವಿಗ್ರಹಕ್ ಪೂಜೆ ಮಾಡತನೆಕೆ ಪಿಂಞ ಕೂಳಿಯಂಗಕ್ ಪೂಜೆ ಮಾಡತನೆಕೆ ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ. 21ಅದಲ್ಲತೆ, ಅಯಿಂಗ ಮಾಡಿಯಂಡ್ ಇಂಜ ಕೊಲೆ, ಮಾಟಮಂತ್ರ, ವೇಶಿತನ, ಕಳ್ಳತನ ಇನ್ನತಾನ ಬುಟ್ಟಿತ್ ಸಹ ಪಶ್ಚಾತಾಪ ಪಟ್ಟಿತ್‌ಲ್ಲೆ.
Currently Selected:
ಪ್ರಕಟನೆ 9: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಪ್ರಕಟನೆ 9
9
1ಅಂಜನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಬಾನತ್ಂಜ ಒರ್ ನಕ್ಷತ್ರ ಬೂಮಿಕ್ ಬುದ್ದಾನ ನಾನ್ ಕಂಡಿಯೆ. ಅಂವೊಂಗ್ ಪಾತಾಳತ್‍ರ ಬೀತ್‌ಕೈನ ಕೊಡ್‌ತಿತ್ಂಜತ್. 2ಅಂವೊ ಪಾತಾಳತ್‍ನ ತೊರ್ಂದತ್. ಅಕ್ಕಣೆ, ಆ ಆಳವಾನ ಕುಂಡ್‍ಂಜ ಬಲ್ಯ ಪೊಗೆ ಕೊಡಿಕ್ ಬಾತ್. ಆ ಆಳವಾನ ಕುಂಡ್‍ರ ಪೊಗೆಯಿಂಜ ಸೂರ್ಯವು ಬಾನವು ಕರ್ತದಾಚಿ. 3ಆ ಪೊಗೆಯಿಂಜ ದುಂಬ ಪಚ್ಚೆ ಪುಕ್ಕ ಪೊರಟ್ ಬಾತ್. ಅದ್ಂಗ್ ಬೂಮಿಲುಳ್ಳ ಚೇಳ್‍ವಕ್ ಎಂತ ಶಕ್ತಿ ಉಂಡೋ ಆ ಶಕ್ತಿನ ಕೊಡ್‌ತಿತ್ಂಜತ್. 4ಬೂಮಿಲುಳ್ಳ ಪಿಲ್ಲ್‌ನ, ಏದ್ ಒರ್ ಪಚ್ಚೆ ಗಿಡತ್‍ನ ಅಥವ ಮರತ್‍ನ ಪಾಳ್ ಮಾಡತೆ, ನೆತ್ತಿಲ್ ದೇವಡ ಮುದ್ರೆ ಇಲ್ಲತಯಿಂಗಳ ಮಾತ್ರ ಹಿಂಸೆ ಮಾಡ್‌ವಕ್ ಅಯಿಂಗಕ್ ಹುಕುಮ್ ಕ್‍ಟ್ಟಿತ್ಂಜತ್. 5ಅದಲ್ಲತೆ, ಅಯಿಂಗಳ ಕೊಲ್ಲುವಕ್ ಅಯಿಂಗಕ್ ಅದಿಕಾರ ಕ್‍ಟ್ಟಿತ್‌ಲ್ಲೆ, ಆಚೇಂಗಿ ಅಂಜ್ ತಿಂಗಕ್ ಹಿಂಸೆ ಮಾಡ್‌ವಕ್ ಮಾತ್ರ ಅಯಿಂಗಕ್ ಹುಕುಮ್ ಕೊಡ್‌ತಿತ್ಂಜತ್; ಆ ಹಿಂಸೆರ ನೊಂಬಲ, ಚೇಳ್ ಕಡಿಪಕ ಆಪ ನೊಂಬಲತ್‍ರನೆಕೆ ಇಪ್ಪ. 6ಆ ಕಾಲತ್‍ಲ್ ಮನುಷ್ಯಂಗ ಚಾವಂಡೂಂದ್ ಚಾವ್‍ನ ತ್‍ೕಡ್‍ಚೇಂಗಿಯು, ಅಯಿಂಗ ಚಾವ್‍ನ ಕಾಂಬ್‍ಲೆ. ಅಯಿಂಗ ಚಾವಂಡೂಂದ್ ಆಸೆ ಪಡುವ, ಆಚೇಂಗಿ ಚಾವ್ ಅಯಿಂಗಡಿಂಜ ಪಾರಿ ಪೋಪ.
7ಆ ಪಚ್ಚೆಪುಕ್ಕತ್‍ರ ರೂಪ ಯುದ್ದಕ್ ತಯಾರಾನ ಕುದರೆನೆಕೆ ಇಂಜತ್; ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟತ್‍ರನೆಕೆ ಎಂತೋ ಇಂಜತ್. ಅದ್ಂಡ ಮೂಡ್ ಮನುಷ್ಯಂಡ ಮೂಡ್‍ರನೆಕೆ ಇಂಜತ್. 8ಅಯಿಂಗಡ ತಲ್‍ಮಿ ಪೊನ್ನ್‌ರ ತಲ್‍ಮಿರನೆಕೆ ಇಂಜತ್; ಅಯಿಂಗಡ ಪಲ್ಲ್ ಸಿಂಹತ್‍ರ ಪಲ್ಲ್‌ರನೆಕೆ ಇಂಜತ್. 9ಅಯಿಂಗಕ್ ಇರ್‍ಂಬ್‍ರ ಎದೆತಟ್ಟೆರನೆಕೆ ಕವಚ ಇಂಜತ್; ಆ ಪಚ್ಚೆಪುಕ್ಕತ್‍ರ ರೆಕ್ಕೆರ ಸದ್ದ್, ಯುದ್ದಕ್ ಓಡುವ ದುಂಬ ಕುದ್‌ರೆ ರಥತ್‍ರ ಸದ್ದ್‌ರನೆಕೆ ಇಂಜತ್. 10ಅಯಿಂಗಕ್ ಚೇಳ್‍ಕ್ ಉಳ್ಳನೆಕೆ ಬಾಲ್ ಪಿಂಞ ಆ ಬಾಲ್‍ಲ್ ಕೊಂಡಿಯು ಇಂಜತ್. ಮನುಷ್ಯಂಗಳ ಅಂಜ್ ತಿಂಗಕತ್ತನೆ ಹಿಂಸೆ ಮಾಡ್‌ವಕ್ ಅಯಿಂಗಡ ಬಾಲ್‍ಕ್ ಶಕ್ತಿ ಕೊಡ್‌ತಿತ್ಂಜತ್. 11ಅಯಿಂಗಕ್ ಒರ್ ರಾಜ ಇಂಜತ್, ಅಂವೊ ಪಾತಾಳತ್‍ರ ದೂತ; ಇಬ್ರಿಯ ಬಾಷೆಲ್ ಅಬದ್ದೋನಾಂದೂ, ಗ್ರೀಕ್ ಬಾಷೆಲ್ ಅಪೊಲ್ಲುವೋನಾಂದೂ ಅಂವೊಂಗ್ ಪೆದ ಉಂಡ್#9.11 ಇದ್ಂಡ ಅರ್ಥ ಪಾಳ್ ಮಾಡ್‌ವಂವೊ..
12ಆದ್ಯ ಬಲ್ಯ ಅಪಾಯ ಕಯಿಂಜಿ ಪೋಚಿ; ನೋಟಿ, ಇದಾನ ಪಿಂಞ ಇಂಞು ದಂಡ್ ಬಲ್ಯ ಅಪಾಯ ಬಪ್ಪಕುಂಡ್.
13ಆರನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ದೇವಡ ಎದ್‍ಕೆ ಇಂಜ ಪೊನ್ನ್‌ರ ಬಲಿಪೀಠತ್‍ರ ನಾಲ್ ಕೊಂಬ್‍ಯಿಂಜ ಒರ್ ವಾಣಿ ಬಾತ್. 14ವಾಲಗತ್‌ನ ಪುಡ್‌ಚಂಡಿಂಜ ಆರನೆ ದೇವದೂತನ ನೋಟಿತ್: ಯೂಫ್ರೇಟೀಸ್ ಎಣ್ಣುವ ಬಲ್ಯ ಪೊಳೆರ ಪಕ್ಕ ಕೆಟ್ಟಿ ಬೆಚ್ಚಿತುಳ್ಳ ನಾಲ್ ದೂತಂಗಳ ಉತ್ತಿತ್ ಬುಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್. 15ಅಕ್ಕ ಲೋಕತ್‍ಲ್ ಉಳ್ಳ ಮನುಷ್ಯಂಗಡಲ್ಲಿ ಮೂಂದ್ ಬಾಗತ್‍ಲ್ ಒರ್ ಬಾಗತ್‍ರ ಜನಳ ಕೊಲ್ಲುವ ಈ ಗಂಟೆಕಾಯಿತು, ಈ ನಾಳ್‌ಕಾಯಿತು, ಈ ತಿಂಗಕಾಯಿತು, ಈ ಕಾಲಕಾಯಿತು ತಾಯಾರಾಯಿತ್ಂಜ ಆ ನಾಲ್ ದೂತಂಗಳ ಉದ್ದಿತ್ ಬುಟ್ಟತ್. 16ಕುದ್‌ರೇಲ್ ಅಳ್‌ತಿತ್ ಉಳ್ಳ ಸೇನೆರ ಸಂಖ್ಯೆ ಇರುವದ್ ಕೋಟೀಂದ್ ನಾಕ್ ಕ್‍ೕಟತ್.
17ಕುದ್‌ರೆಯಳ ಪಿಂಞ ಅದ್ಂಡಮೇಲೆ ಅಳ್‌ತಿತ್ಂಜ ಮನುಷ್ಯಂಗಳ ದರ್ಶನತ್‍ಲ್ ನಾನ್ ಇನ್ನನೆ ಕಂಡಿಯೆ. ಅಯಿಂಗ ತಿತ್ತ್‌ರ ರಂಗ್, ನೆತ್ತಲೆ ರಂಗ್ ಪಿಂಞ ಗಂಧಕತ್‍ರ ರಂಗ್‍ಲ್ ಎದೆ ತಟ್ಟೆನ ಇಟ್ಟಿತ್ಂಜತ್. ಕುದ್‌ರೆಯಡ ಮಂಡೆ ಸಿಂಹತ್‍ರ ಮಂಡೆರನೆಕೆ ಇಂಜತ್. ಅಯಿಂಗಡ ಬಾಯಿಂಜ ತಿತ್ತು, ಪೊಗೆಯೂ, ಗಂಧಕವು ಪೊರಟಿತ್ ಬಾತ್. 18ಅಯಿಂಗಡ ಬಾಯಿಂಜ ಬಪ್ಪ ತಿತ್ತ್ ಪೊಗೆ ಗಂಧಕ ಎಣ್ಣುವ ಈ ಮೂಂದ್‍ಂಜ ಮನುಷ್ಯಂಗಡಲ್ಲಿ ಮೂಂದ್‍ಲ್ ಒರ್ ಬಾಗ ಮನುಷ್ಯಂಗ ಚತ್ತ್ ಪೋಚಿ. 19ಕುದ್‌ರೆಯಡ ಶಕ್ತಿ ಅಯಿಂಗಡ ಬಾಯಿ ಪಿಂಞ ಬಾಲ್‍ಲ್ ಉಂಡ್; ಅಯಿಂಗಡ ಬಾಲ್ ಮಂಡೆ ಉಳ್ಳ ಪಾಂಬ್‍ರನೆಕೆ ಇಂಜತ್. ಅದ್‍ನಗುಂಡ್ ಕೇಡ್‍ನ ಉಂಟ್ ಮಾಡ್‌ವ.
20ಇನ್ನನೆಲ್ಲಾ ಆಚೇಂಗಿಯು, ಈ ಹಿಂಸೆರಗುಂಡ್ ಚಾವತೆ ಬಾಕಿ ಇಂಜ ಜನ, ಪೊನ್ನ್, ಬೊಳಿ, ಚೆಂಬ್, ಕಲ್ಲ್, ಮರ ಇನ್ನತಾನಗುಂಡ್ ಮಾಡ್‍ನ ಕಾಂಬಕು, ಕ್‍ೕಪಕು, ನಡ್‌ಪಕು ಕಯ್ಯತ ವಿಗ್ರಹಕ್ ಪೂಜೆ ಮಾಡತನೆಕೆ ಪಿಂಞ ಕೂಳಿಯಂಗಕ್ ಪೂಜೆ ಮಾಡತನೆಕೆ ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ. 21ಅದಲ್ಲತೆ, ಅಯಿಂಗ ಮಾಡಿಯಂಡ್ ಇಂಜ ಕೊಲೆ, ಮಾಟಮಂತ್ರ, ವೇಶಿತನ, ಕಳ್ಳತನ ಇನ್ನತಾನ ಬುಟ್ಟಿತ್ ಸಹ ಪಶ್ಚಾತಾಪ ಪಟ್ಟಿತ್‌ಲ್ಲೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)