ಜ್ಞಾನತ್‌ರ ಪಡಿಮ 20
20
1ದುಂಬ ಕಳ್ಳ್ ಕುಡಿಪಂವೊ ಪರಿಹಾಸ ಮಾಡುವ, ದುಂಬ ಕುಡ್‌ಕನಾನಂವೊ ಕೂತ್‌ಡ್‌ವ. ಇದ್‌ಲಿಂಜ ಬಟ್ಟೆ ತಪ್ಪಿ ಪೋಪಂವೊ ಜ್ಞಾನ ಉಳ್ಳಂವೊನಾಯಿತ್‌ ಇಪ್ಪುಲೆ.
2ರಾಜಂಡ ಚೆಡಿ ಸಿಂಹತ್‌ರ ಕೂಪಡೆಕ್‌ ಸೆರಿಸಮ. ರಾಜನ ಚೆಡಿಮಾಡ್‌ವಂವೊ ತಾಂಡ ಜೀವತ್‌ನ ಪಾಳ್‌ ಮಾಡಿಯೊವ.
3ವಾದತ್ತಿಂಜ ದೂರ ಇಪ್ಪಂವೊಂಗ್‌ ಗೌರವ. ಆಚೇಂಗಿ ಎಲ್ಲಾ ಮೂಡಂಗಳು ಜಗಳಕ್‌ ಆತುರ ಪಡುವ.
4ಸೋಮಾರಿಯಾನಂವೊ ಕುಳ್‌ರ್ ಎಣ್ಣಿಯಂಡ್‌ ಸೆರಿಯಾನ ಕಾಲತ್‌ ಉಪ್ಪ್‌ಲೆ. ಕೊಯ್ಯಿಪಣಿರ ಕಾಲತ್‌ ಬೋಡ್‌ಚೇಂಗಿಯು ಅಂವೊಂಗ್‌ ಒಂದು ಕ್‌ಟ್ಟುಲೆ.
5ಮನುಷ್ಯಂಡ ಮನಸ್ಸ್‌ರ ಯೋಜನೆ ಆಳವಾನ ನೀರ್‌ರನೆಕೆ. ಆಚೇಂಗಿ ಬುದ್ದಿ ಉಳ್ಳಂವೊ ಅದ್‌ನ ಬಲಿಪ.
6ಎಕ್ಕಾಲು ಪ್ರೀತಿಚಿಡ್‌ವೀಂದ್‌ ಸುಮಾರ್‌ ಜನ ಪ್ರಕಟಿಚಿಡುವ. ಆಚೇಂಗಿ ನಂಬಿಗಸ್ತನಾನ ಒಬ್ಬನ ದಾರ್‌ಕ್‌ ಕಂಡ್‌ಪುಡಿಪಕಯ್ಯು?
7ನೀತಿವಂತಂವೊ ಸತ್ಯತ್‌ಲ್‌ ಜೀವನ ಮಾಡುವ. ಅಯಿಂಗಡ ಕಾಲ ಆನ ಪಿಂಞ ಅಂವೊಂಡ ಮಕ್ಕ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.
8ನ್ಯಾಯತೀರ್‌ಪ್‌ ಮಾಡ್‌ವ ಸಿಂಹಾಸನತ್‌ಲ್‌ ಅಳ್‌ತಂಡಿಪ್ಪ ರಾಜ ತಾಂಡ ಕಣ್ಣಿಂಜಲೇ ಎಲ್ಲಾ ಕ್‍ೕಡ್‌ನ ಬೋರೆ ಮಾಡುವ.
9ನಾಡ ಹೃದಯತ್‌ನ ಶುದ್ದ ಮಾಡ್‌ನ, ನಾಡ ಪಾಪಯೆಲ್ಲಾ ಪೋಪನೆಕೆ ಶುದ್ದ ಮಾಡ್‌ನ್‍ೕಂದ್‌ ದಾರ್‌ಕ್‌ ಎಣ್ಣುವಕಯ್ಯು?
10ತೂಕತ್‌ರ ಕಲ್ಲ್‌ನ ಪಿಂಞ ಅಳ್‌ತೆರ ಪಾತ್‌ರತ್‌ನ ಜಾಸ್ತಿ ಪಿಂಞ ಕಮ್ಮಿ ಮಾಡ್‌ವದು ಯೆಹೋವಂಗ್‌ ಅಸಹ್ಯ.
11ಕುಂಞಿ ಆಚೇಂಗಿಯು, ಅಂವೊ ಮಾಡ್‌ವ ಕೆಲಸ ಶುದ್ದವಾನದಾ, ಸತ್ಯವಾನದಾ ಎಣ್ಣಿಯಂಡ್‌ ಅಂವೊಂಡ ನಡತೆಯಿಂಜಲೇ ಗೊತ್ತಾಪ.
12ಕ್‍ೕಪ ಕೆಮಿ, ಕಾಂಬ ಕಣ್ಣ್, ಈ ದಂಡನು ಸೃಷ್ಟಿ ಮಾಡ್‌ನಂವೊ ಯೆಹೋವನೇ.
13ವರ್‌ಕ್‌ನ ಪ್ರೀತಿ ಮಾಡತೆ, ಇಲ್ಲತ ಪೋಚೇಂಗಿ ನೀನ್‌ ಗರಿಬನಾಪಿಯ. ಕಣ್ಣ್‌ನ ತೊರ್‌ಂದಿತ್‌ ಇರ್, ಅಕ್ಕ ನೀನ್‌ ಆಹಾರತ್‌ಂಜ ತೃಪ್ತಿ ಆಪಿಯ.
14ಕ್ರಯಕ್‌ ಎಡ್‌ಪಂವೊ: ಚಾಯಿಲೆ, ಚಾಯಿಲೇಂದ್‌ ಎಣ್ಣುವ. ಅಲ್ಲಿಂಜ ಪೋನ ಪಿಂಞ ಕೊಚ್ಚ್‌ವ.
15ಪೊನ್ನು ಮಾಣಿಕ್ಯವು ದುಂಬ ಉಂಡ್. ಆಚೇಂಗಿ ಅರಿವು ದುಂಬ್‌ನ ತಕ್ಕ್‌ ಅಪೂರ್ವ ಆಭರಣ.
16ಒಬ್ಬಂಡ ಸಾಲಕ್‌ ಜಾಮೀನ್‌ ಕೊಡ್‌ತವಂವೊಂಡ ಉಡ್‌ಪ್‌ನ ಎಡ್‌ತ. ಗೊತ್ತಿಲ್ಲತ ಒಬ್ಬಂಡ ತಕ್ಕ್‌ಕಾಯಿತ್‌ ಅಂವೊಂಡ ಕೈಯಿಂಜ ಪನ ಜಾಮೀನ್‌ ಎಡ್‌ತ.
17ಅನ್ಯಾಯತ್‌ ಸಂಪಾದನೆ ಮಾಡ್‌ನ ಆಹಾರ ಸುರುಲ್‌ ರಸತ್‌ ಉಂಡೇಂಗಿಯು, ಬಯ್ಯ ಬಾಯಿ ದುಂಬ ಮಣ ಇಪ್ಪ.
18ಆಲೋಚೆನ ಮಾಡ್‌ನ ಯೋಜನೆ ನೆರವೇರುವ. ನಲ್ಲ ಆಲೋಚನೆನ ಕ್‍ೕಟಿತ್‌ ಯುದ್ದ ಮಾಡ್.
19ಬೋರೆಯಿಂಗಡ ಮೇಲೆ ಕುತ್ತ ಪರ್‌ಂದಿತ್‌ ತಿರಿಗಿಯಂಡ್‌ ಇಪ್ಪಂವೊ ಗುಟ್ಟ್‌ನ ಬಾಯಿಬುಟ್ಟ್‌ರ್‌ವ. ಆನಗುಂಡ್‌ ಮಿತಿಮೀರಿತ್‌ ತಕ್ಕ್‌ ಪರಿಯುವಂವೊಂಡ ಸಹವಾಸ ಮಾಡತೆ.
20ತಾಂಡ ಅಪ್ಪನ ಆಡ್‌ ಅವ್ವೊನ ಆಡ್‌ ಶಾಪ ಮಾಡುವಂವೊಂಡ ಬೊಳ್‌ಚ ಇರ್‌ಟ್‌ಲ್‌ ಆರಿಪೋಪ.
21ಬದ್‌ಕ್‌ರ ಸುರುಲ್‌ ಕ್‌ಟ್ಟ್‌ನ ಬಾದ್ಯತೆಕ್‌ ಕಡೆಲ್‌ ಆಶೀರ್ವಾದತ್‌ನ ತಪ್ಪ್‌ಲೆ.
22ಕ್‍ೕಡ್‌ ಮಾಡ್‌ನವೊಂಗ್‌ ಕ್‍ೕಡ್‌ ಮಾಡುವೀಂದ್‌ ಎಣ್ಣತೆ. ಯೆಹೋವಂಗ್‌ ಕಾತಂಡಿರ್, ಅಂವೊ ನೀಕ್‌ ಸಹಾಯ ಮಾಡುವ.
23ತೂಕತ್‌ರ ಕಲ್ಲ್‌ನ ಜಾಸ್ತಿ ಮಾಡ್‌ವದು ಕಮ್ಮಿ ಮಾಡ್‌ವದು ಯೆಹೋವಂಗ್‌ ಅಸಹ್ಯ. ಮೋಸತ್‌ರ ತಕ್ಕಡಿ ನಲ್ಲದಿಲ್ಲೆ.
24ಮನುಷ್ಯಂಡ ಬದ್‌ಕ್‌ರ ಬಟ್ಟೆನ ತೀರ್ಮಾನ ಮಾಡ್‌ವಂವೊ ಯೆಹೋವನೇ. ಆನಗುಂಡ್‌ ಮನುಷ್ಯ ತಾಂಡ ಬಟ್ಟೆನ ಎನ್ನನೆ ಅರ್ಥ ಮಾಡುವಕಯ್ಯು?
25ಗೇನ ಮಾಡತೆ ಬೆರಿಯ ದೇವಕ್‌ ಪರಕೆ ಮಾಡ್‌ವದು, ಪರಕೆ ಮಾಡ್‌ನ ಪಿಂಞ ಗೇನ ಮಾಡುವದು ಮನುಷ್ಯಂಗ್‌ ಕೆಣಿ ಆಯಿತ್‌ಪ್ಪ.
26ಜ್ಞಾನಿಯಾನ ರಾಜ ದುಷ್ಟಂಗಳ ಬೋರೆಮಾಡಿತ್, ಅಯಿಂಗಡ ಮೇಲೆ ಉಳ್‌ಪ ಚಕ್ರತ್‌ನ ಉರ್‌ಟಿರುವ.
27ಮನುಷ್ಯಂಡ ಆತ್ಮ ಯೆಹೋವಂಡ ಬೊಳ್‌ಚ ಆಯಿತುಂಡ್. ಅದ್‌ ಮನಸ್ಸ್‌ರ ಆಳತ್‌ ಉಳ್ಳದ್‌ನೆಲ್ಲಾ ತ್‍ೕಡುವ.
28ಪ್ರೀತಿಯು ಸತ್ಯವು ರಾಜನ ಕಾಪ. ಕರುಣೆರಗುಂಡ್‌ ಅಂವೊಂಡ ಸಿಂಹಾಸನ ನಿಪ್ಪ.
29ಬಾಲೆಕಾರಂಗಡ ಕೀರ್ತಿ ಅಯಿಂಗಡ ತಡೀರತ್‌ರ ಶಕ್ತಿ. ಮುದುಕ್ಕಂಗಡ ಕೀರ್ತಿ ಅಯಿಂಗಡ ತೆಲ್‌ಮಿರ ನೆರೆ.
30ಶಿಕ್ಷೆರಗುಂಡ್‌ ತಡೀಲ್‌ ಆಪ್ಪ ಗಾಯ ತಪ್ಪ್‌ ಮಾಡ್‌ವದ್‌ನ ನಿಪ್ಪ್‌ಚಿಡುವ, ಅದಂಡ ನೊಂಬಲ ಒರ್‌ ಮನುಷ್ಯಂಡ ಮನಸ್ಸ್‌ನ ಬದಲಾಯಿಚಿಡುವ.
Currently Selected:
ಜ್ಞಾನತ್‌ರ ಪಡಿಮ 20: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
