ಜ್ಞಾನತ್‌ರ ಪಡಿಮ 15
15
1ನಯನವಾನ ಜವಾಬ್ ಬಲ್ಯ ಚೆಡಿನ ಅಡಕುವ. ಆಚೇಂಗಿ ಒರಟಾನ ತಕ್ಕ್‌ ಚೆಡಿನ ಜಾಸ್ತಿ ಮಾಡುವ.
2ಜ್ಞಾನಿಯಡ ನಾವ್‌ ಅರಿವುನ ಉಪಯೋಗಿಚಿಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನೇ ಕಕ್ಕುವ.
3ಯೆಹೋವಂಡ ದೃಷ್ಟಿ ಎಲ್ಲಾ ಜಾಗತ್‌ಲು ಇಂಜಂಡ್, ನಲ್ಲಯಿಂಗಳ ಪಿಂಞ ಕೆಟ್ಟಯಿಂಗಳ ಎಚ್ಚರತ್‌ಲ್‌ ನೋಟಿಯಂಡ್‌ ಉಂಡ್.
4ಸೌಕ್ಯತ್‌ರ ತಕ್ಕ್‌ ಜೀವತಪ್ಪ ಮರತ್‌ರನೆಕೆ ಇಪ್ಪ. ಆಚೇಂಗಿ ಕಪಟತನತ್‌ರ ತಕ್ಕ್‌ ಮನುಷ್ಯಂಡ ಆತ್ಮತ್‌ನ ಜಜ್ಜಿರ್ವ.
5ಮೂಡ ಅಪ್ಪಂಡ ಬೋದನೆನ ತ್‌ಕ್ಕಾರ ಮಾಡುವ; ಆಚೇಂಗಿ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡ್‌ಪಂವೊ ವಿವೇಕ ಉಳ್ಳಂವೊ.
6ನೀತಿವಂತಂವೊಂಡ ಮನೆಲ್ ದುಂಬ ಐಶ್ವರ್ಯ ಇಪ್ಪ. ಆಚೇಂಗಿ ದುಷ್ಟಂಡ ಸಂಪಾದನೆಲ್‌ ತೊಂದರೆ ಉಂಡ್.
7ಜ್ಞಾನಿಯಡ ತಕ್ಕ್‌ಯಿಂಜ ಅರಿವು ಪಬ್ಬುವ. ಆಚೇಂಗಿ ಮೂಡಂಗಡ ಹೃದಯ ಅನ್ನನೆ ಮಾಡುಲೆ.
8ದುಷ್ಟಂಗ ಕೊಡ್‌ಪ ಬಲಿ ಯೆಹೋವಂಗ್‌ ಅಸಹ್ಯವಾಯಿತುಂಡ್. ಆಚೇಂಗಿ ಸತ್ಯವಂತಯಿಂಗಡ ಪ್ರಾರ್ಥನೆ ಅಂವೊಂಗ್‌ ದುಂಬ ಕುಶಿ.
9ದುಷ್ಟಂಗಡ ಬದ್‌ಕ್‌ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿರ ಬಟ್ಟೆಲ್‌ ನಡ್‌ಪಂವೊನ ಅಂವೊ ಪ್ರೀತಿಚಿಡುವ.
10ನೀತಿರ ಬಟ್ಟೆನ ಬುಟ್ಟಿತ್‌ ನಡ್‌ಪಯಿಂಗಕ್‌ ಕಠಿಣ ಶಿಕ್ಷೆ ಕ್‌ಟ್ಟುವ. ತಿದ್ದ್‌ವಿಕೆನ ದ್ವೇಷ ಮಾಡ್‌ವಂವೊ ಚತ್ತ್‌ ಪೋಪ.
11ಪಾತಾಳವು, ನಾಶನವು ಯೆಹೋವಂಡ ಕಣ್ಣ್‌ ಮಿಂಞಲೇ ಇಪ್ಪಕ, ಮನುಷ್ಯಂಡ ಹೃದಯ ಅಂವೊಂಗ್‌ ಇಂಞು ಎಚ್ಚಕ್‌ ಚಾಯಿತೆ ಕಾಂಗು?
12ಪರಿಹಾಸ ಮಾಡ್‌ವಂವೊ ತಾಂಡ ತಪ್ಪ್‌ನ ತಿದ್ದ್ ವಯಿಂಗಳ ಕುಶಿಪಡುಲೆ. ಜ್ಞಾನಿಯಡ ಪಕ್ಕ ಪೋಪದು ಇಲ್ಲೆ.
13ಮನಸ್ಸ್‌ರ ಬಲ್ಯ ಕುಶಿ ಮೂಡ್‌ಲ್‌ ಎದ್ದಿತ್‌ ಕಾಂಬ. ಆಚೇಂಗಿ ಮನಸ್ಸ್‌ರ ದುಃಖತ್‌ಂಜ ಆತ್ಮ ಜಜ್ಜಿತ್‌ ಪೋಪ.
14ವಿವೇಕ ಉಳ್ಳಂವೊಂಡ ಮನಸ್ಸ್‌ ಅರಿವುನ ತ್‍ೕಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನ ಮೇಪ.
15ಗರೀಬಂಡ ದಿವಸವೆಲ್ಲ ಕಠಿಣವಾಯಿತ್‌ಪ್ಪ. ಆಚೇಂಗಿ ಕುಶೀರ ಮನಸ್ಸ್‌ ಉಳ್ಳಂವೊಂಗ್‌ ಎಕ್ಕಾಲು ಗದ್ದಾಳ.
16ತೊಂದರೆ ಕೂಡ್‌ನ ದುಂಬ ಐಶ್ವರ್ಯತ್‌ನ ಬೆಚ್ಚಂಡಿಪ್ಪಕಿಂಜಿ ಯೆಹೋವಂಗ್‌ ಬೊತ್ತಿತ್‌ ಚೆನ್ನಂಗೇ ಬೆಚ್ಚಂಡಿಪ್ಪದ್‌ ಮೇಲ್.
17ದ್ವೇಷವುಳ್ಳ ಜಾಗತ್‌ ಬಲ್ಯ ಉಟಕಿಂಜಿ, ಪ್ರೀತಿವುಳ್ಳ ಜಾಗತ್‌ ಸಾದಾರಣ ಊಟ ಉಂಬದೇ ನಲ್ಲದ್.
18ಮುಂಜೆಡಿ ಉಳ್ಳಂವೊ ಜಗಳತ್‌ನ ಸುರುಮಾಡುವ, ಆಚೇಂಗಿ ದುಂಬ ತಾಳ್ಮೆಯುಳ್ಳಂವೊ ಜಗಳತ್‌ನ ಶಾಂತಪಡ್‌ತುವ.
19ಸೋಮಾರಿಯಡ ಬಟ್ಟೆ ಮುಳ್ಳ್ ಬೇಲಿಕ್‌ ಸಮಾನ, ಆಚೇಂಗಿ ನೀತಿವಂತಂವೊಂಡ ಬಟ್ಟೆ ರಾಜಂಡ ಬಟ್ಟೆರನೆಕೆ ಇಪ್ಪ.
20ಜ್ಞಾನವುಳ್ಳ ಮೋಂವೊ ಅಪ್ಪನ ಕುಶಿ ಪಡ್‌ತುವ. ಆಚೇಂಗಿ ಜ್ಞಾನ ಇಲ್ಲತ ದಡ್ಡ ಅವ್ವನ ತ್‌ಕ್ಕಾರ ಮಾಡುವ.
21ಬುದ್ದಿಯಿಲ್ಲತಂವೊ ದಡ್ಡತನತ್‌ಲ್‌ ಕುಶಿಪಡುವ. ಆಚೇಂಗಿ ಬುದ್ದಿವಂತಂವೊ ಸತ್ಯತ್‌ಲ್‌ ನಡ್‌ಪ.
22ಆಲೋಚನೆ ಕೊಡ್‌ಪಯಿಂಗ ಇಲ್ಲತೆ, ಉದ್ದೇಶಯೆಲ್ಲ ನೆರವೇರುಲೆ; ಆಚೇಂಗಿ ನಲ್ಲ ಆಲೋಚನೆ ತಪ್ಪಯಿಂಗ ದುಂಬ ಇಂಜತೇಂಗಿ, ಅದೆಲ್ಲಾ ದೃಡಪಡುವ.
23ಸೆರಿಯಾನ ಜವಾಬ್ ಒಬ್ಬಂಗ್‌ ಕುಶಿ ತಪ್ಪ. ಸೆರಿಯಾನ ನೇರತ್‌ ಎಣ್ಣ್‌ನ ಚೊಲ್‌ಲ್‌ ಎಚ್ಚಕ್‌ ನಲ್ಲದ್!
24ಜೀವತ್‌ರ ಬಟ್ಟೆ ಜ್ಞಾನಿಯಾನಂವೊನ ಕೊಡಿಕ್‌ ಕೊಂಡ್‌ ಪೋಪ. ಅದ್‌ ಚಾವ್‌ರ ಬಟ್ಟೆಯಿಂಜ ತಪ್ಪ್‌ಚಿಡುವ.
25ಯೆಹೋವ ಆಂಗಾರಿರ ಮನೆನ ನಾಶಮಾಡುವ, ಆಚೇಂಗಿ ವಿದವೆಯಡ ಗಡಿನ ಸ್ತಾಪನೆ ಮಾಡುವ.
26ದುಷ್ಟಂಗಡ ಯೋಜನೆ ಯೆಹೋವಂಗ್‌ ಅಸಹ್ಯ. ಆಚೇಂಗಿ ಕನಿಕರತ್‌ರ ತಕ್ಕ್‌ ಅಂವೊಂಗ್‌ ಸುಕ ತಪ್ಪ.
27ಅತಿ ಆಸೆ ಉಳ್ಳಂವೊ ತಾಂಡ ಮನೆಕಾರಕ್‌ ತೊಂದರೆ ಎಡ್‌ತಂಡ್‌ ಬಪ್ಪ. ಆಚೇಂಗಿ ಲಂಚತ್‌ನ ದ್ವೇಷ ಮಾಡ್‌ವಂವೊ ದುಂಬ ಕಾಲ ಬದ್‌ಕ್‌ವ.
28ನೀತಿವಂತಂವೊ ಗೇನ ಮಾಡಿತ್‌ ಜವಾಬ್ ಕೊಡ್‌ಪ. ಆಚೇಂಗಿ ದುಷ್ಟಂಡ ಬಾಯಿ ಕ್‍ೕಡ್‌ನ ಉಕ್ಕುವ.
29ದುಷ್ಟಂಗಕ್‌ ಯೆಹೋವ ದೂರವಾಯಿತುಂಡ್. ಆಚೇಂಗಿ ನೀತಿವಂತಯಿಂಗಡ ಪ್ರಾರ್ಥನೆನ ಕ್‍ೕಪ.
30ಮಿನ್ನುವ ಕಣ್ಣ್‌ ಹೃದಯಕ್‌ ದುಂಬ ಕುಶಿ ತಪ್ಪ. ನಲ್ಲ ಸುದ್ದಿ ಮೂಳೆಕ್‌ ಸೌಕ್ಯ ತಪ್ಪ.
31ಜೀವ ತಪ್ಪ ತಿದ್ದುವಿಕೆನ ಎಚ್ಚರಿಕೆಯಿಂಜ ಕ್‍ೕಪಂವೊ ಜ್ಞಾನಿಯಡ ಮದ್ಯತ್‌ ನೆಲೆ ನಿಪ್ಪ.
32ಬೋದನೆನ ತ್‌ಕ್ಕಾರ ಮಾಡ್‌ವಂವೊ, ತಾಂಡ ಆತ್ಮತ್‌ನ ದ್ವೇಷ ಮಾಡುವ. ಚೂಕ್‌ ತಕ್ಕ್‌ನ ಕ್‍ೕಪಂವೊ ಜ್ಞಾನತ್‌ನ ಪಡ್‌ಂದೊವ.
33ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ, ಅದ್‌ ಜ್ಞಾನತ್‌ನ ಬೋದನೆ ಮಾಡುವ; ಗನಪಡ್‌ವಕ್‌ ಮಿಂಞ ತಗ್ಗಿತ್‌ ನಡ್‌ಕಂಡು.
Currently Selected:
ಜ್ಞಾನತ್‌ರ ಪಡಿಮ 15: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಜ್ಞಾನತ್‌ರ ಪಡಿಮ 15
15
1ನಯನವಾನ ಜವಾಬ್ ಬಲ್ಯ ಚೆಡಿನ ಅಡಕುವ. ಆಚೇಂಗಿ ಒರಟಾನ ತಕ್ಕ್‌ ಚೆಡಿನ ಜಾಸ್ತಿ ಮಾಡುವ.
2ಜ್ಞಾನಿಯಡ ನಾವ್‌ ಅರಿವುನ ಉಪಯೋಗಿಚಿಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನೇ ಕಕ್ಕುವ.
3ಯೆಹೋವಂಡ ದೃಷ್ಟಿ ಎಲ್ಲಾ ಜಾಗತ್‌ಲು ಇಂಜಂಡ್, ನಲ್ಲಯಿಂಗಳ ಪಿಂಞ ಕೆಟ್ಟಯಿಂಗಳ ಎಚ್ಚರತ್‌ಲ್‌ ನೋಟಿಯಂಡ್‌ ಉಂಡ್.
4ಸೌಕ್ಯತ್‌ರ ತಕ್ಕ್‌ ಜೀವತಪ್ಪ ಮರತ್‌ರನೆಕೆ ಇಪ್ಪ. ಆಚೇಂಗಿ ಕಪಟತನತ್‌ರ ತಕ್ಕ್‌ ಮನುಷ್ಯಂಡ ಆತ್ಮತ್‌ನ ಜಜ್ಜಿರ್ವ.
5ಮೂಡ ಅಪ್ಪಂಡ ಬೋದನೆನ ತ್‌ಕ್ಕಾರ ಮಾಡುವ; ಆಚೇಂಗಿ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡ್‌ಪಂವೊ ವಿವೇಕ ಉಳ್ಳಂವೊ.
6ನೀತಿವಂತಂವೊಂಡ ಮನೆಲ್ ದುಂಬ ಐಶ್ವರ್ಯ ಇಪ್ಪ. ಆಚೇಂಗಿ ದುಷ್ಟಂಡ ಸಂಪಾದನೆಲ್‌ ತೊಂದರೆ ಉಂಡ್.
7ಜ್ಞಾನಿಯಡ ತಕ್ಕ್‌ಯಿಂಜ ಅರಿವು ಪಬ್ಬುವ. ಆಚೇಂಗಿ ಮೂಡಂಗಡ ಹೃದಯ ಅನ್ನನೆ ಮಾಡುಲೆ.
8ದುಷ್ಟಂಗ ಕೊಡ್‌ಪ ಬಲಿ ಯೆಹೋವಂಗ್‌ ಅಸಹ್ಯವಾಯಿತುಂಡ್. ಆಚೇಂಗಿ ಸತ್ಯವಂತಯಿಂಗಡ ಪ್ರಾರ್ಥನೆ ಅಂವೊಂಗ್‌ ದುಂಬ ಕುಶಿ.
9ದುಷ್ಟಂಗಡ ಬದ್‌ಕ್‌ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿರ ಬಟ್ಟೆಲ್‌ ನಡ್‌ಪಂವೊನ ಅಂವೊ ಪ್ರೀತಿಚಿಡುವ.
10ನೀತಿರ ಬಟ್ಟೆನ ಬುಟ್ಟಿತ್‌ ನಡ್‌ಪಯಿಂಗಕ್‌ ಕಠಿಣ ಶಿಕ್ಷೆ ಕ್‌ಟ್ಟುವ. ತಿದ್ದ್‌ವಿಕೆನ ದ್ವೇಷ ಮಾಡ್‌ವಂವೊ ಚತ್ತ್‌ ಪೋಪ.
11ಪಾತಾಳವು, ನಾಶನವು ಯೆಹೋವಂಡ ಕಣ್ಣ್‌ ಮಿಂಞಲೇ ಇಪ್ಪಕ, ಮನುಷ್ಯಂಡ ಹೃದಯ ಅಂವೊಂಗ್‌ ಇಂಞು ಎಚ್ಚಕ್‌ ಚಾಯಿತೆ ಕಾಂಗು?
12ಪರಿಹಾಸ ಮಾಡ್‌ವಂವೊ ತಾಂಡ ತಪ್ಪ್‌ನ ತಿದ್ದ್ ವಯಿಂಗಳ ಕುಶಿಪಡುಲೆ. ಜ್ಞಾನಿಯಡ ಪಕ್ಕ ಪೋಪದು ಇಲ್ಲೆ.
13ಮನಸ್ಸ್‌ರ ಬಲ್ಯ ಕುಶಿ ಮೂಡ್‌ಲ್‌ ಎದ್ದಿತ್‌ ಕಾಂಬ. ಆಚೇಂಗಿ ಮನಸ್ಸ್‌ರ ದುಃಖತ್‌ಂಜ ಆತ್ಮ ಜಜ್ಜಿತ್‌ ಪೋಪ.
14ವಿವೇಕ ಉಳ್ಳಂವೊಂಡ ಮನಸ್ಸ್‌ ಅರಿವುನ ತ್‍ೕಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನ ಮೇಪ.
15ಗರೀಬಂಡ ದಿವಸವೆಲ್ಲ ಕಠಿಣವಾಯಿತ್‌ಪ್ಪ. ಆಚೇಂಗಿ ಕುಶೀರ ಮನಸ್ಸ್‌ ಉಳ್ಳಂವೊಂಗ್‌ ಎಕ್ಕಾಲು ಗದ್ದಾಳ.
16ತೊಂದರೆ ಕೂಡ್‌ನ ದುಂಬ ಐಶ್ವರ್ಯತ್‌ನ ಬೆಚ್ಚಂಡಿಪ್ಪಕಿಂಜಿ ಯೆಹೋವಂಗ್‌ ಬೊತ್ತಿತ್‌ ಚೆನ್ನಂಗೇ ಬೆಚ್ಚಂಡಿಪ್ಪದ್‌ ಮೇಲ್.
17ದ್ವೇಷವುಳ್ಳ ಜಾಗತ್‌ ಬಲ್ಯ ಉಟಕಿಂಜಿ, ಪ್ರೀತಿವುಳ್ಳ ಜಾಗತ್‌ ಸಾದಾರಣ ಊಟ ಉಂಬದೇ ನಲ್ಲದ್.
18ಮುಂಜೆಡಿ ಉಳ್ಳಂವೊ ಜಗಳತ್‌ನ ಸುರುಮಾಡುವ, ಆಚೇಂಗಿ ದುಂಬ ತಾಳ್ಮೆಯುಳ್ಳಂವೊ ಜಗಳತ್‌ನ ಶಾಂತಪಡ್‌ತುವ.
19ಸೋಮಾರಿಯಡ ಬಟ್ಟೆ ಮುಳ್ಳ್ ಬೇಲಿಕ್‌ ಸಮಾನ, ಆಚೇಂಗಿ ನೀತಿವಂತಂವೊಂಡ ಬಟ್ಟೆ ರಾಜಂಡ ಬಟ್ಟೆರನೆಕೆ ಇಪ್ಪ.
20ಜ್ಞಾನವುಳ್ಳ ಮೋಂವೊ ಅಪ್ಪನ ಕುಶಿ ಪಡ್‌ತುವ. ಆಚೇಂಗಿ ಜ್ಞಾನ ಇಲ್ಲತ ದಡ್ಡ ಅವ್ವನ ತ್‌ಕ್ಕಾರ ಮಾಡುವ.
21ಬುದ್ದಿಯಿಲ್ಲತಂವೊ ದಡ್ಡತನತ್‌ಲ್‌ ಕುಶಿಪಡುವ. ಆಚೇಂಗಿ ಬುದ್ದಿವಂತಂವೊ ಸತ್ಯತ್‌ಲ್‌ ನಡ್‌ಪ.
22ಆಲೋಚನೆ ಕೊಡ್‌ಪಯಿಂಗ ಇಲ್ಲತೆ, ಉದ್ದೇಶಯೆಲ್ಲ ನೆರವೇರುಲೆ; ಆಚೇಂಗಿ ನಲ್ಲ ಆಲೋಚನೆ ತಪ್ಪಯಿಂಗ ದುಂಬ ಇಂಜತೇಂಗಿ, ಅದೆಲ್ಲಾ ದೃಡಪಡುವ.
23ಸೆರಿಯಾನ ಜವಾಬ್ ಒಬ್ಬಂಗ್‌ ಕುಶಿ ತಪ್ಪ. ಸೆರಿಯಾನ ನೇರತ್‌ ಎಣ್ಣ್‌ನ ಚೊಲ್‌ಲ್‌ ಎಚ್ಚಕ್‌ ನಲ್ಲದ್!
24ಜೀವತ್‌ರ ಬಟ್ಟೆ ಜ್ಞಾನಿಯಾನಂವೊನ ಕೊಡಿಕ್‌ ಕೊಂಡ್‌ ಪೋಪ. ಅದ್‌ ಚಾವ್‌ರ ಬಟ್ಟೆಯಿಂಜ ತಪ್ಪ್‌ಚಿಡುವ.
25ಯೆಹೋವ ಆಂಗಾರಿರ ಮನೆನ ನಾಶಮಾಡುವ, ಆಚೇಂಗಿ ವಿದವೆಯಡ ಗಡಿನ ಸ್ತಾಪನೆ ಮಾಡುವ.
26ದುಷ್ಟಂಗಡ ಯೋಜನೆ ಯೆಹೋವಂಗ್‌ ಅಸಹ್ಯ. ಆಚೇಂಗಿ ಕನಿಕರತ್‌ರ ತಕ್ಕ್‌ ಅಂವೊಂಗ್‌ ಸುಕ ತಪ್ಪ.
27ಅತಿ ಆಸೆ ಉಳ್ಳಂವೊ ತಾಂಡ ಮನೆಕಾರಕ್‌ ತೊಂದರೆ ಎಡ್‌ತಂಡ್‌ ಬಪ್ಪ. ಆಚೇಂಗಿ ಲಂಚತ್‌ನ ದ್ವೇಷ ಮಾಡ್‌ವಂವೊ ದುಂಬ ಕಾಲ ಬದ್‌ಕ್‌ವ.
28ನೀತಿವಂತಂವೊ ಗೇನ ಮಾಡಿತ್‌ ಜವಾಬ್ ಕೊಡ್‌ಪ. ಆಚೇಂಗಿ ದುಷ್ಟಂಡ ಬಾಯಿ ಕ್‍ೕಡ್‌ನ ಉಕ್ಕುವ.
29ದುಷ್ಟಂಗಕ್‌ ಯೆಹೋವ ದೂರವಾಯಿತುಂಡ್. ಆಚೇಂಗಿ ನೀತಿವಂತಯಿಂಗಡ ಪ್ರಾರ್ಥನೆನ ಕ್‍ೕಪ.
30ಮಿನ್ನುವ ಕಣ್ಣ್‌ ಹೃದಯಕ್‌ ದುಂಬ ಕುಶಿ ತಪ್ಪ. ನಲ್ಲ ಸುದ್ದಿ ಮೂಳೆಕ್‌ ಸೌಕ್ಯ ತಪ್ಪ.
31ಜೀವ ತಪ್ಪ ತಿದ್ದುವಿಕೆನ ಎಚ್ಚರಿಕೆಯಿಂಜ ಕ್‍ೕಪಂವೊ ಜ್ಞಾನಿಯಡ ಮದ್ಯತ್‌ ನೆಲೆ ನಿಪ್ಪ.
32ಬೋದನೆನ ತ್‌ಕ್ಕಾರ ಮಾಡ್‌ವಂವೊ, ತಾಂಡ ಆತ್ಮತ್‌ನ ದ್ವೇಷ ಮಾಡುವ. ಚೂಕ್‌ ತಕ್ಕ್‌ನ ಕ್‍ೕಪಂವೊ ಜ್ಞಾನತ್‌ನ ಪಡ್‌ಂದೊವ.
33ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ, ಅದ್‌ ಜ್ಞಾನತ್‌ನ ಬೋದನೆ ಮಾಡುವ; ಗನಪಡ್‌ವಕ್‌ ಮಿಂಞ ತಗ್ಗಿತ್‌ ನಡ್‌ಕಂಡು.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)