ಯೋನ ಮುನ್ನುಡಿ
ಮುನ್ನುಡಿ
ಯೋನಂಡ ಪುಸ್ತಕ ಬೋರೆ ಪ್ರವಾದಿಯಂಗಡ ಪುಸ್ತಕತ್‌ರನೆಕೆ ಇಲ್ಲತೆ, ಓರ್‌ ಕಥೆರ ರೂಪತ್‌ ಉಂಡ್. ಪ್ರವಾದಿಯಾನ ಯೋನ ಎನ್ನನೆ ದೇವಡ ಆಜ್ಞೆನ ಮೀರಿತ್‍ೕಂದ್‌ ಈ ಪುಸ್ತಕತ್‌ಲ್‌ ಒಳ್‌ದಿಬೆಚ್ಚಿತುಂಡ್. ದೇವ ಇಸ್ರಾಯೇಲ್‌ ದೇಶತ್‌ರ ಮುಕ್ಯಪಟ್ಟ ವಿರೊದಿಯಾನ ಅಸ್ಸೀರಿಯ ಎಣ್ಣುವ ಬಲ್ಯ ಸಾಮ್ರಾಜ್ಯತ್‌ರ ರಾಜದಾನಿ ಪಟ್ಟಣವಾನ ನಿನೆವೆ ಪಟ್ಟಣಕ್‌ ಪೋಪಕ ಯೋನಂಗ್‌ ಎಣ್ಣುವ. ಆಚೇಂಗಿ ಯೋನ ಅಲ್ಲಿ ಪೋಯಿತ್‌ ದೇವಡ ವಾಕ್ಯತ್‌ನ ಎಣ್ಣ್‌ವಕ್‌ ಕುಶಿ ಪಟ್ಟಿತ್‌ಲ್ಲೆ, ಎನ್ನಂಗೆಣ್‌ಚೇಂಗಿ ದೇವ ಕಂಡಿತವಾಯಿತು ಅಂವೊ ಎಚ್ಚರ ಮಾಡ್‌ನನೆಕೆ ಆ ಪಟ್ಟಣತ್‌ನ ನಾಶ ಮಾಡುಲೇಂದ್‌ ಅಂವೊಂಗ್‌ ಚಾಯಿತೆ ಗೊತ್ತಿಂಜತ್. ಅಲ್ಲಿಂಜ ಚೆನ್ನ ನಾಟಕತ್‌ರ ಸನ್ನಿವೇಶ ಕಯಿಂಜದು, ಕುಶಿಯಿಲ್ಲತೆ ದೇವಡ ಆಜ್ಞೆನ ಸ್ವೀಕಾರ ಮಾಡ್‌ಚಿ. ಆ ಪಟ್ಟಣ ನಾಶ ಆಯಿಪೋಪಾಂದ್‌ ಮಿಂಞ ಎಣ್ಣ್‌ನ ಪ್ರವಾದನೆ ನೆರವೇರತೆ ಪೋನಂಗ್‌ ಯೋನ ಬಾರಿ ನೊಂದಂಡಿಂಜತ್.
ದೇವಡ ಸೃಷ್ಟಿರ ಮೇಲೆ ಅಂವೊಂಗ್‌ ಪೂರ್ತಿ ಅದಿಕಾರ ಉಳ್ಳದ್‌ನ ಈ ಪುಸ್ತಕ ಕಾಟಿತಪ್ಪ. ಅದೆಲ್ಲಾಕಿಂಜಿ, ದೇವ ಎಚ್ಚಕ್‌ ಪ್ರೀತಿ ಪಿಂಞ ಕರುಣೆ ಉಳ್ಳಂವೋಂದು, ತಾಂಡ ಜನಡ ವಿರೋದಿಯಂಗಕ್‌ ಶಿಕ್ಷೆ ಕೊಡ್‌ತಿತ್‌ ನಾಶ ಮಾಡ್‌ವಕ್‌ ಬದ್‌ಲ್‌ ಅಯಿಂಗಳ ಮನ್ನಿಚಿಟ್ಟಿತ್‌ ರಕ್ಷಣೆ ಮಾಡ್‌ವಕ್‌ ಕುಶಿ ಪಡುವಾಂದ್‌ ಅರ್ಥಮಾಡಿತಪ್ಪ.
ಯೋನನ ದೇವ ಕಾಕ್‌ನದು ಅಂವೊ ದೇವಡ ಕಡೇಯಿಂಜ ಓಡಿ ಪೋಪದು 1.1–17
ಯೋನ ದೇವಡ ಕಡೇಕ್‌ ತಿರಿಗಿತ್‌ ಬಪ್ಪದ್‌2.1–10
ಯೋನ ನಿನೆವೇ ಪಟ್ಟಣಕ್‌ ದೇವಡ ಎಚ್ಚರಿಕೇನ ಎಣ್ಣುವದ್‌ 3.1–10
ನಿನೆವೇ ಪಟ್ಟಣತ್‌ರ ಮೇಲೆ ದೇವ ಕನಿಕಾರ ಕಾಟ್‌ವದ್‌4.1–11
Currently Selected:
ಯೋನ ಮುನ್ನುಡಿ: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)