ಇಬ್ರಿಯ ಮುನ್ನುಡಿ
ಮುನ್ನುಡಿ
ಕ್ರಿಸ್ತಂಗಾಯಿತ್ ದುಂಬ ಹಿಂಸೆ ಬಂದಂಡಿಂಜಗುಂಡ್, ಕ್ರಿಸ್ತನ ಬುಟ್ಟಿತ್ ಪೋಕನಾಂದ್ ಗೇನಮಾಡಿಯಂಡಿಂಜ ಯೆಹೂದ್ಯಂಗಕ್#1.0 ಯೆಹೂದ್ಯಂಗಕ್ ಇಬ್ರಿಯಂಗಾಂದ್ ಸಹ ಪೆದ ಉಂಡ್. ಅಯಿಂಗ ಇಬ್ರಿಯ ತಕ್ಕ್ ಪರಿಯುವಗುಂಡ್ ಅಯಿಂಗಳ ಪೊರಮೆ ಉಳ್ಳ ಜನ ಇನ್ನನೆ ಕಾಕುವ. ಒಳ್‍ದ್‍ನ ಕಾಗದ ಇದ್. ಯೇಸು ಕ್ರಿಸ್ತನೇ ನೇರಾನ ಜೀವ ತಪ್ಪ ದೇವ. ಅಂವೊನೇ, ದೇವ ದಾರ್‍ೕಂದ್ ಕಾಟಿ ತಂದಂವೋಂದ್ ನಂಗ ಓದ್‍ವಕ್ ಆಪ. ಈ ಪುಸ್ತಕತ್‍ಲ್ ಮೂಂದ್ ಸತ್ಯ ಮುಕ್ಯವಾಯಿತ್ ಉಂಡ್. ಆದ್ಯವಾಯಿತ್, ಯೇಸು ಕ್ರಿಸ್ತನೇ ನೇರಾನ ನಿತ್ಯವಾಯಿತುಳ್ಳ ದೇವಡ ಮೋಂವೊ. ಅಂವೊ ಅನುಬವಿಚಿಟ್ಟ ಕಷ್ಟತ್‍ರಗುಂಡ್, ಅಪ್ಪನಾನ ದೇವನ ನೇರಾಯಿತ್ ಕುಶಿಪಡ್‌ತ್‌ವಂವೋಂದ್ ಗೊತ್ತಾಪ. ದೇವಡ ಮೋಂವೊನಾಯಿತ್ ಅಂವೊ, ಪಳೆಯ ಒಪ್ಪಂದತ್‍ರ ಪ್ರವಾದಿಯಂಗಕ್, ದೇವದೂತಂಗಕ್ ಪಿಂಞ ಮೋಶೇಕ್ ಸಹ ಬಲ್ಯಂವೊನಾಯಿತುಂಡ್. ದಂಡನೆದಾಯಿತ್, ಯೇಸು ಕ್ರಿಸ್ತ, ನಿತ್ಯ ಯಾಜಕನಾಯಿತ್, ಪಳೆಯ ಒಪ್ಪಂದತ್‍ರ ಯಾಜಕಕಿಂಜ ಬಲ್ಯಂವೋಂದ್ ದೇವ ಅರಿಕೆ ಮಾಡ್‌ವ. ಮೂಂದನೆದಾಯಿತ್ ಯೇಸುರ ಮೂಲಕ ಜನಕ್ ಅಯಿಂಗಡ ಪಾಪತ್ಂಜ, ಪೋಡಿಯಿಂಜ, ಚಾವ್‍ಯಿಂಜ ರಕ್ಷಣೆ ಕ್‍ಟ್ಟ್‌ವಾಂದು, ಅಂವೊನೇ ನಿತ್ಯ ಯಾಜಕನಾಯಿತ್ ನೇರಾನ ರಕ್ಷಣೆ ತಪ್ಪಾಂದು, ಪಳೆಯ ಒಪ್ಪಂದತ್‍ಲ್ ನಂಗ ಓದ್‍ವ ಅಚಾರವಿಚಾರ ಎಲ್ಲಾ ಇಂವೊಂಡ ವಿಷಯತ್‍ನ ಎಣ್ಣಿಯಂಡ್ ಉಂಡ್‍ೕಂದು ಕಾಂಬಕ್ ಆಪ.
ಪಳೆಯ ಒಪ್ಪಂದತ್‍ಲ್ ನಂಗ ಪಡಿಪ ನಂಬಿಕೇರ ಬಲ್ಯಯಿಂಗಡ ವಿಷಯತ್‍ನ ಎಣ್ಣಿತ್, ನಂಗಳು ನಂಗಡ ನಂಬಿಕೇಲ್ ದೈರ್ಯವಾಯಿತ್ ಇರಂಡೂಂದ್ ಎಚ್ಚರ ತಪ್ಪ. ಯೇಸು ಕ್ರಿಸ್ತಂಡನೆಕೆ, ಆಕೀರ್‌ಕತ್ತನೆ ನಂಗ ಕಷ್ಟತ್‍ನ ಸಹಿಯಂಡ್ ನಂಬಿಕಸ್ತಂಗಳಾಯಿತ್ ಇರಂಡೂಂದ್ ಪುರ್‌ಡ್ ಕೊಡ್‍ಪ.
ದೇವನ ಪೂರ್ತಿಯಾಯಿತ್ ಕಾಂಬ್‌ಚಿಡುವ ಯೇಸು ಕ್ರಿಸ್ತ 1.1–3
ಕ್ರಿಸ್ತ ದೇವದೂತಂಗಕಿಂಜ ಬಲ್ಯಂವೊ 1.4–2.18
ಕ್ರಿಸ್ತ ಮೋಶೇಕಿಂಜ ಬಲ್ಯಂವೊ 3.1–4.13
ಕ್ರಿಸ್ತ ಮಹಾ ಯಾಜಕಕಿಂಜ ಬಲ್ಯಂವೊ 4.14–7.28
ಕ್ರಿಸ್ತ ಪಳೆಯ ಒಪ್ಪಂದಕಿಂಜ ಬಲ್ಯಂವೊ 8.1–9.22
ಕ್ರಿಸ್ತ ದೇವಾಲಯತ್‍ರ ಬಲಿಕಿಂಜ ಬಲ್ಯಂವೊ 9.23–10.39
ನಂಬಿಕೇರ ಬಲ್ಯರಿಕೆ 11.1–12.29
ದೇವಕ್ ಕುಶಿಯಾಪ ಬದ್‍ಕ್ 13.1–19
ಆಕೀರ್ ಪ್ರಾರ್ಥನೆ 13.20–21
ಆಕೀರ್ ತಕ್ಕ್ 13.22–25
Currently Selected:
ಇಬ್ರಿಯ ಮುನ್ನುಡಿ: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)