ಇಬ್ರಿಯ 8
8
ಮಹಾ ಯಾಜಕನಾನ ಕ್ರಿಸ್ತ
1ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್. 2ಅಲ್ಲಿ ಅಂವೊ, ಪರಲೋಕತ್‍ರ ಗುಡಾರತ್‍ಲ್ ಸೇವೆ ಮಾಡಿಯಂಡುಂಡ್. ಈ ಗುಡಾರ ಮನುಷ್ಯಂಗಡಗುಂಡ್ ಮಾಡ್‍ನ ಗುಡಾರ ಅಲ್ಲ, ಒಡೆಯನಗುಂಡ್ ಮಾಡ್‍ನ ನೇರಾನ ಗುಡಾರವಾಯಿತುಂಡ್.
3ಎಲ್ಲಾ ಮಹಾ ಯಾಜಕನು ಕಾಣಿಕೆ ಪಿಂಞ ಬಲಿನ ಅರ್ಪಿಚಿಡುವಕಾಯಿತ್ ನೇಮಿಚಿಟ್ಟಿತುಂಡ್; ಆನಗುಂಡ್, ಅರ್ಪಣೆ ಮಾಡ್‌ವಕಾಯಿತ್ ಮಾಹಾ ಯಾಜಕನಾನ ಯೇಸುಕ್ ಸಹ ಎಂತೋ ಒಂದ್ ಬೋಂಡಿಯಿಂಜತ್. 4ಯೇಸು ಈ ಲೋಕತ್‍ಲ್ ಇಂಜತೇಂಗಿ, ಯಾಜಕನಾಯಿತ್‌ಪ್ಪ್‌ಲೆ; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣತ್‍ರ ಪ್ರಕಾರ ಕಾಣಿಕೆನ ಅರ್ಪಿಚಿಡ್‌ವಕ್ ಇಲ್ಲಿ ಯಾಜಕಂಗ ಉಂಡಲ್ಲ. 5ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.#8.5 ಪ್ರಯಾಣ ಪುಸ್ತಕ 25.40 6ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.
7ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್ ತಪ್ಪ್ ಇಲ್ಲತೆ ಇಂಜಿತ್ಂಜತೇಂಗಿ, ದಂಡನೆ ಕುರಿ ಒಪ್ಪಂದ ಮಾಡ್‌ವಕ್ ಅವಸ್ಯ ಇಲ್ಲತೆ ಆಯಿತ್‌ಪ್ಪ. 8ಆಚೇಂಗಿ ಒಡೆಯ ಜನಡಮೇಲೆ ಕುತ್ತ ಕಂಡ್‍ಪುಡ್‌ಚಿತ್,
ನೋಟಿ, ಇಸ್ರಾಯೇಲ್ ಪಿಂಞ ಯೆಹೂದ್ಯ ಜನತ್‍ರಕೂಡೆ,
ನಾನ್ ಒರ್ ಪುದಿಯ ಒಪ್ಪಂದ ಮಾಡ್‌ವ ಕಾಲ ಬಂದಂಡುಂಡ್.
9ಅಯಿಂಗಡ ಮುತ್ತಜ್ಜಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಪ್ಪಕಾಯಿತ್,
ನಾನ್ ಅಯಿಂಗಡ ಕೈಯಿನ ಪುಡ್‌ಚಿತ್,
ಅಯಿಂಗಡ ಪಕ್ಕ ಮಾಡ್‍ನ ಒಪ್ಪಂದತ್‍ರನೆಕೆ ಇದ್ ಇಪ್ಪುಲೆ;
ಅಯಿಂಗಡ ಕೂಡೆ ಮಾಡ್‍ನ ಒಪ್ಪಂದತ್‍ಲ್,
ಅಯಿಂಗಕ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಕಯಿಂಜಿತ್‌ಲ್ಲೆ ಅಲ್ಲ!
ನಾನ್ ಸಹ ಅಯಿಂಗಳ ತ್‍ಕ್ಕಾರ ಮಾಡಿಯೇಂದ್ ಒಡೆಯ ಎಣ್ಣಿಯಂಡುಂಡ್.
10ಆ ಕಾಲ ಆನ ಪಿಂಞ ನಾನ್ ಇಸ್ರಾಯೇಲ್ ಜನತ್‍ರಕೂಡೆ ಮಾಡ್‌ವ ಒಪ್ಪಂದ ಇನ್ನನೆ ಇಪ್ಪ.
ನಾಡ ನ್ಯಾಯಪ್ರಮಾಣತ್‍ನ ಅಯಿಂಗಡ ಮನಸ್ಸ್‌ಲ್ ಬೆಚ್ಚಿತ್,
ಅಯಿಂಗಡ ಹೃದಯತ್‍ಲ್ ಅದ್‍ನ ಒಳ್‍ದ್‍ವಿ;
ನಾನ್ ಅಯಿಂಗಡ ದೇವನಾಯಿತ್ ಇಪ್ಪಿ,
ಅಯಿಂಗ ನಾಡ ಜನಳಾಯಿತ್ ಇಪ್ಪ.
11ಅಕ್ಕ, ಚೆರಿಯಯಿಂಗಯಿಂಜ, ಬಲ್ಯಯಿಂಗಕತ್ತನೆ ಎಲ್ಲಾರ್‌ಕು ನನ್ನ ಗೊತ್ತಿಪ್ಪ;
ಅಕ್ಕ ದಾರ್ ಒಬ್ಬನು ಒಡೆಯ ದಾರ್‍ೕಂದ್ ಗೊತ್ತ್ ಮಾಡಿಯೊಳೀಂದ್
ಬೋರೆ ಒಬ್ಬಂಗು, ತಾಂಡ ಅಣ್ಣತಮ್ಮಣಂಗಕು ಬೋದನೆ ಮಾಡ್‌ವಕ್ ಅವಸ್ಯ ಇಪ್ಪುಲೆ.
12ಎನ್ನಂಗೆಣ್ಣ್‌ಚೇಂಗಿ, ನಾನ್ ಅಯಿಂಗಡ ಎಲ್ಲಾ ಅನ್ಯಾಯತ್‍ನ ಕೃಪೆಯಿಂಜ ಮನ್ನಿಚಿಟ್ಟಿತ್,
ಅಯಿಂಗಡ ಪಾಪತ್‍ನ ಇಂಞು ಮಿಂಞಕ್ ನಾಡ ನೆನಪ್‍ಲ್ ಬೆಚ್ಚಿತ್‌ಪ್ಪ್‌ಲೇಂದ್ ಒಡೆಯ ಎಣ್ಣಿಯಂಡುಂಡ್.#8.12 ಯೆರೆಮೀಯ 31.31–34
13ಪುದಿಯ ಒಪ್ಪಂದಾಂದ್ ಒಡೆಯ ಎಣ್ಣ್‌ವಗುಂಡ್ ಮೊದಲನೆ ಒಪ್ಪಂದತ್‍ನ ಅಂವೊ ಪಳೆಯದಾಯಿತ್ ಮಾಡಿರ್‌ತ್; ಪಳೆಯದಾನಗುಂಡ್ ಅದ್ ದುಂಬ ಕುಂದಿ ಪೋಯಿತ್, ಕಾಂಗತೆ ಆಯಿ ಪೋಪಕ್ ಸಮಯ ಪಕ್ಕ ಬಾತ್.
Currently Selected:
ಇಬ್ರಿಯ 8: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಇಬ್ರಿಯ 8
8
ಮಹಾ ಯಾಜಕನಾನ ಕ್ರಿಸ್ತ
1ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್. 2ಅಲ್ಲಿ ಅಂವೊ, ಪರಲೋಕತ್‍ರ ಗುಡಾರತ್‍ಲ್ ಸೇವೆ ಮಾಡಿಯಂಡುಂಡ್. ಈ ಗುಡಾರ ಮನುಷ್ಯಂಗಡಗುಂಡ್ ಮಾಡ್‍ನ ಗುಡಾರ ಅಲ್ಲ, ಒಡೆಯನಗುಂಡ್ ಮಾಡ್‍ನ ನೇರಾನ ಗುಡಾರವಾಯಿತುಂಡ್.
3ಎಲ್ಲಾ ಮಹಾ ಯಾಜಕನು ಕಾಣಿಕೆ ಪಿಂಞ ಬಲಿನ ಅರ್ಪಿಚಿಡುವಕಾಯಿತ್ ನೇಮಿಚಿಟ್ಟಿತುಂಡ್; ಆನಗುಂಡ್, ಅರ್ಪಣೆ ಮಾಡ್‌ವಕಾಯಿತ್ ಮಾಹಾ ಯಾಜಕನಾನ ಯೇಸುಕ್ ಸಹ ಎಂತೋ ಒಂದ್ ಬೋಂಡಿಯಿಂಜತ್. 4ಯೇಸು ಈ ಲೋಕತ್‍ಲ್ ಇಂಜತೇಂಗಿ, ಯಾಜಕನಾಯಿತ್‌ಪ್ಪ್‌ಲೆ; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣತ್‍ರ ಪ್ರಕಾರ ಕಾಣಿಕೆನ ಅರ್ಪಿಚಿಡ್‌ವಕ್ ಇಲ್ಲಿ ಯಾಜಕಂಗ ಉಂಡಲ್ಲ. 5ಮೋಶೆ ಗುಡಾರತ್‍ನ ಮಾಡ್‌ವಕ, ಕುಂದ್‍ಲ್ ನೀಕ್ ದೇವ ಕಾಂಬ್‌ಚಿಟ್ಟನೆಕೆ ಎಲ್ಲಾನ ಮಾಡ್‌ವಕ್ ನೀನ್ ಎಚ್ಚರತ್‍ಲ್ ಇರ್‍ೕಂದ್ ದೇವ ಅಂವೊಂಗ್ ಹುಕುಮ್ ಕೊಡ್‍ತನೆಕೆ, ಈಂಗ ಮಾಡ್‌ವ ಆರಾದನೆ ಪರಲೋಕತ್‍ಲ್ ಉಳ್ಳದ್‌ರ ರೂಪಕು, ನೆಳಕು ಒತ್ತಂಡ್ ಉಂಡ್.#8.5 ಪ್ರಯಾಣ ಪುಸ್ತಕ 25.40 6ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.
7ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್ ತಪ್ಪ್ ಇಲ್ಲತೆ ಇಂಜಿತ್ಂಜತೇಂಗಿ, ದಂಡನೆ ಕುರಿ ಒಪ್ಪಂದ ಮಾಡ್‌ವಕ್ ಅವಸ್ಯ ಇಲ್ಲತೆ ಆಯಿತ್‌ಪ್ಪ. 8ಆಚೇಂಗಿ ಒಡೆಯ ಜನಡಮೇಲೆ ಕುತ್ತ ಕಂಡ್‍ಪುಡ್‌ಚಿತ್,
ನೋಟಿ, ಇಸ್ರಾಯೇಲ್ ಪಿಂಞ ಯೆಹೂದ್ಯ ಜನತ್‍ರಕೂಡೆ,
ನಾನ್ ಒರ್ ಪುದಿಯ ಒಪ್ಪಂದ ಮಾಡ್‌ವ ಕಾಲ ಬಂದಂಡುಂಡ್.
9ಅಯಿಂಗಡ ಮುತ್ತಜ್ಜಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಪ್ಪಕಾಯಿತ್,
ನಾನ್ ಅಯಿಂಗಡ ಕೈಯಿನ ಪುಡ್‌ಚಿತ್,
ಅಯಿಂಗಡ ಪಕ್ಕ ಮಾಡ್‍ನ ಒಪ್ಪಂದತ್‍ರನೆಕೆ ಇದ್ ಇಪ್ಪುಲೆ;
ಅಯಿಂಗಡ ಕೂಡೆ ಮಾಡ್‍ನ ಒಪ್ಪಂದತ್‍ಲ್,
ಅಯಿಂಗಕ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಕಯಿಂಜಿತ್‌ಲ್ಲೆ ಅಲ್ಲ!
ನಾನ್ ಸಹ ಅಯಿಂಗಳ ತ್‍ಕ್ಕಾರ ಮಾಡಿಯೇಂದ್ ಒಡೆಯ ಎಣ್ಣಿಯಂಡುಂಡ್.
10ಆ ಕಾಲ ಆನ ಪಿಂಞ ನಾನ್ ಇಸ್ರಾಯೇಲ್ ಜನತ್‍ರಕೂಡೆ ಮಾಡ್‌ವ ಒಪ್ಪಂದ ಇನ್ನನೆ ಇಪ್ಪ.
ನಾಡ ನ್ಯಾಯಪ್ರಮಾಣತ್‍ನ ಅಯಿಂಗಡ ಮನಸ್ಸ್‌ಲ್ ಬೆಚ್ಚಿತ್,
ಅಯಿಂಗಡ ಹೃದಯತ್‍ಲ್ ಅದ್‍ನ ಒಳ್‍ದ್‍ವಿ;
ನಾನ್ ಅಯಿಂಗಡ ದೇವನಾಯಿತ್ ಇಪ್ಪಿ,
ಅಯಿಂಗ ನಾಡ ಜನಳಾಯಿತ್ ಇಪ್ಪ.
11ಅಕ್ಕ, ಚೆರಿಯಯಿಂಗಯಿಂಜ, ಬಲ್ಯಯಿಂಗಕತ್ತನೆ ಎಲ್ಲಾರ್‌ಕು ನನ್ನ ಗೊತ್ತಿಪ್ಪ;
ಅಕ್ಕ ದಾರ್ ಒಬ್ಬನು ಒಡೆಯ ದಾರ್‍ೕಂದ್ ಗೊತ್ತ್ ಮಾಡಿಯೊಳೀಂದ್
ಬೋರೆ ಒಬ್ಬಂಗು, ತಾಂಡ ಅಣ್ಣತಮ್ಮಣಂಗಕು ಬೋದನೆ ಮಾಡ್‌ವಕ್ ಅವಸ್ಯ ಇಪ್ಪುಲೆ.
12ಎನ್ನಂಗೆಣ್ಣ್‌ಚೇಂಗಿ, ನಾನ್ ಅಯಿಂಗಡ ಎಲ್ಲಾ ಅನ್ಯಾಯತ್‍ನ ಕೃಪೆಯಿಂಜ ಮನ್ನಿಚಿಟ್ಟಿತ್,
ಅಯಿಂಗಡ ಪಾಪತ್‍ನ ಇಂಞು ಮಿಂಞಕ್ ನಾಡ ನೆನಪ್‍ಲ್ ಬೆಚ್ಚಿತ್‌ಪ್ಪ್‌ಲೇಂದ್ ಒಡೆಯ ಎಣ್ಣಿಯಂಡುಂಡ್.#8.12 ಯೆರೆಮೀಯ 31.31–34
13ಪುದಿಯ ಒಪ್ಪಂದಾಂದ್ ಒಡೆಯ ಎಣ್ಣ್‌ವಗುಂಡ್ ಮೊದಲನೆ ಒಪ್ಪಂದತ್‍ನ ಅಂವೊ ಪಳೆಯದಾಯಿತ್ ಮಾಡಿರ್‌ತ್; ಪಳೆಯದಾನಗುಂಡ್ ಅದ್ ದುಂಬ ಕುಂದಿ ಪೋಯಿತ್, ಕಾಂಗತೆ ಆಯಿ ಪೋಪಕ್ ಸಮಯ ಪಕ್ಕ ಬಾತ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)