ಇಬ್ರಿಯ 12
12
ದೇವಡ ಶಿಕ್ಷೆ ಪಿಂಞ ದೇವಡ ಪ್ರೀತಿ
1ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು. 2ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.
3ಆನಗುಂಡ್, ನಿಂಗ ಮನಸ್ಸ್ ಬುಟ್ಟಿತ್ ತಳ್ಂದ್ ಪೋಕತನೆಕೆ, ಪಾಪಿಯಂಗ ಯೇಸುಕ್ ಮಾಡ್‍ನ ಎಲ್ಲಾ ತರ ವಿರೋದತ್‍ನ ಅಂವೊ ಸಹಿಯಂಡ್ ಇಂಜದ್‍ನ ಗೇನ ಮಾಡಿಯೊಳಿ. 4ಪಾಪಕ್ ವಿರೋದವಾಯಿತ್ ಉಳ್ಳ ಪೋರಾಟತ್‍ಲ್ ಚೋರೆ ಬೂಕ್‍ವಚ್ಚಕ್ ಇಂಞು ನಿಂಗ ಎದ್‍ರ್ ನಿಂದಿತ್‌ಲ್ಲೆ.
5ನಾಡ ಮೋನೇ, ಒಡೆಯಂಡ ಶಿಕ್ಷೆನ
ನೀನ್ ಸಾದಾರಣವಾಯಿತ್ ಗೇನ ಮಾಡತೆ,
ಅಂವೊ ಜೋರ್‍ಮಾಡ್‌ವಕ,
ತಳ್ಂದ್ ಪೋಪಕ್ಕಾಗ.
6ಒಡೆಯಂಗ್ ದಾಡ ಮೇಲೆ ಪ್ರೀತಿ ಉಂಡೋ, ಅಯಿಂಗಕ್ ಅಂವೊ ಶಿಕ್ಷೆ ತಪ್ಪ.
ತಾಂಡ ಮಕ್ಕಳಾಯಿತ್ ಸ್ವೀಕಾರ ಮಾಡ್‌ವ ಎಲ್ಲಾ ಮಕ್ಕಳ ಅಂವೊ ಪೊಯ್ಯುವಾಂದ್ ಮಕ್ಕಕ್ ಎಣ್ಣುವನೆಕೆ ನಾನ್ ನಿಂಗಕ್ ಬುದ್ದಿ ಎಣ್ಣ್‌ನದ್‍ನ ನಿಂಗ ಮರ್‌ಂದಿತುಳ್ಳಿರ.#12.6 ಜ್ಞಾನ ಪುಸ್ತಕ 3.11,12
7ನಿಂಗ ಶಿಕ್ಷೆನ ಸಹಿಯಂಡ್ ಇಂಜತೇಂಗಿ, ದೇವ ನಿಂಗಳ ತಾಂಡ ಮಕ್ಕಡನೆಕೆ ನಡ್‍ತ್‍ವ; ಅಪ್ಪಂಡಿಂಜ ಶಿಕ್ಷೆ ಕ್‍ಟ್ಟತ ಮೋಂವೊ ಉಂಡಾ? 8ಎಲ್ಲಾರ್‌ಕು ಕ್‍ಟ್ಟುವ ಶಿಕ್ಷೆ ನಿಂಗಕ್ ಕ್‍ಟ್ಟತೆ ಪೋಚೇಂಗಿ, ನಿಂಗ ದೇವಡ ಮಕ್ಕಳಾಯಿತ್ ಇಲ್ಲತೆ, ವೇಶಿರ ಮಕ್ಕಳಾಯಿತ್‌ಪ್ಪಿರಲ್ಲ. 9ಅದ್ ಮಾತ್ರ ಅಲ್ಲತೆ, ತಡೀರ ಮೂಲಕ ಬಂದ ನಂಗಡ ಅಪ್ಪಂಗ ನಂಗಕ್ ಶಿಕ್ಷೆ ತಪ್ಪಕ, ನಂಗ ಅಯಿಂಗಳ ಗೌರವಪಡ್‍ತ್‍ಚಿ. ಆತ್ಮಮಂಗಕ್ ಅಪ್ಪನಾಯಿತ್ ಉಳ್ಳ ಅಂವೊಂಗ್ ನಂಗ ಇಂಞು ಎಚ್ಚಕ್ ತಗ್ಗಿತ್ ಬದ್‍ಕಂಡು?
10ಅಯಿಂಗ, ಅಯಿಂಗಕ್ ಏದ್ ನಲ್ಲದ್‍ೕಂದ್ ಗೊತ್ತಾಚೋ, ಅದ್ಂಡ ಪ್ರಕಾರ ಚೆನ್ನ ಕಾಲ ಶಿಕ್ಷೆ ಕೊಡ್‍ತ್‍ಚಿ; ಆಚೇಂಗಿ ದೇವ, ತಾಂಡ ಪವಿತ್ರವಾನ ಗುಣಕ್ ನಂಗ ಬಾದ್ಯತೆ ಆಂಡೂಂದ್, ನಂಗಡ ಪ್ರಯೋಜನಕಾಯಿತೇ ನಂಗಕ್ ಶಿಕ್ಷೆ ಕೊಡ್‍ತಂಡುಂಡ್. 11ಏದ್ ಶಿಕ್ಷೆಯು, ಆ ಸಮಯತ್‍ಲ್ ಕುಶಿಯಾಯಿತ್ ಇಪ್ಪುಲೆ, ಕಷ್ಟವಾಯಿತೇ ಇಪ್ಪ. ಆಚೇಂಗಿ, ಅದ್‍ಲ್ ಅಬ್ಯಾಸ ಆನಯಿಂಗಕ್, ಅದ್ ಮಿಂಞಕ್ ನೀತಿ ಪಿಂಞ ಸಮಾದಾನ ಎಣ್ಣುವ ಫಲತ್‍ನ ತಪ್ಪ. 12ಆನಗುಂಡ್, ತಳ್ಂದ್ ಪೋಯಿತುಳ್ಳ ನಿಂಗಡ ಕೈಯಿನ ನ್‍ೕತಿತ್, ಕುಂದಿಪೋನ ನಿಂಗಡ ಮುಟ್ಟ್‌ಕಾಲ್‌ನ ಬಲಪಡ್‍ತಿಯೊಳಿ. 13ನಡ್‍ಪಕಾಯಿತ್ ಬಟ್ಟೇನ ಚಾಯಿ ತಯಾರ್ ಮಾಡಿಯೊಳಿ, ಅಕ್ಕ ಬಲ ಇಲ್ಲತಯಿಂಗ ಪಿಂಞ ಕುಂಟಂಗ ನಡ್‍ಪಕ ಬುದ್ದ್‌ಪೋಕತೆ, ಅಯಿಂಗ ವಾಸಿಯಾಪ.
ದೇವಡ ಸದ್ದ್‌ಕ್ ಕೆಮಿ ಕೊಡಿ
14ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ. 15ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ. 16ದಾರ್ ಒಬ್ಬನು ವೇಶಿತನ ಮಾಡ್‌ವಂವೊನಾಯಿತ್ ಇಪ್ಪಕ್ಕಾಗ. ಏಸಾ ಎಣ್ಣ್‌ವಂವೊ ಬರಿ ಕೂಳ್‍ಕಾಯಿತ್ ತಾಂಡ ಅಪ್ಪಯಿಂಜ ಕ್‍ಟ್ಟುವ ಆದ್ಯ ಮೋಂವೊಂಡ ಆಶೀರ್ವಾದತ್‍ನ ಮಾರ್‍ನನೆಕೆ ಬಕ್ತಿ ಇಲ್ಲತಂವೊನಾಯಿತು ಇಪ್ಪಕ್ಕಾಗ. 17ಎನ್ನಂಗೆಣ್ಣ್‌ಚೇಂಗಿ, ಬಯ್ಯಕ್ ಅಂವೊ ಈ ಆಶೀರ್ವಾದತ್‍ನ ಪಡೆಯುವಕ್ ಕುಶಿಪಟ್ಟತೇಂಗಿಯು ಅಂವೊನ ತಿರಸ್ಕಾರ ಮಾಡಿರ್‌ತ್. ಕಣ್ಣೀರ್ ಬುಟ್ಟಿತ್ ಆ ಆಶೀರ್ವಾದತ್‍ನ ತ್‍ೕಡ್‍ಚೇಂಗಿಯು, ಪಶ್ಚಾತಾಪ ಪಡುವಕ್ ಬಟ್ಟೆ ಇಲ್ಲತೆ ಪೋಚಿ.
18ಮುಟ್ಟುವಕಯ್ಯುವ ಪಿಂಞ ತಿತ್ತ್ ಕತ್ತಿಯಂಡಿಪ್ಪ ಒರ್ ಕುಂದ್‌ರ ಬರಿಯು, ಇರ್‌ಟ್‌ರ ಬರಿಯು, ಮೋಡತ್‍ರ ಬರಿಯು, ಬಿರ್‍ಗಾಳಿರ ಕಡೆಯು, 19ವಾಲಗತ್‍ರ ಸದ್ದ್‌ರ ಕಡೆಯು, ಅಥವ ತಕ್ಕ್ ಪರಿಯುವ ಸದ್ದ್‌ರ ಕಡೆಯು ನಿಂಗ ಬಂದಿತ್ ಎತ್ತಿತ್‌ಲ್ಲೆ. ಆ ಸದ್ದ್‌ನ ಕ್‍ೕಟಯಿಂಗ ಇಂಞು ಮಿಂಞಕ್ ಅದ್‍ನ ನಂಗಕ್ ಎಣ್ಣುವದ್ ಬೋಂಡಾಂದ್ ಬೋಡ್‍ಚಿ. 20ಎನ್ನಂಗೆಣ್ಣ್‌ಚೇಂಗಿ, ಎಂತಾಚು ಒರ್ ಮೃಗ ಆ ಕುಂದ್‍ನ ಮುಟ್ಟ್‌ಚೇಂಗಿ, ಅದ್‍ನ ಕಲ್ಲ್ ಕನ್‍ಚಿತ್ ಕೊಲ್ಲಂಡೂಂದ್ ಎಣ್ಣಿತ್ಂಜ ನ್ಯಾಯಪ್ರಮಾಣತ್‍ನ ಸಹಿಸುವಕ್ ಕಯಿಂಜಿತ್‌ಲ್ಲೆ.#12.20 ಪ್ರಯಾಣ ಪುಸ್ತಕ 19.12,13 21ಮೋಶೆ ಸಹ: ನಾಕ್ ದುಂಬ ಪೋಡಿಯಾಯಂಡ್ ನಡ್‍ಗಿಯಂಡುಳ್ಳ್‌ಂದ್ ಎಣ್ಣುವನೆಕೆ, ಅಯಿಂಗ ನೋಟ್‌ನದ್ ಅಚ್ಚಕ್ ಬಯಂಕರವಾಯಿತ್ ಇಂಜತ್.#12.21 ದರ್ಮಶಾಸ್ತ್ರ ಪುಸ್ತಕ 9.19
22ಆಚೇಂಗಿ ನಿಂಗ, ಚೀಯೋನ್‌#12.22 ಯೆರೂಸಲೇಮ್‍ನ ಚೀಯೋನ್‍ಂದ್ ಪಳೆಯ ಒಪ್ಪಂದತ್‍ಲ್ ಕಾಕುವ. ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ. 23ಅಲ್ಲತೆ ಪರಲೋಕತ್‍ಲ್ ಪೆದ ಒಳ್‍ದಿತುಳ್ಳ ದೇವಡ ಆದ್ಯ ಮಕ್ಕಡ ಸಬೆರ ಪಕ್ಕವು, ಎಲ್ಲಾಡ ದೇವಾನಾಯಿತುಳ್ಳ ನ್ಯಾಯಾದಿಪತಿರ ಪಕ್ಕವು, ಪೂರ್ತಿಯಾಯಿತ್ ನೀತಿವಂತಯಿಂಗಳಾಯಿತುಳ್ಳ ಆತ್ಮತ್‍ರ ಪಕ್ಕವು, 24ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.
25ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ? 26ಅಂವೊಂಡ ಸದ್ದ್ ಅಕ್ಕ ಬೂಮಿನ ಅದ್‍ರ್‍ಚಿಟ್ಟತ್; ಇಂಞು ಒರ್ ಕುರಿ ನಾನ್ ಬೂಮಿನ ಮಾತ್ರ ಅಲ್ಲ, ಬಾನತ್‍ನ ಸಹ ಅದ್‍ರ್‍ಚಿಡುವೀಂದ್ ಇಕ್ಕ ವಾಗ್ದಾನ ಮಾಡಿತುಂಡ್.#12.26 ಹಗ್ಗಾಯ 2.6 27ಇಂಞು ಒರ್ ಕುರೀಂದ್ ಎಣ್ಣುವಕ, ಸೃಷ್ಟಿ ಮಾಡ್‍ನದೆಲ್ಲಾ ಅನ್‌ಂಗಿತ್ ನೀಂಗಿ ಪೋಪದ್‌ನ ಪಿಂಞ ಅನಂಗತೆ ಇಪ್ಪದೆಲ್ಲ ಎಕ್ಕಾಲು ನಿಪ್ಪಕುಳ್ಳದ್‍ನ ಕಾಟಿತಪ್ಪ.
28ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ. 29ನಂಗಡ ದೇವ ಕತ್ತ್‌ಚಿಡುವ ತಿತ್ತಾಯಿತ್ ಉಂಡ್.
Currently Selected:
ಇಬ್ರಿಯ 12: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಇಬ್ರಿಯ 12
12
ದೇವಡ ಶಿಕ್ಷೆ ಪಿಂಞ ದೇವಡ ಪ್ರೀತಿ
1ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು. 2ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.
3ಆನಗುಂಡ್, ನಿಂಗ ಮನಸ್ಸ್ ಬುಟ್ಟಿತ್ ತಳ್ಂದ್ ಪೋಕತನೆಕೆ, ಪಾಪಿಯಂಗ ಯೇಸುಕ್ ಮಾಡ್‍ನ ಎಲ್ಲಾ ತರ ವಿರೋದತ್‍ನ ಅಂವೊ ಸಹಿಯಂಡ್ ಇಂಜದ್‍ನ ಗೇನ ಮಾಡಿಯೊಳಿ. 4ಪಾಪಕ್ ವಿರೋದವಾಯಿತ್ ಉಳ್ಳ ಪೋರಾಟತ್‍ಲ್ ಚೋರೆ ಬೂಕ್‍ವಚ್ಚಕ್ ಇಂಞು ನಿಂಗ ಎದ್‍ರ್ ನಿಂದಿತ್‌ಲ್ಲೆ.
5ನಾಡ ಮೋನೇ, ಒಡೆಯಂಡ ಶಿಕ್ಷೆನ
ನೀನ್ ಸಾದಾರಣವಾಯಿತ್ ಗೇನ ಮಾಡತೆ,
ಅಂವೊ ಜೋರ್‍ಮಾಡ್‌ವಕ,
ತಳ್ಂದ್ ಪೋಪಕ್ಕಾಗ.
6ಒಡೆಯಂಗ್ ದಾಡ ಮೇಲೆ ಪ್ರೀತಿ ಉಂಡೋ, ಅಯಿಂಗಕ್ ಅಂವೊ ಶಿಕ್ಷೆ ತಪ್ಪ.
ತಾಂಡ ಮಕ್ಕಳಾಯಿತ್ ಸ್ವೀಕಾರ ಮಾಡ್‌ವ ಎಲ್ಲಾ ಮಕ್ಕಳ ಅಂವೊ ಪೊಯ್ಯುವಾಂದ್ ಮಕ್ಕಕ್ ಎಣ್ಣುವನೆಕೆ ನಾನ್ ನಿಂಗಕ್ ಬುದ್ದಿ ಎಣ್ಣ್‌ನದ್‍ನ ನಿಂಗ ಮರ್‌ಂದಿತುಳ್ಳಿರ.#12.6 ಜ್ಞಾನ ಪುಸ್ತಕ 3.11,12
7ನಿಂಗ ಶಿಕ್ಷೆನ ಸಹಿಯಂಡ್ ಇಂಜತೇಂಗಿ, ದೇವ ನಿಂಗಳ ತಾಂಡ ಮಕ್ಕಡನೆಕೆ ನಡ್‍ತ್‍ವ; ಅಪ್ಪಂಡಿಂಜ ಶಿಕ್ಷೆ ಕ್‍ಟ್ಟತ ಮೋಂವೊ ಉಂಡಾ? 8ಎಲ್ಲಾರ್‌ಕು ಕ್‍ಟ್ಟುವ ಶಿಕ್ಷೆ ನಿಂಗಕ್ ಕ್‍ಟ್ಟತೆ ಪೋಚೇಂಗಿ, ನಿಂಗ ದೇವಡ ಮಕ್ಕಳಾಯಿತ್ ಇಲ್ಲತೆ, ವೇಶಿರ ಮಕ್ಕಳಾಯಿತ್‌ಪ್ಪಿರಲ್ಲ. 9ಅದ್ ಮಾತ್ರ ಅಲ್ಲತೆ, ತಡೀರ ಮೂಲಕ ಬಂದ ನಂಗಡ ಅಪ್ಪಂಗ ನಂಗಕ್ ಶಿಕ್ಷೆ ತಪ್ಪಕ, ನಂಗ ಅಯಿಂಗಳ ಗೌರವಪಡ್‍ತ್‍ಚಿ. ಆತ್ಮಮಂಗಕ್ ಅಪ್ಪನಾಯಿತ್ ಉಳ್ಳ ಅಂವೊಂಗ್ ನಂಗ ಇಂಞು ಎಚ್ಚಕ್ ತಗ್ಗಿತ್ ಬದ್‍ಕಂಡು?
10ಅಯಿಂಗ, ಅಯಿಂಗಕ್ ಏದ್ ನಲ್ಲದ್‍ೕಂದ್ ಗೊತ್ತಾಚೋ, ಅದ್ಂಡ ಪ್ರಕಾರ ಚೆನ್ನ ಕಾಲ ಶಿಕ್ಷೆ ಕೊಡ್‍ತ್‍ಚಿ; ಆಚೇಂಗಿ ದೇವ, ತಾಂಡ ಪವಿತ್ರವಾನ ಗುಣಕ್ ನಂಗ ಬಾದ್ಯತೆ ಆಂಡೂಂದ್, ನಂಗಡ ಪ್ರಯೋಜನಕಾಯಿತೇ ನಂಗಕ್ ಶಿಕ್ಷೆ ಕೊಡ್‍ತಂಡುಂಡ್. 11ಏದ್ ಶಿಕ್ಷೆಯು, ಆ ಸಮಯತ್‍ಲ್ ಕುಶಿಯಾಯಿತ್ ಇಪ್ಪುಲೆ, ಕಷ್ಟವಾಯಿತೇ ಇಪ್ಪ. ಆಚೇಂಗಿ, ಅದ್‍ಲ್ ಅಬ್ಯಾಸ ಆನಯಿಂಗಕ್, ಅದ್ ಮಿಂಞಕ್ ನೀತಿ ಪಿಂಞ ಸಮಾದಾನ ಎಣ್ಣುವ ಫಲತ್‍ನ ತಪ್ಪ. 12ಆನಗುಂಡ್, ತಳ್ಂದ್ ಪೋಯಿತುಳ್ಳ ನಿಂಗಡ ಕೈಯಿನ ನ್‍ೕತಿತ್, ಕುಂದಿಪೋನ ನಿಂಗಡ ಮುಟ್ಟ್‌ಕಾಲ್‌ನ ಬಲಪಡ್‍ತಿಯೊಳಿ. 13ನಡ್‍ಪಕಾಯಿತ್ ಬಟ್ಟೇನ ಚಾಯಿ ತಯಾರ್ ಮಾಡಿಯೊಳಿ, ಅಕ್ಕ ಬಲ ಇಲ್ಲತಯಿಂಗ ಪಿಂಞ ಕುಂಟಂಗ ನಡ್‍ಪಕ ಬುದ್ದ್‌ಪೋಕತೆ, ಅಯಿಂಗ ವಾಸಿಯಾಪ.
ದೇವಡ ಸದ್ದ್‌ಕ್ ಕೆಮಿ ಕೊಡಿ
14ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ. 15ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ. 16ದಾರ್ ಒಬ್ಬನು ವೇಶಿತನ ಮಾಡ್‌ವಂವೊನಾಯಿತ್ ಇಪ್ಪಕ್ಕಾಗ. ಏಸಾ ಎಣ್ಣ್‌ವಂವೊ ಬರಿ ಕೂಳ್‍ಕಾಯಿತ್ ತಾಂಡ ಅಪ್ಪಯಿಂಜ ಕ್‍ಟ್ಟುವ ಆದ್ಯ ಮೋಂವೊಂಡ ಆಶೀರ್ವಾದತ್‍ನ ಮಾರ್‍ನನೆಕೆ ಬಕ್ತಿ ಇಲ್ಲತಂವೊನಾಯಿತು ಇಪ್ಪಕ್ಕಾಗ. 17ಎನ್ನಂಗೆಣ್ಣ್‌ಚೇಂಗಿ, ಬಯ್ಯಕ್ ಅಂವೊ ಈ ಆಶೀರ್ವಾದತ್‍ನ ಪಡೆಯುವಕ್ ಕುಶಿಪಟ್ಟತೇಂಗಿಯು ಅಂವೊನ ತಿರಸ್ಕಾರ ಮಾಡಿರ್‌ತ್. ಕಣ್ಣೀರ್ ಬುಟ್ಟಿತ್ ಆ ಆಶೀರ್ವಾದತ್‍ನ ತ್‍ೕಡ್‍ಚೇಂಗಿಯು, ಪಶ್ಚಾತಾಪ ಪಡುವಕ್ ಬಟ್ಟೆ ಇಲ್ಲತೆ ಪೋಚಿ.
18ಮುಟ್ಟುವಕಯ್ಯುವ ಪಿಂಞ ತಿತ್ತ್ ಕತ್ತಿಯಂಡಿಪ್ಪ ಒರ್ ಕುಂದ್‌ರ ಬರಿಯು, ಇರ್‌ಟ್‌ರ ಬರಿಯು, ಮೋಡತ್‍ರ ಬರಿಯು, ಬಿರ್‍ಗಾಳಿರ ಕಡೆಯು, 19ವಾಲಗತ್‍ರ ಸದ್ದ್‌ರ ಕಡೆಯು, ಅಥವ ತಕ್ಕ್ ಪರಿಯುವ ಸದ್ದ್‌ರ ಕಡೆಯು ನಿಂಗ ಬಂದಿತ್ ಎತ್ತಿತ್‌ಲ್ಲೆ. ಆ ಸದ್ದ್‌ನ ಕ್‍ೕಟಯಿಂಗ ಇಂಞು ಮಿಂಞಕ್ ಅದ್‍ನ ನಂಗಕ್ ಎಣ್ಣುವದ್ ಬೋಂಡಾಂದ್ ಬೋಡ್‍ಚಿ. 20ಎನ್ನಂಗೆಣ್ಣ್‌ಚೇಂಗಿ, ಎಂತಾಚು ಒರ್ ಮೃಗ ಆ ಕುಂದ್‍ನ ಮುಟ್ಟ್‌ಚೇಂಗಿ, ಅದ್‍ನ ಕಲ್ಲ್ ಕನ್‍ಚಿತ್ ಕೊಲ್ಲಂಡೂಂದ್ ಎಣ್ಣಿತ್ಂಜ ನ್ಯಾಯಪ್ರಮಾಣತ್‍ನ ಸಹಿಸುವಕ್ ಕಯಿಂಜಿತ್‌ಲ್ಲೆ.#12.20 ಪ್ರಯಾಣ ಪುಸ್ತಕ 19.12,13 21ಮೋಶೆ ಸಹ: ನಾಕ್ ದುಂಬ ಪೋಡಿಯಾಯಂಡ್ ನಡ್‍ಗಿಯಂಡುಳ್ಳ್‌ಂದ್ ಎಣ್ಣುವನೆಕೆ, ಅಯಿಂಗ ನೋಟ್‌ನದ್ ಅಚ್ಚಕ್ ಬಯಂಕರವಾಯಿತ್ ಇಂಜತ್.#12.21 ದರ್ಮಶಾಸ್ತ್ರ ಪುಸ್ತಕ 9.19
22ಆಚೇಂಗಿ ನಿಂಗ, ಚೀಯೋನ್‌#12.22 ಯೆರೂಸಲೇಮ್‍ನ ಚೀಯೋನ್‍ಂದ್ ಪಳೆಯ ಒಪ್ಪಂದತ್‍ಲ್ ಕಾಕುವ. ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ. 23ಅಲ್ಲತೆ ಪರಲೋಕತ್‍ಲ್ ಪೆದ ಒಳ್‍ದಿತುಳ್ಳ ದೇವಡ ಆದ್ಯ ಮಕ್ಕಡ ಸಬೆರ ಪಕ್ಕವು, ಎಲ್ಲಾಡ ದೇವಾನಾಯಿತುಳ್ಳ ನ್ಯಾಯಾದಿಪತಿರ ಪಕ್ಕವು, ಪೂರ್ತಿಯಾಯಿತ್ ನೀತಿವಂತಯಿಂಗಳಾಯಿತುಳ್ಳ ಆತ್ಮತ್‍ರ ಪಕ್ಕವು, 24ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.
25ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ? 26ಅಂವೊಂಡ ಸದ್ದ್ ಅಕ್ಕ ಬೂಮಿನ ಅದ್‍ರ್‍ಚಿಟ್ಟತ್; ಇಂಞು ಒರ್ ಕುರಿ ನಾನ್ ಬೂಮಿನ ಮಾತ್ರ ಅಲ್ಲ, ಬಾನತ್‍ನ ಸಹ ಅದ್‍ರ್‍ಚಿಡುವೀಂದ್ ಇಕ್ಕ ವಾಗ್ದಾನ ಮಾಡಿತುಂಡ್.#12.26 ಹಗ್ಗಾಯ 2.6 27ಇಂಞು ಒರ್ ಕುರೀಂದ್ ಎಣ್ಣುವಕ, ಸೃಷ್ಟಿ ಮಾಡ್‍ನದೆಲ್ಲಾ ಅನ್‌ಂಗಿತ್ ನೀಂಗಿ ಪೋಪದ್‌ನ ಪಿಂಞ ಅನಂಗತೆ ಇಪ್ಪದೆಲ್ಲ ಎಕ್ಕಾಲು ನಿಪ್ಪಕುಳ್ಳದ್‍ನ ಕಾಟಿತಪ್ಪ.
28ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ. 29ನಂಗಡ ದೇವ ಕತ್ತ್‌ಚಿಡುವ ತಿತ್ತಾಯಿತ್ ಉಂಡ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)