ಗಲಾತ್ಯ 4
4
1ನಿಂಗಕ್ ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್ಚೇಂಗಿ, ಒರ್ ಅಪ್ಪಂಡ ಸೊತ್ತೆಲ್ಲಾ ಮೋಂವೊಂಡದಾಚೇಂಗಿಯು, ಅಂವೊ ಕುಂಞಿಯಾಯಿತ್ಪ್ಪಕತ್ತನೆ, ಅಂವೊಂಗು ಅಂವೊಂಡ ಆಳ್ವಕು ಏದು ವ್ಯತ್ಯಾಸ ಇಲ್ಲೆ. 2ಆ ಕುಂಞಿರ ಅಪ್ಪ ಅಂವೊಂಗಾಯಿತ್ ಎಣ್ಣ್ನ ನಾಳ್ಕತ್ತನೆ, ಅಂವೊ ಅಂವೊನ ನೋಟಿಯಂಡುಳ್ಳಯಿಂಗಕು, ಮನೆರ ಎಜಮಾನಂಗಕು ಬಗ್ಗಿತ್ ನಡ್ಪ. 3ನಂಗ ಸಹ ಕ್ರಿಸ್ತನ ಗೊತ್ತಾಪಕ್ ಮಿಂಞ ಅನ್ನನೆ ಇಂಜತ್. ನಂಗ ಚೆರಿಯ ಮಕ್ಕಳಾಯಿತ್ಪ್ಪಕ, ಈ ಲೋಕತ್ರ ಆತ್ಮೀಯ ಅದಿಕಾರಕ್ ಆಡಿಯಾಳಾಯಿತ್ಂಜತ್. 4ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್. 5ನ್ಯಾಯಪ್ರಮಾಣಕ್ ಆಡಿಯಾಳಯಿತ್ಂಜ ನಂಗಳ ಬುಡುಗಡೆ ಮಾಡ್ವಕಾಯಿತ್ ದೇವ ಅಂವೊನ ಅಯಿಚತ್. ಆನಗುಂಡ್ ಅಂವೊಂಗ್, ನಂಗಳ ಅಂವೊಂಡ ಹಕ್ಕ್ದಾರಂಗಳಾನ ಮಕ್ಕಳಾಯಿತ್ ಮಾಡ್ವಕ್ ಕಯಿಂಜತ್. 6ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್ನ ನಂಗಡ ಹೃದಯತ್ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್ವನೆಕೆ ಮಾಡ್ಚಿ. 7ಆನಗುಂಡ್ ಇಂಞು ಮಿಂಞಕ್ ನಿಂಗ ದಾರೂ ಅಡಿಯಾಳಾಯಿತ್ ಇಲ್ಲತೆ, ದೇವಡ ಮಕ್ಕಳಾಯಿತುಳ್ಳಿರ; ನಿಂಗ ದೇವಡ ಮಕ್ಕಾಂದ್ ಎಣ್ಣ್ಚೇಂಗಿ, ಕ್ರಿಸ್ತನಗುಂಡ್ ದೇವಡ ಹಕ್ಕ್ದಾರಂಗಳಾಯಿತ್ ಉಳ್ಳಿರ.
ಗಲಾತ್ಯ ಸಬೆರ ಮೇಲೆ ಪೌಲಂಡ ಕರುಣೆ
8ಮಿಂಞ ನಿಂಗಕ್ ದೇವನ ಗೊತ್ತಿಲ್ಲತ್ಪ್ಪಕ, ನೇರಾನ ದೇವಂಗ ಅಲ್ಲತ ದೇವಂಗಕ್ ಅಡಿಯಾಳಾಯಿತ್ಂಜಿರ. 9ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್ವಕ್ ಕಯ್ಯು, ನಿಂಗ ದಾರ್ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು? 10ದೇವಡ ದಯೆ ಕ್ಟ್ಟ್ವಾಂದ್ ಗೇನ ಮಾಡಿಯಂಡ್ ನಿಂಗ ನಾಳ್ ನಮ್ಮೆನ ತಿಂಗ ಪಿಂಞ ಕಾಲತ್ನ ಮಾಡಿಯಂಡುಳ್ಳಿರ. 11ನಾನ್ ನಿಂಗಕಾಯಿತ್ ಪಟ್ಟ ಕಷ್ಟವೆಲ್ಲ ಪ್ರಯೋಜನ ಇಲ್ಲತೆ ಪೋಚಾಂದ್ ನಾನ್ ಪೋಡಿಲ್ ಉಳ್ಳ. 12ನಾಡ ಅಣ್ಣತಮ್ಮಣಂಗಳೇ, ನಾನ್ ಇಕ್ಕ ಎನ್ನನೆ ಬದ್ಕಿಯಂಡುಂಡೋ, ಅನ್ನನೆ ನಿಂಗಳು ಸಹ ಬದ್ಕಂಡೂಂದ್ ನಾನ್ ಬೋಡುವಿ. ನಾನು ನಿಂಗಡನೆಕೆ ಇಂಜಿತ್ಲ್ಲೆಯಾ? ನಾನ್ ನಿಂಗಡ ಪಕ್ಕ ಬಪ್ಪಕ ನಿಂಗ ನಾಕ್ ನೊಂಬಲ ಏದು ಕೊಡ್ತಿತ್ಲ್ಲೆ.
13ನಾಕ್ ದುಂಬ ಸೌಕ್ಯ ಇಲ್ಲತೆ ಇಂಜಗುಂಡ್, ನಾನ್ ನಿಂಗಡ ಪಕ್ಕ ಬಂತ್ ದೇವಡ ನಲ್ಲ ಸುದ್ದಿನ ಎಣ್ಣ್ನದ್ ನಿಂಗಕ್ ಗೊತ್ತುಂಡಲ್ಲ. 14ನಾನ್ ನಿಂಗಡ ಪಕ್ಕ ಬಪ್ಪಕ ನಾಕ್ ಸೌಕ್ಯ ಇಲ್ಲತೆ ಇಂಜತ್. ನಾನ್ ನಿಂಗಕ್ ದುಂಬ ತೊಂದರೆ ತಂದಿಯೆ, ಆಚೇಂಗಿಯು ನಿಂಗೆಲ್ಲಾರು ನಾನ್ ನಿಂಗಡ ಪಕ್ಕ ಬರಂಡಾಂದ್ ಎಣ್ಣತೆ ಪಿಂಞ ತ್ಕ್ಕಾರ ಮಾಡತೆ ದುಂಬ ಕುಶೀಲ್ ನನ್ನ ದೇವದೂತಂಡನೆಕೆ, ಯೇಸು ಕ್ರಿಸ್ತಂಡನೆಕೆ ತಕ್ಕಾರ ಮಾಡಿರ. 15ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್ೕಟತೇಂಗಿ ನಿಂಗಡ ಕಣ್ಣ್ನ ಕೂಡೆ ನಾಕಾಯಿತ್ ಬಲ್ಚಿತ್ ಕೊಡ್ಪಕಿಂಜಿರಾಂದ್, ನಿಂಗಡ ವಿಷಯತ್ಲ್ ಸಾಕ್ಷಿ ಎಣ್ಣ್ವಿ. 16ಇನ್ನನೆ ನಿಂಗಕ್ ಸತ್ಯತ್ನ ಎಣ್ಣ್ನಗುಂಡ್, ನಾನ್ ನಿಂಗಕ್ ಶತ್ರು ಆಯಿ ಪೋನನಾ?
17ಆ ಕಳ್ಳ ಉಪಾದ್ಯಂಗಕ್ ನಿಂಗಡ ದಯೆ ಕ್ಟ್ಟಂಡೂಂದ್ ನಿಂಗಡ ಮೇಲೆ ದುಂಬ ಗೇನ ಮಾಡಿಯಂಡ್ ಉಂಡ್, ಆಚೇಂಗಿ ಅಯಿಂಗಡ ಗೇನ ಸರಿ ಅಲ್ಲ. ನಿಂಗ ಅಯಿಂಗ ಎಣ್ಣ್ವಾನ ಮಾತ್ರ ಕ್ೕಕಂಡೂಂದ್ ನಿಂಗಳ ನನ್ನಿಂಜ ಬೋರೆ ಮಾಡಂಡೂಂದ್ ಗೇನ ಮಾಡಿಯಂಡುಂಡ್. 18ದಾರೇಂಗಿ ನಿಂಗಕ್ ನಲ್ಲದ್ ಮಾಡಂಡೂಂದ್ ನೇರಾಯಿತು ಕುಶಿಪಟ್ಟತೇಂಗಿ, ಅದ್ ನಲ್ಲದೇ. ಆಚೇಂಗಿ ನಾನ್ ನಿಂಗಡ ಪಕ್ಕ ಇಪ್ಪಕ ಮಾತ್ರ ಅಲ್ಲ, ನಾನ್ ನಿಂಗಡಿಂಜ ದೂರ ಇಪ್ಪಕಲು ಅದೇ ತರ ಇರಂಡು. 19ನಾಡ ಪ್ರೀತಿರ ಮಕ್ಕಳೇ, ನಿಂಗಡ ಬದ್ಕ್ಲ್ ಕ್ರಿಸ್ತ ಪೂರ್ತಿಯಾಯಿತ್ ಬೊಳಿಯುವಕತ್ತನೆ ನಾನ್ ನಿಂಗಕಾಯಿತ್, ಒರ್ ಅವ್ವ ತಾಂಡ ಕುಂಞಿನ ಪೆರುವಕ ಬಪ್ಪ ನೊಂಬಲತ್ರನೆಕೆ ನಾನ್ ಪುನಃ ನೊಂಬಲತ್ನ ಎಡ್ತೊವಿ. 20ಇಕ್ಕ ನಿಂಗಡ ಪಕ್ಕ ನಾನ್ ಬಂದಿತ್ ಚಾಯಿತೆ ತಕ್ಕ್ ಪರಿಯುಂಡೂಂದ್ ನಾಕ್ ಆಸೆ, ಎನ್ನಂಗೆಣ್ಣ್ಚೇಂಗಿ, ನಿಂಗಡ ವಿಷಯತ್ ನಾಕ್ ದುಂಬ ಬೇಜಾರ್ ಉಂಡ್.
ಹಾಗರ್ ಪಿಂಞ ಸಾರಳಡ ಮಕ್ಕ
21 ನ್ಯಾಯಪ್ರಮಾಣ ಎಣ್ಣ್ವನಕೆ ನಡ್ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್ೕಂದ್ ಕ್ೕಪ್ಲೆಯಾ? ಇದ್ನ ನಿಂಗ ನಾಕ್ ಎಣ್ಣಿ. 22ಅಬ್ರಹಾಮಂಗ್ ದಂಡ್ ಕ್ಣ್ಣ ಮಕ್ಕ ಇಂಜತ್ೕಂದ್ ದೇವಡ ವಾಕ್ಯ ಎಣ್ಣ್ವ; ಒರ್ ಮೋಂವೊ ಅಡಿಯಾಳಾಯಿತಿಂಜ ಪೊಣ್ಣ್ರಗುಂಡ್ ಪುಟ್ಟ್ನಂವೊ, ಇಂಞೊಬ್ಬ ಸ್ವಾತಂತ್ರವಾನ ಅಂವೊಂಡ ಸ್ವಂತ ಪೊಣ್ಣ್ರಗುಂಡ್ ಪುಟ್ಟ್ನಂವೊ. 23ಅಂವೊಂಡ ಅಡಿಯಾಳಾಯಿತಿಂಜ ಪೊಣ್ಣ್ರಗುಂಡ್ ಪುಟ್ಟ್ನಂವೊ, ಮನುಷ್ಯಂಡ ಪ್ರಯತ್ನತ್ನಗುಂಡ್ ಪುಟ್ಟ್ಚಿ. ಆಚೇಂಗಿ ಸ್ವಾವಂತ್ರವಾನ ಅಂವೊಂಡ ಪೊಣ್ಣ್ಕ್ ಪುಟ್ಟ್ನಂವೊ, ದೇವಡ ವಾಗ್ದಾನತ್ನ ಪೂರ್ತಿ ಮಾಡ್ವನೆಕೆ ಪುಟ್ಟ್ಚಿ.
24ಇದ್ ನಿಂಗಕ್ ಅರ್ಥ ಆಪಕುಳ್ಳ ದಂಡ್ ಉದಾರಣೆಯಾಯಿತುಂಡ್. ಈ ದಂಡ್ ಪೊಣ್ಣಾಳುವ ದೇವಡ ದಂಡ್ ಒಪ್ಪಂದತ್ರ ಗುರ್ತ್. ಆದ್ಯವಳಾನ ಹಾಗರ್ ಎಣ್ಣುವವ ಸೀನಾಯಿ ಪರ್ವತತ್ಲ್ ಆನ ಒಪ್ಪಂದ. ಇದ್ಂಜ ಕ್ಟ್ಟ್ನ ನ್ಯಾಯಪ್ರಮಾಣ ಜನತ್ನ, ಅದ್ಂಗ್ ಅಡಿಯಾಳಾಯಿತ್ ಮಾಡ್ಚಿ. 25ಹಾಗರ್ ಅರಬಿ ದೇಶತ್ಲ್ ಉಳ್ಳ ಸೀನಾಯಿ ಪರ್ವತತ್ರನೆಕೆ. ಅದ್ ಇಕ್ಕ ಉಳ್ಳ ಯೆರೂಸಲೇಮ್ಂದ್ ಎಣ್ಣ್ವಕ್ ಕಯ್ಯು. ಅನ್ನನೆ ಇಕ್ಕಲು ಅದ್ ಅದ್ಂಡ ಮಕ್ಕಡ ಕೂಡೆ ಅಡಿಯಾಳಾಯಿತ್ ಉಂಡ್. 26ಆಚೇಂಗಿ, ಇಂಞೊಬ್ಬ ಸ್ವಾವಂತ್ರವಾನ ಸಾರಾಳ ಎಣ್ಣುವವ. ಅವಳ ಪರಲೋಕತ್ರ ಯೆರೂಸಲೇಮ್ೕಂದ್ ಎಣ್ಣ್ವಕ್ ಕಯ್ಯು. ಅವಳೇ ನಂಗಕೆಲ್ಲ ಅವ್ವ.
27ಯೆಶಾಯ ಪ್ರವಾದಿರ ಪುಸ್ತಕತ್ಲ್:
ಮಕ್ಕಳ ಪೆರತ ಬೊಡ್ಡಿಯೇ, ಕುಶೀಲ್ ಇರ್;
ಪೆರುವ ನೊಂಬಲ ಗೊತ್ತಿಲ್ಲತ ಪೊಣ್ಣಾಳೇ ಕುಶೀಲ್ ಜೋರಾಯಿತ್ ಕೂತ್ ಕೊಡ್.
ವಡಿಯ ಉಳ್ಳ ಪೊಣ್ಣಾಳ್ರ ಮಕ್ಕಕಿಂಜ
ವಡಿಯ ಬುಟ್ಟ್ ಪೋನ ಪೊಣ್ಣಾಳ್ಕೇ ದುಂಬ ಮಕ್ಕ ಉಂಡ್ೕಂದ್ ಒಳ್ದಿತುಂಡ್.#4.27 ಯೆಶಾಯ 54.1
28ನಾಡ ಅಣ್ಣತಮ್ಮಣಂಗಳೇ, ಇಸಾಕರನೆಕೆ ನಂಗೆಲ್ಲಾರು ದೇವಡ ವಾಗ್ದಾನತ್ರ ಮಕ್ಕಳಾಯಿತುಂಡ್. 29ಆಚೇಂಗಿ, ಮನುಷ್ಯಂಡ ಆಲೋಚನೆಲ್ ಪುಟ್ಟ್ನಂವೊ ಪವಿತ್ರಾತ್ಮತ್ರಗುಂಡ್ ಪುಟ್ಟ್ನಂವೊನ ಅಕ್ಕ ನೊಂಬಲ ಮಾಡ್ನನೆಕೆ ಇಕ್ಕಲು ಆಯಂಡುಂಡ್.
30ಆಚೇಂಗಿ ಇದ್ಂಡ ವಿಷಯತ್ ದೇವಡ ವಾಕ್ಯ ಎಂತ ಎಣ್ಣುವ? ಅಡಿಯಾಳಾಯಿತಿಂಜ ಪೊಣ್ಣ್ರಗುಂಡ್ ಪುಟ್ಟ್ನಂವೊ ಸ್ವಂತ ಪೊಣ್ಣ್ನಗುಂಡ್ ಪುಟ್ಟ್ನಂವೊಂಡನೆಕೆ ಹಕ್ಕ್ದಾರನಾಯಿತ್ಪ್ಪುಲೆ; ಆನಗುಂಡ್ ಅಡಿಯಾಳಾಯಿತಿಂಜ ಪೊಣ್ಣ್ ಪಿಂಞ ಅವಡ ಮೋಂವೊನ ಪೊರಮೆ ತಳ್ಳೀಂದ್ ಎಣ್ಣುವ.#4.30 ಆದ್ಯ ಪುಸ್ತಕ 21.10 31ಇನ್ನನೆ ಇಪ್ಪಕ, ನಾಡ ಅಣ್ಣತಮ್ಮಣಂಗಳೇ, ನಂಗ ಅಡಿಯಾಳಾಯಿತಿಂಜ ಪೊಣ್ಣ್ರ ಮಕ್ಕಳಾಯಿತ್ ಅಲ್ಲ, ಸ್ವಂತ ಪೊಣ್ಣ್ರ ಮಕ್ಕಳಾಯಿತ್ ಉಂಡ್.
Currently Selected:
ಗಲಾತ್ಯ 4: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಗಲಾತ್ಯ 4
4
1ನಿಂಗಕ್ ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್ಚೇಂಗಿ, ಒರ್ ಅಪ್ಪಂಡ ಸೊತ್ತೆಲ್ಲಾ ಮೋಂವೊಂಡದಾಚೇಂಗಿಯು, ಅಂವೊ ಕುಂಞಿಯಾಯಿತ್ಪ್ಪಕತ್ತನೆ, ಅಂವೊಂಗು ಅಂವೊಂಡ ಆಳ್ವಕು ಏದು ವ್ಯತ್ಯಾಸ ಇಲ್ಲೆ. 2ಆ ಕುಂಞಿರ ಅಪ್ಪ ಅಂವೊಂಗಾಯಿತ್ ಎಣ್ಣ್ನ ನಾಳ್ಕತ್ತನೆ, ಅಂವೊ ಅಂವೊನ ನೋಟಿಯಂಡುಳ್ಳಯಿಂಗಕು, ಮನೆರ ಎಜಮಾನಂಗಕು ಬಗ್ಗಿತ್ ನಡ್ಪ. 3ನಂಗ ಸಹ ಕ್ರಿಸ್ತನ ಗೊತ್ತಾಪಕ್ ಮಿಂಞ ಅನ್ನನೆ ಇಂಜತ್. ನಂಗ ಚೆರಿಯ ಮಕ್ಕಳಾಯಿತ್ಪ್ಪಕ, ಈ ಲೋಕತ್ರ ಆತ್ಮೀಯ ಅದಿಕಾರಕ್ ಆಡಿಯಾಳಾಯಿತ್ಂಜತ್. 4ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್. 5ನ್ಯಾಯಪ್ರಮಾಣಕ್ ಆಡಿಯಾಳಯಿತ್ಂಜ ನಂಗಳ ಬುಡುಗಡೆ ಮಾಡ್ವಕಾಯಿತ್ ದೇವ ಅಂವೊನ ಅಯಿಚತ್. ಆನಗುಂಡ್ ಅಂವೊಂಗ್, ನಂಗಳ ಅಂವೊಂಡ ಹಕ್ಕ್ದಾರಂಗಳಾನ ಮಕ್ಕಳಾಯಿತ್ ಮಾಡ್ವಕ್ ಕಯಿಂಜತ್. 6ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್ನ ನಂಗಡ ಹೃದಯತ್ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್ವನೆಕೆ ಮಾಡ್ಚಿ. 7ಆನಗುಂಡ್ ಇಂಞು ಮಿಂಞಕ್ ನಿಂಗ ದಾರೂ ಅಡಿಯಾಳಾಯಿತ್ ಇಲ್ಲತೆ, ದೇವಡ ಮಕ್ಕಳಾಯಿತುಳ್ಳಿರ; ನಿಂಗ ದೇವಡ ಮಕ್ಕಾಂದ್ ಎಣ್ಣ್ಚೇಂಗಿ, ಕ್ರಿಸ್ತನಗುಂಡ್ ದೇವಡ ಹಕ್ಕ್ದಾರಂಗಳಾಯಿತ್ ಉಳ್ಳಿರ.
ಗಲಾತ್ಯ ಸಬೆರ ಮೇಲೆ ಪೌಲಂಡ ಕರುಣೆ
8ಮಿಂಞ ನಿಂಗಕ್ ದೇವನ ಗೊತ್ತಿಲ್ಲತ್ಪ್ಪಕ, ನೇರಾನ ದೇವಂಗ ಅಲ್ಲತ ದೇವಂಗಕ್ ಅಡಿಯಾಳಾಯಿತ್ಂಜಿರ. 9ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್ವಕ್ ಕಯ್ಯು, ನಿಂಗ ದಾರ್ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು? 10ದೇವಡ ದಯೆ ಕ್ಟ್ಟ್ವಾಂದ್ ಗೇನ ಮಾಡಿಯಂಡ್ ನಿಂಗ ನಾಳ್ ನಮ್ಮೆನ ತಿಂಗ ಪಿಂಞ ಕಾಲತ್ನ ಮಾಡಿಯಂಡುಳ್ಳಿರ. 11ನಾನ್ ನಿಂಗಕಾಯಿತ್ ಪಟ್ಟ ಕಷ್ಟವೆಲ್ಲ ಪ್ರಯೋಜನ ಇಲ್ಲತೆ ಪೋಚಾಂದ್ ನಾನ್ ಪೋಡಿಲ್ ಉಳ್ಳ. 12ನಾಡ ಅಣ್ಣತಮ್ಮಣಂಗಳೇ, ನಾನ್ ಇಕ್ಕ ಎನ್ನನೆ ಬದ್ಕಿಯಂಡುಂಡೋ, ಅನ್ನನೆ ನಿಂಗಳು ಸಹ ಬದ್ಕಂಡೂಂದ್ ನಾನ್ ಬೋಡುವಿ. ನಾನು ನಿಂಗಡನೆಕೆ ಇಂಜಿತ್ಲ್ಲೆಯಾ? ನಾನ್ ನಿಂಗಡ ಪಕ್ಕ ಬಪ್ಪಕ ನಿಂಗ ನಾಕ್ ನೊಂಬಲ ಏದು ಕೊಡ್ತಿತ್ಲ್ಲೆ.
13ನಾಕ್ ದುಂಬ ಸೌಕ್ಯ ಇಲ್ಲತೆ ಇಂಜಗುಂಡ್, ನಾನ್ ನಿಂಗಡ ಪಕ್ಕ ಬಂತ್ ದೇವಡ ನಲ್ಲ ಸುದ್ದಿನ ಎಣ್ಣ್ನದ್ ನಿಂಗಕ್ ಗೊತ್ತುಂಡಲ್ಲ. 14ನಾನ್ ನಿಂಗಡ ಪಕ್ಕ ಬಪ್ಪಕ ನಾಕ್ ಸೌಕ್ಯ ಇಲ್ಲತೆ ಇಂಜತ್. ನಾನ್ ನಿಂಗಕ್ ದುಂಬ ತೊಂದರೆ ತಂದಿಯೆ, ಆಚೇಂಗಿಯು ನಿಂಗೆಲ್ಲಾರು ನಾನ್ ನಿಂಗಡ ಪಕ್ಕ ಬರಂಡಾಂದ್ ಎಣ್ಣತೆ ಪಿಂಞ ತ್ಕ್ಕಾರ ಮಾಡತೆ ದುಂಬ ಕುಶೀಲ್ ನನ್ನ ದೇವದೂತಂಡನೆಕೆ, ಯೇಸು ಕ್ರಿಸ್ತಂಡನೆಕೆ ತಕ್ಕಾರ ಮಾಡಿರ. 15ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್ೕಟತೇಂಗಿ ನಿಂಗಡ ಕಣ್ಣ್ನ ಕೂಡೆ ನಾಕಾಯಿತ್ ಬಲ್ಚಿತ್ ಕೊಡ್ಪಕಿಂಜಿರಾಂದ್, ನಿಂಗಡ ವಿಷಯತ್ಲ್ ಸಾಕ್ಷಿ ಎಣ್ಣ್ವಿ. 16ಇನ್ನನೆ ನಿಂಗಕ್ ಸತ್ಯತ್ನ ಎಣ್ಣ್ನಗುಂಡ್, ನಾನ್ ನಿಂಗಕ್ ಶತ್ರು ಆಯಿ ಪೋನನಾ?
17ಆ ಕಳ್ಳ ಉಪಾದ್ಯಂಗಕ್ ನಿಂಗಡ ದಯೆ ಕ್ಟ್ಟಂಡೂಂದ್ ನಿಂಗಡ ಮೇಲೆ ದುಂಬ ಗೇನ ಮಾಡಿಯಂಡ್ ಉಂಡ್, ಆಚೇಂಗಿ ಅಯಿಂಗಡ ಗೇನ ಸರಿ ಅಲ್ಲ. ನಿಂಗ ಅಯಿಂಗ ಎಣ್ಣ್ವಾನ ಮಾತ್ರ ಕ್ೕಕಂಡೂಂದ್ ನಿಂಗಳ ನನ್ನಿಂಜ ಬೋರೆ ಮಾಡಂಡೂಂದ್ ಗೇನ ಮಾಡಿಯಂಡುಂಡ್. 18ದಾರೇಂಗಿ ನಿಂಗಕ್ ನಲ್ಲದ್ ಮಾಡಂಡೂಂದ್ ನೇರಾಯಿತು ಕುಶಿಪಟ್ಟತೇಂಗಿ, ಅದ್ ನಲ್ಲದೇ. ಆಚೇಂಗಿ ನಾನ್ ನಿಂಗಡ ಪಕ್ಕ ಇಪ್ಪಕ ಮಾತ್ರ ಅಲ್ಲ, ನಾನ್ ನಿಂಗಡಿಂಜ ದೂರ ಇಪ್ಪಕಲು ಅದೇ ತರ ಇರಂಡು. 19ನಾಡ ಪ್ರೀತಿರ ಮಕ್ಕಳೇ, ನಿಂಗಡ ಬದ್ಕ್ಲ್ ಕ್ರಿಸ್ತ ಪೂರ್ತಿಯಾಯಿತ್ ಬೊಳಿಯುವಕತ್ತನೆ ನಾನ್ ನಿಂಗಕಾಯಿತ್, ಒರ್ ಅವ್ವ ತಾಂಡ ಕುಂಞಿನ ಪೆರುವಕ ಬಪ್ಪ ನೊಂಬಲತ್ರನೆಕೆ ನಾನ್ ಪುನಃ ನೊಂಬಲತ್ನ ಎಡ್ತೊವಿ. 20ಇಕ್ಕ ನಿಂಗಡ ಪಕ್ಕ ನಾನ್ ಬಂದಿತ್ ಚಾಯಿತೆ ತಕ್ಕ್ ಪರಿಯುಂಡೂಂದ್ ನಾಕ್ ಆಸೆ, ಎನ್ನಂಗೆಣ್ಣ್ಚೇಂಗಿ, ನಿಂಗಡ ವಿಷಯತ್ ನಾಕ್ ದುಂಬ ಬೇಜಾರ್ ಉಂಡ್.
ಹಾಗರ್ ಪಿಂಞ ಸಾರಳಡ ಮಕ್ಕ
21 ನ್ಯಾಯಪ್ರಮಾಣ ಎಣ್ಣ್ವನಕೆ ನಡ್ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್ೕಂದ್ ಕ್ೕಪ್ಲೆಯಾ? ಇದ್ನ ನಿಂಗ ನಾಕ್ ಎಣ್ಣಿ. 22ಅಬ್ರಹಾಮಂಗ್ ದಂಡ್ ಕ್ಣ್ಣ ಮಕ್ಕ ಇಂಜತ್ೕಂದ್ ದೇವಡ ವಾಕ್ಯ ಎಣ್ಣ್ವ; ಒರ್ ಮೋಂವೊ ಅಡಿಯಾಳಾಯಿತಿಂಜ ಪೊಣ್ಣ್ರಗುಂಡ್ ಪುಟ್ಟ್ನಂವೊ, ಇಂಞೊಬ್ಬ ಸ್ವಾತಂತ್ರವಾನ ಅಂವೊಂಡ ಸ್ವಂತ ಪೊಣ್ಣ್ರಗುಂಡ್ ಪುಟ್ಟ್ನಂವೊ. 23ಅಂವೊಂಡ ಅಡಿಯಾಳಾಯಿತಿಂಜ ಪೊಣ್ಣ್ರಗುಂಡ್ ಪುಟ್ಟ್ನಂವೊ, ಮನುಷ್ಯಂಡ ಪ್ರಯತ್ನತ್ನಗುಂಡ್ ಪುಟ್ಟ್ಚಿ. ಆಚೇಂಗಿ ಸ್ವಾವಂತ್ರವಾನ ಅಂವೊಂಡ ಪೊಣ್ಣ್ಕ್ ಪುಟ್ಟ್ನಂವೊ, ದೇವಡ ವಾಗ್ದಾನತ್ನ ಪೂರ್ತಿ ಮಾಡ್ವನೆಕೆ ಪುಟ್ಟ್ಚಿ.
24ಇದ್ ನಿಂಗಕ್ ಅರ್ಥ ಆಪಕುಳ್ಳ ದಂಡ್ ಉದಾರಣೆಯಾಯಿತುಂಡ್. ಈ ದಂಡ್ ಪೊಣ್ಣಾಳುವ ದೇವಡ ದಂಡ್ ಒಪ್ಪಂದತ್ರ ಗುರ್ತ್. ಆದ್ಯವಳಾನ ಹಾಗರ್ ಎಣ್ಣುವವ ಸೀನಾಯಿ ಪರ್ವತತ್ಲ್ ಆನ ಒಪ್ಪಂದ. ಇದ್ಂಜ ಕ್ಟ್ಟ್ನ ನ್ಯಾಯಪ್ರಮಾಣ ಜನತ್ನ, ಅದ್ಂಗ್ ಅಡಿಯಾಳಾಯಿತ್ ಮಾಡ್ಚಿ. 25ಹಾಗರ್ ಅರಬಿ ದೇಶತ್ಲ್ ಉಳ್ಳ ಸೀನಾಯಿ ಪರ್ವತತ್ರನೆಕೆ. ಅದ್ ಇಕ್ಕ ಉಳ್ಳ ಯೆರೂಸಲೇಮ್ಂದ್ ಎಣ್ಣ್ವಕ್ ಕಯ್ಯು. ಅನ್ನನೆ ಇಕ್ಕಲು ಅದ್ ಅದ್ಂಡ ಮಕ್ಕಡ ಕೂಡೆ ಅಡಿಯಾಳಾಯಿತ್ ಉಂಡ್. 26ಆಚೇಂಗಿ, ಇಂಞೊಬ್ಬ ಸ್ವಾವಂತ್ರವಾನ ಸಾರಾಳ ಎಣ್ಣುವವ. ಅವಳ ಪರಲೋಕತ್ರ ಯೆರೂಸಲೇಮ್ೕಂದ್ ಎಣ್ಣ್ವಕ್ ಕಯ್ಯು. ಅವಳೇ ನಂಗಕೆಲ್ಲ ಅವ್ವ.
27ಯೆಶಾಯ ಪ್ರವಾದಿರ ಪುಸ್ತಕತ್ಲ್:
ಮಕ್ಕಳ ಪೆರತ ಬೊಡ್ಡಿಯೇ, ಕುಶೀಲ್ ಇರ್;
ಪೆರುವ ನೊಂಬಲ ಗೊತ್ತಿಲ್ಲತ ಪೊಣ್ಣಾಳೇ ಕುಶೀಲ್ ಜೋರಾಯಿತ್ ಕೂತ್ ಕೊಡ್.
ವಡಿಯ ಉಳ್ಳ ಪೊಣ್ಣಾಳ್ರ ಮಕ್ಕಕಿಂಜ
ವಡಿಯ ಬುಟ್ಟ್ ಪೋನ ಪೊಣ್ಣಾಳ್ಕೇ ದುಂಬ ಮಕ್ಕ ಉಂಡ್ೕಂದ್ ಒಳ್ದಿತುಂಡ್.#4.27 ಯೆಶಾಯ 54.1
28ನಾಡ ಅಣ್ಣತಮ್ಮಣಂಗಳೇ, ಇಸಾಕರನೆಕೆ ನಂಗೆಲ್ಲಾರು ದೇವಡ ವಾಗ್ದಾನತ್ರ ಮಕ್ಕಳಾಯಿತುಂಡ್. 29ಆಚೇಂಗಿ, ಮನುಷ್ಯಂಡ ಆಲೋಚನೆಲ್ ಪುಟ್ಟ್ನಂವೊ ಪವಿತ್ರಾತ್ಮತ್ರಗುಂಡ್ ಪುಟ್ಟ್ನಂವೊನ ಅಕ್ಕ ನೊಂಬಲ ಮಾಡ್ನನೆಕೆ ಇಕ್ಕಲು ಆಯಂಡುಂಡ್.
30ಆಚೇಂಗಿ ಇದ್ಂಡ ವಿಷಯತ್ ದೇವಡ ವಾಕ್ಯ ಎಂತ ಎಣ್ಣುವ? ಅಡಿಯಾಳಾಯಿತಿಂಜ ಪೊಣ್ಣ್ರಗುಂಡ್ ಪುಟ್ಟ್ನಂವೊ ಸ್ವಂತ ಪೊಣ್ಣ್ನಗುಂಡ್ ಪುಟ್ಟ್ನಂವೊಂಡನೆಕೆ ಹಕ್ಕ್ದಾರನಾಯಿತ್ಪ್ಪುಲೆ; ಆನಗುಂಡ್ ಅಡಿಯಾಳಾಯಿತಿಂಜ ಪೊಣ್ಣ್ ಪಿಂಞ ಅವಡ ಮೋಂವೊನ ಪೊರಮೆ ತಳ್ಳೀಂದ್ ಎಣ್ಣುವ.#4.30 ಆದ್ಯ ಪುಸ್ತಕ 21.10 31ಇನ್ನನೆ ಇಪ್ಪಕ, ನಾಡ ಅಣ್ಣತಮ್ಮಣಂಗಳೇ, ನಂಗ ಅಡಿಯಾಳಾಯಿತಿಂಜ ಪೊಣ್ಣ್ರ ಮಕ್ಕಳಾಯಿತ್ ಅಲ್ಲ, ಸ್ವಂತ ಪೊಣ್ಣ್ರ ಮಕ್ಕಳಾಯಿತ್ ಉಂಡ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)