1 ತಿಮೊಥೆಯ 3
3
ಸಬೆರ ಪೆರಿಯಯಿಂಗಡ ವಿಷಯತ್ ಬೋದನೆ
1ಸಬೆರ ಪೆರಿಯಯಿಂಗಳಾಯಿತ್ ಇಪ್ಪಕ್ ಒಬ್ಬಂಗ್ ಮನಸ್ಸ್ ಉಂಡೇಂಗಿ, ಅಂವೊ ಒರ್ ಗೌರವ ಪದವಿಕ್ ಕುಶಿಪಟ್ಟಂಡುಂಡ್‍ೕಂದ್ ಎಣ್ಣುವ ತಕ್ಕ್ ನೇರಾನದ್. 2ಸಬೆರ ಪೆರಿಯಯಿಂಗ, ಒರ್ ತಪ್ಪ್ ಇಲ್ಲತಯಿಂಗಳಾಯಿತಿರಂಡು. ಒರೇ ಒರ್ ಪೊಣ್ಣ್‌ಕ್ ವಡಿಯನಾಯಿತಿರಂಡು. ಅಂವೊಂಡ ಆಸೇನ ಅಡಕತ್‍ಲ್ ಬೆಪ್ಪಂವೊನಾಯಿತ್, ತನ್ನಡಕ್ಕ ಉಳ್ಳಂವೊನಾಯಿತ್, ಅಂವೊಂಗ್ ಮರ್ಯಾದೆ ಕ್‍ಟ್ಟ್‌ವನೆಕೆ ನಡ್‍ಪಂವೊನಾಯಿತ್, ಸತ್ಕಾರ ಮಾಡ್‌ವಂವೊನಾಯಿತ್, ನಲ್ಲ ಬೋದಕನಾಯಿತ್ ಇರಂಡು. 3ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು. 4ಅಂವೊ ಅಂವೊಂಡ ಸಂಸಾರತ್‌ನ ಚಾಯಿತೆ ನೋಟಿಯಂಡ್, ಅಂವೊಂಡ ಮಕ್ಕ ಅಂವೊಂಗ್ ಮರ್ಯಾದೆ ಕೊಡ್‍ಪಯಿಂಗಳಾಯಿತ್, ಅಂವೊಂಡ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್ ಇಪ್ಪನೆಕೆ ಅಯಿಂಗಳ ನಡ್‍ತಂಡು. 5ಒಬ್ಬಂಗ್ ಅಂವೊಂಡ ಸಂಸಾರತ್‌ನ ಚಾಯಿತೆ ನಡ್‍ತ್‍ವಕ್ ಕಯ್ಯತೆ ಪೋಚೇಂಗಿ, ದೇವಡ ಸಬೇನೆ ಎನ್ನನೆ ನಡ್‍ತ್‍ವಕ್ ಕಯ್ಯು? 6ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ. 7ಸಬೆರ ಪೊರಮೆ ಉಳ್ಳಯಿಂಗಳು ಅಂವೊನ ನಲ್ಲಂವೋಂದ್ ಎಣ್ಣ್‌ವನೆಕೆ ಇರಂಡು. ಅಕ್ಕ ಅಂವೊ ಅವಮಾನತ್‍ಲ್, ಸೈತಾನಂಡ ಬಲೇಕ್ ಬೂವತನೆಕೆ ಇಪ್ಪ.
ಸಬೇಲ್ ಸಹಾಯ ಮಾಡ್‌ವಯಿಂಗಡ ವಿಷಯತ್ ಬೋದನೆ
8ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ. 9ನಂಗಕ್ ಕಾಟಿಕೊಡ್‍ತಿತುಳ್ಳ ನಂಬಿಕೇರ ಆಳವಾನ ಸತ್ಯತ್‍ರ ಗುಟ್ಟ್‌ನ, ಶುದ್ದ ಮನಸಾಕ್ಷಿಲ್ ಕಾಪಾಡ್‌ವಯಿಂಗಳಾಯಿತ್ ಇರಂಡು. 10ಇಂಞು ಈಂಗಳ ಮಿಂಞಲೇ ಪರೀಕ್ಷೆ ಮಾಡಿತ್, ಅಯಿಂಗಡ ಮೇಲೆ ದಾರೂ ಕುತ್ತ ಪರಿಯತನೆಕೆ ಇಂಜತೇಂಗಿ, ಅಕ್ಕ ಅಯಿಂಗ ದೇವಡ ಸೇವೆ ಮಾಡಡ್. 11ಅನ್ನನೆ ಅಯಿಂಗಡ ಪೊಣ್ಣಾಳ್‍ವಳೂ ಮರ್ಯಾದಸ್ತಂಗಳಾಯಿತ್, ಕುತ್ತ ಪರಿಯತಯಿಂಗಳಾಯಿತ್, ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಅಯಿಂಗ ಮಾಡ್‌ವ ಎಲ್ಲಾ ಕಾರ್ಯತ್‍ಲ್ ನಂಬಿಕಸ್ತಯಿಂಗಳಾಯಿತ್ ಇರಂಡು.
12ಅದಲ್ಲತೆ, ಸಬೇಲ್ ಸಹಾಯ ಮಾಡ್‌ವಂವೊ ಒರೇ ಪೊಣ್ಣ್‌ರ ವಡಿಯನಾಯಿತ್, ಅಂವೊಂಡ ಮಕ್ಕಳ ಪಿಂಞ ಅಂವೊಂಡ ಮನೆನ ಚಾಯಿತೆ ನಡ್‍ತ್‍ವಂವೊನಾಯಿತಿರಂಡು. 13ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗ ಚಾಯಿತೆ ಮಾಡ್‍ಚೇಂಗಿ, ಅಯಿಂಗಕ್ ನಲ್ಲ ಮರ್ಯಾದೆ ಕ್‍ಟ್ಟ್‌ವ ಪಿಂಞ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇರಗುಂಡ್ ದೈರ್ಯತ್‍ನ ಸಂಪಾದನೆ ಮಾಡ್‌ವ.
ನಂಗಡ ನಂಬಿಕೇರ ಸತ್ಯ
14ನಾನ್ ನೀಡ ಪಕ್ಕ ಬೆರಿಯ ಬಪ್ಪೀಂದ್ ನಂಬಿಕೇಲ್ ಉಳ್ಳ. ಆಚೇಂಗಿಯು, 15ನಾನ್ ಬಪ್ಪದ್ ತಡೆ ಆಚೇಂಗಿ, ಸತ್ಯಕ್ ಕಂಬವಾಯಿತ್, ಅಡಿಪಾಯವಾಯಿತ್, ಜೀವವುಳ್ಳ ದೇವಡ ಸಬೇಯಾಯಿತ್ ಉಳ್ಳ ಆ ದೇವಡ ಮನೆಲ್ ಜನ ಎನ್ನನೆ ನಡ್‍ಕಂಡೂಂದ್ ನೀಕ್ ಗೊತ್ತಾಂಡು; 16ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ:
ಕ್ರಿಸ್ತ, ತಡೀಲ್ ಪುಟ್ಟ್‌ಚಿ.
ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ.
ದೇವದೂತಂಗ ಅಂವೊನ ಕಂಡತ್.
ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್.
ಲೋಕತ್‍ರ ಜನ ಅಂವೊನ ನಂಬ್‍ಚಿ.
ಮಹಿಮೆಲ್ ಪರಲೋಕಕ್ ಪೋಚಿ.
Currently Selected:
1 ತಿಮೊಥೆಯ 3: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
1 ತಿಮೊಥೆಯ 3
3
ಸಬೆರ ಪೆರಿಯಯಿಂಗಡ ವಿಷಯತ್ ಬೋದನೆ
1ಸಬೆರ ಪೆರಿಯಯಿಂಗಳಾಯಿತ್ ಇಪ್ಪಕ್ ಒಬ್ಬಂಗ್ ಮನಸ್ಸ್ ಉಂಡೇಂಗಿ, ಅಂವೊ ಒರ್ ಗೌರವ ಪದವಿಕ್ ಕುಶಿಪಟ್ಟಂಡುಂಡ್‍ೕಂದ್ ಎಣ್ಣುವ ತಕ್ಕ್ ನೇರಾನದ್. 2ಸಬೆರ ಪೆರಿಯಯಿಂಗ, ಒರ್ ತಪ್ಪ್ ಇಲ್ಲತಯಿಂಗಳಾಯಿತಿರಂಡು. ಒರೇ ಒರ್ ಪೊಣ್ಣ್‌ಕ್ ವಡಿಯನಾಯಿತಿರಂಡು. ಅಂವೊಂಡ ಆಸೇನ ಅಡಕತ್‍ಲ್ ಬೆಪ್ಪಂವೊನಾಯಿತ್, ತನ್ನಡಕ್ಕ ಉಳ್ಳಂವೊನಾಯಿತ್, ಅಂವೊಂಗ್ ಮರ್ಯಾದೆ ಕ್‍ಟ್ಟ್‌ವನೆಕೆ ನಡ್‍ಪಂವೊನಾಯಿತ್, ಸತ್ಕಾರ ಮಾಡ್‌ವಂವೊನಾಯಿತ್, ನಲ್ಲ ಬೋದಕನಾಯಿತ್ ಇರಂಡು. 3ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು. 4ಅಂವೊ ಅಂವೊಂಡ ಸಂಸಾರತ್‌ನ ಚಾಯಿತೆ ನೋಟಿಯಂಡ್, ಅಂವೊಂಡ ಮಕ್ಕ ಅಂವೊಂಗ್ ಮರ್ಯಾದೆ ಕೊಡ್‍ಪಯಿಂಗಳಾಯಿತ್, ಅಂವೊಂಡ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್ ಇಪ್ಪನೆಕೆ ಅಯಿಂಗಳ ನಡ್‍ತಂಡು. 5ಒಬ್ಬಂಗ್ ಅಂವೊಂಡ ಸಂಸಾರತ್‌ನ ಚಾಯಿತೆ ನಡ್‍ತ್‍ವಕ್ ಕಯ್ಯತೆ ಪೋಚೇಂಗಿ, ದೇವಡ ಸಬೇನೆ ಎನ್ನನೆ ನಡ್‍ತ್‍ವಕ್ ಕಯ್ಯು? 6ಇದ್ಂಗಾಯಿತ್ ಸಬೆರ ಪೆರಿಯಂವೊ, ಕ್ರಿಸ್ತ ನಂಬಿಕೇಲ್ ಬೊಳ್ಂದಂವೊನಾಯಿತ್ ಇರಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ದುಂಬ ಹಮ್ಮ್ ಬಂದಿತ್ ಸೈತಾನಂಗ್ ಕ್‍ಟ್ಟ್‌ನ ಅದೇ ತೀರ್ಪ್ ಇಂವೊಂಗೂ ಕ್‍ಟ್ಟಿ ಪೋಪ. 7ಸಬೆರ ಪೊರಮೆ ಉಳ್ಳಯಿಂಗಳು ಅಂವೊನ ನಲ್ಲಂವೋಂದ್ ಎಣ್ಣ್‌ವನೆಕೆ ಇರಂಡು. ಅಕ್ಕ ಅಂವೊ ಅವಮಾನತ್‍ಲ್, ಸೈತಾನಂಡ ಬಲೇಕ್ ಬೂವತನೆಕೆ ಇಪ್ಪ.
ಸಬೇಲ್ ಸಹಾಯ ಮಾಡ್‌ವಯಿಂಗಡ ವಿಷಯತ್ ಬೋದನೆ
8ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ. 9ನಂಗಕ್ ಕಾಟಿಕೊಡ್‍ತಿತುಳ್ಳ ನಂಬಿಕೇರ ಆಳವಾನ ಸತ್ಯತ್‍ರ ಗುಟ್ಟ್‌ನ, ಶುದ್ದ ಮನಸಾಕ್ಷಿಲ್ ಕಾಪಾಡ್‌ವಯಿಂಗಳಾಯಿತ್ ಇರಂಡು. 10ಇಂಞು ಈಂಗಳ ಮಿಂಞಲೇ ಪರೀಕ್ಷೆ ಮಾಡಿತ್, ಅಯಿಂಗಡ ಮೇಲೆ ದಾರೂ ಕುತ್ತ ಪರಿಯತನೆಕೆ ಇಂಜತೇಂಗಿ, ಅಕ್ಕ ಅಯಿಂಗ ದೇವಡ ಸೇವೆ ಮಾಡಡ್. 11ಅನ್ನನೆ ಅಯಿಂಗಡ ಪೊಣ್ಣಾಳ್‍ವಳೂ ಮರ್ಯಾದಸ್ತಂಗಳಾಯಿತ್, ಕುತ್ತ ಪರಿಯತಯಿಂಗಳಾಯಿತ್, ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಅಯಿಂಗ ಮಾಡ್‌ವ ಎಲ್ಲಾ ಕಾರ್ಯತ್‍ಲ್ ನಂಬಿಕಸ್ತಯಿಂಗಳಾಯಿತ್ ಇರಂಡು.
12ಅದಲ್ಲತೆ, ಸಬೇಲ್ ಸಹಾಯ ಮಾಡ್‌ವಂವೊ ಒರೇ ಪೊಣ್ಣ್‌ರ ವಡಿಯನಾಯಿತ್, ಅಂವೊಂಡ ಮಕ್ಕಳ ಪಿಂಞ ಅಂವೊಂಡ ಮನೆನ ಚಾಯಿತೆ ನಡ್‍ತ್‍ವಂವೊನಾಯಿತಿರಂಡು. 13ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗ ಚಾಯಿತೆ ಮಾಡ್‍ಚೇಂಗಿ, ಅಯಿಂಗಕ್ ನಲ್ಲ ಮರ್ಯಾದೆ ಕ್‍ಟ್ಟ್‌ವ ಪಿಂಞ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇರಗುಂಡ್ ದೈರ್ಯತ್‍ನ ಸಂಪಾದನೆ ಮಾಡ್‌ವ.
ನಂಗಡ ನಂಬಿಕೇರ ಸತ್ಯ
14ನಾನ್ ನೀಡ ಪಕ್ಕ ಬೆರಿಯ ಬಪ್ಪೀಂದ್ ನಂಬಿಕೇಲ್ ಉಳ್ಳ. ಆಚೇಂಗಿಯು, 15ನಾನ್ ಬಪ್ಪದ್ ತಡೆ ಆಚೇಂಗಿ, ಸತ್ಯಕ್ ಕಂಬವಾಯಿತ್, ಅಡಿಪಾಯವಾಯಿತ್, ಜೀವವುಳ್ಳ ದೇವಡ ಸಬೇಯಾಯಿತ್ ಉಳ್ಳ ಆ ದೇವಡ ಮನೆಲ್ ಜನ ಎನ್ನನೆ ನಡ್‍ಕಂಡೂಂದ್ ನೀಕ್ ಗೊತ್ತಾಂಡು; 16ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ:
ಕ್ರಿಸ್ತ, ತಡೀಲ್ ಪುಟ್ಟ್‌ಚಿ.
ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ.
ದೇವದೂತಂಗ ಅಂವೊನ ಕಂಡತ್.
ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್.
ಲೋಕತ್‍ರ ಜನ ಅಂವೊನ ನಂಬ್‍ಚಿ.
ಮಹಿಮೆಲ್ ಪರಲೋಕಕ್ ಪೋಚಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)