Romanus 12
12
Wewnay kehnenekwa Uhokri gibetki
Jo 15.9; Ef 4.1; Kol 1.10; 1Tes 4.1; 1Ped 2.11
1Nikwe nukebyuvwi kibeynevwi, ku samah ig Uhokri ka gamnihrasima ukakwiy, nah aya yit ikawnabay pahavwite git Uhokri. Ikawnay git ke kakanhawkabe ku pariye ivegnene, barewvitye, ku pariye keh ig bateke ginaktin. Ku yis ikaw hene, amun ini nikwe yis inyewa kehne Uhokri gibetki.
2Ka ba yi wew akak hiyeg gihiyekemnikis amadgaya inin. Isaksanay Uhokri wages yihiyekemni akak nukune hiyakemniki. Ayge nikwe yis hiyaknek ku pariye Uhokri gibetki, yis hiyaknek ku pariye kabayka adahan yis keh, yis hiyaknek ku pariye keh Uhokri batek, yis hiyaknek ku pariye avigkutavrik ku samah gimawkan.
3Nah ikene yihiyekemni yit yis madikte, mmanawa ig Uhokri akak gabay keh nah humaw giwatni yit. Nah aya yit, ka ba yi ikaw kannuhtema mpiy ku samah Uhokri iki yit. Ikawnabay tuwatavye adahan yis ivegminene yihiyekemni adahan yis uti ku pariye annivwit Uhokri iki yit akak yikamaxwan givitit.
Wixwiy Cristo givit
1Ko 12.12; Ef 1.22, 4.16; Kol 3.15
4Nah akkite yit abektey adahan ku samah wixwiy kadahanyekuye wannivwiy adahan amnihekne pawtak. Uvitwiy pahavwiwa, heneme in kadahan ka aynsima akisutbet. Wis kataybi. Wis kawan. Wis kakugku. Mpuse akisutbet kadahanyekuye arannivwi.
5Wixwiy hawata, wixwiy ka aynsima, heneme wixwiy pahavwiwa pawtak, mmanawa wixwiy pahavwiwa gikak Cristo. Wixwiy ke wotbe wixwiy Cristo giwanbetbe. Wixwiy kamawkanak pawtak.
Kawihnabay yannu pawtak gidahan Uhokri
1Ko 12.8; Ef 4.7; 1Ped 4.7
6Wixwiy mpuse kadahanyekuye wannuwiy ku pariye Uhokri gikan ta uvititwiy akak gabay. Amawka ku wixwiy kabivwiye kawih ini ku pariye ikaka ta uvititwiy. Ku ikaka ta pivitit adahan pis awnene iwit ku pariye pes giwntak Uhokri, amawka pis awna pakeku akak pikamaxwan awaygi.
7Ku ikaka pivitit adahan pis ayavekne, amawka ku pis kabivwiye ayava hiyeg. Ku ikaka pivitit adahan pis kannuhekne, amawka ku pis kabivwiye kannuh hiyeg.
8Ku ikaka pivitit adahan pis ikene hiyeg gihiyekemnikis, amawka pis ka mara iki gihiyekemnikis. Ku pis ikaka pivitit igiska adahan pisme kakanhaw ta gitkis hiyeg ku pariye yumanene gidahankis, amawka ku pis kakanhaw gitkis akak madikte pibetki. Ku ikaka pivitit adahan pis wewkisne hiyeg, amawka pis kannuh avuriw pihiyegavu. Ku ikaka pivitit adahan pis amnihekne, amawka pis amnih hiyeg akak madikte pibetki.
Bateknabay gikakkis hiyeg avititakwa yiyakni
Jo 13.34; 2Ko 6.6; 2Tim 1.5; Eb 13.1; 1Ped 1.22, 4.8
9 Bateknay gikakkis hiyeg avititakwa yiyakni. Ka yi muwaka batek gikakkis akak yihepkanenwatma. Tukuhwepnabay ariw mbeyevye hiyakemniki. Kamaxwanabay ta avitit kibeynenen hiyakemniki.
10Batekaknay pawtak kabayntiwa ke wotbe yisweke pakebyeknebe guwntak pahavuwa inagti. Mpiksawnay kiyathak pawtak.
11Ka yi muwaka mabivwihwa. Kannivwinabay gidahan Ukivarawiy akak madikte yabivwi giwntak Uhokri Gitip.
12Bateknay yinaktin adahan ini kabayka ku pariye nehmnikuhpiye. Kiyaknihwanabay abet ini mbeyne. Piriyepkawnay avanenekwa.
13Ku aysaw pikebyi Jesus gihiyega muwak arikna git, amnihnig. Amavanig ta yivinekut.
14Ayapnay git Uhokri adahan ig awahkis kabayka giminkis neras ku pariye hiyapkisne mbeyne ta yit. Henewa, nukebyuvwi. Ayapnay git kabayka gidahankis. Ka ba yi aya git mbaykama gidahankis.
15Bateknabay yinaktin payak gikakkis hiyeg ku pariye batekyevwi ginaktinkis. Tihnabay payak gikakkis hiyeg ku pariye kadniyevwi.
16Kiyathanay madikte hiyeg hehpekuye. Ka yi muwaka kiyatha hiyeg he kiyatyevwinenwatma. Amawka yis kiyatha hiyeg ku pariye yumanene gikiythanikis hawata. Ka yi muwaka ikaw hiyakemnitema giwkis.
Ka yi muwaka diyuhkis pahavwi
Lk 6.32; 1Ped 3.9
17Ku pahavwi hiyapkis mbeyne ta yit, ka ba yi diyuhkisgi akakwatma mbeyne. Amawka ku yis keh ku pariye waditnen giwtrikkis madikte hiyeg.
18Mpiksawnay pasamrak gikakkis madikte hiyeg ku aysaw ik adahan yis pasamrak gikakkis.
19Nukebyuvwi kibeynevwi, ku pahavwi tarakse yikak, ka yi muwaka diyuhkisgi. Ka yi muwaka dagawnaw git. Isaksa igwa Uhokri diyuhkisgi yidahan. Mmanawa ig Uhokri gannasan awna:
“Nahwa diyuhkis mbayka ta gitkis hiyeg. Nahwa katiwnise gitaraksankis gitkis. Inakni Ukivarawiy awna.”
Wanekbetnay ahawkan mbeyevye hiyakemniki akak kibeyne hiyakemniki
Mt 5.43; Lk 6.26, 23.34; At 7.60
20Ka ininewatma yis ka diyuhkisgima, heneme amawka ku yis amnihgi ku samah Uhokri gannasan awna adahan yis keh. In awna:
“Ku pivetunya mativwevye, amnihnig ikapnig. Ku ig arabyuvye un, ikapnig akak un. Mmanawa ku pis keh hene, amun ini nikwe pis wanekbetene gihawkan ke wotbe pis ikenebe tiket amey ta gitewharit. Ig ka ik adahan ig misakwa akak gidahan gihiyekemni, ayge ig marekevwe.”
21Ka ba yi isaksa mbeye hiyakemniki adahan in wanekbeta yihawkan, heneme wanekbetanay ahawkan mbeyevye hiyakemniki akak kibeyne hiyakemniki.
Currently Selected:
Romanus 12: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romanus 12
12
Wewnay kehnenekwa Uhokri gibetki
Jo 15.9; Ef 4.1; Kol 1.10; 1Tes 4.1; 1Ped 2.11
1Nikwe nukebyuvwi kibeynevwi, ku samah ig Uhokri ka gamnihrasima ukakwiy, nah aya yit ikawnabay pahavwite git Uhokri. Ikawnay git ke kakanhawkabe ku pariye ivegnene, barewvitye, ku pariye keh ig bateke ginaktin. Ku yis ikaw hene, amun ini nikwe yis inyewa kehne Uhokri gibetki.
2Ka ba yi wew akak hiyeg gihiyekemnikis amadgaya inin. Isaksanay Uhokri wages yihiyekemni akak nukune hiyakemniki. Ayge nikwe yis hiyaknek ku pariye Uhokri gibetki, yis hiyaknek ku pariye kabayka adahan yis keh, yis hiyaknek ku pariye keh Uhokri batek, yis hiyaknek ku pariye avigkutavrik ku samah gimawkan.
3Nah ikene yihiyekemni yit yis madikte, mmanawa ig Uhokri akak gabay keh nah humaw giwatni yit. Nah aya yit, ka ba yi ikaw kannuhtema mpiy ku samah Uhokri iki yit. Ikawnabay tuwatavye adahan yis ivegminene yihiyekemni adahan yis uti ku pariye annivwit Uhokri iki yit akak yikamaxwan givitit.
Wixwiy Cristo givit
1Ko 12.12; Ef 1.22, 4.16; Kol 3.15
4Nah akkite yit abektey adahan ku samah wixwiy kadahanyekuye wannivwiy adahan amnihekne pawtak. Uvitwiy pahavwiwa, heneme in kadahan ka aynsima akisutbet. Wis kataybi. Wis kawan. Wis kakugku. Mpuse akisutbet kadahanyekuye arannivwi.
5Wixwiy hawata, wixwiy ka aynsima, heneme wixwiy pahavwiwa pawtak, mmanawa wixwiy pahavwiwa gikak Cristo. Wixwiy ke wotbe wixwiy Cristo giwanbetbe. Wixwiy kamawkanak pawtak.
Kawihnabay yannu pawtak gidahan Uhokri
1Ko 12.8; Ef 4.7; 1Ped 4.7
6Wixwiy mpuse kadahanyekuye wannuwiy ku pariye Uhokri gikan ta uvititwiy akak gabay. Amawka ku wixwiy kabivwiye kawih ini ku pariye ikaka ta uvititwiy. Ku ikaka ta pivitit adahan pis awnene iwit ku pariye pes giwntak Uhokri, amawka pis awna pakeku akak pikamaxwan awaygi.
7Ku ikaka pivitit adahan pis ayavekne, amawka ku pis kabivwiye ayava hiyeg. Ku ikaka pivitit adahan pis kannuhekne, amawka ku pis kabivwiye kannuh hiyeg.
8Ku ikaka pivitit adahan pis ikene hiyeg gihiyekemnikis, amawka pis ka mara iki gihiyekemnikis. Ku pis ikaka pivitit igiska adahan pisme kakanhaw ta gitkis hiyeg ku pariye yumanene gidahankis, amawka ku pis kakanhaw gitkis akak madikte pibetki. Ku ikaka pivitit adahan pis wewkisne hiyeg, amawka pis kannuh avuriw pihiyegavu. Ku ikaka pivitit adahan pis amnihekne, amawka pis amnih hiyeg akak madikte pibetki.
Bateknabay gikakkis hiyeg avititakwa yiyakni
Jo 13.34; 2Ko 6.6; 2Tim 1.5; Eb 13.1; 1Ped 1.22, 4.8
9 Bateknay gikakkis hiyeg avititakwa yiyakni. Ka yi muwaka batek gikakkis akak yihepkanenwatma. Tukuhwepnabay ariw mbeyevye hiyakemniki. Kamaxwanabay ta avitit kibeynenen hiyakemniki.
10Batekaknay pawtak kabayntiwa ke wotbe yisweke pakebyeknebe guwntak pahavuwa inagti. Mpiksawnay kiyathak pawtak.
11Ka yi muwaka mabivwihwa. Kannivwinabay gidahan Ukivarawiy akak madikte yabivwi giwntak Uhokri Gitip.
12Bateknay yinaktin adahan ini kabayka ku pariye nehmnikuhpiye. Kiyaknihwanabay abet ini mbeyne. Piriyepkawnay avanenekwa.
13Ku aysaw pikebyi Jesus gihiyega muwak arikna git, amnihnig. Amavanig ta yivinekut.
14Ayapnay git Uhokri adahan ig awahkis kabayka giminkis neras ku pariye hiyapkisne mbeyne ta yit. Henewa, nukebyuvwi. Ayapnay git kabayka gidahankis. Ka ba yi aya git mbaykama gidahankis.
15Bateknabay yinaktin payak gikakkis hiyeg ku pariye batekyevwi ginaktinkis. Tihnabay payak gikakkis hiyeg ku pariye kadniyevwi.
16Kiyathanay madikte hiyeg hehpekuye. Ka yi muwaka kiyatha hiyeg he kiyatyevwinenwatma. Amawka yis kiyatha hiyeg ku pariye yumanene gikiythanikis hawata. Ka yi muwaka ikaw hiyakemnitema giwkis.
Ka yi muwaka diyuhkis pahavwi
Lk 6.32; 1Ped 3.9
17Ku pahavwi hiyapkis mbeyne ta yit, ka ba yi diyuhkisgi akakwatma mbeyne. Amawka ku yis keh ku pariye waditnen giwtrikkis madikte hiyeg.
18Mpiksawnay pasamrak gikakkis madikte hiyeg ku aysaw ik adahan yis pasamrak gikakkis.
19Nukebyuvwi kibeynevwi, ku pahavwi tarakse yikak, ka yi muwaka diyuhkisgi. Ka yi muwaka dagawnaw git. Isaksa igwa Uhokri diyuhkisgi yidahan. Mmanawa ig Uhokri gannasan awna:
“Nahwa diyuhkis mbayka ta gitkis hiyeg. Nahwa katiwnise gitaraksankis gitkis. Inakni Ukivarawiy awna.”
Wanekbetnay ahawkan mbeyevye hiyakemniki akak kibeyne hiyakemniki
Mt 5.43; Lk 6.26, 23.34; At 7.60
20Ka ininewatma yis ka diyuhkisgima, heneme amawka ku yis amnihgi ku samah Uhokri gannasan awna adahan yis keh. In awna:
“Ku pivetunya mativwevye, amnihnig ikapnig. Ku ig arabyuvye un, ikapnig akak un. Mmanawa ku pis keh hene, amun ini nikwe pis wanekbetene gihawkan ke wotbe pis ikenebe tiket amey ta gitewharit. Ig ka ik adahan ig misakwa akak gidahan gihiyekemni, ayge ig marekevwe.”
21Ka ba yi isaksa mbeye hiyakemniki adahan in wanekbeta yihawkan, heneme wanekbetanay ahawkan mbeyevye hiyakemniki akak kibeyne hiyakemniki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.