Sawmus 94
94
Uhokri, ig waditka akivara
1Kiyavwiye, pisnewa Uhokri ku pariye kis adahan hiyapkis gitkis hiyeg avatra gitaraksankis! Hiyapkis gitkis ini pidagoni.
2Pisnewa hiyak gikakkis madikte awaykemni; kannikawnaba adahan pis hiyapkis gitkis hawantiyavye ku pariye gimawkankis.
3Aysawhki ayivwi pis isaksanek neras mbayavye batekyekis? Aysawhki ayivwi, Kiyavwiye?
4Aysawhki ayivwi neras mbayavye misakwanek akak giwantikis, igkis kehnek giwantikis akak ku samah igkis umehekevutne?
5Kiyavwiye Uhokri, igkis he arewhanenwa gitkis pihiyegavu. Hawata igkis he hiyapkisnenwa mbeyne gitkis neras ku pariye pidahanviyene.
6Igkis umah madankunovwi gikakkis migenavye. Hawata igkis umah neras nawwotunyevwi ku pariye misakwa ay avit uwaxig.
7Igkis awna: “Kiyavwiye Uhokri ka hiyap inin. Ig izhaewyenevwi giwohkigakis ka hiyak inin.”
8Battukawnay pukuhpa, yis hiyeg mahiyekemnivye! Kabetvahki yis wokanek yihiyekemni?
9Ignewa Kiyavwiye Uhokri ku pariye kehe utaybiwiy. Mmah yitneki kuri ig ka timapwiynek? Ignewa ku pariye kehe wowtyakwiy. Mmah yitneki kuri ig ka hiyapwiynek?
10Ig Kiyavwiye Uhokri avuriw hiyegviyenevwi. Mmah ig ka hiyapkisnek mbeyne gitkis? Ig Kiyavwiye Uhokri kannuh madikte awaykemni. Mmah ig yuma gihiyekemni adahan hiyakgikis?
11Ig Kiyavwiye Uhokri hiyak hiyeg gihiyekemnikis. Hawata ig hiyak ku pariye ivegmina he mahayakemnikinenwa.
12Kiyavwiye Uhokri, ka aynsima kabayka gidahakis neras ku pariye pikannuhnivwi. Henewatbaki, ignes ku pariye pis kannuhe avigkutavrik pikumadukan.
13Hene pis kehnek igkis kadahan mayakanek abetnewa wakaymniki, adahan igkis wahepnenek neras mbayavye gihawkanavrikkis danuh adahan igkis katiwnisaka gitkis.
14Mmanawa ig Kiyavwiye ka miniwnemanek giwkis pihiyegavu. Ig ka tukuhnek neras ku pariye gikanyanvu.
15Ig kehnek neras hiyaptigivyene hiyapnek hiyegviyenevwi avigkutavrik waditka akiw, ignesme neras ku pariye wadityevwi igkis bateknek ka aynsima adahan ini.
16Pariye kannikewviye numinatak adahan suguhne neras mbayavye? Pariye misekwevye nuwntak gitivutkis neras ku pariye kehnevwi mbeyne?
17Wake ka ignema Kiyavwiye Uhokri ayavevun, kuwiskama nah miyapkama.
18Kiyavwiye Uhokri, abetnewa ku aysaw nah hiya nah me miyapmet, pamnihra aytwe amnihpen, in wiwhpen ariw ini mbeyne.
19Ku aysaw nah ay abet kiyimwiki, nah wakaymniye, pisme aydhan. Pis keh nah batek akiw.
20Pis ka muwka ariknawnama gikakkis neras hiyaptigivyene taraksavye, mmanawa igkis ka wadit. Awaku igkis keh ku pariye kane avigkutavrikma waditka in wageswa wadit gidahankis.
21Igkis pahadguhwa adahan matekbetene hiyeg wadityevwi gihawkankis. Hawata igkis ikaksa adahanikwa miyaka hiyeg ku pariye yumanene gikehni.
22Heneme ig Kiyavwiye Uhokri mpithamnihun; ig kewa tipbe nudahan adahan numaptenten.
23Ig hiyapkisnek gitkis neras hiyaptigivyene awaku gikehnikis kane avigkutavriknama waditka gikakkis hiyeg. Ig Kiyavwiye Uhokri, uwohkigawiy, pisenwanek gikakkis avatra ini gikehnis mbeyevye.
Currently Selected:
Sawmus 94: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 94
94
Uhokri, ig waditka akivara
1Kiyavwiye, pisnewa Uhokri ku pariye kis adahan hiyapkis gitkis hiyeg avatra gitaraksankis! Hiyapkis gitkis ini pidagoni.
2Pisnewa hiyak gikakkis madikte awaykemni; kannikawnaba adahan pis hiyapkis gitkis hawantiyavye ku pariye gimawkankis.
3Aysawhki ayivwi pis isaksanek neras mbayavye batekyekis? Aysawhki ayivwi, Kiyavwiye?
4Aysawhki ayivwi neras mbayavye misakwanek akak giwantikis, igkis kehnek giwantikis akak ku samah igkis umehekevutne?
5Kiyavwiye Uhokri, igkis he arewhanenwa gitkis pihiyegavu. Hawata igkis he hiyapkisnenwa mbeyne gitkis neras ku pariye pidahanviyene.
6Igkis umah madankunovwi gikakkis migenavye. Hawata igkis umah neras nawwotunyevwi ku pariye misakwa ay avit uwaxig.
7Igkis awna: “Kiyavwiye Uhokri ka hiyap inin. Ig izhaewyenevwi giwohkigakis ka hiyak inin.”
8Battukawnay pukuhpa, yis hiyeg mahiyekemnivye! Kabetvahki yis wokanek yihiyekemni?
9Ignewa Kiyavwiye Uhokri ku pariye kehe utaybiwiy. Mmah yitneki kuri ig ka timapwiynek? Ignewa ku pariye kehe wowtyakwiy. Mmah yitneki kuri ig ka hiyapwiynek?
10Ig Kiyavwiye Uhokri avuriw hiyegviyenevwi. Mmah ig ka hiyapkisnek mbeyne gitkis? Ig Kiyavwiye Uhokri kannuh madikte awaykemni. Mmah ig yuma gihiyekemni adahan hiyakgikis?
11Ig Kiyavwiye Uhokri hiyak hiyeg gihiyekemnikis. Hawata ig hiyak ku pariye ivegmina he mahayakemnikinenwa.
12Kiyavwiye Uhokri, ka aynsima kabayka gidahakis neras ku pariye pikannuhnivwi. Henewatbaki, ignes ku pariye pis kannuhe avigkutavrik pikumadukan.
13Hene pis kehnek igkis kadahan mayakanek abetnewa wakaymniki, adahan igkis wahepnenek neras mbayavye gihawkanavrikkis danuh adahan igkis katiwnisaka gitkis.
14Mmanawa ig Kiyavwiye ka miniwnemanek giwkis pihiyegavu. Ig ka tukuhnek neras ku pariye gikanyanvu.
15Ig kehnek neras hiyaptigivyene hiyapnek hiyegviyenevwi avigkutavrik waditka akiw, ignesme neras ku pariye wadityevwi igkis bateknek ka aynsima adahan ini.
16Pariye kannikewviye numinatak adahan suguhne neras mbayavye? Pariye misekwevye nuwntak gitivutkis neras ku pariye kehnevwi mbeyne?
17Wake ka ignema Kiyavwiye Uhokri ayavevun, kuwiskama nah miyapkama.
18Kiyavwiye Uhokri, abetnewa ku aysaw nah hiya nah me miyapmet, pamnihra aytwe amnihpen, in wiwhpen ariw ini mbeyne.
19Ku aysaw nah ay abet kiyimwiki, nah wakaymniye, pisme aydhan. Pis keh nah batek akiw.
20Pis ka muwka ariknawnama gikakkis neras hiyaptigivyene taraksavye, mmanawa igkis ka wadit. Awaku igkis keh ku pariye kane avigkutavrikma waditka in wageswa wadit gidahankis.
21Igkis pahadguhwa adahan matekbetene hiyeg wadityevwi gihawkankis. Hawata igkis ikaksa adahanikwa miyaka hiyeg ku pariye yumanene gikehni.
22Heneme ig Kiyavwiye Uhokri mpithamnihun; ig kewa tipbe nudahan adahan numaptenten.
23Ig hiyapkisnek gitkis neras hiyaptigivyene awaku gikehnikis kane avigkutavriknama waditka gikakkis hiyeg. Ig Kiyavwiye Uhokri, uwohkigawiy, pisenwanek gikakkis avatra ini gikehnis mbeyevye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.