Sawmus 91
91
Nah ayemwene ganmavrik Uhokri
1Kiyavwiye Uhokri inurikyene ig ka gidatnisima. Ku pariye hiyeg ayemwene ganmavrik nikwe ig ka avisnema akiw.
2Hiyawa ig awna git: “Kiyavwiye Uhokri, pisnewa numaptenten. Pisnewa nukavriwten. Pisnewa nuwohkiga. Nah kamaxwa pivitit.”
3Ig Kiyavwiye Uhokri mpithapnek ariw ini mbeyne ayemewnene. Hawata ig mpithapnek ariw karayt mbeyevye.
4Ig awastapnek anavi gihanpi ke tarakakbe akak gukamkayh. Ayge anavi gihanpi yuma ariknawnama hiya pisamanak. Kiyavwiye Uhokri gabay avuriwpinek kabayntiwa.
5Ku pis kamaxwa givitit Kiyavwiye Uhokri, pis ka avisnek wew abet kibohriki puwivak. Ine abet tiyegem pis kawnata avisnek.
6Ku pis timap arikna abetya amisnavye pis kawnata avisnek. Ku pis abet mbeyne puwipka abet pis kawnata avisnek.
7Hiyawa miw hiyeg tuguhbetwikis miyapte ay pihumwa, hawata madikawku miw miyarap ay panwa, pisme ka hiyapnek mbeyne ariknawnama.
8Aytontak ganmavriktak pis sarayhnek pivegi, pis hiyapnek ku samah igkis mbayavye hiyap mbeyne, awaku igkis ka wewkere gikak Kiyavwiye Uhokri.
9Ku pis ayamwa hene ta ganmavrikut Kiyavwiye Uhokri inurikyene, nikwe ig mpithapnek.
10Ayge nikwe yuma ariknawnama mbeyne huwivwihpinek, ine mbayka kawnata danuhnek pivinbukut.
11Ig Kiyavwiye Uhokri avuriwkispinek ta gitkis giwatnivwi ahj adahan igkisme pimaptenten ku kityekapnek.
12Igkis amavapnek amadgat giwakkis kahadbe ine pikugku ka tes avitit tip.
13Pis ka avisnek gibohrikis kaybune akak kawokwine. Henewatbaki, kawokwine kamabyanpiye pis umahginek, igme kaybune pahaywotneye pis sibuhginek gitewha batewbet.
14Ku aysaw Kiyavwiye Uhokri hiyapinek abet mbeyne, ig awnanek pimin, giwn:
“Nah amnihgite awaku ig batekye nukakuh. Nah avuriwgite awaku ig kumadukasewne nutuh. 15Ku aysaw ig amnihswanek nutuh, nahme amnihginek. Ku aysaw ig abetnek mbeyne nahme wiwhginek ayteke. Nah kabayhignek adahan gikamaxwan nuvitit. 16Nah keh ig isahptawnek ariw mbeyne adahan ig aymuhwanek numunuh adahan avanenekwa.”
Currently Selected:
Sawmus 91: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 91
91
Nah ayemwene ganmavrik Uhokri
1Kiyavwiye Uhokri inurikyene ig ka gidatnisima. Ku pariye hiyeg ayemwene ganmavrik nikwe ig ka avisnema akiw.
2Hiyawa ig awna git: “Kiyavwiye Uhokri, pisnewa numaptenten. Pisnewa nukavriwten. Pisnewa nuwohkiga. Nah kamaxwa pivitit.”
3Ig Kiyavwiye Uhokri mpithapnek ariw ini mbeyne ayemewnene. Hawata ig mpithapnek ariw karayt mbeyevye.
4Ig awastapnek anavi gihanpi ke tarakakbe akak gukamkayh. Ayge anavi gihanpi yuma ariknawnama hiya pisamanak. Kiyavwiye Uhokri gabay avuriwpinek kabayntiwa.
5Ku pis kamaxwa givitit Kiyavwiye Uhokri, pis ka avisnek wew abet kibohriki puwivak. Ine abet tiyegem pis kawnata avisnek.
6Ku pis timap arikna abetya amisnavye pis kawnata avisnek. Ku pis abet mbeyne puwipka abet pis kawnata avisnek.
7Hiyawa miw hiyeg tuguhbetwikis miyapte ay pihumwa, hawata madikawku miw miyarap ay panwa, pisme ka hiyapnek mbeyne ariknawnama.
8Aytontak ganmavriktak pis sarayhnek pivegi, pis hiyapnek ku samah igkis mbayavye hiyap mbeyne, awaku igkis ka wewkere gikak Kiyavwiye Uhokri.
9Ku pis ayamwa hene ta ganmavrikut Kiyavwiye Uhokri inurikyene, nikwe ig mpithapnek.
10Ayge nikwe yuma ariknawnama mbeyne huwivwihpinek, ine mbayka kawnata danuhnek pivinbukut.
11Ig Kiyavwiye Uhokri avuriwkispinek ta gitkis giwatnivwi ahj adahan igkisme pimaptenten ku kityekapnek.
12Igkis amavapnek amadgat giwakkis kahadbe ine pikugku ka tes avitit tip.
13Pis ka avisnek gibohrikis kaybune akak kawokwine. Henewatbaki, kawokwine kamabyanpiye pis umahginek, igme kaybune pahaywotneye pis sibuhginek gitewha batewbet.
14Ku aysaw Kiyavwiye Uhokri hiyapinek abet mbeyne, ig awnanek pimin, giwn:
“Nah amnihgite awaku ig batekye nukakuh. Nah avuriwgite awaku ig kumadukasewne nutuh. 15Ku aysaw ig amnihswanek nutuh, nahme amnihginek. Ku aysaw ig abetnek mbeyne nahme wiwhginek ayteke. Nah kabayhignek adahan gikamaxwan nuvitit. 16Nah keh ig isahptawnek ariw mbeyne adahan ig aymuhwanek numunuh adahan avanenekwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.