Sawmus 87
87
Jerusalém, Uhokri Givin
1Ig Kiyavwiye Uhokri kehe Givin aynte avitmin waxri barewvitye.
2Ig batek akak paytwempu Jerusalém mpiy ariw nawenyevwi iwetrit ay Izhaewyamnaw.
3Paytwempu Uhokri Givin, timapnaba arikna barewyevwi ku pariye ig awna pidahan:
4“Ku aysaw nah tamekwiyenek giwkis hiyegviyenevwi ku pariye ihpenevwi nuwnuh, nah tamaknek atere hiyeg giwkis ariwntak Ejitumnaw akak ariwntak Babilôniyamnaw. Hawata hiyegviyenevwi ariwntak Filistiyamnaw akak ariwntak paytwempu Tiro, akak ariwntak Etiópiyamnaw akiw. Igkis humawnek kewa wayvukabe ay avit Jerusalém.”
5Amin Jerusalém hiyeg awnanek ku madikte neras hiyegviyenevwi igkis aygenevwi hawata ku ig Uhokri inurikyene kehnek inin paytwempu humaw ka nidatnisima.
6Ig Kiyavwiye Uhokri tamaknek pahak kagta akak giwkis gihiyegavu. Amadga ini kagta madikte igkis humawnek kavinwenevwi ayge Jerusalém.
7Madikte ku pariye misekwenevwi ayge igkisme kaynek awaku gibetkikis. Igkis paknek han:
“Jerusalém, pisnewa ubetki ariwtyak.”
Currently Selected:
Sawmus 87: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
