Sawmus 82
82
Uhokri hiyak gikakkis hiyaptigiviyene kane wadityevwima
1Abetnewa givahdukawnikis neras ku pariye hiyeknevwi gikakkis hiyeg, ig Kiyavwiye Uhokri tabirasaw gibetkis. Ayge giyegbikis neras ku pariye kiyathakavu ke wotbe igkis Uhokribe, igyewa Uhokri hiyak gikakkis. Ig akka gidahan gihiyekemni gitkis, giwn:
2“Amawka yis pisenwa akak yisarayhni pahavwi arikut mbeyne waditnevyenen. Amawka yis ka ikaw giminatakkis hiyeg mbayavye.
3Paraknay abet gihawkankis hiyeg madiptavye gikakkis migenavye. Kehnay ku pariye waditnene gikakkis wakaymniyevwi hawata gikakkis tukuhkarempu.
4Paraknay abet gihawkanis hiyeg ku pariye tuwatavye gikakkis madiptavye. Hawata wiwhnigkis giwakutakkis hiyeg mbayavye.
5Yisme ka hiyak hawkri, yis ka pukuhpa ariknawnama; yis ka kannu hiyak gikakkis hiyeg. Inneki keh hiyeg giwewnikis amadga inin mbeyevye.
6 Timapnay nuwnuh: Yis madikte kiyathakarekuye ke wotbe yis Uhokribe, yis Kiyavwiye Uhokri Detye gikamkayuvwi.
7Heneme yis miyavapnek kewa madikte hiyegbe miya; yidehetni madikenek hawata ku samah madikte ikivarat gidehetni madik.”
8Kiyavwiye Uhokri, pisnewa hiyaptigi waditye. Ba ayta kumaduka madikte hiyeg, mmanawa madikte hiyegviyenevwi igkis pidahan.
Currently Selected:
Sawmus 82: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
