Sawmus 81
81
Avatman adahan fet
1Paknay akak batekka git Kiyavwiye Uhokri, umaptentenwiy! Paknay adahan kabeyhene Jakó giwohkiga!
2Kavusanay agigman! Tesnay sabug! Tesnay agigman akak batekka akak egu hebek!
3Agighanay tohompet adahan fet abetnewa kayg asirihgit hawata abetnewa kayg ameremnit!
4Henewatbaki ig Kiyavwiye Uhokri, Jakó giwohkiga, gikiswanawni gidahankis izhaewyenevwi.
5Ig kehe inin kewa pahat hiyekemnikibe gidahankis izhaewyenevwi abetnewa ig giwiwhpitnikis avititak Ejitumnaw. Ayge nikwe nah timap pahat ikuvimnat awna, ku pariye nah kane timapti, in awna:
6“Nah wiwhe yiduhyamadgatak awiyka kane awiynisima. Nah kehe yis isahptaw ariw hiyuhwaki awiyka.
7Abetnewa yis wakaymniye, yis amnihswe nutuh. Nahme amnihpey. Ayteke nah kaytwe yiwn aytontak ku kiney nah ayemewnene abet kamaygviye, kewa digidgiyebe, aynte avit waxri Sinay. Hawata aynte amun unihmna kewye Meribá, nah hawata ekke yit ku nahnewa ay yikak ku aysaw yis aharitne un.”
8Nuhiyegavu, timapnabay nuhiyekemni! Yis Izhaewyenevwi, nah ka aynsima muwaka yis timap nuwnuh!
9Nah ka muwaka pahaynema yis wew gihavu pahavwi uhokri nawwotunye. Kawnata nah muwaka yis kawohkigahaw git pahavwinema uhokri ku pariye kane nahma Uhokri.
10Nahnewa yiwohiga, ku pariye yiwiwhpitni avititak waxri Ejitumnaw. Wokanay yibiy, nahme ikavyi!”
11Heneme nuhuyegavu ka timepkere nuwnuh; neras izhaewyenevwi ka ihpa nuwnuh.
12Nikwe nah isaksevgikis wew avigku gihiyekemnikis mbeyevyenenwa. Nah isaksevgikis keh ku pariye gimawkankis.
13Nahme nuvewkan nah aharit nuhiyegavu timap nuwnuh! Nuvewkan nah aharit izhaewyenevwi ihpa nuwnuh!
14Wake igkis ihpene nuwnuhbe nikwe nah pisenwekam kibehtenwa gikakkis givetunyavukis. Nah hiyapkiskam gitkis madikte givetunyavukis.
15Ignesme ku pariye namiyhetnivwi igkis mabukwakam nuvetunat. Inere mbeyne ku pariye nah hiyapkiskam gitkis in dahwakam adahan avanenekwa.
16Yitmekam nah ikikam fahin pi kabaytenene. Nah ikavyikam akak ahayak anunu amatmadgene, yisme axkam kabihribdave.”
Currently Selected:
Sawmus 81: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 81
81
Avatman adahan fet
1Paknay akak batekka git Kiyavwiye Uhokri, umaptentenwiy! Paknay adahan kabeyhene Jakó giwohkiga!
2Kavusanay agigman! Tesnay sabug! Tesnay agigman akak batekka akak egu hebek!
3Agighanay tohompet adahan fet abetnewa kayg asirihgit hawata abetnewa kayg ameremnit!
4Henewatbaki ig Kiyavwiye Uhokri, Jakó giwohkiga, gikiswanawni gidahankis izhaewyenevwi.
5Ig kehe inin kewa pahat hiyekemnikibe gidahankis izhaewyenevwi abetnewa ig giwiwhpitnikis avititak Ejitumnaw. Ayge nikwe nah timap pahat ikuvimnat awna, ku pariye nah kane timapti, in awna:
6“Nah wiwhe yiduhyamadgatak awiyka kane awiynisima. Nah kehe yis isahptaw ariw hiyuhwaki awiyka.
7Abetnewa yis wakaymniye, yis amnihswe nutuh. Nahme amnihpey. Ayteke nah kaytwe yiwn aytontak ku kiney nah ayemewnene abet kamaygviye, kewa digidgiyebe, aynte avit waxri Sinay. Hawata aynte amun unihmna kewye Meribá, nah hawata ekke yit ku nahnewa ay yikak ku aysaw yis aharitne un.”
8Nuhiyegavu, timapnabay nuhiyekemni! Yis Izhaewyenevwi, nah ka aynsima muwaka yis timap nuwnuh!
9Nah ka muwaka pahaynema yis wew gihavu pahavwi uhokri nawwotunye. Kawnata nah muwaka yis kawohkigahaw git pahavwinema uhokri ku pariye kane nahma Uhokri.
10Nahnewa yiwohiga, ku pariye yiwiwhpitni avititak waxri Ejitumnaw. Wokanay yibiy, nahme ikavyi!”
11Heneme nuhuyegavu ka timepkere nuwnuh; neras izhaewyenevwi ka ihpa nuwnuh.
12Nikwe nah isaksevgikis wew avigku gihiyekemnikis mbeyevyenenwa. Nah isaksevgikis keh ku pariye gimawkankis.
13Nahme nuvewkan nah aharit nuhiyegavu timap nuwnuh! Nuvewkan nah aharit izhaewyenevwi ihpa nuwnuh!
14Wake igkis ihpene nuwnuhbe nikwe nah pisenwekam kibehtenwa gikakkis givetunyavukis. Nah hiyapkiskam gitkis madikte givetunyavukis.
15Ignesme ku pariye namiyhetnivwi igkis mabukwakam nuvetunat. Inere mbeyne ku pariye nah hiyapkiskam gitkis in dahwakam adahan avanenekwa.
16Yitmekam nah ikikam fahin pi kabaytenene. Nah ikavyikam akak ahayak anunu amatmadgene, yisme axkam kabihribdave.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.