Sawmus 75
75
Uhokri ignewa waditka akivara
1Usuh kabayhap, Kiyavwiye Uhokri, usuh kabayhap! Usuh kinetihwa amin pikiytani. Hawata usuh akka barewyevwi annut ku pariye pis keh.
2Ig Kiyavwiye Uhokri awna: “Nah ikakse pahay hawkri adahanikwa nah hiyekne gikakkis hiyeg. Hawata nah hiyaknek gikakkis avigkutavriknawa waditka.
3Hiyawa waxri akak madikte ku pariye misekwenevwi nivit segkebdi. Nahme sumuhnek kabayntiwa waxri adug gidahankis.
4Nah awna gitkis mbayavye adahan igkis ka kinetihwa amin gikiytanikis, hawata adahan igkis ka kotyakvuhaw amin.
5Nah awna adahan igkis pisenwa akak giwantikis akak gidatnikis hawata akak gawnankis adahan kaminwatnihka.”
6Mmanawa ku pariye uhiyvetniwiy ig ka ayta mekavriktakma, kawnata tiwriktakma, kawnata uvitkitakma, ine kawnata wahamavriktakma.
7Ignewa Kiyavwiye Uhokri ku pariye gihiyvetnikis. Ignewa ku pariye awna ku gaytakkis inyewa taraksevye igkisme nawenyevwi igkis barewvityevwi.
8Ig Kiyavwiye Uhokri kadahan ay giwaku pahow higeptet kivun akak win kane ahawnasima adahan gidagoni. Ig higapkisnek ini win gitkis madikte ignes mbayavye. Igkisme higavakuhnek madikte egu gihigvetni barewariknek.
9Nahme aymuhwanek adahan avanenekwa nah kinetihwene gimin Jakó giwohkiga. Nah paknek avat adahan kabeyhene giw.
10Ig dunihbetenek mbayavye gidatnikis, igkisme wadityevwi gidatnikis ig wagahkisninek.
Currently Selected:
Sawmus 75: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
