Sawmus 74
74
Piriyepkawka adahan hiyeg isahptaw
1Kiyavwiye Uhokri, mmahki pis tukuhe usuh avanenekwa? Mmahki pis dagawnaw wotuh usuh ku pariye pivigvu muwtohviyene?
2Kiyenaba pihiyegavu ku pariye minikwak pis kaniyvigkis pidahan. Hawata pis amnihpigkis wiwhpigkis abetitak bukitka kahadbe igkis humaw pidahannenwa. Kiyenaba inin waxri Siyawh ku kiney pis kavinwe.
3Ba ayta adahan pis wewvita madikte inin mehbetaki yumanene nimaksemni. Uvetunyavu kuwis mehbete madikte ku pariye ay ariku pivin.
4Pivetunyavu kabiman akak gibetkikis ariku pivin. Ayge igkis tabirase gibagbakis ke wotbe igkis kuwis matekemnibe.
5Igkis ayta akak madikte gihawnakis kewa tiketukavutnevwibe ihukwempiye ahavwibdi akak gimegwankis.
6Akak gimegwankis hawata akak gimagtakis, igkis mehbete madikte ahpiyenevwi barewyevwi kehkabdi adahan akisi pivin.
7Igkis bukehe pivin. Igkis ka kiyatha inin iwetrit ku kiney pis kiyathaka. Hawata igkis dunihpin madikte akiw.
8Igkis ivegmine gihiyekemnikis adahan sibuhe usuh pahatye uminuh. Igkis bukahave madikte iwetritviyene ku kiney izhaewyenevwi kiyathap ay avit giwaxigkis.
9Kuri yuma kabayka udahan ku samah uvewkan usuh wahap. Yuma Uhokri gawnevevu akiw. Hawata yuma hiyeg ahiyekten aysaw ayivwi inin dahwanek.
10Kiyavwiye Uhokri, aysawhki ayivwi uvetunyavu miyathanek usuh? Mmah igkis mahivwihpinek adahan avanenekwa?
11Mmahki pis ka ayavekere usuh? Mmahki pis ka awokhasaw womkanit?
12Heneme pis, Kiyavwiye Uhokri, pis humewvi ukivara ku samah akavuska hawkri. Hawata pis amnihe usuh pihiyegavu kiberevut giwkis uvetunyavu.
13Akak pidatni kane aynsima, pis bakwanse parahwokwa. Ayteke pis sibuhe gitewhakis nopsadminene axtigivyene ayge ahakwa parahwokwa.
14Pis sibuhe gitewha ner axtigi nopsadnene kewye Leviyatah. Hawata pis ike givit adahan puwiknevyene amatmadgene gimanakis.
15Pis woke un ariwtyak akak warik nopsanyuvwi. Heneme pis makarase warik nopsadminene adahan pihiyegavu manukwiye awvre.
16Pis kehave puwivaka akak amisnavye, kamuw akak waravyubdi akiw. Pis ikegvikis mpuse amun giwetrikis.
17Pis kehe waxri ayivra. Pis hawata kehe kamukri akak digiswiki.
18Kiyavwiye Uhokri, kiyenaba ku pivetunyavu miyathanap! Kiyenaba ku igkis pidahan. Heneme igkis yuma gihiyekemnikis, igkis mahivwih piw.
19Ka ba ikepma pihiyegavu mabimnavye gitkis pivetunyavu arewhavye. Ka ba miyehpima avanenekwa pihiyegavu haraksakerempu.
20Kiyenaba pahegbetawni ku pariye pis kehe gikakkis. Mmanawa ay arewhakinenwa mpuse paytwempu atusi, in humaw ku kiney amisnavye.
21Ka ba isaksa neras haraksakarempu adahan igkis marakwa givitkis. Heneme isaksa ignes madiptavye gikakkis makakuravye kabayhap.
22Kiyavwiye Uhokri, kannikawnaba adahan pis mpithamnihwa! Kiyenaba ku ignes mawohkigavye miyathan mataytak pivatra.
23Ka ba miyeh gidukmankis pivetunyavu. Ka ba miyeh hawata ku samah igkis avanenekwa hikekpi akak gihawnakis.
Currently Selected:
Sawmus 74: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 74
74
Piriyepkawka adahan hiyeg isahptaw
1Kiyavwiye Uhokri, mmahki pis tukuhe usuh avanenekwa? Mmahki pis dagawnaw wotuh usuh ku pariye pivigvu muwtohviyene?
2Kiyenaba pihiyegavu ku pariye minikwak pis kaniyvigkis pidahan. Hawata pis amnihpigkis wiwhpigkis abetitak bukitka kahadbe igkis humaw pidahannenwa. Kiyenaba inin waxri Siyawh ku kiney pis kavinwe.
3Ba ayta adahan pis wewvita madikte inin mehbetaki yumanene nimaksemni. Uvetunyavu kuwis mehbete madikte ku pariye ay ariku pivin.
4Pivetunyavu kabiman akak gibetkikis ariku pivin. Ayge igkis tabirase gibagbakis ke wotbe igkis kuwis matekemnibe.
5Igkis ayta akak madikte gihawnakis kewa tiketukavutnevwibe ihukwempiye ahavwibdi akak gimegwankis.
6Akak gimegwankis hawata akak gimagtakis, igkis mehbete madikte ahpiyenevwi barewyevwi kehkabdi adahan akisi pivin.
7Igkis bukehe pivin. Igkis ka kiyatha inin iwetrit ku kiney pis kiyathaka. Hawata igkis dunihpin madikte akiw.
8Igkis ivegmine gihiyekemnikis adahan sibuhe usuh pahatye uminuh. Igkis bukahave madikte iwetritviyene ku kiney izhaewyenevwi kiyathap ay avit giwaxigkis.
9Kuri yuma kabayka udahan ku samah uvewkan usuh wahap. Yuma Uhokri gawnevevu akiw. Hawata yuma hiyeg ahiyekten aysaw ayivwi inin dahwanek.
10Kiyavwiye Uhokri, aysawhki ayivwi uvetunyavu miyathanek usuh? Mmah igkis mahivwihpinek adahan avanenekwa?
11Mmahki pis ka ayavekere usuh? Mmahki pis ka awokhasaw womkanit?
12Heneme pis, Kiyavwiye Uhokri, pis humewvi ukivara ku samah akavuska hawkri. Hawata pis amnihe usuh pihiyegavu kiberevut giwkis uvetunyavu.
13Akak pidatni kane aynsima, pis bakwanse parahwokwa. Ayteke pis sibuhe gitewhakis nopsadminene axtigivyene ayge ahakwa parahwokwa.
14Pis sibuhe gitewha ner axtigi nopsadnene kewye Leviyatah. Hawata pis ike givit adahan puwiknevyene amatmadgene gimanakis.
15Pis woke un ariwtyak akak warik nopsanyuvwi. Heneme pis makarase warik nopsadminene adahan pihiyegavu manukwiye awvre.
16Pis kehave puwivaka akak amisnavye, kamuw akak waravyubdi akiw. Pis ikegvikis mpuse amun giwetrikis.
17Pis kehe waxri ayivra. Pis hawata kehe kamukri akak digiswiki.
18Kiyavwiye Uhokri, kiyenaba ku pivetunyavu miyathanap! Kiyenaba ku igkis pidahan. Heneme igkis yuma gihiyekemnikis, igkis mahivwih piw.
19Ka ba ikepma pihiyegavu mabimnavye gitkis pivetunyavu arewhavye. Ka ba miyehpima avanenekwa pihiyegavu haraksakerempu.
20Kiyenaba pahegbetawni ku pariye pis kehe gikakkis. Mmanawa ay arewhakinenwa mpuse paytwempu atusi, in humaw ku kiney amisnavye.
21Ka ba isaksa neras haraksakarempu adahan igkis marakwa givitkis. Heneme isaksa ignes madiptavye gikakkis makakuravye kabayhap.
22Kiyavwiye Uhokri, kannikawnaba adahan pis mpithamnihwa! Kiyenaba ku ignes mawohkigavye miyathan mataytak pivatra.
23Ka ba miyeh gidukmankis pivetunyavu. Ka ba miyeh hawata ku samah igkis avanenekwa hikekpi akak gihawnakis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.