Sawmus 52
52
Uhokri hiyaknek gikakkis taraksavye
1Awayg detye, mmeneki pis keh piwanti akak pikehni mbayka? Kiyavwiye Uhokri avanenekwa ahegbet adahan hiyak gikakkis taraksavye.
2Pis ahegbeta pihiyekemni adahan pisenwa gikakkis nawenyevwi. Pis awna wasaymka giminkis. In ke wotbe pinen kewa ivihgibe ayawi adahan kehne hiyeg kayah.
3Pis batekte akak mbayka mpiy kabayka, pimawkan pis awnate wasaymka ariw ku pariye inyewatnene.
4Pis wasaympiye, pis batek huwivwih piyakivwi hiyeg akak mbaytunka!
5Inneki keh Kiyavwiye Uhokri pisenwanek pikak adahan avanenekwa. Ig kamaykiswepnek ig padakiswepnek piyawakad ariw pivin. Ig Kiyavwiye Uhokri wiwhpepnek gibetitakkis hiyeg kotenene miyate.
6Igkisme hiyeg wadityevwi hiyapni hene, igkis wakaymnibdinek. Igkis hiyaraptihpepnek, igkis awnanek:
7“Ivegnay git pahavwi awayg ku pariye kane ihpati Kiyavwiye Uhokri giwn. Git igwa mpithamnihwa ariw mbeyne mpinekata ig kamaxwa givitit Kiyavwiye Uhokri. Gikamaxwan ta avitit gidahan igiska. Ig battukaw ivegva adahan yuma ariknawnama muwekne git avitimpi gikehni mbayka! Kurime ig ute ku pariye kis gidahan.”
8 Kibeynekata nah ka henema. Pis keh nah kewa pahakti amutribe oliveg imiyo, ku pariye hiyan kennesa ahumwa Kiyavwiye Uhokri givin. Nah avanenekwa nukamaxwan ta avitit pamnihra.
9Kiyavwiye Uhokri, nah avanenekwa kabayhapnek adahan ku pariye pikehni udahan; aynte givetunkis pihiyegavu nah akkanek gitkis madikte ku pisnewa kibeyne.
Currently Selected:
Sawmus 52: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
