Sawmus 147
147
Kabayhanay Kiyavwiye Uhokri kane gidatnisima
1Kabayhanay Kiyavwiye Uhokri! In kabay adahan wis pak avat adahan kabeyhene uwohkigawiy. In barewe hawata in wadit adahan wis kabayhig.
2Ig Kiyavwiye Uhokri kannikasene Jerusalém akiw. Ig iwavavevye gihiyegavu akiw, ku pariye kamaxavepka avitit nawenyewa waxri.
3Ig makniwa ku pariye kuwisnene mabimnebdi gihiyekemnikis. Hawata ig piyih gibuskanakis.
4Ig gannivwi ahegbete aysaw akebi warukmebdi amawka humaw amadga hawkri. Hawata ig kanumgikis akak mpuse giwkis.
5Uhokri, uwohkigawiy, ig ka nesima. Ig ka gidatnisima. Ka ik adahan wis aheh gihiyekemni.
6Ig Kiyavwiye Uhokri kannikasa hiyeg tuwatasewnevwi, heneme ig tikisbeta waykborit hiyeg mbayavye.
7Paknay avatman adahan kabeyhene Kiyavwiye Uhokri. Tesnay akak hebek adahan kabeyhene uwohkigawiy.
8Ignewa awasava en akak ukuhne adahan waykisne muwok avitit waxri hawata adahan hiyankisne pamatka avit waxribdi imuwadminene.
9Ig iki puwikneviyene gimanakis hawata ig ikap kuhivraviyano gukamkaykis ku aysaw egkis kabiman.
10Ku pariye aydha Kiyavwiye Uhokri kawki kawayma detyevwi ine kawnata suwtatma kibokayevwi,
11Heneme, neras hiyeg ku pariye kiyathenevwi giw hawata kamaxwenevwi avitit gamnihra, nerasnewa gaydhetni.
12Kabayhanay Kiyavwiye, yis jerusalemyenevwi! Kabayhanay Kiyavwiye Uhokri, yis siyawhyenevwi!
13Mmanawa ig iki adatni paytwempu avinum hawata ig iki kabayka givitkis hiyeg ku pariye misekwenevwi ayge.
14Ig avuriw pasamraki giyegbikis hiyegviyenevwi ku pariye misekwenevwi akigbimna giwaxigkis. Hawata ig ikap hiyegviyenevwi akak fahin pi kabaytenene.
15Ig Kiyavwiye awna pahat iwit, in danuh kibehtenwa muwapuw ku kit gimawkan.
16Ig keh huweg tuguh kuhogbad kewa mawrube. Hawata ig keh sariyan tuguh kewa hewbe.
17Ig awahkis muwok kiseviye tiphawnene; yuma pahavwinema hiyeg ik adahan amava akeswih ku pariye ig awahkis.
18Ayteke ig he awnevi, madikte mehwa akiw. Ig keh mayg uvuvuka akiw. Un sigis akiw.
19Ig Kiyavwiye akka giwsavan gitkis Jakó gihiwhivwi hawata ig iki gikumadukan gitkis madikte izhaewyenevwi.
20Ig ka keh hene gikakkis pahabunema nawenyevwi nawwotunyevwi; ignes nawenyevwi nawwotunyevwi ka hiyak gikumadukan. Kabayhanay Kiyavwiye Uhokri!
Currently Selected:
Sawmus 147: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 147
147
Kabayhanay Kiyavwiye Uhokri kane gidatnisima
1Kabayhanay Kiyavwiye Uhokri! In kabay adahan wis pak avat adahan kabeyhene uwohkigawiy. In barewe hawata in wadit adahan wis kabayhig.
2Ig Kiyavwiye Uhokri kannikasene Jerusalém akiw. Ig iwavavevye gihiyegavu akiw, ku pariye kamaxavepka avitit nawenyewa waxri.
3Ig makniwa ku pariye kuwisnene mabimnebdi gihiyekemnikis. Hawata ig piyih gibuskanakis.
4Ig gannivwi ahegbete aysaw akebi warukmebdi amawka humaw amadga hawkri. Hawata ig kanumgikis akak mpuse giwkis.
5Uhokri, uwohkigawiy, ig ka nesima. Ig ka gidatnisima. Ka ik adahan wis aheh gihiyekemni.
6Ig Kiyavwiye Uhokri kannikasa hiyeg tuwatasewnevwi, heneme ig tikisbeta waykborit hiyeg mbayavye.
7Paknay avatman adahan kabeyhene Kiyavwiye Uhokri. Tesnay akak hebek adahan kabeyhene uwohkigawiy.
8Ignewa awasava en akak ukuhne adahan waykisne muwok avitit waxri hawata adahan hiyankisne pamatka avit waxribdi imuwadminene.
9Ig iki puwikneviyene gimanakis hawata ig ikap kuhivraviyano gukamkaykis ku aysaw egkis kabiman.
10Ku pariye aydha Kiyavwiye Uhokri kawki kawayma detyevwi ine kawnata suwtatma kibokayevwi,
11Heneme, neras hiyeg ku pariye kiyathenevwi giw hawata kamaxwenevwi avitit gamnihra, nerasnewa gaydhetni.
12Kabayhanay Kiyavwiye, yis jerusalemyenevwi! Kabayhanay Kiyavwiye Uhokri, yis siyawhyenevwi!
13Mmanawa ig iki adatni paytwempu avinum hawata ig iki kabayka givitkis hiyeg ku pariye misekwenevwi ayge.
14Ig avuriw pasamraki giyegbikis hiyegviyenevwi ku pariye misekwenevwi akigbimna giwaxigkis. Hawata ig ikap hiyegviyenevwi akak fahin pi kabaytenene.
15Ig Kiyavwiye awna pahat iwit, in danuh kibehtenwa muwapuw ku kit gimawkan.
16Ig keh huweg tuguh kuhogbad kewa mawrube. Hawata ig keh sariyan tuguh kewa hewbe.
17Ig awahkis muwok kiseviye tiphawnene; yuma pahavwinema hiyeg ik adahan amava akeswih ku pariye ig awahkis.
18Ayteke ig he awnevi, madikte mehwa akiw. Ig keh mayg uvuvuka akiw. Un sigis akiw.
19Ig Kiyavwiye akka giwsavan gitkis Jakó gihiwhivwi hawata ig iki gikumadukan gitkis madikte izhaewyenevwi.
20Ig ka keh hene gikakkis pahabunema nawenyevwi nawwotunyevwi; ignes nawenyevwi nawwotunyevwi ka hiyak gikumadukan. Kabayhanay Kiyavwiye Uhokri!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.