Sawmus 132
132
Davi gikaksan git Uhokri, Uhokrime gikaksan git Davi
1Kiyavwiye Uhokri, kiyenaba Davi, hawata madikte gihiyvan mbeyne.
2Kiyenaba ku pariye gikaksan pit, pis Jakó giwohkiga detye. Ig kanumwa adahan givit
3ku ig diyuhnek givinekut, ig mayaknek
4ig dukugisnek hawata ig himaknek
5nekwa ig utinek pahayku iwetrit adahan Kiyavwiye Uhokri giwskeki. Hennewatbaki ig utepniwa ini iwetrit, ig kannikase paha payt ayge pidahan, pis Jakó giwohkiga detye.
6 Mmanawa aynte avit Belém, usuh time arak egu kiyes ku pariye abeyheki Uhokri gahegbetawni ku eg kuwis diyuhkiswika wotuh, nikwe usuh utevgu ayge amadga amatap kewye Jearih.
7Usuh hiyapni hene, usuh awna: “Kibeyne, uyay waxwig atere givinekut Kiyavwiye Uhokri! Kahadbe wixwiy kiyathig atere avetun gevwi kiyatyo.”
8Kiyavwiye, ba ayta arimkanit pivin, payak akak egu kiyes adahan pahegbetawni, ku pariye areketni pidatni. Umawkan pis misakwa ayge adahan avanenekwa!
9Amawka pimuwvegavu ayge keh avanenekwa ku pariye wadit. Ayge nikwe pihiyegavu kamaxwenevwi pivitit igkis batekyekuyesnek.
10Kiyavwiye Uhokri, pis hawata ikakse pahat annut git pibuk Davi. Nikwe, ka ba miniw ariw piwn git ner ikivarat ku pariye pis kaniye.
11Inakni pikaksan git Davi, in inyewa. Pis ka diyuhkiswanek butte niw. Pis awna git:
“Nah kehnek pahavwi gaytakkis pikamkayuvwi humawnek ikivarat. Ig kumadukanek butte piw.
12Ku igkis pikamkayuvwi tiviknene kamaxwenene avitit nahegbetawni, ku igkis ihpenene nukumadukan ku pariye nah ike yit, nikwe hawata gikamkayuvwikis akiwka akiw igkis humawnek ikivarat.”
13 Kibeyne, ig Kiyavwiye Uhokri kaniye inin waxri Siyawh. Igwa muwaka giwskeki ayge. Ig awna:
14“Ay avit Jerusalém nah misakwanek adahan avanenekwa. Aytaki kuri nah muwaka kumaduka.
15Nah kehnek yuma muwekne gitkis Jerusalémyenevwi. Nah ikinek ka aynsima axka gitkis madiptavye aynenevwi.
16Nah saraynek kabayka avitit madikte gimuwvegavukis gikehnikis gidahankis. Igkisme Jerusalémyenevwi igkis paknek, igkis batekyekuyesnek giminkis.
17 Aysawnemenek ay avit Jerusalém nah kannikasanek pahavwi Davi gihiwhi. Igme humawnek detye ikivarat. Hawata akiw gihiwhivwi ner ikivarat kaniyka, ignes hawata humawnek detyevwinenwa hiyeg.
18Nah marekenek givetunyavu. Igme misakwa kumadukenenek gihiyegavu akak madikte gikiytani.”
Currently Selected:
Sawmus 132: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 132
132
Davi gikaksan git Uhokri, Uhokrime gikaksan git Davi
1Kiyavwiye Uhokri, kiyenaba Davi, hawata madikte gihiyvan mbeyne.
2Kiyenaba ku pariye gikaksan pit, pis Jakó giwohkiga detye. Ig kanumwa adahan givit
3ku ig diyuhnek givinekut, ig mayaknek
4ig dukugisnek hawata ig himaknek
5nekwa ig utinek pahayku iwetrit adahan Kiyavwiye Uhokri giwskeki. Hennewatbaki ig utepniwa ini iwetrit, ig kannikase paha payt ayge pidahan, pis Jakó giwohkiga detye.
6 Mmanawa aynte avit Belém, usuh time arak egu kiyes ku pariye abeyheki Uhokri gahegbetawni ku eg kuwis diyuhkiswika wotuh, nikwe usuh utevgu ayge amadga amatap kewye Jearih.
7Usuh hiyapni hene, usuh awna: “Kibeyne, uyay waxwig atere givinekut Kiyavwiye Uhokri! Kahadbe wixwiy kiyathig atere avetun gevwi kiyatyo.”
8Kiyavwiye, ba ayta arimkanit pivin, payak akak egu kiyes adahan pahegbetawni, ku pariye areketni pidatni. Umawkan pis misakwa ayge adahan avanenekwa!
9Amawka pimuwvegavu ayge keh avanenekwa ku pariye wadit. Ayge nikwe pihiyegavu kamaxwenevwi pivitit igkis batekyekuyesnek.
10Kiyavwiye Uhokri, pis hawata ikakse pahat annut git pibuk Davi. Nikwe, ka ba miniw ariw piwn git ner ikivarat ku pariye pis kaniye.
11Inakni pikaksan git Davi, in inyewa. Pis ka diyuhkiswanek butte niw. Pis awna git:
“Nah kehnek pahavwi gaytakkis pikamkayuvwi humawnek ikivarat. Ig kumadukanek butte piw.
12Ku igkis pikamkayuvwi tiviknene kamaxwenene avitit nahegbetawni, ku igkis ihpenene nukumadukan ku pariye nah ike yit, nikwe hawata gikamkayuvwikis akiwka akiw igkis humawnek ikivarat.”
13 Kibeyne, ig Kiyavwiye Uhokri kaniye inin waxri Siyawh. Igwa muwaka giwskeki ayge. Ig awna:
14“Ay avit Jerusalém nah misakwanek adahan avanenekwa. Aytaki kuri nah muwaka kumaduka.
15Nah kehnek yuma muwekne gitkis Jerusalémyenevwi. Nah ikinek ka aynsima axka gitkis madiptavye aynenevwi.
16Nah saraynek kabayka avitit madikte gimuwvegavukis gikehnikis gidahankis. Igkisme Jerusalémyenevwi igkis paknek, igkis batekyekuyesnek giminkis.
17 Aysawnemenek ay avit Jerusalém nah kannikasanek pahavwi Davi gihiwhi. Igme humawnek detye ikivarat. Hawata akiw gihiwhivwi ner ikivarat kaniyka, ignes hawata humawnek detyevwinenwa hiyeg.
18Nah marekenek givetunyavu. Igme misakwa kumadukenenek gihiyegavu akak madikte gikiytani.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.