Sawmus 106
106
Uhokri gabay gikakkis gihiyegavu taraksavye
1Kabayhanay Kiyavwiye Uhokri! Kabayhanay Kiyavwiye Uhokri, mmanawa ig kibeyne. Gamnihra dahwa adahan avanenekwa.
2Pariye ik adahan kinetihwa amin madikte gannu barewyevwi ku pariye gikehni? Pariye ik adahan kabayhig ku samah ig kis adahan ig kabayhaka?
3Ka aynsima kabayka gidahankis neras ku pariye ihpenevwi gikumadukan, gikakkis neras ku pariye gibetkikis keh wadit.
4Kiyavwiye Uhokri, kiyenanuba ku aysaw pis ekkene pamnihra gitkis pihiyegavu. Hawata ku aysaw pis gamnihtenkis, uya amnihun payak gikakkis.
5Numawkan nah hiyap ini kabayka ku pariye pis akkanek gitkis, adahan nah batekye payak gikakkis, adahan ku kiney igkis pihiyegavu pikanyanvu batekyekis aygewata nah batekye hawata. Henewatbaki, Kiyavwiye.
6Nukebyuvwi, wixwiy ka kis adahan wixwiy hiyap inin Kiyavwiye Uhokri gabay ukakwiy. Wixwiy taraksebdi kewa wahawkrivwibe minikwak, igkis taraksebdi gikak Kiyavwiye Uhokri. Wixwiy kuwis kehe ka aynsima taraksaki ku pariye ig ka batek nikak.
7Minikwak ku aysaw igkis wahawkrivwiy aynte avit Ejitumnaw, igkis ka pukuhpa ini kabayka ku pariye Uhokri kehe gidahankis. Igkis miyehe kibehtenwa ini annut kane aynsima ku pariye Kiyavwiye Uhokri kehe gidahankis adahan giwiwhpitnikis. Igkis danuhatenwa akigbimnat parahwokwa Duwweh, igkis yuma gikamaxwankis akiw givitit ner kane gidatnisima. Igkis suguhpig ayge.
8Igme Kiyavwiye Uhokri hiyapni hene, ig ka aritnama ariw ini gihiyekemnikis. Ig amnihpigkis ku samah gikaksan, adahan hiyapkisne gidatni gitkis madikte hiyeg.
9Ayteke nikwe ig Kiyavwiye Uhokri makarase parahwokwa Duwweh pakwa niyegbi. Ig kehe gihiyegavu manukwin amadgew wayk aravwiye.
10Hene ig wiwhpigkis giwakutakkis neras gamiyhetnivwi. Ig amnihpigkis ariw bukitka.
11Ayteke ini un aniksase givetunyavukis. Yuma pahavwinema isahptewne.
12Nikwe gihiyegavu hiyapni hene metakwa igkis ihpa ku pariye Kiyavwiye Uhokri gikaksan gitkis. Ayge nikwe igkis pak avat adahan kabeyhene giw.
13Heneme ariwntak ini igkis miyehe kibehtenwa ku pariye Kiyavwiye Uhokri gikehni gidahankis. Igkis ka kiyakni wahap ku pariye gimawkan gidahankis.
14Ayge amatmadga igkis isaksewte arit ku pariye gimirihwankis. Hawata igkis hikeke Kiyavwiye Uhokri ba ig aywatma gikakkis.
15Igme hiyapni hene ig ike gitkis ku pariye gayapnikis git, heneme ig hawata awahkise gibetitkis pahat karayt mbeyevye.
16Ayge amun givinbetkis igkis kehe mbeyevye iyaknit gikak Moís hawata gikak Arawh, ku pariye Kiyavwiye Uhokri gibuk adahan gawnamnihtenkis ta git.
17Nikwe wayk wokewvi, in dakere Datah gikak Abirawh payak gikakkis madikte gikamkayuvwi.
18Ayteke tiket muhuke givititkis neras ku pariye wewnevwi akak gihiyekemnikis, eg bukehe madikte ignes hiyeg mbayavye.
19Ayteke ariwnteke ini, igkis danuhe ta avitit waxri Sinay. Ayge igkis kehe pahavwi pakyan gahehpak kehka akak karukri wahano. Ayteke igkis kiyathene igi ahehpakti giwenyan Kiyavwiye Uhokri Dehetniye.
20Igkis uniyehe Kiyavwiye Uhokri gikiytani akak gahehpak pahavwi puwikne ku pariye gaxni he pamatkanenwa.
21Igkis miyehe Kiyavwiye Uhokri, gamnihtenkis, ku pariye kehe ka aynsima annut barewye gidahankis aynte avit Ejitumnaw.
22Ayge ig kehe annut ku pariye hiyeg kane hiyapti. Hawata akiw ig kehe annut ku pariye keh wis wadisasaw aynte amadga parahwokwa Duwweh. Igkisme ka aritnama igkis kawnata kiyatig.
23 Inneki keh ig Kiyavwiye Uhokri awne ku ig pisenwevye gikakkis izhaewyenevwi. Heneme gibuk Moís, ku pariye gikanyan, ig amnihswe git Kiyavwiye Uhokri gidahankis kahadbe igme ka pisenwa gikakkis.
24Ayteke nikwe ariwnteke ini, igkis danuh ta avitit Kanaahmnaw. Heneme igkis aduwenewa ka kamaxwa avitit Kiyavwiye Uhokri gikaksan gitkis. Igkis avisesew; igkis ka atekere atere avitit ini waxri ku pariye kane nibewisima.
25Igkis misekwebdi ariku givinbetkis akak awnptawka). Igkis ka ataybiswekere git Kiyavwiye Uhokri.
26Ig Kiyavwiye Uhokri hiyapni hene, ig ike ginetnikis ku igkis ka ik adahan danuh atere akiw. Igkis miyavapnek ayge amatmadga.
27Hawata, ku gihiwhivwikis gihiyekemnikisnek hawata kewa gidahankisbe, nikwe ig ibekhebdihpigkisnek gibetiwkis hiyegviyenevwi nawwotunyevwi. Ayge igkis miyavapnek aynte avit nawenyewa waxri.
28Ayteke nikwe igkis gihiyegavu wewne amatmadga adahan kibite kamukri. Igkis danuh atere avitit paha waxri kewye Peor. Ayge igkis pahadguhwe adahan kiyathenekis ahehpakti kewye Baaw. Hawata gaytakkis axbetwikis ariwntak ini ihti ku pariye kakanhawka arit giwohkigavukis hiyegviyenevwi aygenevwi ku pariye kane ivegnema.
29Ini gikehnikis kehe Kiyavwiye Uhokri dagawne gitkis. Ayteke nikwe ig isakse mbeyevye karayt biwhe gibetitkis.
30Kibeynekata pahavwi awayg giw Finéias kannikew, ig umehe neras ku pariye kakehniyevwi, hene ig mpiyese ini karayt giwkis Uhokri gihiyegavu.
31Kuviknene madikte hiyeg kiyenene ini Finéias gikehni. In kiyekanek akiw adahan avanenekwa.
32Ayteke ariwnteke ini, igkis Uhokri gihiyegavu danuhe atere atiwrik Meribá. Ayge igkis kehe Kiyavwiye Uhokri dagawnne gitkis akiw. Igme amekene Moís pahapo hiyevye mbeyne awaku ini gihiyekemnikis.
33Igkis kehe amekene Moís kehe iyaknit, he ig awne iwit ku pariye kane kis adahan ig awna.
34Ku aysaw igkis danuh avitit Kanaahmnaw, igkis tarakse akiw. Mmanawa igkis kawki umah madiktema hiyeg nawwotunyevwi avityavu inin waxri, ku samah Kiyavwiye Uhokri aye gitkis.
35Heneme (ba bawkata) igkis payegbitaksew gikakkis. Igkis kahayowe gibetkis neras hiyeg. Hawata igkis ahehpe gihumpawankis ku pariye kane adahanma kiyathene Uhokri.
36Igkis Kiyavwiye Uhokri gihiyegavu kiyathe ahehpakti batakarad, hene igkis kinisepka, ke wotbe igkis tuguhe ta arikut nopsad tey.
37Mmanawa igkis kakanhewbdi akak gikamkaykis ta gitkis nawwotunyevwi giwohkigakis.
38Igkis umahave bakimnayh ku pariye yumanene gitaraksankis, gikamkaykiswa akiw, adahan kakanhewne arit ahehpakti batakarad ay Kanaahmnaw. Hene igkis patehe pahatte waxri akak migat.
39Igkis kehave ini mbayka hene, igkis patehwe giwtrik Kiyavwiye Uhokri. Ini gikamaxwankis ku pariye igkis sarayhe hanpa arimkanit bataka in humaw nopsad arewhataki gikak Kiyavwiye Uhokri.
40Ig Kiyavwiye Uhokri hiyapni hene, ig ka aynsima dagawne gitkis gihiyegavu. Ig ka batek ginaktin gikakkis.
41Ayteke nikwe ig tukuhpigkis (ba sarayhpigkis) giwakuritkis ignes hiyeg nawwotunyevwi. Igkisme kumadukevgikis.
42Igkis izhaewyenevwi hiyapkiswika mbeyne gitkis gavitkis givetunyavukis hawata igkis kumadukepka gavitkis.
43Ig Kiyavwiye Uhokri inpawa amnih gihiyegavu, heneme igkisevye gimawkankis kavetunsig. Hene igkis pi avuhptawte akiw abet patahwaki.
44Heneme, ku aysaw igkis amnihswe git, ig Kiyavwiye ahegbet adahan timavgikis akiw. Ig diyuh gitkis akiw abetnewa igkis abet mbeyne.
45Nikwe ig Kiyavwiye Uhokri kiye gahegbetawni ku pariye ig keh gikakkis minikwak, in keh ig kayah gidahankis, hawata awaku ku samah ig ka gamnihrasima in keh ig uniyah gihiyekemni.
46Nikwe ig Kiyavwiye Uhokri amnihsevgikis gitkis ignes ku pariye gikamaxwitnikis.
47Kiyavwiye uwohkiga, amnihnaba usuh! Wiwhnaba usuh gibetitakkis neras nawwotunyevwi. Hawata waxwanaba usuh ta avitit uwaxig akiw. Hene usuhme kabayhapnek adahan ini. Hawata usuhme paksanek piw barewvitye akak ubetki.
48Uyay kabayha Kiyavwiye Uhokri, izhaewyenevwi giwohkigakis! Kabayhanay Kiyavwiye kuri hawata avanenekwa! Amawka madikte hiyegviyenevwi awnanekuye: “Ameh”! Kabayhanay Kiyavwiye Uhokri!
Currently Selected:
Sawmus 106: pluPB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 106
106
Uhokri gabay gikakkis gihiyegavu taraksavye
1Kabayhanay Kiyavwiye Uhokri! Kabayhanay Kiyavwiye Uhokri, mmanawa ig kibeyne. Gamnihra dahwa adahan avanenekwa.
2Pariye ik adahan kinetihwa amin madikte gannu barewyevwi ku pariye gikehni? Pariye ik adahan kabayhig ku samah ig kis adahan ig kabayhaka?
3Ka aynsima kabayka gidahankis neras ku pariye ihpenevwi gikumadukan, gikakkis neras ku pariye gibetkikis keh wadit.
4Kiyavwiye Uhokri, kiyenanuba ku aysaw pis ekkene pamnihra gitkis pihiyegavu. Hawata ku aysaw pis gamnihtenkis, uya amnihun payak gikakkis.
5Numawkan nah hiyap ini kabayka ku pariye pis akkanek gitkis, adahan nah batekye payak gikakkis, adahan ku kiney igkis pihiyegavu pikanyanvu batekyekis aygewata nah batekye hawata. Henewatbaki, Kiyavwiye.
6Nukebyuvwi, wixwiy ka kis adahan wixwiy hiyap inin Kiyavwiye Uhokri gabay ukakwiy. Wixwiy taraksebdi kewa wahawkrivwibe minikwak, igkis taraksebdi gikak Kiyavwiye Uhokri. Wixwiy kuwis kehe ka aynsima taraksaki ku pariye ig ka batek nikak.
7Minikwak ku aysaw igkis wahawkrivwiy aynte avit Ejitumnaw, igkis ka pukuhpa ini kabayka ku pariye Uhokri kehe gidahankis. Igkis miyehe kibehtenwa ini annut kane aynsima ku pariye Kiyavwiye Uhokri kehe gidahankis adahan giwiwhpitnikis. Igkis danuhatenwa akigbimnat parahwokwa Duwweh, igkis yuma gikamaxwankis akiw givitit ner kane gidatnisima. Igkis suguhpig ayge.
8Igme Kiyavwiye Uhokri hiyapni hene, ig ka aritnama ariw ini gihiyekemnikis. Ig amnihpigkis ku samah gikaksan, adahan hiyapkisne gidatni gitkis madikte hiyeg.
9Ayteke nikwe ig Kiyavwiye Uhokri makarase parahwokwa Duwweh pakwa niyegbi. Ig kehe gihiyegavu manukwin amadgew wayk aravwiye.
10Hene ig wiwhpigkis giwakutakkis neras gamiyhetnivwi. Ig amnihpigkis ariw bukitka.
11Ayteke ini un aniksase givetunyavukis. Yuma pahavwinema isahptewne.
12Nikwe gihiyegavu hiyapni hene metakwa igkis ihpa ku pariye Kiyavwiye Uhokri gikaksan gitkis. Ayge nikwe igkis pak avat adahan kabeyhene giw.
13Heneme ariwntak ini igkis miyehe kibehtenwa ku pariye Kiyavwiye Uhokri gikehni gidahankis. Igkis ka kiyakni wahap ku pariye gimawkan gidahankis.
14Ayge amatmadga igkis isaksewte arit ku pariye gimirihwankis. Hawata igkis hikeke Kiyavwiye Uhokri ba ig aywatma gikakkis.
15Igme hiyapni hene ig ike gitkis ku pariye gayapnikis git, heneme ig hawata awahkise gibetitkis pahat karayt mbeyevye.
16Ayge amun givinbetkis igkis kehe mbeyevye iyaknit gikak Moís hawata gikak Arawh, ku pariye Kiyavwiye Uhokri gibuk adahan gawnamnihtenkis ta git.
17Nikwe wayk wokewvi, in dakere Datah gikak Abirawh payak gikakkis madikte gikamkayuvwi.
18Ayteke tiket muhuke givititkis neras ku pariye wewnevwi akak gihiyekemnikis, eg bukehe madikte ignes hiyeg mbayavye.
19Ayteke ariwnteke ini, igkis danuhe ta avitit waxri Sinay. Ayge igkis kehe pahavwi pakyan gahehpak kehka akak karukri wahano. Ayteke igkis kiyathene igi ahehpakti giwenyan Kiyavwiye Uhokri Dehetniye.
20Igkis uniyehe Kiyavwiye Uhokri gikiytani akak gahehpak pahavwi puwikne ku pariye gaxni he pamatkanenwa.
21Igkis miyehe Kiyavwiye Uhokri, gamnihtenkis, ku pariye kehe ka aynsima annut barewye gidahankis aynte avit Ejitumnaw.
22Ayge ig kehe annut ku pariye hiyeg kane hiyapti. Hawata akiw ig kehe annut ku pariye keh wis wadisasaw aynte amadga parahwokwa Duwweh. Igkisme ka aritnama igkis kawnata kiyatig.
23 Inneki keh ig Kiyavwiye Uhokri awne ku ig pisenwevye gikakkis izhaewyenevwi. Heneme gibuk Moís, ku pariye gikanyan, ig amnihswe git Kiyavwiye Uhokri gidahankis kahadbe igme ka pisenwa gikakkis.
24Ayteke nikwe ariwnteke ini, igkis danuh ta avitit Kanaahmnaw. Heneme igkis aduwenewa ka kamaxwa avitit Kiyavwiye Uhokri gikaksan gitkis. Igkis avisesew; igkis ka atekere atere avitit ini waxri ku pariye kane nibewisima.
25Igkis misekwebdi ariku givinbetkis akak awnptawka). Igkis ka ataybiswekere git Kiyavwiye Uhokri.
26Ig Kiyavwiye Uhokri hiyapni hene, ig ike ginetnikis ku igkis ka ik adahan danuh atere akiw. Igkis miyavapnek ayge amatmadga.
27Hawata, ku gihiwhivwikis gihiyekemnikisnek hawata kewa gidahankisbe, nikwe ig ibekhebdihpigkisnek gibetiwkis hiyegviyenevwi nawwotunyevwi. Ayge igkis miyavapnek aynte avit nawenyewa waxri.
28Ayteke nikwe igkis gihiyegavu wewne amatmadga adahan kibite kamukri. Igkis danuh atere avitit paha waxri kewye Peor. Ayge igkis pahadguhwe adahan kiyathenekis ahehpakti kewye Baaw. Hawata gaytakkis axbetwikis ariwntak ini ihti ku pariye kakanhawka arit giwohkigavukis hiyegviyenevwi aygenevwi ku pariye kane ivegnema.
29Ini gikehnikis kehe Kiyavwiye Uhokri dagawne gitkis. Ayteke nikwe ig isakse mbeyevye karayt biwhe gibetitkis.
30Kibeynekata pahavwi awayg giw Finéias kannikew, ig umehe neras ku pariye kakehniyevwi, hene ig mpiyese ini karayt giwkis Uhokri gihiyegavu.
31Kuviknene madikte hiyeg kiyenene ini Finéias gikehni. In kiyekanek akiw adahan avanenekwa.
32Ayteke ariwnteke ini, igkis Uhokri gihiyegavu danuhe atere atiwrik Meribá. Ayge igkis kehe Kiyavwiye Uhokri dagawnne gitkis akiw. Igme amekene Moís pahapo hiyevye mbeyne awaku ini gihiyekemnikis.
33Igkis kehe amekene Moís kehe iyaknit, he ig awne iwit ku pariye kane kis adahan ig awna.
34Ku aysaw igkis danuh avitit Kanaahmnaw, igkis tarakse akiw. Mmanawa igkis kawki umah madiktema hiyeg nawwotunyevwi avityavu inin waxri, ku samah Kiyavwiye Uhokri aye gitkis.
35Heneme (ba bawkata) igkis payegbitaksew gikakkis. Igkis kahayowe gibetkis neras hiyeg. Hawata igkis ahehpe gihumpawankis ku pariye kane adahanma kiyathene Uhokri.
36Igkis Kiyavwiye Uhokri gihiyegavu kiyathe ahehpakti batakarad, hene igkis kinisepka, ke wotbe igkis tuguhe ta arikut nopsad tey.
37Mmanawa igkis kakanhewbdi akak gikamkaykis ta gitkis nawwotunyevwi giwohkigakis.
38Igkis umahave bakimnayh ku pariye yumanene gitaraksankis, gikamkaykiswa akiw, adahan kakanhewne arit ahehpakti batakarad ay Kanaahmnaw. Hene igkis patehe pahatte waxri akak migat.
39Igkis kehave ini mbayka hene, igkis patehwe giwtrik Kiyavwiye Uhokri. Ini gikamaxwankis ku pariye igkis sarayhe hanpa arimkanit bataka in humaw nopsad arewhataki gikak Kiyavwiye Uhokri.
40Ig Kiyavwiye Uhokri hiyapni hene, ig ka aynsima dagawne gitkis gihiyegavu. Ig ka batek ginaktin gikakkis.
41Ayteke nikwe ig tukuhpigkis (ba sarayhpigkis) giwakuritkis ignes hiyeg nawwotunyevwi. Igkisme kumadukevgikis.
42Igkis izhaewyenevwi hiyapkiswika mbeyne gitkis gavitkis givetunyavukis hawata igkis kumadukepka gavitkis.
43Ig Kiyavwiye Uhokri inpawa amnih gihiyegavu, heneme igkisevye gimawkankis kavetunsig. Hene igkis pi avuhptawte akiw abet patahwaki.
44Heneme, ku aysaw igkis amnihswe git, ig Kiyavwiye ahegbet adahan timavgikis akiw. Ig diyuh gitkis akiw abetnewa igkis abet mbeyne.
45Nikwe ig Kiyavwiye Uhokri kiye gahegbetawni ku pariye ig keh gikakkis minikwak, in keh ig kayah gidahankis, hawata awaku ku samah ig ka gamnihrasima in keh ig uniyah gihiyekemni.
46Nikwe ig Kiyavwiye Uhokri amnihsevgikis gitkis ignes ku pariye gikamaxwitnikis.
47Kiyavwiye uwohkiga, amnihnaba usuh! Wiwhnaba usuh gibetitakkis neras nawwotunyevwi. Hawata waxwanaba usuh ta avitit uwaxig akiw. Hene usuhme kabayhapnek adahan ini. Hawata usuhme paksanek piw barewvitye akak ubetki.
48Uyay kabayha Kiyavwiye Uhokri, izhaewyenevwi giwohkigakis! Kabayhanay Kiyavwiye kuri hawata avanenekwa! Amawka madikte hiyegviyenevwi awnanekuye: “Ameh”! Kabayhanay Kiyavwiye Uhokri!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.