Matews 4
4
Wavitye gikivarakis gihikekten Jesus
Lk 4.1-13; Mk 1.12-13; Eb 2.18, 4.15
1Ayteke nikwe Uhokri Gitip awahkise Kiyavwiye Jesus amadgate amatap. Ig awahkisgi atere adahan wavitye gikivarakis gihikekten adahan hiyap ba hiya igma taraksasig.
2Ayge amadga amatap ig Kiyavwiye Jesus maxhawne adahan paxnika madikwa (40) hawkri. Ayteke nikwe ig mativwe.
3Ig wavitye gikivarakis hiyapni hene, ig danuh atere git. Ig awna git:
— Ku pis Uhokri gikamkayh, nikwe awna gut nor tip adahan eg wageswa bugut pidahan.
4Igme Kiyavwiye Jesus kaytwa giwn:
— Kawk. Ka ininema ku pariye Niguh gayapni nutuh. Mmanawa Uhokri gannasan awna:
“Hiyeg ka aymuhwa akak bugutnenwatma, heneme igkis aymuhwa akak madikte iwit ku pariye pes gibiyaptak Uhokri.”
5Ayteke nikwe ig wavitye gikivarakis waxwe Kiyavwiye Jesus avitit paytwempu Jerusalém. Ayge ig ikevgi ta inut avuhekut Uhokri Givin.
6Ig awna git:
— Ku pis Uhokri gikamkayh, nikwe asa watiswa aytaki inutak adahan ekkene ku ig inyerwa ay pikak. Mmanawa Uhokri gannasan awna:
“Uhokri avuriwkispi gitkis ahj adahan igkis amavap amadga giwakkis kahadbe ine pikugku ka tes avitit tip.”
7Igme Kiyavwiye Jesus kaytwa:
— Kawk. Mmanawa Uhokri gannasan hawata awna:
“Ka yi muwaka hikek Kiyavwiye yiwohkiga.”
8Ayteke ig wavitye gikivarakis gihikekten akiw. Ig waxwevgi ta avitit paha waxri imuwadnene. Ayge ig ekke git madikte gikumadukan amedgene inin akak madikte igiskaviyene.
9Ig awna git:
— Ku pis paberetusaw nutivut adahan pis kiyathan, nah iki pit madikte inin.
10Igme Kiyavwiye Jesus kaytwa:
— Satanas, su higihwa aytakin! Mmanawa Uhokri gannasan awna:
“Kiyathanaba ignenwa Kiyavwiye piwohkiga. Kehnaba ignenwa gibetki.”
11Nikwe wavitye gikivarakis hiyapni hene, ig tivik giw. Ayteke igkisme ahj danuh atere, igkis ikene Kiyavwiye Jesus gawaygi.
Jesus kavusa gannivwi aynte Galileyamnaw
Mk 1.14-15; Lk 4.14-15
12Ayteke ariwnteke ini ig Kiyavwiye Jesus time Joawh Batista gak ku ig kuwis kamaxwika arikut parakseket. Ig hiyapni hene, ig tivik avitit Galileyamnaw ta avitit paytwempu Nazaré ku kiney ig aymuhwa.
13Heneme ayteke ig pese avititak ini paytwempu, ig tivik misekwe avitit paytwempu Kafarnawh, ku pariye kennesa akigbimna mahakwa Galileya, aynte avit waxri Zebulomnaw akak Naftalimnaw.
14Inin danuh hene kahadbe in kahayak ku samah minikwak Uhokri gawneve amekene Izaíyas awna. Giwn:
15“Ka aynsima kabaykanek avit Zebulomnaw akak avit Naftalimnaw, ayge ayegbi parahwokwa akak warik Jordawh, akak Galileyamnaw waxri ku pariye kane hiyegma judeyenevwi giwaxigkis! 16Ignes hiyeg ku pariye abetnene amisnavye igkis hiyapnek nopsad kabutniki! Inme kabutniki uguhwanek givititkis neras ku pariye avitnene waxri abet amisnavye adahan miyaka!”
17Ayteke ig Kiyavwiye Jesus kavusa akka Uhokri giwn gitkis hiyeg. Ig awna:
— Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh!
Jesus humak ivuhtyakevutnevwi
Mk 1.16-20; Lk 5.1-11
18Ku aysaw ig Kiyavwiye Jesus waywe akigbimna mahakwa Galileya, ig hiyap piyana gikebikis awaykemni ivuhtyakevutnevwi igkisweke pakebyekne: Simawh, hawata ig kanumka Pedru, gikak gisamwi Andre. Igkis ayge ivuhtyanekis akak tagamayh.
19Ig Kiyavwiye Jesus hiyavgikis ayge, ig awna gitkis:
— Ba yi ayta wew nukakuh. Nah kannuhyi adahan yis humaw ivuhtyakevutne hiyeg nudahan. Ku samah yis uti im, nah keh yis uti hiyeg nudahannek hawata.
20Igkisme timapni hene, aynewa igkis isahkise gitagmayakis. Igkis tivik gihapti adahan humewnes gikannuhnivwi.
21Ayteke ig waywe han pitatit akiw, ig hiyap piyana gikebikis akiw, Tiyagu gikak gisamwi Joawh, ku pariye Zebedew gikamkayuvwi. Igkis ayge amadga umuh gikak gigkis, kahevenekis gitagmayakis. Igme Kiyavwiye Jesus humekwigkis atere, 22Igkisme timapni hene aynewa igkis isahkise gihmunkis gikak gigkis. Igkis tivik gihapti Kiyavwiye Jesus adahan igkis hawata humewnes gikannuhnivwi.
Jesus kannuhekne hawata ig makniwa ka aynsima hiyeg
Mk 3.7; Lk 6.17-19
23Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.
24Madikte hiyeg kinetni gak muwapuw ay Siriyamnaw. Inneki keh igkis hiyegviyene waxwave git madikte kakahribdavye, neras ku pariye akak arakembet karayt, akak kayahwaki, neras ku pariye wavityewnavye, nuwiskawenpiye, datpuwavye, igme makniwavevgikis madikte.
25Ka aynsima hiyeg kurukehe gihavu butte. Igkis danuh atere avititak Galileyamnaw, avititak Dekapolis, avititak paytwempu Jerusalém, avititak Judeyamnaw, avititak waxri pahambaktak ariw warik Jordawh.
Currently Selected:
Matews 4: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Matews 4
4
Wavitye gikivarakis gihikekten Jesus
Lk 4.1-13; Mk 1.12-13; Eb 2.18, 4.15
1Ayteke nikwe Uhokri Gitip awahkise Kiyavwiye Jesus amadgate amatap. Ig awahkisgi atere adahan wavitye gikivarakis gihikekten adahan hiyap ba hiya igma taraksasig.
2Ayge amadga amatap ig Kiyavwiye Jesus maxhawne adahan paxnika madikwa (40) hawkri. Ayteke nikwe ig mativwe.
3Ig wavitye gikivarakis hiyapni hene, ig danuh atere git. Ig awna git:
— Ku pis Uhokri gikamkayh, nikwe awna gut nor tip adahan eg wageswa bugut pidahan.
4Igme Kiyavwiye Jesus kaytwa giwn:
— Kawk. Ka ininema ku pariye Niguh gayapni nutuh. Mmanawa Uhokri gannasan awna:
“Hiyeg ka aymuhwa akak bugutnenwatma, heneme igkis aymuhwa akak madikte iwit ku pariye pes gibiyaptak Uhokri.”
5Ayteke nikwe ig wavitye gikivarakis waxwe Kiyavwiye Jesus avitit paytwempu Jerusalém. Ayge ig ikevgi ta inut avuhekut Uhokri Givin.
6Ig awna git:
— Ku pis Uhokri gikamkayh, nikwe asa watiswa aytaki inutak adahan ekkene ku ig inyerwa ay pikak. Mmanawa Uhokri gannasan awna:
“Uhokri avuriwkispi gitkis ahj adahan igkis amavap amadga giwakkis kahadbe ine pikugku ka tes avitit tip.”
7Igme Kiyavwiye Jesus kaytwa:
— Kawk. Mmanawa Uhokri gannasan hawata awna:
“Ka yi muwaka hikek Kiyavwiye yiwohkiga.”
8Ayteke ig wavitye gikivarakis gihikekten akiw. Ig waxwevgi ta avitit paha waxri imuwadnene. Ayge ig ekke git madikte gikumadukan amedgene inin akak madikte igiskaviyene.
9Ig awna git:
— Ku pis paberetusaw nutivut adahan pis kiyathan, nah iki pit madikte inin.
10Igme Kiyavwiye Jesus kaytwa:
— Satanas, su higihwa aytakin! Mmanawa Uhokri gannasan awna:
“Kiyathanaba ignenwa Kiyavwiye piwohkiga. Kehnaba ignenwa gibetki.”
11Nikwe wavitye gikivarakis hiyapni hene, ig tivik giw. Ayteke igkisme ahj danuh atere, igkis ikene Kiyavwiye Jesus gawaygi.
Jesus kavusa gannivwi aynte Galileyamnaw
Mk 1.14-15; Lk 4.14-15
12Ayteke ariwnteke ini ig Kiyavwiye Jesus time Joawh Batista gak ku ig kuwis kamaxwika arikut parakseket. Ig hiyapni hene, ig tivik avitit Galileyamnaw ta avitit paytwempu Nazaré ku kiney ig aymuhwa.
13Heneme ayteke ig pese avititak ini paytwempu, ig tivik misekwe avitit paytwempu Kafarnawh, ku pariye kennesa akigbimna mahakwa Galileya, aynte avit waxri Zebulomnaw akak Naftalimnaw.
14Inin danuh hene kahadbe in kahayak ku samah minikwak Uhokri gawneve amekene Izaíyas awna. Giwn:
15“Ka aynsima kabaykanek avit Zebulomnaw akak avit Naftalimnaw, ayge ayegbi parahwokwa akak warik Jordawh, akak Galileyamnaw waxri ku pariye kane hiyegma judeyenevwi giwaxigkis! 16Ignes hiyeg ku pariye abetnene amisnavye igkis hiyapnek nopsad kabutniki! Inme kabutniki uguhwanek givititkis neras ku pariye avitnene waxri abet amisnavye adahan miyaka!”
17Ayteke ig Kiyavwiye Jesus kavusa akka Uhokri giwn gitkis hiyeg. Ig awna:
— Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh!
Jesus humak ivuhtyakevutnevwi
Mk 1.16-20; Lk 5.1-11
18Ku aysaw ig Kiyavwiye Jesus waywe akigbimna mahakwa Galileya, ig hiyap piyana gikebikis awaykemni ivuhtyakevutnevwi igkisweke pakebyekne: Simawh, hawata ig kanumka Pedru, gikak gisamwi Andre. Igkis ayge ivuhtyanekis akak tagamayh.
19Ig Kiyavwiye Jesus hiyavgikis ayge, ig awna gitkis:
— Ba yi ayta wew nukakuh. Nah kannuhyi adahan yis humaw ivuhtyakevutne hiyeg nudahan. Ku samah yis uti im, nah keh yis uti hiyeg nudahannek hawata.
20Igkisme timapni hene, aynewa igkis isahkise gitagmayakis. Igkis tivik gihapti adahan humewnes gikannuhnivwi.
21Ayteke ig waywe han pitatit akiw, ig hiyap piyana gikebikis akiw, Tiyagu gikak gisamwi Joawh, ku pariye Zebedew gikamkayuvwi. Igkis ayge amadga umuh gikak gigkis, kahevenekis gitagmayakis. Igme Kiyavwiye Jesus humekwigkis atere, 22Igkisme timapni hene aynewa igkis isahkise gihmunkis gikak gigkis. Igkis tivik gihapti Kiyavwiye Jesus adahan igkis hawata humewnes gikannuhnivwi.
Jesus kannuhekne hawata ig makniwa ka aynsima hiyeg
Mk 3.7; Lk 6.17-19
23Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.
24Madikte hiyeg kinetni gak muwapuw ay Siriyamnaw. Inneki keh igkis hiyegviyene waxwave git madikte kakahribdavye, neras ku pariye akak arakembet karayt, akak kayahwaki, neras ku pariye wavityewnavye, nuwiskawenpiye, datpuwavye, igme makniwavevgikis madikte.
25Ka aynsima hiyeg kurukehe gihavu butte. Igkis danuh atere avititak Galileyamnaw, avititak Dekapolis, avititak paytwempu Jerusalém, avititak Judeyamnaw, avititak waxri pahambaktak ariw warik Jordawh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.