Matews 18
18
Hiyeg tuwatavye ignesnewa kiyatye giwtrik Uhokri
Mk 9.33; Lk 9.46; Fil 2.3; 1Ped 3.4, 5.5
1Avimnewa ini gikannuhnivwi pahadguhwa atere git Kiyavwiye Jesus, igkis ayavgi:
— Kiyavwiye, pariye hiyeg pi kiyatte abet Uhokri gikumadukan?
2Ig timapni hene, ig humeke pahavwi bakimni ayta gimkat. Ig tabirasevgi giwtrikkisnewa.
3Ayteke ig awna gitkis:
— Ku yis ka wages yihiyekemni adahan yis ikaw kewa bakimnayhbe, yis ka kawihti Uhokri gikumadukan. Ihanabay inakni nuwnuh. Henewatbaki in. 4Heneme ku pahavwi yaytak ikaw ke wotbe ig yumah gikiytanibe ke ner bakimnibe, ignewa ku pariye pi kiyatte hiyeg abet Uhokri gikumadukan. 5Hawata akiw ku pahavwi amnih pahavwi bakimni kene nerbe nudahan, amun ini nikwe in ke wotbe ig kuwis amnihunbe. 6Heneme ku pahavwi taraksase pahavwi bakimni nopsesniye ku pariye kamaxwene nuvitit, igi katiwnihninek. Ig utinek mbayka pi mbayte akiw giw pahavwi ku pariye wanekwika gibitamna akak pohow tip nopsadnano adahan ig padekwika gamihawnite parahwokwa adahan ig aniksew ayge.
Ku pahavwi taraksase pahavwi igi uti mbeynenek
Mk 9.42; Lk 17.1; Ro 1.32; 1Ko 9.12; 2Ped 2.1, 18
7— Akayih. Hiyeg amadgaya inin hiyap mbeyne ka aynsimanek awaku ba akebentenwa hiyeg keh igkis taraksa. Ka sam. Amawka hiyeg kadahan pahavwi ku pariye gikinseptenkis adahan igkis taraksa. Kahadbe igkis kannuhwa mpitig. Heneme ku pahavwi hiyeg taraksase pahavwi, ig katiwnihninek, ig hiyap mbeyne ka aynsimanek.
Pi kabayte pis hiyap mbeyne ay mpinekata pis hiyap mbeyne aynte abet tiket
Mt 5.29; Mk 9.43
8— Battukawnaba adahan pis avuriw pihiyekemni adahan pis ka taraksa. Ku pis me taraksemet akak piwak ba akak pikugku, pi kabayte pis bukihpin padekwin mpinekata pis tarakse. Mmanawa aysawnemenek pis katiwnih pitaraksannek. Pi kabayte pis aymuhwa gimun Uhokri mawokuh, yumahwata pikugku, mpinekata pis padekwika piwoknamte piwak hawata pebakte pikugku ta abetit egu tiket ahawkri.
9Ku pis me taraksemet awaku pis iveg arimkat ku pariye arikna kane kabay, pi kabayte pis wareke piwtyak pis padekwin mpinekata pis tarakse. Mmanawa pi kabayte pis aymuhwa gimun Uhokri mowtih mpinekata pis padekwika pebakte piwtyak ta arimkanit ini iwetrit ku kiney kane aynsima kayahwaki abet tiket.
Patuwesbuhka iwit amin muwtoh biyukwiye
Lk 15.4
10— Avuriwnabay ku samah yihiyekemni. Ka yi muwaka ikaw kabaytema giw pahavwinema bakimni. Aynte inurik ahj gidahankis avanenekwa tabirbet ay givetun Wigwiy inurikyene adahan igkis ekkenes git neras ku pariye kane kiyatha gavuriwnikis bakimnayh. Henewatbaki igkis.
11Igkis bakimnayh ka givigikisima nutuh kewa muwtoh biyukavyebe.
12Ku pahavwi kadahan ka aynsima givig muwtoh, madikawku madikwa (100) gikebikis, ku pahavwiwa givig kiduhe hanpa arimkanit biyukwiki, pariye yivewkan ig keh? Ig ikise givig akebyuvwi (99) ayge avit waxribdi, ig ta ivegeviye givig ku pariye kiduhe hanpa arimkanit biyukwiki.
13Ku ig utevgi, ig pi batekte akak ku samah givig biyukwiye ay gimun akiw mpiya ku samah ig batek akak neras givig akebyuvwi (99) ku pariye ka kiduhati hanpa arimkanit biyukwiki. Henewatbaki ig batek.
14Ig Wigwiy inurikyene hawata ig ka hiyepkere pahavwinema bakimni biyuk.
Ku pahavwi tarakse pikak, akkanaba gitaraksan git
Num 35.30; Mt 5.23; Lk 12.57, 17.3; 1Ko 5.11; Gal 6.1; 2Tes 3.15
15— Ku pikebyi tarakse pikak, amawka pis atak akka gitaraksan git. Ka ba akkin ta gitkis nawenevwima hiyeg. Heneme pis akkin ta git ig pahavo. Ku ig ihe piwn ku ig awna, “Henewa nah tarakse”, nikwe avim ini yis wadithebdih yihawkan.
16Heneme ku ig ka timepkere piwn, ataknaba kinetihwa gikak pahaynewata akiw. Pis iwa pahavwi ba piyana hiyeg adahan igkis atak pihapti adahan igkis payavetni ekkenes gitaraksan git adahan igkis pawneve. Mmanawa Uhokri gannasan awna:
“Ku piyana wawneve ku giwnkis tuguh hehpekuye, nikwe ik adahan wis iha inakni giwnkis.”
17Heneme ku ig ner pahavwi kawnata timepkere giwnkis, nikwe pis akka gitaraksan ay givetunkis madikte Uhokri gihiyegavu adahan igkisme iki gihiyakmni. Ku ig kawnata timepkere giwnkis, nikwe hiyawa pis keh gikak ku samah pis keh gikakkis hiyeg kane Uhokriyanvuma ba gikakkis hiyeg kane kibeynevwima.
Ku pariye yis wanekbeta ahawkan, ayta inuriktak wanekbetnata nihawkan
Mt 16.19; Jo 20.23
18— Ku pariye yis wanekbeta ahawkan ay amadga inin, ayta inuriktak hawata wanekbetnata nihawkan. Hawata akiw ku pariye yis watekbeta ahawkan ay amadga inin, ayta inuriktak hawata watekbetnata nihawkan. Ihanabay inakni nuwnuh. Henewatbaki in.
19Hawata akiw ku piyanmowa hiyeg tuguhkis gihiyekemnikis hehpekuye adahan ku pariye gayapnikis git Uhokri, nikwe ig Wigwiy inurikyene keh ku samah gayapnikis git.
20Mmanawa ku kiney hiyeg pahadguvu nuwavrik, piyanmowa gikebikis ba mpanmowa gikebikis, amun ini nah ayge gikakkis.
Amawka wis bayahmina hiyeg ariw gitaraksankis ukak kiberevut
Mt 6.14; Lk 17.4; Ef 4.32; Kol 3.13
21Ayteke ig Pedru danukwa atere git Kiyavwiye Jesus. Ig ayavgi:
— Kiyavwiye, aysawvut amawka nah bayahmina nukebyi ariw gitaraksan nukakuh? Ba ntewnehkervut?
22Igme Kiyavwiye Jesus kaytwa giwn:
— Kawa. Ka ntewnehkervutnema. Amawka pis bayahminig ariw gitaraksan pikak kiberevut mpiy ku pariye pis hiya avuhka, ntewnehkervut ntewnehker madikwa akiw.
Yuwit patuwesbuhka amin pahavwi ku pariye ka bayahmina pahavwi
23— Nah akkite pit abektey amin ku samah Uhokri gikumadukan. Minikwak pahavwi ikivarat iwasevye gihiyegavu gimatiwnihnikis gimun.
24Ku aysaw ig kavusa, pahavwi awayg waxwepka atere git ku pariye matiwnihpig ka aynsima karukri, madikawku mil (10.000) kirehka nopsadnano karukri wahano seyno.
25Ig ner awayg yumahwa gikakura kiyesradima adahan ig katiwnihpiye ini gimatiwnihni gimun. Igme gikivara hiyapni hene, ig giviyukiswitni adahan bukitka payak gukak gihayo gikakkis gikamkayuvwi payak akak madikte gewkanbet adahan katiwnihkiswiye ini gimatiwnihni git.
26Igme ner awayg paberetusew gikimpurit gikivara. Ig amnihswe git. Giwn: “Uya amnih kiyaknihwa nukakuh. Nah katiwnih madikte numatiwnihni pitnek.”
27Igme gikivara hiyapni hene, ig amnihpig. Ig hiyak ku ig ka hiya asamanak diyuhkis gikakura awenyan. Nikwe ig bayahminevgi ariw madikte gimatiwnihni gimun. Ig isahkiswig tivik.
28Igme ner gihiyega tivik, ig patipteke gikak pahavwi gikagmada igwata ihiyegat. Igme ner gikagmada matiwnihpig aynesa karukri, madikawku madikwa (100) kirehka nopsesniyo karukri wahano seyno. Igme hiyapni hene, ig kamaxwig ig pidikwig gibitamna. Ig awna git: “Katiwnih pimatiwnihni nutuh kurinewa.”
29Igme ner gikagmada hiyapni hene, ig paberetusew ta gikimpurit. Ig amnihswe git. Giwn: “Uya amnih kiyaknihwa nukakuh. Nah katiwnihpepnek.”
30Igme ka kiyaknihwa gikak aynesnima. Nikwenewa ig padakkiswig arikut parakseket he ku aysaw ig katiwnih gimatiwnihninek.
31Nerasme hiyeg igkiswata ihiyegat ignes hiyapni hene, igkis wakaymnibdi ka aynsima. Nikwe igkis tivik ta git gikivarakis. Igkis danuh atere, igkis kinetihwe madikte git.
32Ig gikivarakis timapni hene, ig watihe ner gihiyega. Ku aysaw ig danuh atere, ig awna git. Giwn: “Pis mbeyevye hiyeg! Nah kuwis bayahminep ariw madikte pimatiwnihni numunuh. He pamnihkanen nah amnihpep awaku pis amnihswe nutuh. 33Mmahki pis ka amnih piyaki hiyeg hawata ku samah nah amnihpep? Kiskama pis bayahminig.”
34Nikwe ig gikivara ka aynsima dagawne git. Ig sarayhkiswig arikut parakseket adahan ig hiyepne mbeyne he ku aysaw ig katiwnih madikte gimatiwnihni gimun.
35Henewa Wigwiy inurikyene keh gikakkis madikte hiyegnek. Ku yis ka bayahmina yiyaki hiyeg ariw gitaraksankis yikak avititakma yiyakni, ayge nikwe ig Uhokri keh yikaknek hawata ke ner ikivaratbe.
Henewatbaki ig Kiyavwiye Jesus awna git.
Currently Selected:
Matews 18: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Matews 18
18
Hiyeg tuwatavye ignesnewa kiyatye giwtrik Uhokri
Mk 9.33; Lk 9.46; Fil 2.3; 1Ped 3.4, 5.5
1Avimnewa ini gikannuhnivwi pahadguhwa atere git Kiyavwiye Jesus, igkis ayavgi:
— Kiyavwiye, pariye hiyeg pi kiyatte abet Uhokri gikumadukan?
2Ig timapni hene, ig humeke pahavwi bakimni ayta gimkat. Ig tabirasevgi giwtrikkisnewa.
3Ayteke ig awna gitkis:
— Ku yis ka wages yihiyekemni adahan yis ikaw kewa bakimnayhbe, yis ka kawihti Uhokri gikumadukan. Ihanabay inakni nuwnuh. Henewatbaki in. 4Heneme ku pahavwi yaytak ikaw ke wotbe ig yumah gikiytanibe ke ner bakimnibe, ignewa ku pariye pi kiyatte hiyeg abet Uhokri gikumadukan. 5Hawata akiw ku pahavwi amnih pahavwi bakimni kene nerbe nudahan, amun ini nikwe in ke wotbe ig kuwis amnihunbe. 6Heneme ku pahavwi taraksase pahavwi bakimni nopsesniye ku pariye kamaxwene nuvitit, igi katiwnihninek. Ig utinek mbayka pi mbayte akiw giw pahavwi ku pariye wanekwika gibitamna akak pohow tip nopsadnano adahan ig padekwika gamihawnite parahwokwa adahan ig aniksew ayge.
Ku pahavwi taraksase pahavwi igi uti mbeynenek
Mk 9.42; Lk 17.1; Ro 1.32; 1Ko 9.12; 2Ped 2.1, 18
7— Akayih. Hiyeg amadgaya inin hiyap mbeyne ka aynsimanek awaku ba akebentenwa hiyeg keh igkis taraksa. Ka sam. Amawka hiyeg kadahan pahavwi ku pariye gikinseptenkis adahan igkis taraksa. Kahadbe igkis kannuhwa mpitig. Heneme ku pahavwi hiyeg taraksase pahavwi, ig katiwnihninek, ig hiyap mbeyne ka aynsimanek.
Pi kabayte pis hiyap mbeyne ay mpinekata pis hiyap mbeyne aynte abet tiket
Mt 5.29; Mk 9.43
8— Battukawnaba adahan pis avuriw pihiyekemni adahan pis ka taraksa. Ku pis me taraksemet akak piwak ba akak pikugku, pi kabayte pis bukihpin padekwin mpinekata pis tarakse. Mmanawa aysawnemenek pis katiwnih pitaraksannek. Pi kabayte pis aymuhwa gimun Uhokri mawokuh, yumahwata pikugku, mpinekata pis padekwika piwoknamte piwak hawata pebakte pikugku ta abetit egu tiket ahawkri.
9Ku pis me taraksemet awaku pis iveg arimkat ku pariye arikna kane kabay, pi kabayte pis wareke piwtyak pis padekwin mpinekata pis tarakse. Mmanawa pi kabayte pis aymuhwa gimun Uhokri mowtih mpinekata pis padekwika pebakte piwtyak ta arimkanit ini iwetrit ku kiney kane aynsima kayahwaki abet tiket.
Patuwesbuhka iwit amin muwtoh biyukwiye
Lk 15.4
10— Avuriwnabay ku samah yihiyekemni. Ka yi muwaka ikaw kabaytema giw pahavwinema bakimni. Aynte inurik ahj gidahankis avanenekwa tabirbet ay givetun Wigwiy inurikyene adahan igkis ekkenes git neras ku pariye kane kiyatha gavuriwnikis bakimnayh. Henewatbaki igkis.
11Igkis bakimnayh ka givigikisima nutuh kewa muwtoh biyukavyebe.
12Ku pahavwi kadahan ka aynsima givig muwtoh, madikawku madikwa (100) gikebikis, ku pahavwiwa givig kiduhe hanpa arimkanit biyukwiki, pariye yivewkan ig keh? Ig ikise givig akebyuvwi (99) ayge avit waxribdi, ig ta ivegeviye givig ku pariye kiduhe hanpa arimkanit biyukwiki.
13Ku ig utevgi, ig pi batekte akak ku samah givig biyukwiye ay gimun akiw mpiya ku samah ig batek akak neras givig akebyuvwi (99) ku pariye ka kiduhati hanpa arimkanit biyukwiki. Henewatbaki ig batek.
14Ig Wigwiy inurikyene hawata ig ka hiyepkere pahavwinema bakimni biyuk.
Ku pahavwi tarakse pikak, akkanaba gitaraksan git
Num 35.30; Mt 5.23; Lk 12.57, 17.3; 1Ko 5.11; Gal 6.1; 2Tes 3.15
15— Ku pikebyi tarakse pikak, amawka pis atak akka gitaraksan git. Ka ba akkin ta gitkis nawenevwima hiyeg. Heneme pis akkin ta git ig pahavo. Ku ig ihe piwn ku ig awna, “Henewa nah tarakse”, nikwe avim ini yis wadithebdih yihawkan.
16Heneme ku ig ka timepkere piwn, ataknaba kinetihwa gikak pahaynewata akiw. Pis iwa pahavwi ba piyana hiyeg adahan igkis atak pihapti adahan igkis payavetni ekkenes gitaraksan git adahan igkis pawneve. Mmanawa Uhokri gannasan awna:
“Ku piyana wawneve ku giwnkis tuguh hehpekuye, nikwe ik adahan wis iha inakni giwnkis.”
17Heneme ku ig ner pahavwi kawnata timepkere giwnkis, nikwe pis akka gitaraksan ay givetunkis madikte Uhokri gihiyegavu adahan igkisme iki gihiyakmni. Ku ig kawnata timepkere giwnkis, nikwe hiyawa pis keh gikak ku samah pis keh gikakkis hiyeg kane Uhokriyanvuma ba gikakkis hiyeg kane kibeynevwima.
Ku pariye yis wanekbeta ahawkan, ayta inuriktak wanekbetnata nihawkan
Mt 16.19; Jo 20.23
18— Ku pariye yis wanekbeta ahawkan ay amadga inin, ayta inuriktak hawata wanekbetnata nihawkan. Hawata akiw ku pariye yis watekbeta ahawkan ay amadga inin, ayta inuriktak hawata watekbetnata nihawkan. Ihanabay inakni nuwnuh. Henewatbaki in.
19Hawata akiw ku piyanmowa hiyeg tuguhkis gihiyekemnikis hehpekuye adahan ku pariye gayapnikis git Uhokri, nikwe ig Wigwiy inurikyene keh ku samah gayapnikis git.
20Mmanawa ku kiney hiyeg pahadguvu nuwavrik, piyanmowa gikebikis ba mpanmowa gikebikis, amun ini nah ayge gikakkis.
Amawka wis bayahmina hiyeg ariw gitaraksankis ukak kiberevut
Mt 6.14; Lk 17.4; Ef 4.32; Kol 3.13
21Ayteke ig Pedru danukwa atere git Kiyavwiye Jesus. Ig ayavgi:
— Kiyavwiye, aysawvut amawka nah bayahmina nukebyi ariw gitaraksan nukakuh? Ba ntewnehkervut?
22Igme Kiyavwiye Jesus kaytwa giwn:
— Kawa. Ka ntewnehkervutnema. Amawka pis bayahminig ariw gitaraksan pikak kiberevut mpiy ku pariye pis hiya avuhka, ntewnehkervut ntewnehker madikwa akiw.
Yuwit patuwesbuhka amin pahavwi ku pariye ka bayahmina pahavwi
23— Nah akkite pit abektey amin ku samah Uhokri gikumadukan. Minikwak pahavwi ikivarat iwasevye gihiyegavu gimatiwnihnikis gimun.
24Ku aysaw ig kavusa, pahavwi awayg waxwepka atere git ku pariye matiwnihpig ka aynsima karukri, madikawku mil (10.000) kirehka nopsadnano karukri wahano seyno.
25Ig ner awayg yumahwa gikakura kiyesradima adahan ig katiwnihpiye ini gimatiwnihni gimun. Igme gikivara hiyapni hene, ig giviyukiswitni adahan bukitka payak gukak gihayo gikakkis gikamkayuvwi payak akak madikte gewkanbet adahan katiwnihkiswiye ini gimatiwnihni git.
26Igme ner awayg paberetusew gikimpurit gikivara. Ig amnihswe git. Giwn: “Uya amnih kiyaknihwa nukakuh. Nah katiwnih madikte numatiwnihni pitnek.”
27Igme gikivara hiyapni hene, ig amnihpig. Ig hiyak ku ig ka hiya asamanak diyuhkis gikakura awenyan. Nikwe ig bayahminevgi ariw madikte gimatiwnihni gimun. Ig isahkiswig tivik.
28Igme ner gihiyega tivik, ig patipteke gikak pahavwi gikagmada igwata ihiyegat. Igme ner gikagmada matiwnihpig aynesa karukri, madikawku madikwa (100) kirehka nopsesniyo karukri wahano seyno. Igme hiyapni hene, ig kamaxwig ig pidikwig gibitamna. Ig awna git: “Katiwnih pimatiwnihni nutuh kurinewa.”
29Igme ner gikagmada hiyapni hene, ig paberetusew ta gikimpurit. Ig amnihswe git. Giwn: “Uya amnih kiyaknihwa nukakuh. Nah katiwnihpepnek.”
30Igme ka kiyaknihwa gikak aynesnima. Nikwenewa ig padakkiswig arikut parakseket he ku aysaw ig katiwnih gimatiwnihninek.
31Nerasme hiyeg igkiswata ihiyegat ignes hiyapni hene, igkis wakaymnibdi ka aynsima. Nikwe igkis tivik ta git gikivarakis. Igkis danuh atere, igkis kinetihwe madikte git.
32Ig gikivarakis timapni hene, ig watihe ner gihiyega. Ku aysaw ig danuh atere, ig awna git. Giwn: “Pis mbeyevye hiyeg! Nah kuwis bayahminep ariw madikte pimatiwnihni numunuh. He pamnihkanen nah amnihpep awaku pis amnihswe nutuh. 33Mmahki pis ka amnih piyaki hiyeg hawata ku samah nah amnihpep? Kiskama pis bayahminig.”
34Nikwe ig gikivara ka aynsima dagawne git. Ig sarayhkiswig arikut parakseket adahan ig hiyepne mbeyne he ku aysaw ig katiwnih madikte gimatiwnihni gimun.
35Henewa Wigwiy inurikyene keh gikakkis madikte hiyegnek. Ku yis ka bayahmina yiyaki hiyeg ariw gitaraksankis yikak avititakma yiyakni, ayge nikwe ig Uhokri keh yikaknek hawata ke ner ikivaratbe.
Henewatbaki ig Kiyavwiye Jesus awna git.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.