Ebrews 1
1
Uhokri gikamkayh ka gikiytanisima
Kol 1.15
1Minikwak Kiyavwiye Uhokri wasavanew giminkis amekenegben gibiyrikkis gawnevevu. Igwa Kiyavwiye Uhokri awnene givititakis. Ig akki aritnanyuvwi ku samah gihiyekemni. Ig akkin akak arakembet areketni adahan ekkene ku samah gihiyekemni.
2Kurime amaksemni hawkri ig wasavanaw uminwiy gibiyrik igyewa gikamkayh. Igwa Kiyavwiye Uhokri ay givit ig ekkene ku samah inyewa Uhokri gihiyekemni. Ig gikamkayh ka aynsima gikiytani. Madikte ku pariye Kiyavwiye Uhokri gidahan in gidahanwata gikamkayh. Henewa ig Kiyavwiye Uhokri gimawkan. Ig Kiyavwiye Uhokri kehkis inin hawkri git ner gikamkayh.
3Ig gikamkayh kivun akak Uhokri gihiyekemni ku pariye kane nikiytanisima. Ignewa kahayaksa wotwiy igyewa Kiyavwiye Uhokri amadga inin. Ig wewkis inin hawkri he akak giwnnenwa. Giwn ka nidatnisima. Minikwak ig sagahptewiy ariw utaraksanwiy. Pisenwa ig batahkiswe adahan ig kumadukene gihumwa Ukivarawiy detye aynte inurik, ay amun ini iwetrit ku pariye kane nikiytanisima kihehaptak.
Uhokri gikamkayh kiyate giwkis ahj
Ap 19.10
4Ku samah ig bat gihumwa Kiyavwiye Uhokri in kahayak nikwe ku ig ka aynsima kiyate giwkis madikte ahj. Hawata gikanmak ku samah ig kanumka Kiyavwiye Uhokri gikamkayh in ka aynsima kiyate ariw ahj gikanmakis.
5Mmanawa ig Kiyavwiye Uhokri awna git gikamkayh:
— Pis nukamkayh. Ku avim inin nah akkap ku pis igyewa nukamkayh.
Ig ka awnati inakni hene git pahavwinema ahj. Hawata akiw ig awna gimin gikamkayh:
— Nah gig, igme nukamkayh.
Heneme ig ka awnati inakni hene gimin pahavwinema ahj.
6 Kawa. Ku aysaw ig Kiyavwiye Uhokri awahkiswiye gikamkayh atan amadgat inin, gitkis ahj ig awna:
— Nuhiyegavu ahj, kiyathanigbay.
7Hawata akiw Uhokri gannasan awna giminkis ahj ku igkis ka kiyesradima gikiytanikis. In awna:
— Kiyavwiye Uhokri iki giwatnivwi ahj ke maygbe. Ig iki igkis gihiyegavu ahj ke tiketbe kadawempiyebe.
Henewatbaki ig Kiyavwiye Uhokri kinetihwa giminkis ahj.
8Giminme gikamkayh ig annase iwit ka aynsima kabayte akiw. In awna:
— Kiyavwiye Uhokri, pis kumadukanek adahan avanenekwa. Avanenekwa pikumadukan waditnenekwa.
9Pis batek keh ku pariye wadit. Pis ka batek akak ku pariye kane wadit. Innebaki keh piwohkiga Kiyavwiye Uhokri kivunsap akak ka aynsima batekka mpiy madikte hiyeg.
Henewatbaki in Uhokri gannasan awna.
10Hawata akiw in awna:
— Kiyavwiye, pitatye akavuska hawkri pis kehe waxri humaw, hawata akakwa piwak, pis kehe en.
11Aysawnemenek waxri akak en in biyukenek. Pismeti dahwanek adahan avanenekwa. Aysawnemenek waxri akak en in mugumgupnek ke kamisbe.
12Avim ini pis minahminemninek adahan pis awinyimpitni ke kamisbe. Pismeti ka uniyehwati. Pis pidukwenewa misakwa adahan avanenekwa.
13Hawata akiw ig Kiyavwiye Uhokri awna git gikamkayh:
— Batnaba ay nuhumwa kihehaptak amun inin iwetrit kiyatye ku samah nah sibuhkisnete pivetunyavu pit.
Ig ka awnati inakni hene git pahavwinema ahj.
14 Nah akkamnihte yit ku samahpa ahj. Igkis Kiyavwiye Uhokri gibukvig yuma givitkis kema hiyegma amadgayavuma inin. Ig Kiyavwiye Uhokri awahkisgikis adahan gayavetnikis neras ku pariye amnihkavu gavit Kiyavwiye Uhokri.
Currently Selected:
Ebrews 1: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Ebrews 1
1
Uhokri gikamkayh ka gikiytanisima
Kol 1.15
1Minikwak Kiyavwiye Uhokri wasavanew giminkis amekenegben gibiyrikkis gawnevevu. Igwa Kiyavwiye Uhokri awnene givititakis. Ig akki aritnanyuvwi ku samah gihiyekemni. Ig akkin akak arakembet areketni adahan ekkene ku samah gihiyekemni.
2Kurime amaksemni hawkri ig wasavanaw uminwiy gibiyrik igyewa gikamkayh. Igwa Kiyavwiye Uhokri ay givit ig ekkene ku samah inyewa Uhokri gihiyekemni. Ig gikamkayh ka aynsima gikiytani. Madikte ku pariye Kiyavwiye Uhokri gidahan in gidahanwata gikamkayh. Henewa ig Kiyavwiye Uhokri gimawkan. Ig Kiyavwiye Uhokri kehkis inin hawkri git ner gikamkayh.
3Ig gikamkayh kivun akak Uhokri gihiyekemni ku pariye kane nikiytanisima. Ignewa kahayaksa wotwiy igyewa Kiyavwiye Uhokri amadga inin. Ig wewkis inin hawkri he akak giwnnenwa. Giwn ka nidatnisima. Minikwak ig sagahptewiy ariw utaraksanwiy. Pisenwa ig batahkiswe adahan ig kumadukene gihumwa Ukivarawiy detye aynte inurik, ay amun ini iwetrit ku pariye kane nikiytanisima kihehaptak.
Uhokri gikamkayh kiyate giwkis ahj
Ap 19.10
4Ku samah ig bat gihumwa Kiyavwiye Uhokri in kahayak nikwe ku ig ka aynsima kiyate giwkis madikte ahj. Hawata gikanmak ku samah ig kanumka Kiyavwiye Uhokri gikamkayh in ka aynsima kiyate ariw ahj gikanmakis.
5Mmanawa ig Kiyavwiye Uhokri awna git gikamkayh:
— Pis nukamkayh. Ku avim inin nah akkap ku pis igyewa nukamkayh.
Ig ka awnati inakni hene git pahavwinema ahj. Hawata akiw ig awna gimin gikamkayh:
— Nah gig, igme nukamkayh.
Heneme ig ka awnati inakni hene gimin pahavwinema ahj.
6 Kawa. Ku aysaw ig Kiyavwiye Uhokri awahkiswiye gikamkayh atan amadgat inin, gitkis ahj ig awna:
— Nuhiyegavu ahj, kiyathanigbay.
7Hawata akiw Uhokri gannasan awna giminkis ahj ku igkis ka kiyesradima gikiytanikis. In awna:
— Kiyavwiye Uhokri iki giwatnivwi ahj ke maygbe. Ig iki igkis gihiyegavu ahj ke tiketbe kadawempiyebe.
Henewatbaki ig Kiyavwiye Uhokri kinetihwa giminkis ahj.
8Giminme gikamkayh ig annase iwit ka aynsima kabayte akiw. In awna:
— Kiyavwiye Uhokri, pis kumadukanek adahan avanenekwa. Avanenekwa pikumadukan waditnenekwa.
9Pis batek keh ku pariye wadit. Pis ka batek akak ku pariye kane wadit. Innebaki keh piwohkiga Kiyavwiye Uhokri kivunsap akak ka aynsima batekka mpiy madikte hiyeg.
Henewatbaki in Uhokri gannasan awna.
10Hawata akiw in awna:
— Kiyavwiye, pitatye akavuska hawkri pis kehe waxri humaw, hawata akakwa piwak, pis kehe en.
11Aysawnemenek waxri akak en in biyukenek. Pismeti dahwanek adahan avanenekwa. Aysawnemenek waxri akak en in mugumgupnek ke kamisbe.
12Avim ini pis minahminemninek adahan pis awinyimpitni ke kamisbe. Pismeti ka uniyehwati. Pis pidukwenewa misakwa adahan avanenekwa.
13Hawata akiw ig Kiyavwiye Uhokri awna git gikamkayh:
— Batnaba ay nuhumwa kihehaptak amun inin iwetrit kiyatye ku samah nah sibuhkisnete pivetunyavu pit.
Ig ka awnati inakni hene git pahavwinema ahj.
14 Nah akkamnihte yit ku samahpa ahj. Igkis Kiyavwiye Uhokri gibukvig yuma givitkis kema hiyegma amadgayavuma inin. Ig Kiyavwiye Uhokri awahkisgikis adahan gayavetnikis neras ku pariye amnihkavu gavit Kiyavwiye Uhokri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.