Attus 27
27
Pol tivikwiye gimkanit Sezar amadgew nawiy
1Ayteke ariwnteke ini ahawkanavrik danuh adahan igkis awahkiswiye Pol gimkanit Sezar tahan avitit Italiyamnaw. Ayge nikwe ig avuriwkiswika git pahavwi suwtat gikivarakis kewye Juwlyu. Ig Juwlyu gaytakis neras pahabunene suwtat kewye “Ukivarawiy Sezar Gisuwtatavu”. Igme Pol avuriwkiswika git Juwlyu payak gikakkis nawenyevwi kamaxkarempu. Nah Luwkas nah hiyapni hene, nah tivik gihapti Pol.
2Pahavwi masedôniyene kewye Aristarku ig hawata tivik uhapti. Ig ariwntak paytwempu Tesalônika. Ayteke nikwe usuh katapte amadgat pahamku nawiy ku pariye danuh aytontak paytwemputak Adramitiyu. Nor nawiy ahegbet adahan tivikwiye avitit paytwempu muwapuw Asiyamnaw. Usuh katapte atere, usuh tarekwe.
3Hewke usuh danuh avitit paytwempu Sidoh. Ayge ig Juwlyu keh kabayntiwa gikak Pol. Ig isaksig danuhpa gitkis gikagmadavu ayge adahan igkis hiyak gikak. Igme hiyapni hene, ig pes ayteke.
4Pisenwa ig diyuhe gumadgat nawiy, usuh tarekwe akiw. Ayteke mayg aytniva utivut. Nikwe usuh mpiye aharavrikuw ini kewgihri Xipremnaw ku kiney aynesa mayg.
5Ayteke usuh manuke parahwokwa. Usuh mpiye Silisiyamnaw. Ayteke usuh mpiye Panfiliyamnaw. Metakwa usuh danuh avitit paytwempu Miha ayge Lisyamnaw. Ayge usuh wagehe gumadgatak nawiy.
6Ayteke ig Juwlyu ute nawenyewa nawiy ayge. Nor nawiy aytontak paytwemputak Alexandriya. Eg ahegbet adahan eg tivikwiye avitit Italiyamnaw ku kiney Sezar misakwa. Ig hiyapni hene, ig kataptase usuh gumadgat.
7Usuh tarekwe, usuh wew kibeye adahan kibite hawkri. Usuh mpiksew ka aynsima adahan usuh danuh arimkat paytwempu Sinidu heneme ka ik. Mayg mpithe usuh wew amuniw ini awadan. Nikwe usuh mpiye aharavrikuw ini kewgihri Kiretamnaw ku kiney aynesa mayg. Ayge usuh mpiye Sawmuna akig.
8Usuh wew ihapkewmin waxri. Usuh battukew he usuh danuh uyakrit ku kiney kewye “Kibeyne Uyakri”. Ini uyakri kennesa amun paytwempu Laseya. Usuh danuh atere, usuh misekwe ayge.
Pol hikekwa mpithigkis adahan igkis ka kawerihwa akiw
9Usuh misekwehwe ayge, ahawkanavrik danuh adahan mayg ka ahawnasima mmanawa kuwis mpiye ini fet kewye “Fet Adahan Wixwiy Barewvithewne”. Ku usuh tarekwenek ayteke usuh abet miyakanek. Ik adahan usuh buwise. Ig Pol hiyapni hene, ig awna gitkis hiyeg amadgayavu nawiy. Giwn:
10— Kiyavwiyegben, ku wixwiy tiviknek aytakihan, wixwiy hiyap ka aynsima mbeynenek. Nawenetke nawiy buwisenek, iyakapti biyukenek, wixwiywa ik adahan biyukenek hawata. Uyay kote tivikte.
11Heneme ig Juwlyu ka ihpa inakni giwn. Ig ivegte givitit huwitawtya hawagivitit nawiy akivara. Igkisme tivikere.
12Ayteke nikwe kaba madikte neras amadgayavu nawiy igkis awna:
— Uyay tivik. Inin uyakri ka kabay ay adahan nawiy. Ka ik adahan wixwiy misakwa ay wahepnene mwokwekri mpiya. Uyay tivik aytaki. Uyay battukaw tivik arimkanit ini uyakri kewye Fenise. Fenise avitnewa inwata kewgihri Kiretamnaw. Inere kibeyne uyakri. Aynesa mayg ayge. Uyay mpiyasa mwokwekri ayge.
13Ayteke mayg uvuvuke tiwriktak. In kibeyne mayg adahan wewkisne nawiy. Igkis hiyapni hene, igkis givewkankis ikkam adahan usuh danuh atere Fenise. Ayteke nikwe igkis kahmine uyokman. Usuh tivik ihapkewmin ini kewgihri Kiretamnaw.
Nawiy padekwika gavit mayg
14Pahaye adahan mayg ute usuh. Kihawniye mayg. In aytniva kewgihritak.
15Ini mayg ute usuh. Usuh ka hiya usuhma wew nitivut. Usuh mpiksew nitivut. Ka ik. Nikwe usuh isakse nawiy adahan eg tivik henen abet mayg.
16Ayteke nikwe ini mayg padeke usuh aharavrikute paha kewgihri nopsesa kewye Kawdamnaw. Ayge mayg mpithaka aynesa. Nor nawiy eg kehe pahamku umuh guhavu butte. Usuh mpiksew kataptase umuh gumadgat nawiy.
17Pisenwa akatapteni, neras amadgayavu nawiy igkis wanakvite unawya akak nopsad kuwawta kahadbe givewkankis eg ka bak. Igkis avise sigihwe amadga abidbini kennesa ihapkewmin Libyamnaw. Ayteke nikwe igkis muhukse wer. Igkis isakse nawiy adahan eg padekwika avit mayg.
18Usuh tivike tivike. Mayg ka mpiya. Hewke akiw neras amadgayavu nawiy igkis padeke abusku iyakapti ahakwat un kahadbe nawiy ka buwisa.
19Hewke akiw igkis padeke nawiy arewkanbet ahakwat un.
20Ayteke adahan kibite hawkri usuh ka hiya kamuw. Ine usuh kawnata hiya warukma. Inme mayg kamayghewnene ka ahawnasima. Metakwa usuh biyukse madikte wawaygi. Usuh awna:
— Mmah wixwiy keh kuri? Kuri wixwiy pisenwa uhawkanwiy kuri.
Pol ikene gawaygikis hiyeg amadga nawiy
21Ayge nikwe usuh ka ax adahan kibite hawkri. Ig Pol hiyapni hene, ig kannikew ig tabire gitivutkis hiyeg. Ig awna gitkis:
— Awaykemni, mmahki yis ka ihpa nuwnuh amakohnokwa aynte Kiretamnaw adahan wixwiy ka pes ayteke? Yisme ka ihpa inakni nuwnuh. Wake yis ihevyebe inakni nuwnuh, wixwiy ka hiyapkam inin mbeyne.
22Ka sam. Ka ba yi barukinema. Wixwiy yuma pahavwinema biyuknenek. Nawiynenwa biyuknek.
23 Nah awna inakni mmanawa nuwohkiga nukivara amnihwiy. Amaka tiyegem ig awahkis pahavwi ahj numinuh. Igme ahj danuh nutuh ig awna nutuh:
24“Pol, ka muwaka avis. Pis ka miya. Amawka ku pis akki Kiyavwiye Uhokri ginetni aynte givetunat kiyavwiye Sezar. Neras pihaptiyevwi kawnata miya. Kiyavwiye Uhokri timep piviryepkawni gidahankis. Ig avuriw madiktenek.” Henewatbaki ig ahj awna nutuh.
25Ka ba yi barukinama nikwe. Nah kamaxwene givitit Kiyavwiye Uhokri. In kahayaknek wotwiy ku samah ig kuwis akki nutuh.
26Henneme wixwiy sigihwe avitit paha kewgihrinek.
Nawiy akaptena gihiyegavu bisikwiye
27Ayteke ariwnteke ini usuh padekwika avit mayg akiw. Usuh kuwis padekwika parahwokwa adahan pina paka kuwis. Ayge nikwe pakwa mitipka neras nawiy akaptena gihiyegavu igkis givewkankis usuh kennesa udawnhan avitit paha waxri.
28Nikwe igkis iwe pahat kuwawta akak sivari ay akigsa, igkis tubohkiswin unihkwat adahan igkis hiyepnes un amihni. Igkis ute amihni pina madikwa (20) iwanti. Ayteke eg nawiy wew aynesa akiw. Igkis tubohkise ini kuwawta akiw. Igkis ute un amihni madikawku iwanti akak pohowku arawna (15).
29Igkis hiyapni hene, igkis avisasew. Igkis awna:
— Kuri nawiy biwhe avitit tip. Uyay muhuksa nawiy ayokman.
Igkis muhukse paxkamku nawiy ayokman abugiktak. Ayteke igkis piriyepkew gitkis giwohkigakis adahan ahewkepka danuh kibehtenwa.
30Igkis givewkankis bisikwiye amadgatak nawiy. Ayge nikwe igkis sarayhe nor umuh ahakwat un. Heneme igkis awna:
— Usuh muwaka muhukisa nawiy ayokman nawenyewa akiw ay akigtak.
Bawa igkis tivikwiyes gumadga umuh. Kameki igkis akkime wotuh.
31Heneme ig Pol awna git Juwlyu gikakkis gisuwtatavu. Giwn:
— Ku neras awaykemni ka misakwanek ay amadga nawiy, nikwe yis madikte biyukenek.
32Igkis suwtat timapni hene, igkis bukihe nor umuh akar. Egme umuh bohpika.
Pol keh hiyeg ax
33Kabeyweke ig Pol awna gitkis madikte hiyeg:
— Uyay ax, kamax unaktinwiy. Wixwiy kuwis mpiyasa pina paka ay abet mbeyne. Wixwiy kote axte.
34Amawka wixwiy ax adahan wixwiy iwene udatniwiy mmanawa wixwiy ka miya. Wixwiy danuh pahavwitenek. Usemnuwiywa ka matisnek.
35Ig awna inakni hene, ig iwe aynesa bugut ig kiye Kiyavwiye Uhokri giwtrikneswa madikte hiyeg. Ayteke ig kavusa ax.
36Igkis hiyeg hiyapni hene, igkis kibokehwe madikte. Igkis hawata ax.
37Usuh pina madikawku madikwa ukebi akak ntewnehker madikwa akak puguhkuna arawna (276) akiw ayge gumadga nawiy.
38Madikte hiyeg axe kabiha. Pisenwa gaxnikis igkis padeke iyakapti asemne akak fahhin asemne unihkwat kahadbe eg nawiy timis.
Nawiy sigihwa
39Pesante kamuw neras nawiy akivara gihiyegavu igkis iveg tahan paha waxri heneme igkis ka hiyakni. Igkis hiyap paha avukrik ayge akak kahibo. Ayge nikwe igkis awna:
— Uyay makarasa nawiy atere.
40Igkis bukihe nawiy ayokman akar. Igkis ikise ayokman ahakwa un. Nikwenewa igkis wateke kuwawta aminatak ini puwayt ku pariye huwithene nawiy. Ayteke igkis ehe avukwak aynte gukigsa nawiy adahan mayg pasuh nawiy pitatkigit, han waxrit.
41Heneme pahaye adahan eg nawiy sigihwe amadga amakani. Nawiy gukig sigihwe ayge, ka ik adahan eg pes. Inme abur kavusa bekbetepka avit paraw.
42Neras suwtat hiyapni hene, igkis awna:
— Uyay umahave madikte kamaxkarempu. Ku igkis danuhe waxritnek, igkis bisikenek.
43Igme Juwlyu ka muwaka umah Pol. Nikwe ig awna gitkis gisuwtatavu:
— Kawk. Ka muwaka umahgikis.
Ayteke ig awna gitkis madikte hiyeg:
— Yis ku pariye kannunene tarara yiskit watiswa ahakwat un. Tararanay tahan ihapkat waxrit.
44Yisme ku pariye ka kannu, yis makeke gihavukis butte amadga parak, amadga abuskubdi nawiy.
Usuh ihe giwn. Hene usuh madikte danuh waxrit kabayntiwa.
Currently Selected:
Attus 27: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Attus 27
27
Pol tivikwiye gimkanit Sezar amadgew nawiy
1Ayteke ariwnteke ini ahawkanavrik danuh adahan igkis awahkiswiye Pol gimkanit Sezar tahan avitit Italiyamnaw. Ayge nikwe ig avuriwkiswika git pahavwi suwtat gikivarakis kewye Juwlyu. Ig Juwlyu gaytakis neras pahabunene suwtat kewye “Ukivarawiy Sezar Gisuwtatavu”. Igme Pol avuriwkiswika git Juwlyu payak gikakkis nawenyevwi kamaxkarempu. Nah Luwkas nah hiyapni hene, nah tivik gihapti Pol.
2Pahavwi masedôniyene kewye Aristarku ig hawata tivik uhapti. Ig ariwntak paytwempu Tesalônika. Ayteke nikwe usuh katapte amadgat pahamku nawiy ku pariye danuh aytontak paytwemputak Adramitiyu. Nor nawiy ahegbet adahan tivikwiye avitit paytwempu muwapuw Asiyamnaw. Usuh katapte atere, usuh tarekwe.
3Hewke usuh danuh avitit paytwempu Sidoh. Ayge ig Juwlyu keh kabayntiwa gikak Pol. Ig isaksig danuhpa gitkis gikagmadavu ayge adahan igkis hiyak gikak. Igme hiyapni hene, ig pes ayteke.
4Pisenwa ig diyuhe gumadgat nawiy, usuh tarekwe akiw. Ayteke mayg aytniva utivut. Nikwe usuh mpiye aharavrikuw ini kewgihri Xipremnaw ku kiney aynesa mayg.
5Ayteke usuh manuke parahwokwa. Usuh mpiye Silisiyamnaw. Ayteke usuh mpiye Panfiliyamnaw. Metakwa usuh danuh avitit paytwempu Miha ayge Lisyamnaw. Ayge usuh wagehe gumadgatak nawiy.
6Ayteke ig Juwlyu ute nawenyewa nawiy ayge. Nor nawiy aytontak paytwemputak Alexandriya. Eg ahegbet adahan eg tivikwiye avitit Italiyamnaw ku kiney Sezar misakwa. Ig hiyapni hene, ig kataptase usuh gumadgat.
7Usuh tarekwe, usuh wew kibeye adahan kibite hawkri. Usuh mpiksew ka aynsima adahan usuh danuh arimkat paytwempu Sinidu heneme ka ik. Mayg mpithe usuh wew amuniw ini awadan. Nikwe usuh mpiye aharavrikuw ini kewgihri Kiretamnaw ku kiney aynesa mayg. Ayge usuh mpiye Sawmuna akig.
8Usuh wew ihapkewmin waxri. Usuh battukew he usuh danuh uyakrit ku kiney kewye “Kibeyne Uyakri”. Ini uyakri kennesa amun paytwempu Laseya. Usuh danuh atere, usuh misekwe ayge.
Pol hikekwa mpithigkis adahan igkis ka kawerihwa akiw
9Usuh misekwehwe ayge, ahawkanavrik danuh adahan mayg ka ahawnasima mmanawa kuwis mpiye ini fet kewye “Fet Adahan Wixwiy Barewvithewne”. Ku usuh tarekwenek ayteke usuh abet miyakanek. Ik adahan usuh buwise. Ig Pol hiyapni hene, ig awna gitkis hiyeg amadgayavu nawiy. Giwn:
10— Kiyavwiyegben, ku wixwiy tiviknek aytakihan, wixwiy hiyap ka aynsima mbeynenek. Nawenetke nawiy buwisenek, iyakapti biyukenek, wixwiywa ik adahan biyukenek hawata. Uyay kote tivikte.
11Heneme ig Juwlyu ka ihpa inakni giwn. Ig ivegte givitit huwitawtya hawagivitit nawiy akivara. Igkisme tivikere.
12Ayteke nikwe kaba madikte neras amadgayavu nawiy igkis awna:
— Uyay tivik. Inin uyakri ka kabay ay adahan nawiy. Ka ik adahan wixwiy misakwa ay wahepnene mwokwekri mpiya. Uyay tivik aytaki. Uyay battukaw tivik arimkanit ini uyakri kewye Fenise. Fenise avitnewa inwata kewgihri Kiretamnaw. Inere kibeyne uyakri. Aynesa mayg ayge. Uyay mpiyasa mwokwekri ayge.
13Ayteke mayg uvuvuke tiwriktak. In kibeyne mayg adahan wewkisne nawiy. Igkis hiyapni hene, igkis givewkankis ikkam adahan usuh danuh atere Fenise. Ayteke nikwe igkis kahmine uyokman. Usuh tivik ihapkewmin ini kewgihri Kiretamnaw.
Nawiy padekwika gavit mayg
14Pahaye adahan mayg ute usuh. Kihawniye mayg. In aytniva kewgihritak.
15Ini mayg ute usuh. Usuh ka hiya usuhma wew nitivut. Usuh mpiksew nitivut. Ka ik. Nikwe usuh isakse nawiy adahan eg tivik henen abet mayg.
16Ayteke nikwe ini mayg padeke usuh aharavrikute paha kewgihri nopsesa kewye Kawdamnaw. Ayge mayg mpithaka aynesa. Nor nawiy eg kehe pahamku umuh guhavu butte. Usuh mpiksew kataptase umuh gumadgat nawiy.
17Pisenwa akatapteni, neras amadgayavu nawiy igkis wanakvite unawya akak nopsad kuwawta kahadbe givewkankis eg ka bak. Igkis avise sigihwe amadga abidbini kennesa ihapkewmin Libyamnaw. Ayteke nikwe igkis muhukse wer. Igkis isakse nawiy adahan eg padekwika avit mayg.
18Usuh tivike tivike. Mayg ka mpiya. Hewke akiw neras amadgayavu nawiy igkis padeke abusku iyakapti ahakwat un kahadbe nawiy ka buwisa.
19Hewke akiw igkis padeke nawiy arewkanbet ahakwat un.
20Ayteke adahan kibite hawkri usuh ka hiya kamuw. Ine usuh kawnata hiya warukma. Inme mayg kamayghewnene ka ahawnasima. Metakwa usuh biyukse madikte wawaygi. Usuh awna:
— Mmah wixwiy keh kuri? Kuri wixwiy pisenwa uhawkanwiy kuri.
Pol ikene gawaygikis hiyeg amadga nawiy
21Ayge nikwe usuh ka ax adahan kibite hawkri. Ig Pol hiyapni hene, ig kannikew ig tabire gitivutkis hiyeg. Ig awna gitkis:
— Awaykemni, mmahki yis ka ihpa nuwnuh amakohnokwa aynte Kiretamnaw adahan wixwiy ka pes ayteke? Yisme ka ihpa inakni nuwnuh. Wake yis ihevyebe inakni nuwnuh, wixwiy ka hiyapkam inin mbeyne.
22Ka sam. Ka ba yi barukinema. Wixwiy yuma pahavwinema biyuknenek. Nawiynenwa biyuknek.
23 Nah awna inakni mmanawa nuwohkiga nukivara amnihwiy. Amaka tiyegem ig awahkis pahavwi ahj numinuh. Igme ahj danuh nutuh ig awna nutuh:
24“Pol, ka muwaka avis. Pis ka miya. Amawka ku pis akki Kiyavwiye Uhokri ginetni aynte givetunat kiyavwiye Sezar. Neras pihaptiyevwi kawnata miya. Kiyavwiye Uhokri timep piviryepkawni gidahankis. Ig avuriw madiktenek.” Henewatbaki ig ahj awna nutuh.
25Ka ba yi barukinama nikwe. Nah kamaxwene givitit Kiyavwiye Uhokri. In kahayaknek wotwiy ku samah ig kuwis akki nutuh.
26Henneme wixwiy sigihwe avitit paha kewgihrinek.
Nawiy akaptena gihiyegavu bisikwiye
27Ayteke ariwnteke ini usuh padekwika avit mayg akiw. Usuh kuwis padekwika parahwokwa adahan pina paka kuwis. Ayge nikwe pakwa mitipka neras nawiy akaptena gihiyegavu igkis givewkankis usuh kennesa udawnhan avitit paha waxri.
28Nikwe igkis iwe pahat kuwawta akak sivari ay akigsa, igkis tubohkiswin unihkwat adahan igkis hiyepnes un amihni. Igkis ute amihni pina madikwa (20) iwanti. Ayteke eg nawiy wew aynesa akiw. Igkis tubohkise ini kuwawta akiw. Igkis ute un amihni madikawku iwanti akak pohowku arawna (15).
29Igkis hiyapni hene, igkis avisasew. Igkis awna:
— Kuri nawiy biwhe avitit tip. Uyay muhuksa nawiy ayokman.
Igkis muhukse paxkamku nawiy ayokman abugiktak. Ayteke igkis piriyepkew gitkis giwohkigakis adahan ahewkepka danuh kibehtenwa.
30Igkis givewkankis bisikwiye amadgatak nawiy. Ayge nikwe igkis sarayhe nor umuh ahakwat un. Heneme igkis awna:
— Usuh muwaka muhukisa nawiy ayokman nawenyewa akiw ay akigtak.
Bawa igkis tivikwiyes gumadga umuh. Kameki igkis akkime wotuh.
31Heneme ig Pol awna git Juwlyu gikakkis gisuwtatavu. Giwn:
— Ku neras awaykemni ka misakwanek ay amadga nawiy, nikwe yis madikte biyukenek.
32Igkis suwtat timapni hene, igkis bukihe nor umuh akar. Egme umuh bohpika.
Pol keh hiyeg ax
33Kabeyweke ig Pol awna gitkis madikte hiyeg:
— Uyay ax, kamax unaktinwiy. Wixwiy kuwis mpiyasa pina paka ay abet mbeyne. Wixwiy kote axte.
34Amawka wixwiy ax adahan wixwiy iwene udatniwiy mmanawa wixwiy ka miya. Wixwiy danuh pahavwitenek. Usemnuwiywa ka matisnek.
35Ig awna inakni hene, ig iwe aynesa bugut ig kiye Kiyavwiye Uhokri giwtrikneswa madikte hiyeg. Ayteke ig kavusa ax.
36Igkis hiyeg hiyapni hene, igkis kibokehwe madikte. Igkis hawata ax.
37Usuh pina madikawku madikwa ukebi akak ntewnehker madikwa akak puguhkuna arawna (276) akiw ayge gumadga nawiy.
38Madikte hiyeg axe kabiha. Pisenwa gaxnikis igkis padeke iyakapti asemne akak fahhin asemne unihkwat kahadbe eg nawiy timis.
Nawiy sigihwa
39Pesante kamuw neras nawiy akivara gihiyegavu igkis iveg tahan paha waxri heneme igkis ka hiyakni. Igkis hiyap paha avukrik ayge akak kahibo. Ayge nikwe igkis awna:
— Uyay makarasa nawiy atere.
40Igkis bukihe nawiy ayokman akar. Igkis ikise ayokman ahakwa un. Nikwenewa igkis wateke kuwawta aminatak ini puwayt ku pariye huwithene nawiy. Ayteke igkis ehe avukwak aynte gukigsa nawiy adahan mayg pasuh nawiy pitatkigit, han waxrit.
41Heneme pahaye adahan eg nawiy sigihwe amadga amakani. Nawiy gukig sigihwe ayge, ka ik adahan eg pes. Inme abur kavusa bekbetepka avit paraw.
42Neras suwtat hiyapni hene, igkis awna:
— Uyay umahave madikte kamaxkarempu. Ku igkis danuhe waxritnek, igkis bisikenek.
43Igme Juwlyu ka muwaka umah Pol. Nikwe ig awna gitkis gisuwtatavu:
— Kawk. Ka muwaka umahgikis.
Ayteke ig awna gitkis madikte hiyeg:
— Yis ku pariye kannunene tarara yiskit watiswa ahakwat un. Tararanay tahan ihapkat waxrit.
44Yisme ku pariye ka kannu, yis makeke gihavukis butte amadga parak, amadga abuskubdi nawiy.
Usuh ihe giwn. Hene usuh madikte danuh waxrit kabayntiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.