Attus 22
22
Pol akki ku samah ig wages gihiyekemni
At 9.3, 26.13
1— Nukebyuvwi, ataybiswanay numkat adahan nah ekkevye yit ku nah ka keh mbayka.
2Igkis hiyeg timapni hene ku samah ig awna giwnavrikkis igkis tinwohawte akiw. Igme Pol awnenene:
3— Nahwata judeyene, nah amadga wayk avit paytwempu Tarsu avit Silisiyamnaw. Heneme nah aymuhwa ay avit Jerusalém. Avim ini ner Gamaliyew igi nukannuhten. Ig kannuhun kabayntiwa amin madikte amekenegben gihiyekemnikis. Nah ikewnewata git Kiyavwiye Uhokri kewa yisbe ay ku avim inin.
4Avim ini nah hiyapkise mbeyne gitkis neras ku pariye kamaxwenevwi givitit Kiyavwiye Jesus. Nah giwmeptenkis. Nah kamaxne awaykemni payegbitak gukakkis tinogben adahan nah guvedkeptenkis arikut parakseket.
5Henewatbaki nah keh. Muwvegviyene gikivarakis hiyak ku inakni nuwnuh inyewa. Hawata madikte ukivarawiy hiyakni. Igkiswa awahkis kagta nuwakuh giminkis ukebyuvwiy judeyenevwi aynte paytwempu Damasku adahan igkis mayuw nutuh. Ayteke nah atere adahan kamaxne Jesus gihiyegavu aygnenevwi, adahan nah giwaxwetnikis wanamnave atan Jerusalém adahan nah bukihpiye gitaraksankis giwkis.
6Puwipka abet nah avigku ahin nah kennesmin nudawnhan avitit Damasku. Pahaye adahan kabutniki inuriktak uguhpen.
7Nah tuguhe waygborit. Ayge nah timap pahat ikuvimnat awna nutuh. In awna: “Sawlu, Sawlu. Mmahki pis hiyapkisne mbeyne nutuh?”
8Nahme kaytwa giwn: “Pariyekap, Kiyavwiye?” Giwn: “Nah Jesus Nazaréyene ku pariye pis hiyapkisne mbeyne nutuh.”
9Igkisme nuhaptiyevwi hiyap ini kabutniki heneme igkis ka pukuha giwn ner ku pariye awnene nukakuh.
10Ayteke nah ayavgi: “Kiyavwiye, pariye pimawkan nutuh?” Igme Kiyavwiye Jesus kaytwa nuwnuh: “Kannikaw. Su tivik avitit Damasku. Ayge akkaka pitnek madikte ku pariye Kiyavwiye Uhokri gikehkisni pit.”
11Ini kabutniki keh nah motpi. Nuhaptiyevwi hiyapni hene, igkis kamaxe nuwanmin igkis itukevun avitit Damasku.
12Avim ini pahavwi awayg misakwa ayge kewye Ananiyas. Ig kiyathene Kiyavwiye Uhokri. Ig ihpene amekene Moís gikumadukan. Ig kiyathaka gavitkis madikte judeyenevwi ku pariye misekwenevwi ayge Damasku.
13Ig Ananiyas aytwe iwasevun. Ig danukwe nuhumwat, ig awna nutuh: “Nukebyi Sawlu, kuri pis hiyap akiw.” Aynewa nah hiyap akiw. Nah iveg gimkat.
14Igme awna nutuh: “Ig Kiyavwiye Uhokri ku pariye uhawkriwiy giwohkigakis, ig kaniyvep adahan pis hiyak ku pariye gibetki. Ig kaniyvi adahan pis hiyap gikamkayh ku pariye waditye. Ig kaniyvi adahan pis timap ig awna.
15Mmanawa pis humaw inetitkekne gidahan Kiyavwiye Jesus gitkis madikte hiyegnek. Pis ekkene gitkisnek ku pariye pihiyvan akakwa piwtyak. Pis ekkene gitkis ku pariye pitimpan akakwa pitaybi.
16Kuri, pariye piwhpan akiw? Kannikawnaba. Kewvinaba. Amnihswanaba git Jesus Cristo adahan ig sagahpte pivathawni abetitak pihiyekemni.”
17 Nah timapni hene, nah ihe giwn. Ayteke pisenwa nah diyuhe atan Jerusalém. Nah danuh atan, ku samah nah piriyepkewnete ayge ariku Kiyavwiye Uhokri Givin, 18nah hiyap Kiyavwiye Jesus nuwtyakveynen. Ig awna nutuh: “Su pese kibehtenwa aytaki avititak Jerusalém mmanawa hiyeg ay ka ihpa piwnek ku pariye pis kinetihwa numinuhnek.”
19Nahme kaytwa giwn: “Kiyavwiye, nuvewkan igkis ihpa nuwnuhnek awaku ku samah nah kuwis wagese nuhiyekemni ka aynsima. Igkis hiyak kabayntiwa ku samah nah minikwak nuhiyekemni. Avim ini minikwak nah iwasa madikte leglis adahan ivegvene neras ku pariye kamaxwenevwi pivitit. Ku aysaw nah utivgikis nah kamaxwigkis. Nah biptasevgikis.
20Nah ayge ku aysaw igkis giwmepten amekene Estevawh ku samah ig ekkene piwn. Nah tuguhkise nuhiyekemni hehpekuye gikakkis neras ku pariye umehpig. He nah avuriw gidagmanvitkis ku samah igkis giwmepten.”
21Igme Kiyavwiye Jesus ka aminama ariw inakni nuwnuh. Ig awna nutuh: “Su atak. Nahwa awahkispi tahan gitkis hiyeg ku pariye kane judeyenevwima.”
Judeyenevwi Dagawne git Pol
22Igkis hiyeg timapni inakni iwit hene, igkis ka timepkere giwn akiw. Igkis kavusa kabiman akak madikte gihawnakis. Igkis awna:
— Pugamawka ig umehpika. Ka kis adahan ig misakwa ay amadga wayk akiw.
23Ayge igkis kabimanenes kihaw. Igkis wiwhbeta gisimsakis. Igkis padak wayk abet mayg. Igkis ka aynsima dagawne.
Suwtat watakmina Pol
24Ig suwtat gikivarakis hiyapni hene, ig waxwase Pol arikut suwtat givinkis. Ig awna gitkis gisuwtatavu:
— Su yi biwh ner awayg adahan ig akki wot ku kavatra neras judeyenevwi kabiman hene.
25Igkis suwtat timapni hene, igkis wanakminevgi adahan gibiwhten. Pahavwi ikivarat adahan madikawku madikwa (100) suwtat tabir ayge adahan gavuriwtenkis. Ig Pol hiyapni hene, ig awna git:
— Mmah yikivara isaksay adahan yis biwh hiyeg ku pariye romanyene yuma kavatrene? Nah hiyeg judeyene heneme nah hawata nah romanyene.
26Ig ner ikivarat timapni hene, ig tivik wade git gikivara. Ig awna git:
— Hiyapnaba ku pariye ini pikehni ku avim inin. Ner awayg ig romanyene.
27Igme suwtat gikivarakis atere git Pol. Ig awna git:
— Akki nutuh. Mmah pis romanyene?
Igme kaytwa giwn:
— Ihi, nah romanyene.
28Ig suwtat gikivarakis awna:
— Nah katiwnih ka aynsima karukri kahadbe nah wageswa romanyene.
Igme Pol awna:
— Nahme amadga wayk kuwis romanyene.
29Aynewa neras suwtat ku pariye ahegbetnene gibiptepten, igkis timapni hene, igkis ayguhwe giw kibehtenwa. Ku samah ner suwtat gikivarakis ig hiyak ku ig romanyene, ig hawata ig avisasew mmanawa ig wanakminase pahavwi romanyene adahan gibiptasepten.
30Ig awna:
— Kavatra neras judeyenevwi kamiye ner awayg?
Nikwe hewke akiw ig watakise xen giwanmintak. Ig wasavanew giminkis neras muwveg kiyatyevwi adahan igkis keh givahdukawnikis gikakkis madikte judeyenevwi gikivarakis. Igkis pahadguvunene, nikwe ig waxwase Pol givetunatkis.
Currently Selected:
Attus 22: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Attus 22
22
Pol akki ku samah ig wages gihiyekemni
At 9.3, 26.13
1— Nukebyuvwi, ataybiswanay numkat adahan nah ekkevye yit ku nah ka keh mbayka.
2Igkis hiyeg timapni hene ku samah ig awna giwnavrikkis igkis tinwohawte akiw. Igme Pol awnenene:
3— Nahwata judeyene, nah amadga wayk avit paytwempu Tarsu avit Silisiyamnaw. Heneme nah aymuhwa ay avit Jerusalém. Avim ini ner Gamaliyew igi nukannuhten. Ig kannuhun kabayntiwa amin madikte amekenegben gihiyekemnikis. Nah ikewnewata git Kiyavwiye Uhokri kewa yisbe ay ku avim inin.
4Avim ini nah hiyapkise mbeyne gitkis neras ku pariye kamaxwenevwi givitit Kiyavwiye Jesus. Nah giwmeptenkis. Nah kamaxne awaykemni payegbitak gukakkis tinogben adahan nah guvedkeptenkis arikut parakseket.
5Henewatbaki nah keh. Muwvegviyene gikivarakis hiyak ku inakni nuwnuh inyewa. Hawata madikte ukivarawiy hiyakni. Igkiswa awahkis kagta nuwakuh giminkis ukebyuvwiy judeyenevwi aynte paytwempu Damasku adahan igkis mayuw nutuh. Ayteke nah atere adahan kamaxne Jesus gihiyegavu aygnenevwi, adahan nah giwaxwetnikis wanamnave atan Jerusalém adahan nah bukihpiye gitaraksankis giwkis.
6Puwipka abet nah avigku ahin nah kennesmin nudawnhan avitit Damasku. Pahaye adahan kabutniki inuriktak uguhpen.
7Nah tuguhe waygborit. Ayge nah timap pahat ikuvimnat awna nutuh. In awna: “Sawlu, Sawlu. Mmahki pis hiyapkisne mbeyne nutuh?”
8Nahme kaytwa giwn: “Pariyekap, Kiyavwiye?” Giwn: “Nah Jesus Nazaréyene ku pariye pis hiyapkisne mbeyne nutuh.”
9Igkisme nuhaptiyevwi hiyap ini kabutniki heneme igkis ka pukuha giwn ner ku pariye awnene nukakuh.
10Ayteke nah ayavgi: “Kiyavwiye, pariye pimawkan nutuh?” Igme Kiyavwiye Jesus kaytwa nuwnuh: “Kannikaw. Su tivik avitit Damasku. Ayge akkaka pitnek madikte ku pariye Kiyavwiye Uhokri gikehkisni pit.”
11Ini kabutniki keh nah motpi. Nuhaptiyevwi hiyapni hene, igkis kamaxe nuwanmin igkis itukevun avitit Damasku.
12Avim ini pahavwi awayg misakwa ayge kewye Ananiyas. Ig kiyathene Kiyavwiye Uhokri. Ig ihpene amekene Moís gikumadukan. Ig kiyathaka gavitkis madikte judeyenevwi ku pariye misekwenevwi ayge Damasku.
13Ig Ananiyas aytwe iwasevun. Ig danukwe nuhumwat, ig awna nutuh: “Nukebyi Sawlu, kuri pis hiyap akiw.” Aynewa nah hiyap akiw. Nah iveg gimkat.
14Igme awna nutuh: “Ig Kiyavwiye Uhokri ku pariye uhawkriwiy giwohkigakis, ig kaniyvep adahan pis hiyak ku pariye gibetki. Ig kaniyvi adahan pis hiyap gikamkayh ku pariye waditye. Ig kaniyvi adahan pis timap ig awna.
15Mmanawa pis humaw inetitkekne gidahan Kiyavwiye Jesus gitkis madikte hiyegnek. Pis ekkene gitkisnek ku pariye pihiyvan akakwa piwtyak. Pis ekkene gitkis ku pariye pitimpan akakwa pitaybi.
16Kuri, pariye piwhpan akiw? Kannikawnaba. Kewvinaba. Amnihswanaba git Jesus Cristo adahan ig sagahpte pivathawni abetitak pihiyekemni.”
17 Nah timapni hene, nah ihe giwn. Ayteke pisenwa nah diyuhe atan Jerusalém. Nah danuh atan, ku samah nah piriyepkewnete ayge ariku Kiyavwiye Uhokri Givin, 18nah hiyap Kiyavwiye Jesus nuwtyakveynen. Ig awna nutuh: “Su pese kibehtenwa aytaki avititak Jerusalém mmanawa hiyeg ay ka ihpa piwnek ku pariye pis kinetihwa numinuhnek.”
19Nahme kaytwa giwn: “Kiyavwiye, nuvewkan igkis ihpa nuwnuhnek awaku ku samah nah kuwis wagese nuhiyekemni ka aynsima. Igkis hiyak kabayntiwa ku samah nah minikwak nuhiyekemni. Avim ini minikwak nah iwasa madikte leglis adahan ivegvene neras ku pariye kamaxwenevwi pivitit. Ku aysaw nah utivgikis nah kamaxwigkis. Nah biptasevgikis.
20Nah ayge ku aysaw igkis giwmepten amekene Estevawh ku samah ig ekkene piwn. Nah tuguhkise nuhiyekemni hehpekuye gikakkis neras ku pariye umehpig. He nah avuriw gidagmanvitkis ku samah igkis giwmepten.”
21Igme Kiyavwiye Jesus ka aminama ariw inakni nuwnuh. Ig awna nutuh: “Su atak. Nahwa awahkispi tahan gitkis hiyeg ku pariye kane judeyenevwima.”
Judeyenevwi Dagawne git Pol
22Igkis hiyeg timapni inakni iwit hene, igkis ka timepkere giwn akiw. Igkis kavusa kabiman akak madikte gihawnakis. Igkis awna:
— Pugamawka ig umehpika. Ka kis adahan ig misakwa ay amadga wayk akiw.
23Ayge igkis kabimanenes kihaw. Igkis wiwhbeta gisimsakis. Igkis padak wayk abet mayg. Igkis ka aynsima dagawne.
Suwtat watakmina Pol
24Ig suwtat gikivarakis hiyapni hene, ig waxwase Pol arikut suwtat givinkis. Ig awna gitkis gisuwtatavu:
— Su yi biwh ner awayg adahan ig akki wot ku kavatra neras judeyenevwi kabiman hene.
25Igkis suwtat timapni hene, igkis wanakminevgi adahan gibiwhten. Pahavwi ikivarat adahan madikawku madikwa (100) suwtat tabir ayge adahan gavuriwtenkis. Ig Pol hiyapni hene, ig awna git:
— Mmah yikivara isaksay adahan yis biwh hiyeg ku pariye romanyene yuma kavatrene? Nah hiyeg judeyene heneme nah hawata nah romanyene.
26Ig ner ikivarat timapni hene, ig tivik wade git gikivara. Ig awna git:
— Hiyapnaba ku pariye ini pikehni ku avim inin. Ner awayg ig romanyene.
27Igme suwtat gikivarakis atere git Pol. Ig awna git:
— Akki nutuh. Mmah pis romanyene?
Igme kaytwa giwn:
— Ihi, nah romanyene.
28Ig suwtat gikivarakis awna:
— Nah katiwnih ka aynsima karukri kahadbe nah wageswa romanyene.
Igme Pol awna:
— Nahme amadga wayk kuwis romanyene.
29Aynewa neras suwtat ku pariye ahegbetnene gibiptepten, igkis timapni hene, igkis ayguhwe giw kibehtenwa. Ku samah ner suwtat gikivarakis ig hiyak ku ig romanyene, ig hawata ig avisasew mmanawa ig wanakminase pahavwi romanyene adahan gibiptasepten.
30Ig awna:
— Kavatra neras judeyenevwi kamiye ner awayg?
Nikwe hewke akiw ig watakise xen giwanmintak. Ig wasavanew giminkis neras muwveg kiyatyevwi adahan igkis keh givahdukawnikis gikakkis madikte judeyenevwi gikivarakis. Igkis pahadguvunene, nikwe ig waxwase Pol givetunatkis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.