Attus 14
14
Pol kinetihwa gimin Jesus avit Ikôniyu
1Igme Pol gikak Barnabe igkis danuh avitit paytwempu Ikôniyu. Ayge igkis lammesya ariku judeyenevwi gileglisakis. Amun ini igkis kinetihwenes gimin Kiyavwiye Jesus. Ka aynsima hiyeg ayge timapni hene, igkis kamaxwe givitit Kiyavwiye Jesus. Gaytakis hiyeg judeyenevwi gaytakisme hiyeg kane judeyenevwima.
2Heneme neras judeyenevwi ku pariye ka kamaxwa givitit Kiyavwiye Jesus igkis amiyhase neras kamaxwenevwi gitkis paytwempuyenevwi ku pariye kane judeyenevwima. Igkis mbeyhenes gitewkis.
3 Igme Pol gikak Barnabe igkis misekwe ayge adahan ka aynsima hawkri. Avim ini igkis kinetihwenes gidahan Kiyavwiye Jesus akak madikte gawaygikis. Igme Kiyavwiye Uhokri akki ku inakni ginetnikis amin gabay ku in inyewatnene iwit. Mmanawa ig ike gannukis adahan igkis keh annut ku pariye areketni gidatni ku pariye keh hiyeg wakaymni.
4 Neras hiyeg ayge igkis hiyapni hene, igkis pivutnam gihiyekemnikis. Gaytakisme hiyeg patiptak gihiyekemnikis gikakkis neras judeyenevwi. Gaytakisme patiptak gihiyekemnikis gikakkis Kiyavwiye Jesus giwatnivwi.
5Ayteke nikwe neras ku pariye kane judeyenevwima ahegbete ginetnikis gikakkis neras judeyenevwi gikakkis gikivarakis. Igkis ahegbete ginetnikis adahan igkis mahivwihnes Polkis adahan igkis gipadkaseptenkis akak tip.
Pol makniwa pahavwi awayg kidubetwiye gibagwan
6Igme Pol gikak Barnabe igkis time gakkis. Ayteke nikwe igkis bisike temkete Likaôniyamnaw. Igkis danuh atere avitit paytwempu Listra akak Derbi.
7Ayge aranwevi ini waxri igkis ekkenes Kiyavwiye Uhokri ginetni.
8Avim ini ayge Listra pahavwi awayg kidubetwiye gibagwan. Ku samah ig amadgate wayk aytniyewa git gibagwan miyavuvye. Ig misekwe ka wew. Ig bat ayge.
9Ig timepne Pol giwn. Igme Pol iveg gimkat. Ig kateksan avit giyakni ku ig ner awayg ihpene giwn ku ig ik adahan ig makniwepka.
10Ig hiyapni hene, ig awna git akak gihawna ayge. Giwn:
— Kannikaw kuri. Tabira wadit.
Ig awayg timapni hene, aynewa ig kannikew. Ig kavusa wew.
Polkis ikaka ku igkisnewa Uhokri
11Neras paytwempuyenevwi listrayenevwi igkis hiyapni hene ku samah ig Pol makniwe ner awayg, igkis kavusa kabiman. Igkis awna:
— Ig Pol gikak Barnabe igkis piyana uwohkigawiy ku pariye wageswe ke hiyegbe amadgaya inin. Igkis muhuke inuriktak ayta wotwiy.
Igkis awna inakni hene giwnavrikkis. Igme Pol ka pukuhin.
12Igkis ikiy Barnabe ku ig giwohkigakis kewye Juwpiter. Igme Pol igkis ikiygi ku ig giwohkigakis kewye Merkuwriyu. Igkis ikiygi hene awaku ku samah ig ekkene kiyabowkad iwit.
13Igkis paytwempuyenevwi kadahan paha leglis gidahan giwohkigakis kewye Juwpiter. Ini gileglisakis misakwa pitatki paytwempu. Ayteke pahavwi muwveg pes arikutak ini gileglisakis. Ig ewk pak akak ivuriti anumekut paytwempu ahina. Ka aynsima hiyeg ayta gihapti adahan igkis umehnes neras pak ay givetunkis Pol gikak Barnabe adahan gikiythetnikis mmanawa igkis ikiygikis ku igkis giwohkigakis.
14Igkisme Kiyavwiye Jesus giwatnivwi, ig Barnabe gikak Pol igkis hiyapni hene, igkis wakaymni mpinevevye. Igkis sigke gisimsakis adahan arakak giwakemnikis. Ayteke igkis sigise atere gibetitkis neras hiyeg kabubuknene, igkis kabiman gitkis:
15— Awaykemni, mmahkay yis kehne hene? Usuh he hiyegnen amadgaya inin kewa yisbe. Usuh ayta yit ekkene Kiyavwiye Uhokri ginetni adahan yis wages yihiyekemni ariw ini waditnevyenen kahadbe yis wages yihiyekemni git Kiyavwiye Uhokri dehetniye. Ignewa ku pariye keh en, ig keh waxri, ig keh parahwokwa, ig keh madikte ku pariye ay amadga hawkri.
16Minikwak ig isakse madikte yis hiyeg kane judeyenevwima adahan yis wew akak yidahanwa yihiyekemni ke wotbe ig yumahbe aybe.
17Bawa ig ay ukakwiy. Ig iki wotwiy ka aynsima kabayka ku pariye areketni wotwiy ku ig ay ukakwiy. Ignewa iki wotwiy mwok inuriktak. Ignewa iki wotwiy kibeyne amutri kahadbe wixwiy kamana. Ignewa ku pariye keh wixwiy batek. Ignewa uwohkigawiy adahan wixwiy kiyathig.
Henewatbaki ig Pol awna.
18Heneme inakni giwn kabahte ka misakgikis adahan igkis umah neras pak givetunkis adahan gikiythetnikis.
Pol padaktepka akak tip
19Ayteke ariwnteke ini neras judeyenevwi danuh atere ariwntak ini paytwempu ku kitak ig Pol bisike amakohnokwa, ini paytwempu Antiyokiya akak Ikôniyu. Igkis danuh atere, igkis amiyhase Pol gikak Barnabe gitkis neras hiyeg aygnenevwi. Ayteke nikwe igkis madikte padakte Pol akak tip adahan giwmepten. Pisenwa igkis kehpig waygboriw hampa avawyewa ariw ini paytwempu. Igkis givewkankis ku ig ayipa miyap. Ayteke nikwe igkis ikiswig, igkis tivik. Igme Pol harite ayge.
20Danuhantenwa atere Jesus gihiyegavu, ig Pol wadise. Ayteke nikwe ig diyuhe avitit ini paytwempu akiw. Hewke akiw ig tivik gikak Barnabe tahan avitit paytwempu Derbi.
Polkis diyuhe adahan ikene hiyeg gawaygikis
21Ig Pol gikak Barnabe igkis danuh atere, ayge igkis ekkenes Kiyavwiye Uhokri ginetni gidahan Kiyavwiye Jesus. Ka aynsima hiyeg ayge timapni hene, igkis wageswe Jesus gihiyegavu. Ayteke pisenwa gannivwikis ayge, ig Pol gikak Barnabe igkis diyuhe avitit paytwempu Listra, avitit Ikôniyu, avitit Antiyokiya ini ku pariye ayge Pisidiyamnaw.
22Ayge igkis ikenes gawaygikis neras ku pariye kamaxwenevwi givitit Kiyavwiye Jesus. Igkis awna gitkis:
— Misakwanabay akak yikamaxwan givitit Kiyavwiye Jesus. Ka yi muwaka isahkiswa giw abet mbeyne. Akaknewa ini mbeyne wixwiy kawih Uhokri gikumadukan.
Henewatbaki igkis ikenes gawaygikis.
23Ayge avit madikte paytwempu igkis kaniye hiyeg aygnenevwi, adahan igkis giwewkistenkis Jesus gihiyegavu. Pisenwa gikanyankis, igkis piriyepkew gidahankis. Amun ini igkis maxhewnes adahan igkis kiyenes Kiyavwiye Uhokri. Ayteke igkis awna gitkis:
— Kiyavwiye Uhokri avuriwyinek. Kiyavwiye Uhokri ku kavit yis kamaxwa ig ay yikaknek.
24Ayteke ariwnteke ini ig Pol gikak Barnabe igkis tivik avitiw ini waxri kewye Pisidiyamnaw, igkis danuh atere Panfiliyamnaw.
25Ayge igkis ekkenes Kiyavwiye Uhokri giwn avit paytwempu Perji. Ayteke igkis tivik avitit paytwempu Atalya.
26Ayteke igkis tarekwe amadga pahamku nawiy. Igkis diyuhe avitit Antiyokiya ayge Siriyamnaw ku kitak igkis awahkiska minikwak akak Kiyavwiye Uhokri gabay adahan igkis kannivwiyes gidahan Kiyavwiye Uhokri. Pisenwa ini gannivwikis kuwis, igkis diyuhe atere.
27Igkis danuh atere, ayge igkis pahadguhe Jesus gihiyegavu aygnenevwi. Igkis ekkenes gitkis madikte kabayka ku pariye Kiyavwiye Uhokri kehe givitimpikis. Igkis ekkenes gitkis ku samah Kiyavwiye Uhokri woke ahin gidahankis hiyeg ku pariye kane judeyenevwima adahan ignes hawata kamaxwa givitit Kiyavwiye Jesus.
28Ayteke ariwnteke ini igkis misekwe ayge gikakkis neras Jesus gihiyegavu adahan ka aynsima hawkri.
Currently Selected:
Attus 14: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Attus 14
14
Pol kinetihwa gimin Jesus avit Ikôniyu
1Igme Pol gikak Barnabe igkis danuh avitit paytwempu Ikôniyu. Ayge igkis lammesya ariku judeyenevwi gileglisakis. Amun ini igkis kinetihwenes gimin Kiyavwiye Jesus. Ka aynsima hiyeg ayge timapni hene, igkis kamaxwe givitit Kiyavwiye Jesus. Gaytakis hiyeg judeyenevwi gaytakisme hiyeg kane judeyenevwima.
2Heneme neras judeyenevwi ku pariye ka kamaxwa givitit Kiyavwiye Jesus igkis amiyhase neras kamaxwenevwi gitkis paytwempuyenevwi ku pariye kane judeyenevwima. Igkis mbeyhenes gitewkis.
3 Igme Pol gikak Barnabe igkis misekwe ayge adahan ka aynsima hawkri. Avim ini igkis kinetihwenes gidahan Kiyavwiye Jesus akak madikte gawaygikis. Igme Kiyavwiye Uhokri akki ku inakni ginetnikis amin gabay ku in inyewatnene iwit. Mmanawa ig ike gannukis adahan igkis keh annut ku pariye areketni gidatni ku pariye keh hiyeg wakaymni.
4 Neras hiyeg ayge igkis hiyapni hene, igkis pivutnam gihiyekemnikis. Gaytakisme hiyeg patiptak gihiyekemnikis gikakkis neras judeyenevwi. Gaytakisme patiptak gihiyekemnikis gikakkis Kiyavwiye Jesus giwatnivwi.
5Ayteke nikwe neras ku pariye kane judeyenevwima ahegbete ginetnikis gikakkis neras judeyenevwi gikakkis gikivarakis. Igkis ahegbete ginetnikis adahan igkis mahivwihnes Polkis adahan igkis gipadkaseptenkis akak tip.
Pol makniwa pahavwi awayg kidubetwiye gibagwan
6Igme Pol gikak Barnabe igkis time gakkis. Ayteke nikwe igkis bisike temkete Likaôniyamnaw. Igkis danuh atere avitit paytwempu Listra akak Derbi.
7Ayge aranwevi ini waxri igkis ekkenes Kiyavwiye Uhokri ginetni.
8Avim ini ayge Listra pahavwi awayg kidubetwiye gibagwan. Ku samah ig amadgate wayk aytniyewa git gibagwan miyavuvye. Ig misekwe ka wew. Ig bat ayge.
9Ig timepne Pol giwn. Igme Pol iveg gimkat. Ig kateksan avit giyakni ku ig ner awayg ihpene giwn ku ig ik adahan ig makniwepka.
10Ig hiyapni hene, ig awna git akak gihawna ayge. Giwn:
— Kannikaw kuri. Tabira wadit.
Ig awayg timapni hene, aynewa ig kannikew. Ig kavusa wew.
Polkis ikaka ku igkisnewa Uhokri
11Neras paytwempuyenevwi listrayenevwi igkis hiyapni hene ku samah ig Pol makniwe ner awayg, igkis kavusa kabiman. Igkis awna:
— Ig Pol gikak Barnabe igkis piyana uwohkigawiy ku pariye wageswe ke hiyegbe amadgaya inin. Igkis muhuke inuriktak ayta wotwiy.
Igkis awna inakni hene giwnavrikkis. Igme Pol ka pukuhin.
12Igkis ikiy Barnabe ku ig giwohkigakis kewye Juwpiter. Igme Pol igkis ikiygi ku ig giwohkigakis kewye Merkuwriyu. Igkis ikiygi hene awaku ku samah ig ekkene kiyabowkad iwit.
13Igkis paytwempuyenevwi kadahan paha leglis gidahan giwohkigakis kewye Juwpiter. Ini gileglisakis misakwa pitatki paytwempu. Ayteke pahavwi muwveg pes arikutak ini gileglisakis. Ig ewk pak akak ivuriti anumekut paytwempu ahina. Ka aynsima hiyeg ayta gihapti adahan igkis umehnes neras pak ay givetunkis Pol gikak Barnabe adahan gikiythetnikis mmanawa igkis ikiygikis ku igkis giwohkigakis.
14Igkisme Kiyavwiye Jesus giwatnivwi, ig Barnabe gikak Pol igkis hiyapni hene, igkis wakaymni mpinevevye. Igkis sigke gisimsakis adahan arakak giwakemnikis. Ayteke igkis sigise atere gibetitkis neras hiyeg kabubuknene, igkis kabiman gitkis:
15— Awaykemni, mmahkay yis kehne hene? Usuh he hiyegnen amadgaya inin kewa yisbe. Usuh ayta yit ekkene Kiyavwiye Uhokri ginetni adahan yis wages yihiyekemni ariw ini waditnevyenen kahadbe yis wages yihiyekemni git Kiyavwiye Uhokri dehetniye. Ignewa ku pariye keh en, ig keh waxri, ig keh parahwokwa, ig keh madikte ku pariye ay amadga hawkri.
16Minikwak ig isakse madikte yis hiyeg kane judeyenevwima adahan yis wew akak yidahanwa yihiyekemni ke wotbe ig yumahbe aybe.
17Bawa ig ay ukakwiy. Ig iki wotwiy ka aynsima kabayka ku pariye areketni wotwiy ku ig ay ukakwiy. Ignewa iki wotwiy mwok inuriktak. Ignewa iki wotwiy kibeyne amutri kahadbe wixwiy kamana. Ignewa ku pariye keh wixwiy batek. Ignewa uwohkigawiy adahan wixwiy kiyathig.
Henewatbaki ig Pol awna.
18Heneme inakni giwn kabahte ka misakgikis adahan igkis umah neras pak givetunkis adahan gikiythetnikis.
Pol padaktepka akak tip
19Ayteke ariwnteke ini neras judeyenevwi danuh atere ariwntak ini paytwempu ku kitak ig Pol bisike amakohnokwa, ini paytwempu Antiyokiya akak Ikôniyu. Igkis danuh atere, igkis amiyhase Pol gikak Barnabe gitkis neras hiyeg aygnenevwi. Ayteke nikwe igkis madikte padakte Pol akak tip adahan giwmepten. Pisenwa igkis kehpig waygboriw hampa avawyewa ariw ini paytwempu. Igkis givewkankis ku ig ayipa miyap. Ayteke nikwe igkis ikiswig, igkis tivik. Igme Pol harite ayge.
20Danuhantenwa atere Jesus gihiyegavu, ig Pol wadise. Ayteke nikwe ig diyuhe avitit ini paytwempu akiw. Hewke akiw ig tivik gikak Barnabe tahan avitit paytwempu Derbi.
Polkis diyuhe adahan ikene hiyeg gawaygikis
21Ig Pol gikak Barnabe igkis danuh atere, ayge igkis ekkenes Kiyavwiye Uhokri ginetni gidahan Kiyavwiye Jesus. Ka aynsima hiyeg ayge timapni hene, igkis wageswe Jesus gihiyegavu. Ayteke pisenwa gannivwikis ayge, ig Pol gikak Barnabe igkis diyuhe avitit paytwempu Listra, avitit Ikôniyu, avitit Antiyokiya ini ku pariye ayge Pisidiyamnaw.
22Ayge igkis ikenes gawaygikis neras ku pariye kamaxwenevwi givitit Kiyavwiye Jesus. Igkis awna gitkis:
— Misakwanabay akak yikamaxwan givitit Kiyavwiye Jesus. Ka yi muwaka isahkiswa giw abet mbeyne. Akaknewa ini mbeyne wixwiy kawih Uhokri gikumadukan.
Henewatbaki igkis ikenes gawaygikis.
23Ayge avit madikte paytwempu igkis kaniye hiyeg aygnenevwi, adahan igkis giwewkistenkis Jesus gihiyegavu. Pisenwa gikanyankis, igkis piriyepkew gidahankis. Amun ini igkis maxhewnes adahan igkis kiyenes Kiyavwiye Uhokri. Ayteke igkis awna gitkis:
— Kiyavwiye Uhokri avuriwyinek. Kiyavwiye Uhokri ku kavit yis kamaxwa ig ay yikaknek.
24Ayteke ariwnteke ini ig Pol gikak Barnabe igkis tivik avitiw ini waxri kewye Pisidiyamnaw, igkis danuh atere Panfiliyamnaw.
25Ayge igkis ekkenes Kiyavwiye Uhokri giwn avit paytwempu Perji. Ayteke igkis tivik avitit paytwempu Atalya.
26Ayteke igkis tarekwe amadga pahamku nawiy. Igkis diyuhe avitit Antiyokiya ayge Siriyamnaw ku kitak igkis awahkiska minikwak akak Kiyavwiye Uhokri gabay adahan igkis kannivwiyes gidahan Kiyavwiye Uhokri. Pisenwa ini gannivwikis kuwis, igkis diyuhe atere.
27Igkis danuh atere, ayge igkis pahadguhe Jesus gihiyegavu aygnenevwi. Igkis ekkenes gitkis madikte kabayka ku pariye Kiyavwiye Uhokri kehe givitimpikis. Igkis ekkenes gitkis ku samah Kiyavwiye Uhokri woke ahin gidahankis hiyeg ku pariye kane judeyenevwima adahan ignes hawata kamaxwa givitit Kiyavwiye Jesus.
28Ayteke ariwnteke ini igkis misekwe ayge gikakkis neras Jesus gihiyegavu adahan ka aynsima hawkri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.