2 Tesalonisenses 3
3
Piriyepkawnabay udahan
1Amaksemni, nukebyuvwi, piriyepkawnabay udahan kahadbe Kiyavwiye Uhokri giwn ibekhepka kabayntiwa muwapuw, kahadbe in kiyathaka muwapuw hawata ku samah in kiyathaka ayge yibet.
2Piriyepkawnay udahan kahadbe Kiyavwiye Uhokri mpitha usuh giwkis hiyeg taraksavye mbayavye. Mmanawa ka madiktema hiyeg kamaxwa givitit Kiyavwiye Uhokri. Ka aynsima hiyeg suguhnevgi.
3Heneme ig Kiyavwiye Uhokri kis adahan wixwiy kamaxwa givitit avanenekwa. Ig iki yawayginek adahan yis kamaxwa givitit kabayntiwa. Ig mpithay giw wavitye adahan yis ka isaksaw arit mbayka.
4Ig Kiyavwiye Uhokri keh usuh iveg yivitit ku yis ihpa wownuh kuri, avanenekwa.
5Ig Kiyavwiye Uhokri woka yihiyekemninek adahan yis amnihak pawtak akakwa gamnihra ay yivit, adahan yis kamaxwenene givitit Kiyavwiye Uhokri abet ini mbeyne akakwa Cristo gikamaxwan ay yivit.
Ka hiya wixwiyma ax matiwnihkama
Ef 4.28; 1Tes 4.11
6Kuri, nukebyuvwi, usuh ikene yihiyekemni giwntak Ukivarawiy Jesus Cristo. Ka yi muwaka darihwak gikakkis Jesus gihiyegavu ku pariye mabivwavye ku pariye kane ihpekere inakni hiyakemniki ku pariye usuh kuwis akki yit adahan yis kannivwiye adahan yivit.
7Amakohnokwa ku aysaw usuh ayge yibet, yuma pahaynema hawkri usuh mabivwihwa. Amawka ku yis kannuhwa wotuh adahan yis wew hawata ke usuhbe. Yis kuwis hiyakni kabayntiwa.
8Usuh ka axti pahavwinema gimana matiwnihkama. Usuh mpiksaw kannivwiye adahan uvituh ku aysaw kabutnewka mataytak he misanpiwke. Hene usuh kannivwi adahan katiwnihne umana kahadbe usuh ka ax yiduhyamadga.
9Ik adahan usuh ax yiduhyamadga awaku ku samah usuh kannivwiye gidahan Kiyavwiye Uhokri. Heneme usuh kote kehte hene. Usuh kannivwiye adahan uvituh adahan yikannuhten kahadbe yis ikaw hawata ke usuhbe.
10Mmanawa ku samah usuh ayge yibet usuh ubetki awna: “Ku pahavwi kane kannivwikere adahan givit, amawka ig kawnata ax.”
11 Usuh awna inakni kuri mmanawa usuh time yak ku yaytak he mabivwihwenen ayge. Igkis ka kannivwikere adahan givitkis. Igkis he matekbetenenwa nawenyevwi hiyeg gihawkankis.
12Usuh ikene gihiyekemnikis gitkis kuri. Usuh aya gitkis giwavrik Ukivarawiy Jesus Cristo adahan igkis karisaw adahan igkis ka matekbeta nawenyevwi gihawkankis, adahan igkis kannivwi adahan givitkis, adahan igkis ax gidahankiswa gimanakis.
Ka yi muwaka darihwak gikak pahavwinema mabivwivye
2Ko 5.9
13Yisme nukebyuvwi ku pariye ka mabivwihwati kannivwi adahan yivit, kawnata yi muwaka mabivwihwa adahan yis kehne kabayka.
14Nawenetke pahavwi ayge ka ihpekere inakni wownuh amadgatak inin kagta. Avuriwnay ku pariye ig. Ka yi muwaka darihwak gikak marihwa ig marekevwe akak ini gimabwi.
15Heneme ka yi muwaka ikiygi ke yivetunyabe. Heneme ikinay gihiyekemni ke wotbe yisweke pakebyeknebe.
Nah awahkis kabayka yimin
16Kiyavwiye Uhokri ig atiwkekne kariswehwaki. Ig kariswehse yiyakninek avanenekwa abet madikte ku pariye danuh yit. Ig misakwa yikaknek madikte.
17Kuri nahwa Pol anniri inakni iwit buttitnene akak nuwakuhwa. Nenneve ka anniri inakni. Nah awahkis kabayka yimin. Inakni nanhan in areketni ku nahnewa ku pariye awahkis inin kagta yimin. Inin ku samah nah anniri.
18Ukivarawiy Jesus Cristo gabay yikaknek yis madikte.
Currently Selected:
2 Tesalonisenses 3: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Tesalonisenses 3
3
Piriyepkawnabay udahan
1Amaksemni, nukebyuvwi, piriyepkawnabay udahan kahadbe Kiyavwiye Uhokri giwn ibekhepka kabayntiwa muwapuw, kahadbe in kiyathaka muwapuw hawata ku samah in kiyathaka ayge yibet.
2Piriyepkawnay udahan kahadbe Kiyavwiye Uhokri mpitha usuh giwkis hiyeg taraksavye mbayavye. Mmanawa ka madiktema hiyeg kamaxwa givitit Kiyavwiye Uhokri. Ka aynsima hiyeg suguhnevgi.
3Heneme ig Kiyavwiye Uhokri kis adahan wixwiy kamaxwa givitit avanenekwa. Ig iki yawayginek adahan yis kamaxwa givitit kabayntiwa. Ig mpithay giw wavitye adahan yis ka isaksaw arit mbayka.
4Ig Kiyavwiye Uhokri keh usuh iveg yivitit ku yis ihpa wownuh kuri, avanenekwa.
5Ig Kiyavwiye Uhokri woka yihiyekemninek adahan yis amnihak pawtak akakwa gamnihra ay yivit, adahan yis kamaxwenene givitit Kiyavwiye Uhokri abet ini mbeyne akakwa Cristo gikamaxwan ay yivit.
Ka hiya wixwiyma ax matiwnihkama
Ef 4.28; 1Tes 4.11
6Kuri, nukebyuvwi, usuh ikene yihiyekemni giwntak Ukivarawiy Jesus Cristo. Ka yi muwaka darihwak gikakkis Jesus gihiyegavu ku pariye mabivwavye ku pariye kane ihpekere inakni hiyakemniki ku pariye usuh kuwis akki yit adahan yis kannivwiye adahan yivit.
7Amakohnokwa ku aysaw usuh ayge yibet, yuma pahaynema hawkri usuh mabivwihwa. Amawka ku yis kannuhwa wotuh adahan yis wew hawata ke usuhbe. Yis kuwis hiyakni kabayntiwa.
8Usuh ka axti pahavwinema gimana matiwnihkama. Usuh mpiksaw kannivwiye adahan uvituh ku aysaw kabutnewka mataytak he misanpiwke. Hene usuh kannivwi adahan katiwnihne umana kahadbe usuh ka ax yiduhyamadga.
9Ik adahan usuh ax yiduhyamadga awaku ku samah usuh kannivwiye gidahan Kiyavwiye Uhokri. Heneme usuh kote kehte hene. Usuh kannivwiye adahan uvituh adahan yikannuhten kahadbe yis ikaw hawata ke usuhbe.
10Mmanawa ku samah usuh ayge yibet usuh ubetki awna: “Ku pahavwi kane kannivwikere adahan givit, amawka ig kawnata ax.”
11 Usuh awna inakni kuri mmanawa usuh time yak ku yaytak he mabivwihwenen ayge. Igkis ka kannivwikere adahan givitkis. Igkis he matekbetenenwa nawenyevwi hiyeg gihawkankis.
12Usuh ikene gihiyekemnikis gitkis kuri. Usuh aya gitkis giwavrik Ukivarawiy Jesus Cristo adahan igkis karisaw adahan igkis ka matekbeta nawenyevwi gihawkankis, adahan igkis kannivwi adahan givitkis, adahan igkis ax gidahankiswa gimanakis.
Ka yi muwaka darihwak gikak pahavwinema mabivwivye
2Ko 5.9
13Yisme nukebyuvwi ku pariye ka mabivwihwati kannivwi adahan yivit, kawnata yi muwaka mabivwihwa adahan yis kehne kabayka.
14Nawenetke pahavwi ayge ka ihpekere inakni wownuh amadgatak inin kagta. Avuriwnay ku pariye ig. Ka yi muwaka darihwak gikak marihwa ig marekevwe akak ini gimabwi.
15Heneme ka yi muwaka ikiygi ke yivetunyabe. Heneme ikinay gihiyekemni ke wotbe yisweke pakebyeknebe.
Nah awahkis kabayka yimin
16Kiyavwiye Uhokri ig atiwkekne kariswehwaki. Ig kariswehse yiyakninek avanenekwa abet madikte ku pariye danuh yit. Ig misakwa yikaknek madikte.
17Kuri nahwa Pol anniri inakni iwit buttitnene akak nuwakuhwa. Nenneve ka anniri inakni. Nah awahkis kabayka yimin. Inakni nanhan in areketni ku nahnewa ku pariye awahkis inin kagta yimin. Inin ku samah nah anniri.
18Ukivarawiy Jesus Cristo gabay yikaknek yis madikte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.