2 Tesalonisenses 1
1
Usuh awahkis kabayka yimin
1Nah Pol gikak kiyavwiye Sílas, kiyavwiye Timotyu, usuh awahkis kabayka yimin yis Jesus gihiyegavu tesaloniyenevwi. Kibeyne, yis pahavwiwa gikak Wigwiy gikak Ukivarawiy Jesus Cristo.
2Wigwiy Kiyavwiye Uhokri gikak Ukivarawiy Jesus Cristo gabaykis yikaknek. Igkis kariswehse yiyakninek.
Kibeyne yis ka tuguhkis yikamaxwan abetnewa mbeyne
3Nukebyuvwi, amawka usuh kabayha Kiyavwiye Uhokri yidahan avanenekwa. In kabay usuh keh hene mmanawa yikamaxwan tiviknene wagehnene. Hawata yamnihra tiviknene wagehnene. Yis madikte yisweke batekak ka aynsima.
4Inneki keh usuh batek kinetihwa yimin gitkis Jesus gihiyegavu. Hawata akiw usuh kinetihwa gitkis amin ku samah yis kiyaknihwene abet mbeyne. Ku akak inin yis abet ka aynsima kiyimwiki, heneme yis ka tuguhkis yikamaxwan aynesnima. Yis yidukwenewa kamaxwene givitit Kiyavwiye Uhokri.
5Ini arakak huwewehe ku samah madikte Kiyavwiye Uhokri gikehni gikakkis hiyeg in wadit. He ku ig isaksa mbeyne adahan in danuh wot, in wadit. Nah akkite yit ku samah. Ku avim inin hiyeg hiyapkisne mbeyne yit avatra ku samah yis kawihpiye Uhokri gikumadukan. Gitkis igkis tuguhkiswiyes yikamaxwan. Bawa ini mbeyne keh yis ka aynsima kamaxwate givitit Kiyavwiye Uhokri akiw. Nikwe akaknewa ini mbeyne ig Kiyavwiye Uhokri keh yis ik adahan yis kawih ini gikumadukan.
Uhokri diyuhkisnek neras ku pariye hiyapkisne mbeyne yit
Ro 12.9; Eb 10.30
6Heneme ignes ku pariye hiyapkisnevwi mbeyne yit, aysawnemenek ig Kiyavwiye Uhokri hiyapkis mbeyne gitkis hawatanek. In kabay ig diyuhkisgikis hene.
7Yisme, yis ku pariye hiyepnevwi mbeyne kuri, aysawnemenek ig keh yis mayak niw payak ukakuh, avim ini ku aysaw ig hiyapkiswanek ayta inuriktak payak gikakkis gihiyegavu ahj detyevwi.
8Ayge gikawihni ke tiketbe kadawempiye. Avim ini ig diyuhkis neras ku pariye kane ikaw git Kiyavwiye Uhokri. Ig katiwnise gitaraksankis gitkis neras ku pariye kane ihpenevwima Ukivarawiy Jesus Cristo gihiyekemni.
9Avim ini ignes ivukepka hanpa arimkanit biyukwiki adahan avanenekwa. Igkis avawyewa giw Kiyavwiye Uhokri. Igkis ka hiyapti gikiytani kane nidatnisima.
10Igme avim ini hawkri ig kiyathaka awaku in kahayak ku pariye kabayka ig keh gikakkis gihiyegavu, ig kabayhaka awaku in kahayak ku pariye kabayka ig keh gikakkis madikte hiyeg ku pariye ihpenevwi giwn. Yis hawata igwata gaytakis neras gihiyegavu ku pariye ihpenevwi giwn. Mmanawa yis ihe wownuh gidahan Ukivarawiy Jesus.
Usuh piriyepkewnenekwa yidahan
Ef 3.14; Kol 1.9; Fil 1.9; 1Tes 5.23; 2Tes 2.16
11Inneki keh usuh piriyepkaw yidahan ka matiswati. Usuh piriyepkaw adahan yis ikaw Uhokriyanbetnewa kahadbe ig Kiyavwiye Uhokri ikiyyi ku yis ik adahan yis aygwata gaytakis neras gihiyegavu. Mmanawa ig humekwewiy gimkat adahanikwa ini. Usuh aya git Kiyavwiye Uhokri adahan ig kannivwi ayge yibet akak madikte gidatni. Adahan ig ikene yawaygi adahan yis keh madikte kabayka ku pariye yis kehkere. Adahan ig ikene yawaygi adahan yis pisenwehe ini yannivwi ku pariye yis kuwis kavusa keh gidahan awaku ku samah yis kamaxwene givitit.
12Kahadbe ig Ukivarawiy Jesus kiyathaka awaku in kahayak ku pariye kabayka ig keh yikak. Kahadbe yiswata kiyathaka awaku ku samah yis pahavwiwa gikak. Ig Uwohkigawiy gikak Jesus Cristo igkis keh in humawnek mmanawa igkis ka gannukisima keh in humaw.
Currently Selected:
2 Tesalonisenses 1: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Tesalonisenses 1
1
Usuh awahkis kabayka yimin
1Nah Pol gikak kiyavwiye Sílas, kiyavwiye Timotyu, usuh awahkis kabayka yimin yis Jesus gihiyegavu tesaloniyenevwi. Kibeyne, yis pahavwiwa gikak Wigwiy gikak Ukivarawiy Jesus Cristo.
2Wigwiy Kiyavwiye Uhokri gikak Ukivarawiy Jesus Cristo gabaykis yikaknek. Igkis kariswehse yiyakninek.
Kibeyne yis ka tuguhkis yikamaxwan abetnewa mbeyne
3Nukebyuvwi, amawka usuh kabayha Kiyavwiye Uhokri yidahan avanenekwa. In kabay usuh keh hene mmanawa yikamaxwan tiviknene wagehnene. Hawata yamnihra tiviknene wagehnene. Yis madikte yisweke batekak ka aynsima.
4Inneki keh usuh batek kinetihwa yimin gitkis Jesus gihiyegavu. Hawata akiw usuh kinetihwa gitkis amin ku samah yis kiyaknihwene abet mbeyne. Ku akak inin yis abet ka aynsima kiyimwiki, heneme yis ka tuguhkis yikamaxwan aynesnima. Yis yidukwenewa kamaxwene givitit Kiyavwiye Uhokri.
5Ini arakak huwewehe ku samah madikte Kiyavwiye Uhokri gikehni gikakkis hiyeg in wadit. He ku ig isaksa mbeyne adahan in danuh wot, in wadit. Nah akkite yit ku samah. Ku avim inin hiyeg hiyapkisne mbeyne yit avatra ku samah yis kawihpiye Uhokri gikumadukan. Gitkis igkis tuguhkiswiyes yikamaxwan. Bawa ini mbeyne keh yis ka aynsima kamaxwate givitit Kiyavwiye Uhokri akiw. Nikwe akaknewa ini mbeyne ig Kiyavwiye Uhokri keh yis ik adahan yis kawih ini gikumadukan.
Uhokri diyuhkisnek neras ku pariye hiyapkisne mbeyne yit
Ro 12.9; Eb 10.30
6Heneme ignes ku pariye hiyapkisnevwi mbeyne yit, aysawnemenek ig Kiyavwiye Uhokri hiyapkis mbeyne gitkis hawatanek. In kabay ig diyuhkisgikis hene.
7Yisme, yis ku pariye hiyepnevwi mbeyne kuri, aysawnemenek ig keh yis mayak niw payak ukakuh, avim ini ku aysaw ig hiyapkiswanek ayta inuriktak payak gikakkis gihiyegavu ahj detyevwi.
8Ayge gikawihni ke tiketbe kadawempiye. Avim ini ig diyuhkis neras ku pariye kane ikaw git Kiyavwiye Uhokri. Ig katiwnise gitaraksankis gitkis neras ku pariye kane ihpenevwima Ukivarawiy Jesus Cristo gihiyekemni.
9Avim ini ignes ivukepka hanpa arimkanit biyukwiki adahan avanenekwa. Igkis avawyewa giw Kiyavwiye Uhokri. Igkis ka hiyapti gikiytani kane nidatnisima.
10Igme avim ini hawkri ig kiyathaka awaku in kahayak ku pariye kabayka ig keh gikakkis gihiyegavu, ig kabayhaka awaku in kahayak ku pariye kabayka ig keh gikakkis madikte hiyeg ku pariye ihpenevwi giwn. Yis hawata igwata gaytakis neras gihiyegavu ku pariye ihpenevwi giwn. Mmanawa yis ihe wownuh gidahan Ukivarawiy Jesus.
Usuh piriyepkewnenekwa yidahan
Ef 3.14; Kol 1.9; Fil 1.9; 1Tes 5.23; 2Tes 2.16
11Inneki keh usuh piriyepkaw yidahan ka matiswati. Usuh piriyepkaw adahan yis ikaw Uhokriyanbetnewa kahadbe ig Kiyavwiye Uhokri ikiyyi ku yis ik adahan yis aygwata gaytakis neras gihiyegavu. Mmanawa ig humekwewiy gimkat adahanikwa ini. Usuh aya git Kiyavwiye Uhokri adahan ig kannivwi ayge yibet akak madikte gidatni. Adahan ig ikene yawaygi adahan yis keh madikte kabayka ku pariye yis kehkere. Adahan ig ikene yawaygi adahan yis pisenwehe ini yannivwi ku pariye yis kuwis kavusa keh gidahan awaku ku samah yis kamaxwene givitit.
12Kahadbe ig Ukivarawiy Jesus kiyathaka awaku in kahayak ku pariye kabayka ig keh yikak. Kahadbe yiswata kiyathaka awaku ku samah yis pahavwiwa gikak. Ig Uwohkigawiy gikak Jesus Cristo igkis keh in humawnek mmanawa igkis ka gannukisima keh in humaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.