2 Korintyus 5
5
Uvitwiy wageswanek nukunewa akiw
Ro 8.10; 1Ko 15.35; Fil 3.21; Ap 20.4
1Uvitwiy amadgaya inin in humaw kewa paytbetbe adahan utivwiy givinkis. Kuwewanek in higohbetvi. Heneme kibeyne, utivwiy kadahan nawenyewa givinkis akiw. Ini givinkis in ka hiyegima amadgayavu inin gikehnikisma. In Uhokri gikehni. In dahwa adahan avanenekwa aynte inurik.
2 Kuwis wixwiy ehwe akak inin uvitwiy amadgaya inin. Wixwiy ka aynsima aharitkere kawihkere uvinwiy nukunewa akiw aynte inurik, he wixwiy kahekanaw avititak uyakniwiy ke wotbe wixwiy mabipiyebe akak inin uvitwiy.
3Ku aysaw wixwiy kawihminawnek akak uvitwiy nukunewa akiw, ayge avim ini utivwiy ka utipkanek makawihanema.
4Heneme ku avim inin wixwiy wakaymni avititak uyakniwiy awaku ku samah utivwiy in ay ariku inin givinkis amadgaya inin. Wixwiy ehwe akak inin uvitwiy. Wixwiy ka ehwa nikak awakuma wixwiy ka muwakama uvitwiy akiw, heneme awaku wixwiy aharitkerete kawih uvitwiy nukunewa akiw. Kahadbe ini uvitwiy ku pariye tiviknene adahan miyaka in wageswa adahan dehetniki.
5 In ka ukehbetanma. Ignewa Uhokri ku pariye kuwis ahegbetevwiy adahanikwa ini. Kuwis ig kawihkise Gitip uvititwiy adahan areketni wotwiy ku aysawnemenek wixwiy darih ini uvitwiy nukunewa akiw.
6Inineki ikene wawaygi avanenekwa. Ku samah wixwiy aynete amun inin uvitwiy amadgaya inin, nikwe wixwiy piyawakad ariw wowskawniy gimun Uhokri.
7Ku avim inin wixwiy ka hiyavgi akakma wowtyakwiy. Heneme akak ukamaxwanwiynen wixwiy iveg givitit.
Ininewa umawkan adahan usuh kehne Uhokri gibetki
Jo 6.38; Fil 1.20
8 Ka sam. Usuh udukwenewa kadahan wawaygi. Heneme usuh muwakate ikis inin uvituh amadgaya inin adahan usuh misekwene gimun Uhokri.
9Ininewa umawkan adahan usuh kehne Uhokri gibetki muwapuw ku kiney usuh misakwa. Ku aysaw usuh ay amadga inin usuh kehne gibetki. Ku aysaw usuh aynte gimun Uhokri usuh kehne gibetki. Ininewa usuh mpiksaw aharit.
10Mmanawa aysawnemenek wixwiy madikte tabirbetnek givetun Cristo adahan ig uhiyvetniwiy ba wixwiy kibeynevwiwatma. Ayge ig ikinek wotwiy utiwniwiy pakekunawa akak ku pariye ukehniwiy ay amadga inin. Ku wixwiy keh kabayka, kabaykanewa ig ikinek wotwiy. Ku wixwiy keh mbayka, mbaykanewa wixwiy utinek.
Usuh ka kinisekevutnevwima
2Ko 1.12, 4.2; 1Tes 2.1
11Usuh hiyapni hene ku ig ukatiwnihpitni hene, usuh avisase gibohri Uhokri. Inneki keh usuh mpiksaw kinista hiyeg gidahan Uhokri. Usuh ka kinistigkis adahanma usuh aharitnema udahanwatma arikna nikak. Ig Uhokri hiyak madikte uhiyekemni ku pariye ay avit uyakni. Ig hiyakni ku usuh keh wadit. Nutuhbe yis hiyakni hawata.
12Usuh awna inakni iwit ka adahanma usuh kehnema uwanti. Heneme usuh he ikene yihiyekemni adahan ku samah yis kaytwa giwnkis neras ku pariye awnenevwi uminuh. Igkis awna uminuh ku usuh ka kibeynevwima. Igkis iki usuh hene awaku ku pariye igkis hiyap akak giwtyakkis. Igkis ka awna inakni awakuma ku igkis hiyak ku pariye ay avit uyakni. Inneki keh usuh ikene yihiyekemni kuri adahan yis kaytwa giwnkis yis akka gitkis ku pariye ay avit uyakni.
13 Gaytakkis awna uminuh ku usuh ka hiyak hawkri usuh kewa hiyeg puwvavyebe. Bawa ku usuh ke puwvavyebe, heneme usuh kehne Uhokri gibetki. Gaytakkisme awna uminuh ku usuh hiyekne hawkri kabayntiwa adahan usuh kinisne hiyeg. Bawa usuh kehne ini annivwit in ka udahanuma. In he yidahanen madikte.
Ku pariye pahavwiwa gikak Cristo igi nukunewa gihiyekemni akiw
Jo 3.5; Ro 8.29, 12.2; Ef 4.24; Kol 3.10; 2Ped 1.4
14 Usuh mpiksewnene adahan yayavetni awaku ku samah ig Cristo amnihpewiy ig kawihkise gamnihra uvititwiy. Ku samah ig pahavwiwa umahkiswe udukwenavrikwiy in ke wotbe uhiyekemniwiy amadgaya inin in miyavibe wowiy payak gikakbe ayge.
15Adahanikwa ini ig umahkiswe adahan wixwiy nukunewa uhiyekemniwiy akiw. Gimawkan wixwiy, ku samah wixwiy aynete amadga inin, wixwiy ka aharitnema kabayka udahanwiynenwatma akiw, heneme wixwiy kehne madikte gidahanen Cristo gibetki. Mmanawa ig kuwis kehe madikte udahanwiy ku pariye umawkanitnenewiy. Ig umahkiswe udahanwiy ig kannikaw ariw gimiremni udahanwiy.
16Kuri nikwe uhiyekemniwiy nukunewa akiw. Han pitatit wixwiy ka iki hiyeg henenwatma akiw awakunenwatma ku pariye uhiyvanwiy ay amadga inin. Minikwak nah iki Kiyavwiye Cristo henenwa, heneme kuri nah ka ikigi hene akiw.
17Ku pariye pahavwiwa gikak Cristo igi nukunewa gihiyekemni akiw. Gihiyekemni amadgaya inin in kuwis mpiye, in wageswe nukunewa akiw.
18In madikte humaw giwntak Uhokri. Ignewa watekbetase uhawkanwiy git Cristo kahadbe wixwiy darihwekne gikak akiw. Hawata akiw ig ike wotwiy ini annivwit adahan wixwiyme kehne nawenyevwi hiyeg darihwak gikak hawata.
Uyay kabeywotvi gikak Uhokri
Ro 5.1,10; Ef 2.15; Kol 1.20
19Usuh ekke gitkis hiyeg ku igwa Uhokri keh hiyeg amedgenevwi inin darihwak gikak givitimpi Cristo. Amun ini ig hiyavwiy giwtrik ke wotbe wixwiy yumahbe utaraksanwiybe. Ayteke nikwe ig wasavanaw ubiyrikwiy giminkis nawenyevwi hiyeg adahan ku samah ig keh igkis darihwak gikak hawata akiw.
20Inneki keh usuh humaw Cristo giwatnivwi. Usuh ekkene giwn gitkis hiyeg ke wotbe igwatbe Uhokri awnene uvititak. Usuh aya gitkis: “Gidahan Cristo, uyay kabeywotvi gikak Uhokri.”
21Mmanawa ig kuwis kabeywotvi ukakwiy wixwiy ku pariye pahavwiwa gikak Cristo. Ig Cristo yuma givathawni aynesnima, heneme Uhokri hiyak gikak Cristo ke wotbe ig patehwevyebe, kahadbe ig ik adahan ig hiyak ukakwiy ke wotbe wixwiy barewvityevwibe.
Currently Selected:
2 Korintyus 5: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Korintyus 5
5
Uvitwiy wageswanek nukunewa akiw
Ro 8.10; 1Ko 15.35; Fil 3.21; Ap 20.4
1Uvitwiy amadgaya inin in humaw kewa paytbetbe adahan utivwiy givinkis. Kuwewanek in higohbetvi. Heneme kibeyne, utivwiy kadahan nawenyewa givinkis akiw. Ini givinkis in ka hiyegima amadgayavu inin gikehnikisma. In Uhokri gikehni. In dahwa adahan avanenekwa aynte inurik.
2 Kuwis wixwiy ehwe akak inin uvitwiy amadgaya inin. Wixwiy ka aynsima aharitkere kawihkere uvinwiy nukunewa akiw aynte inurik, he wixwiy kahekanaw avititak uyakniwiy ke wotbe wixwiy mabipiyebe akak inin uvitwiy.
3Ku aysaw wixwiy kawihminawnek akak uvitwiy nukunewa akiw, ayge avim ini utivwiy ka utipkanek makawihanema.
4Heneme ku avim inin wixwiy wakaymni avititak uyakniwiy awaku ku samah utivwiy in ay ariku inin givinkis amadgaya inin. Wixwiy ehwe akak inin uvitwiy. Wixwiy ka ehwa nikak awakuma wixwiy ka muwakama uvitwiy akiw, heneme awaku wixwiy aharitkerete kawih uvitwiy nukunewa akiw. Kahadbe ini uvitwiy ku pariye tiviknene adahan miyaka in wageswa adahan dehetniki.
5 In ka ukehbetanma. Ignewa Uhokri ku pariye kuwis ahegbetevwiy adahanikwa ini. Kuwis ig kawihkise Gitip uvititwiy adahan areketni wotwiy ku aysawnemenek wixwiy darih ini uvitwiy nukunewa akiw.
6Inineki ikene wawaygi avanenekwa. Ku samah wixwiy aynete amun inin uvitwiy amadgaya inin, nikwe wixwiy piyawakad ariw wowskawniy gimun Uhokri.
7Ku avim inin wixwiy ka hiyavgi akakma wowtyakwiy. Heneme akak ukamaxwanwiynen wixwiy iveg givitit.
Ininewa umawkan adahan usuh kehne Uhokri gibetki
Jo 6.38; Fil 1.20
8 Ka sam. Usuh udukwenewa kadahan wawaygi. Heneme usuh muwakate ikis inin uvituh amadgaya inin adahan usuh misekwene gimun Uhokri.
9Ininewa umawkan adahan usuh kehne Uhokri gibetki muwapuw ku kiney usuh misakwa. Ku aysaw usuh ay amadga inin usuh kehne gibetki. Ku aysaw usuh aynte gimun Uhokri usuh kehne gibetki. Ininewa usuh mpiksaw aharit.
10Mmanawa aysawnemenek wixwiy madikte tabirbetnek givetun Cristo adahan ig uhiyvetniwiy ba wixwiy kibeynevwiwatma. Ayge ig ikinek wotwiy utiwniwiy pakekunawa akak ku pariye ukehniwiy ay amadga inin. Ku wixwiy keh kabayka, kabaykanewa ig ikinek wotwiy. Ku wixwiy keh mbayka, mbaykanewa wixwiy utinek.
Usuh ka kinisekevutnevwima
2Ko 1.12, 4.2; 1Tes 2.1
11Usuh hiyapni hene ku ig ukatiwnihpitni hene, usuh avisase gibohri Uhokri. Inneki keh usuh mpiksaw kinista hiyeg gidahan Uhokri. Usuh ka kinistigkis adahanma usuh aharitnema udahanwatma arikna nikak. Ig Uhokri hiyak madikte uhiyekemni ku pariye ay avit uyakni. Ig hiyakni ku usuh keh wadit. Nutuhbe yis hiyakni hawata.
12Usuh awna inakni iwit ka adahanma usuh kehnema uwanti. Heneme usuh he ikene yihiyekemni adahan ku samah yis kaytwa giwnkis neras ku pariye awnenevwi uminuh. Igkis awna uminuh ku usuh ka kibeynevwima. Igkis iki usuh hene awaku ku pariye igkis hiyap akak giwtyakkis. Igkis ka awna inakni awakuma ku igkis hiyak ku pariye ay avit uyakni. Inneki keh usuh ikene yihiyekemni kuri adahan yis kaytwa giwnkis yis akka gitkis ku pariye ay avit uyakni.
13 Gaytakkis awna uminuh ku usuh ka hiyak hawkri usuh kewa hiyeg puwvavyebe. Bawa ku usuh ke puwvavyebe, heneme usuh kehne Uhokri gibetki. Gaytakkisme awna uminuh ku usuh hiyekne hawkri kabayntiwa adahan usuh kinisne hiyeg. Bawa usuh kehne ini annivwit in ka udahanuma. In he yidahanen madikte.
Ku pariye pahavwiwa gikak Cristo igi nukunewa gihiyekemni akiw
Jo 3.5; Ro 8.29, 12.2; Ef 4.24; Kol 3.10; 2Ped 1.4
14 Usuh mpiksewnene adahan yayavetni awaku ku samah ig Cristo amnihpewiy ig kawihkise gamnihra uvititwiy. Ku samah ig pahavwiwa umahkiswe udukwenavrikwiy in ke wotbe uhiyekemniwiy amadgaya inin in miyavibe wowiy payak gikakbe ayge.
15Adahanikwa ini ig umahkiswe adahan wixwiy nukunewa uhiyekemniwiy akiw. Gimawkan wixwiy, ku samah wixwiy aynete amadga inin, wixwiy ka aharitnema kabayka udahanwiynenwatma akiw, heneme wixwiy kehne madikte gidahanen Cristo gibetki. Mmanawa ig kuwis kehe madikte udahanwiy ku pariye umawkanitnenewiy. Ig umahkiswe udahanwiy ig kannikaw ariw gimiremni udahanwiy.
16Kuri nikwe uhiyekemniwiy nukunewa akiw. Han pitatit wixwiy ka iki hiyeg henenwatma akiw awakunenwatma ku pariye uhiyvanwiy ay amadga inin. Minikwak nah iki Kiyavwiye Cristo henenwa, heneme kuri nah ka ikigi hene akiw.
17Ku pariye pahavwiwa gikak Cristo igi nukunewa gihiyekemni akiw. Gihiyekemni amadgaya inin in kuwis mpiye, in wageswe nukunewa akiw.
18In madikte humaw giwntak Uhokri. Ignewa watekbetase uhawkanwiy git Cristo kahadbe wixwiy darihwekne gikak akiw. Hawata akiw ig ike wotwiy ini annivwit adahan wixwiyme kehne nawenyevwi hiyeg darihwak gikak hawata.
Uyay kabeywotvi gikak Uhokri
Ro 5.1,10; Ef 2.15; Kol 1.20
19Usuh ekke gitkis hiyeg ku igwa Uhokri keh hiyeg amedgenevwi inin darihwak gikak givitimpi Cristo. Amun ini ig hiyavwiy giwtrik ke wotbe wixwiy yumahbe utaraksanwiybe. Ayteke nikwe ig wasavanaw ubiyrikwiy giminkis nawenyevwi hiyeg adahan ku samah ig keh igkis darihwak gikak hawata akiw.
20Inneki keh usuh humaw Cristo giwatnivwi. Usuh ekkene giwn gitkis hiyeg ke wotbe igwatbe Uhokri awnene uvititak. Usuh aya gitkis: “Gidahan Cristo, uyay kabeywotvi gikak Uhokri.”
21Mmanawa ig kuwis kabeywotvi ukakwiy wixwiy ku pariye pahavwiwa gikak Cristo. Ig Cristo yuma givathawni aynesnima, heneme Uhokri hiyak gikak Cristo ke wotbe ig patehwevyebe, kahadbe ig ik adahan ig hiyak ukakwiy ke wotbe wixwiy barewvityevwibe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.