2 Korintyus 13
13
Nah hiyak gikakkisnek neras taraksavye
1Kuri amamnavutni nah danuhpene atere yit akiw. Ahekbetawnabay avit nudawnhan nikwe. Uhokri giwn awna adahan ku pahavwiwa hiyeg kamiye pahavwi, ka ik adahan wis iha inakni giwn. Heneme ku piyana gawneve ba mpana gikebikis ku giwnkis tuguhak hehpekuye, nikwe ik adahan wis iha inakni giwnkis. Nah atere timepne yiwn kuri.
2Nah ikene yinetni yit yis ku pariye kuwisnene tarakse payak yikak yis ku pariye me taraksemet. Ku aysaw nah danuhnek atere yit akiw nah ka kamaxnek yidahan akiw. Nah hiyak yikaknek akak madikte nuhawna. Henewa ku samah nuwnuh yit minikwak avim ini ku aysaw nah ayge yibet aveynivye nudawnhan. Inakniwata nuwnuh yit ku avim inin akiw ku samah nah aynete piyawakad yiw.
3Yis awna ku amawka nah keh annut adahan areketni yit ba igyewatma Cristo awnene ay nuvituh. Ka sam. Ku aysaw nah danuhnek atere akak madikte nuhawna, ayge nikwe in gidatni akkanek huwewe yit ku inyewa ig Cristo awnene nuvititak. Ig ka madatnivyema adahan ig hiyak yikak. Ig ka gidatnisima.
4Henewa, minikwak ig ikaw ke wotbe ig yuma gidatnibe avim ini ku aysaw ig daddahkiswe aminat giyakni. Heneme ig kannikew ariw gimiremni awaku ig ka gidatnisima akak Uhokri gidatni. Usuh hawata he kuviknene usuh tuwatasewnene yitivut ke wotbe usuh yuma udatnibe. Heneme aysawnemenek usuh hiyaknek yikak akak madikte Uhokri gidatni.
Ivegvitawnabay ba yis kamaxwenewatma givitit Jesus
Mt 7.21; Lk 6.46; 1Jo 2.3, 5.12
5Ivegvitawnabay ba yis kamaxwenewatma givitit Kiyavwiye Jesus. Ka yi muwaka ivegvita nawenyevwima hiyeg. Ivegvitawnay yiswa. Ku yis igyewa Jesus gihiyegavu, nikwe ig Jesus Cristo ay yivit. Ku ig yuma ayge yivit, nikwe yis ka gihiyegavuma. Amun ini yis ikewne Jesus gihiyegavu he waditnevyenen.
Wadithebdihnay yitaraksan pisenwate
6Gikak Uhokrinek yis hiyaknek ku usuh ka ikewnema Uhokri giwatnivwi waditnevyenenma.
7Usuh piriyepkaw git Uhokri adahan yis ka taraksa. Mmanawa usuh ka danuhkere atere akakma madikte uhawna adahan usuh ekkene yit ku usuh igyewa Uhokri giwatnivwi. Kabayte usuh danuh atere ke wotbe usuh yuma udatnibe adahan usuh hiyekne yikak. Ininewa umawkan ku yis wew wadit akak hiyakemniki ku pariye inyewatnene.
8Mmanawa usuh yuma udatni ativut hiyakemniki ku pariye inyewatnene. Uhokri iki udatni ininewa adahan usuh aminatak ku pariye hiyakemniki inyewatnene.
9Usuh batek tuwatasaw ke wotbe usuh yuma udatnibe. Usuh muwaka yiswa humaw detyevwi adahan yis wadithebdihne yitaraksan. Ininewa keh usuh batek. Ininewa wayapni git Uhokri adahan yis huwit avigkutavrik ku samah Uhokri gimawkan.
10Inneki keh nah ikene yihiyekemni amadgatak inin kagta ku avim inin avit nudawnhan atere kahadbe yis wadithebdih yitaraksan pisenwate. Mmanawa nah ka himehwekere yikak ku aysaw nah danuhnek atere. Nah ka kawihkere ini nukiytani ku pariye Uhokri ike nutuh adahan nah hiyeknema yikak. Mmanawa ini nukiytani in adahan nah wagahkisne yawaygi. In kawki adahanma nah tuguhkisnema yawaygi.
Usuh awahkis kabayka yimin
11Kuri nukebyuvwi, yuma akiw. Usuh awahkis kabayka yimin madikte. Uyay huwithasaw avigkutavrik ku samah Uhokri gimawkan. Wagahkisnay yihiyekemni pawtak. Tuguhkisnay yihiyekemni pahatwowa. Pasamraknay pawtak. Ku yis keh hene, nikwe ig Uhokri ku pariye atiwkekne amnihaka, atiwkekne pasamraka, ig ayge yikaknek.
12Aytnihaknay pawtak udahan akak inyewa batekka.
13Madikte Uhokri gihiyegavu ay ukakuh igkis awahkis kabayka yimin.
14Ukivarawiy Jesus Cristo gabay yikaknek. Uhokri gamnihra yikaknek. Darihwaknay pawtak awaku ku samah yisweke kadahanyevwi Uhokri Gitip ay yivit.
Currently Selected:
2 Korintyus 13: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Korintyus 13
13
Nah hiyak gikakkisnek neras taraksavye
1Kuri amamnavutni nah danuhpene atere yit akiw. Ahekbetawnabay avit nudawnhan nikwe. Uhokri giwn awna adahan ku pahavwiwa hiyeg kamiye pahavwi, ka ik adahan wis iha inakni giwn. Heneme ku piyana gawneve ba mpana gikebikis ku giwnkis tuguhak hehpekuye, nikwe ik adahan wis iha inakni giwnkis. Nah atere timepne yiwn kuri.
2Nah ikene yinetni yit yis ku pariye kuwisnene tarakse payak yikak yis ku pariye me taraksemet. Ku aysaw nah danuhnek atere yit akiw nah ka kamaxnek yidahan akiw. Nah hiyak yikaknek akak madikte nuhawna. Henewa ku samah nuwnuh yit minikwak avim ini ku aysaw nah ayge yibet aveynivye nudawnhan. Inakniwata nuwnuh yit ku avim inin akiw ku samah nah aynete piyawakad yiw.
3Yis awna ku amawka nah keh annut adahan areketni yit ba igyewatma Cristo awnene ay nuvituh. Ka sam. Ku aysaw nah danuhnek atere akak madikte nuhawna, ayge nikwe in gidatni akkanek huwewe yit ku inyewa ig Cristo awnene nuvititak. Ig ka madatnivyema adahan ig hiyak yikak. Ig ka gidatnisima.
4Henewa, minikwak ig ikaw ke wotbe ig yuma gidatnibe avim ini ku aysaw ig daddahkiswe aminat giyakni. Heneme ig kannikew ariw gimiremni awaku ig ka gidatnisima akak Uhokri gidatni. Usuh hawata he kuviknene usuh tuwatasewnene yitivut ke wotbe usuh yuma udatnibe. Heneme aysawnemenek usuh hiyaknek yikak akak madikte Uhokri gidatni.
Ivegvitawnabay ba yis kamaxwenewatma givitit Jesus
Mt 7.21; Lk 6.46; 1Jo 2.3, 5.12
5Ivegvitawnabay ba yis kamaxwenewatma givitit Kiyavwiye Jesus. Ka yi muwaka ivegvita nawenyevwima hiyeg. Ivegvitawnay yiswa. Ku yis igyewa Jesus gihiyegavu, nikwe ig Jesus Cristo ay yivit. Ku ig yuma ayge yivit, nikwe yis ka gihiyegavuma. Amun ini yis ikewne Jesus gihiyegavu he waditnevyenen.
Wadithebdihnay yitaraksan pisenwate
6Gikak Uhokrinek yis hiyaknek ku usuh ka ikewnema Uhokri giwatnivwi waditnevyenenma.
7Usuh piriyepkaw git Uhokri adahan yis ka taraksa. Mmanawa usuh ka danuhkere atere akakma madikte uhawna adahan usuh ekkene yit ku usuh igyewa Uhokri giwatnivwi. Kabayte usuh danuh atere ke wotbe usuh yuma udatnibe adahan usuh hiyekne yikak. Ininewa umawkan ku yis wew wadit akak hiyakemniki ku pariye inyewatnene.
8Mmanawa usuh yuma udatni ativut hiyakemniki ku pariye inyewatnene. Uhokri iki udatni ininewa adahan usuh aminatak ku pariye hiyakemniki inyewatnene.
9Usuh batek tuwatasaw ke wotbe usuh yuma udatnibe. Usuh muwaka yiswa humaw detyevwi adahan yis wadithebdihne yitaraksan. Ininewa keh usuh batek. Ininewa wayapni git Uhokri adahan yis huwit avigkutavrik ku samah Uhokri gimawkan.
10Inneki keh nah ikene yihiyekemni amadgatak inin kagta ku avim inin avit nudawnhan atere kahadbe yis wadithebdih yitaraksan pisenwate. Mmanawa nah ka himehwekere yikak ku aysaw nah danuhnek atere. Nah ka kawihkere ini nukiytani ku pariye Uhokri ike nutuh adahan nah hiyeknema yikak. Mmanawa ini nukiytani in adahan nah wagahkisne yawaygi. In kawki adahanma nah tuguhkisnema yawaygi.
Usuh awahkis kabayka yimin
11Kuri nukebyuvwi, yuma akiw. Usuh awahkis kabayka yimin madikte. Uyay huwithasaw avigkutavrik ku samah Uhokri gimawkan. Wagahkisnay yihiyekemni pawtak. Tuguhkisnay yihiyekemni pahatwowa. Pasamraknay pawtak. Ku yis keh hene, nikwe ig Uhokri ku pariye atiwkekne amnihaka, atiwkekne pasamraka, ig ayge yikaknek.
12Aytnihaknay pawtak udahan akak inyewa batekka.
13Madikte Uhokri gihiyegavu ay ukakuh igkis awahkis kabayka yimin.
14Ukivarawiy Jesus Cristo gabay yikaknek. Uhokri gamnihra yikaknek. Darihwaknay pawtak awaku ku samah yisweke kadahanyevwi Uhokri Gitip ay yivit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.