1 ਕੁਰਿੰਥੁਸ 9
9
ਰਸੂਲ ਦੇ ਅਧਿਕਾਰ
1ਕੀ ਮੈਂ ਆਜ਼ਾਦ ਨਹੀਂ ਹਾਂ ? ਕੀ ਮੈਂ ਇੱਕ ਰਸੂਲ ਨਹੀਂ ਹਾਂ ? ਕੀ ਮੈਂ ਯਿਸੂ ਦੇ ਜਿਹੜੇ ਸਾਡੇ ਪ੍ਰਭੂ ਹਨ, ਦਰਸ਼ਨ ਨਹੀਂ ਕੀਤੇ ? ਕੀ ਤੁਸੀਂ ਮੇਰੀ ਪ੍ਰਭੂ ਦੇ ਨਾਮ ਵਿੱਚ ਕੀਤੀ ਸੇਵਾ ਦਾ ਫਲ ਨਹੀਂ ਹੋ ? 2ਭਾਵੇਂ ਮੈਂ ਦੂਜਿਆਂ ਦੇ ਲਈ ਰਸੂਲ ਨਾ ਹੋਵਾਂ ਪਰ ਤੁਹਾਡੇ ਲਈ ਤਾਂ ਹਾਂ ਕਿਉਂਕਿ ਤੁਸੀਂ ਆਪ ਮਸੀਹ ਦੇ ਵਿੱਚ ਮੇਰੇ ਰਸੂਲ ਹੋਣ ਦਾ ਸਬੂਤ ਹੋ ।
3ਆਪਣੇ ਪਰਖਣ ਵਾਲਿਆਂ ਦੇ ਲਈ ਮੇਰਾ ਆਪਣੀ ਸਫ਼ਾਈ ਵਿੱਚ ਇਹ ਜਵਾਬ ਹੈ, 4ਕੀ ਸਾਨੂੰ ਖਾਣ-ਪੀਣ ਦਾ ਅਧਿਕਾਰ ਨਹੀਂ ਹੈ ? 5ਕੀ ਸਾਨੂੰ ਵੀ ਅਧਿਕਾਰ ਨਹੀਂ ਹੈ ਕਿ ਅਸੀਂ ਆਪਣੀ ਵਿਸ਼ਵਾਸੀ ਪਤਨੀ ਨੂੰ ਆਪਣੇ ਨਾਲ ਯਾਤਰਾ ਤੇ ਲੈ ਜਾਈਏ ਜਿਸ ਤਰ੍ਹਾਂ ਦੂਜੇ ਰਸੂਲ, ਪ੍ਰਭੂ ਦੇ ਭਰਾ ਅਤੇ ਕੈਫ਼ਾਸ ਕਰਦੇ ਹਨ ? 6ਜਾਂ ਕੀ ਇਹ ਬਰਨਬਾਸ ਅਤੇ ਮੇਰੇ ਲਈ ਹੀ ਜ਼ਰੂਰੀ ਹੈ ਕਿ ਅਸੀਂ ਆਪਣੀ ਰੋਜ਼ੀ ਦੇ ਲਈ ਕੰਮ ਕਰੀਏ ? 7ਕੀ ਇੱਕ ਸਿਪਾਹੀ ਸੈਨਾ ਦੀ ਸੇਵਾ ਆਪਣੇ ਖ਼ਰਚੇ ਨਾਲ ਕਰਦਾ ਹੈ ? ਕੀ ਇੱਕ ਅੰਗੂਰੀ ਬਾਗ਼ ਦੇ ਲਾਉਣ ਵਾਲੇ ਨੂੰ ਉਸ ਦਾ ਫਲ ਖਾਣ ਦਾ ਹੱਕ ਨਹੀਂ ਹੈ ? ਕੀ ਇੱਕ ਚਰਵਾਹੇ ਨੂੰ ਆਪਣੀ ਭੇਡ ਦਾ ਦੁੱਧ ਪੀਣ ਦਾ ਹੱਕ ਨਹੀਂ ਹੈ ?
8ਕੀ ਮੈਂ ਇਹ ਸਭ ਆਪਣੇ ਵੱਲੋਂ ਕਹਿ ਰਿਹਾ ਹਾਂ ? ਕੀ ਵਿਵਸਥਾ ਇਹ ਹੀ ਨਹੀਂ ਕਹਿੰਦੀ ਹੈ ? 9#ਵਿਵ 25:4, 1 ਤਿਮੋ 5:18ਮੂਸਾ ਦੀ ਵਿਵਸਥਾ ਵਿੱਚ ਇਸ ਤਰ੍ਹਾਂ ਲਿਖਿਆ ਹੋਇਆ ਹੈ, “ਤੂੰ ਗਹਾਈ ਕਰਦੇ ਸਮੇਂ ਬਲਦ ਦਾ ਮੂੰਹ ਨਾ ਬੰਨ੍ਹ ।” ਕੀ ਪਰਮੇਸ਼ਰ ਨੂੰ ਕੇਵਲ ਬਲਦਾਂ ਦੀ ਹੀ ਚਿੰਤਾ ਹੈ ? 10ਜਾਂ ਇਹ ਸਾਡੇ ਲਈ ਵੀ ਕਿਹਾ ਗਿਆ ਹੈ ? ਹਾਂ, ਇਹ ਸਾਡੇ ਲਈ ਹੀ ਲਿਖਿਆ ਗਿਆ ਹੈ ਕਿਉਂਕਿ ਇਹ ਜ਼ਰੂਰੀ ਹੈ ਕਿ ਹਲ ਵਾਹੁਣ ਵਾਲਾ ਇਸੇ ਉਮੀਦ ਨਾਲ ਹਲ ਵਾਹੇ ਅਤੇ ਗਾਹੁਣ ਵਾਲਾ ਵੀ ਇਸੇ ਉਮੀਦ ਨਾਲ ਗਾਹੇ ਕਿ ਉਹ ਆਪਣਾ ਹਿੱਸਾ ਪ੍ਰਾਪਤ ਕਰੇ । 11#ਰੋਮ 15:27ਅਸੀਂ ਤੁਹਾਡੇ ਵਿੱਚ ਆਤਮਿਕ ਬੀਜ ਬੀਜਿਆ ਹੈ, ਕੀ ਇਹ ਕੋਈ ਬਹੁਤ ਵੱਡੀ ਗੱਲ ਹੈ ਕਿ ਅਸੀਂ ਸੰਸਾਰਕ ਚੀਜ਼ਾਂ ਤੁਹਾਡੇ ਕੋਲੋਂ ਪ੍ਰਾਪਤ ਕਰੀਏ ? 12ਇਸ ਲਈ ਜੇਕਰ ਦੂਜਿਆਂ ਦਾ ਤੁਹਾਡੇ ਉੱਤੇ ਇਹ ਹੱਕ ਹੈ ਤਾਂ ਕੀ ਸਾਡਾ ਉਹਨਾਂ ਤੋਂ ਜ਼ਿਆਦਾ ਹੱਕ ਨਹੀਂ ਬਣਦਾ ?
ਪਰ ਅਸੀਂ ਆਪਣੇ ਇਸ ਹੱਕ ਦੀ ਵਰਤੋਂ ਨਹੀਂ ਕੀਤੀ ਸਗੋਂ ਅਸੀਂ ਸਭ ਕੁਝ ਸਹਿ ਲੈਂਦੇ ਹਾਂ ਕਿ ਸਾਡੇ ਦੁਆਰਾ ਮਸੀਹ ਦੇ ਸ਼ੁਭ ਸਮਾਚਾਰ ਦੇ ਲਈ ਕੋਈ ਰੁਕਾਵਟ ਪੈਦਾ ਨਾ ਹੋਵੇ । 13#ਵਿਵ 18:1ਕੀ ਤੁਸੀਂ ਨਹੀਂ ਜਾਣਦੇ ਕਿ ਹੈਕਲ ਦਾ ਸੇਵਕ ਹੈਕਲ ਵਿੱਚੋਂ ਹੀ ਭੋਜਨ ਪ੍ਰਾਪਤ ਕਰਦਾ ਹੈ ਅਤੇ ਵੇਦੀ ਦਾ ਸੇਵਕ ਵੇਦੀ ਦੇ ਚੜ੍ਹਾਵੇ ਤੋਂ ਆਪਣਾ ਹਿੱਸਾ ਪ੍ਰਾਪਤ ਕਰਦਾ ਹੈ । 14#ਮੱਤੀ 10:10, ਲੂਕਾ 10:7ਇਸੇ ਤਰ੍ਹਾਂ ਪ੍ਰਭੂ ਨੇ ਹੁਕਮ ਦਿੱਤਾ ਹੈ ਕਿ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਕਰਨ ਵਾਲਾ ਸ਼ੁਭ ਸਮਾਚਾਰ ਤੋਂ ਹੀ ਆਪਣੀ ਰੋਜ਼ੀ ਪ੍ਰਾਪਤ ਕਰੇ ।
15ਪਰ ਮੈਂ ਆਪਣੇ ਇਹਨਾਂ ਹੱਕਾਂ ਵਿੱਚੋਂ ਕਿਸੇ ਦੀ ਵੀ ਵਰਤੋਂ ਨਹੀਂ ਕੀਤੀ ਅਤੇ ਨਾ ਹੀ ਮੈਂ ਹੁਣ ਇਸ ਲਈ ਲਿਖ ਰਿਹਾ ਹਾਂ ਕਿ ਮੇਰੇ ਹੱਕ ਮੈਨੂੰ ਮਿਲਣ । ਇਹਨਾਂ ਦੇ ਲੈਣ ਨਾਲੋਂ ਤਾਂ ਮੈਂ ਮਰ ਜਾਣਾ ਹੀ ਚੰਗਾ ਸਮਝਾਂਗਾ ! ਕੋਈ ਵੀ ਮੇਰੀ ਇਸ ਆਪਣੀ ਵਡਿਆਈ ਨੂੰ ਝੂਠਾ ਸਿੱਧ ਨਹੀਂ ਕਰ ਸਕਦਾ । 16ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਕਰਦਾ ਹਾਂ, ਇਹ ਕੋਈ ਮੇਰੇ ਲਈ ਹੰਕਾਰ ਵਾਲੀ ਗੱਲ ਨਹੀਂ ਹੈ, ਇਹ ਤਾਂ ਮੇਰੇ ਲਈ ਅਤਿ ਜ਼ਰੂਰੀ ਹੈ । ਜੇਕਰ ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਨਾ ਕਰਾਂ ਤਾਂ ਮੇਰੇ ਉੱਤੇ ਹਾਏ ! 17ਜੇਕਰ ਇਹ ਮੈਂ ਆਪਣੀ ਇੱਛਾ ਨਾਲ ਕਰ ਰਿਹਾ ਹਾਂ ਤਾਂ ਮੈਨੂੰ ਇਸ ਦੀ ਮਜ਼ਦੂਰੀ ਮਿਲਣ ਦੀ ਆਸ ਰੱਖਣੀ ਚਾਹੀਦੀ ਹੈ ਪਰ ਮੈਂ ਇਹ ਆਪਣੀ ਇੱਛਾ ਨਾਲ ਨਹੀਂ ਕਰ ਰਿਹਾ ਸਗੋਂ ਪਰਮੇਸ਼ਰ ਦੀ ਸੌਂਪੀ ਹੋਈ ਸੇਵਾ ਕਰ ਰਿਹਾ ਹਾਂ । 18ਤਾਂ ਫਿਰ ਮੇਰੀ ਮਜ਼ਦੂਰੀ ਕੀ ਹੈ ? ਇਹ ਕਿ ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਬਿਨਾਂ ਮਜ਼ਦੂਰੀ ਲਏ ਕਰਾਂ ਅਤੇ ਸ਼ੁਭ ਸਮਾਚਾਰ ਪ੍ਰਤੀ ਆਪਣੇ ਹੱਕਾਂ ਨੂੰ ਨਾ ਵਰਤਾਂ ।
19ਭਾਵੇਂ ਮੈਂ ਇੱਕ ਆਜ਼ਾਦ ਆਦਮੀ ਹਾਂ, ਮੈਂ ਕਿਸੇ ਦਾ ਗ਼ੁਲਾਮ ਨਹੀਂ ਹਾਂ ਪਰ ਮੈਂ ਆਪਣੇ ਆਪ ਨੂੰ ਸਾਰਿਆਂ ਦਾ ਗ਼ੁਲਾਮ ਬਣਾ ਦਿੱਤਾ ਹੈ ਕਿ ਮੈਂ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਨੂੰ ਜਿੱਤ ਲਵਾਂ । 20ਮੈਂ ਯਹੂਦੀ ਲੋਕਾਂ ਨੂੰ ਜਿੱਤਣ ਦੇ ਲਈ ਯਹੂਦੀਆਂ ਵਰਗਾ ਬਣ ਗਿਆ । ਉਹ ਜਿਹੜੇ ਵਿਵਸਥਾ ਦੇ ਅਧੀਨ ਹਨ ਉਹਨਾਂ ਨੂੰ ਜਿੱਤਣ ਦੇ ਲਈ ਮੈਂ ਵਿਵਸਥਾ ਦੇ ਅਧੀਨ ਹੋ ਗਿਆ ਭਾਵੇਂ ਮੈਂ ਆਪ ਵਿਵਸਥਾ ਦੇ ਅਧੀਨ ਨਹੀਂ ਹਾਂ । 21ਇਸੇ ਤਰ੍ਹਾਂ ਉਹ ਜਿਹੜੇ ਵਿਵਸਥਾ ਦੇ ਅਧੀਨ ਨਹੀਂ ਹਨ, ਮੈਂ ਉਹਨਾਂ ਨੂੰ ਜਿੱਤਣ ਦੇ ਲਈ ਉਹਨਾਂ ਵਰਗਾ ਬਣ ਗਿਆ ਭਾਵੇਂ ਮੈਂ ਆਪ ਪਰਮੇਸ਼ਰ ਦੀ ਵਿਵਸਥਾ ਤੋਂ ਬਾਹਰ ਨਹੀਂ ਹਾਂ ਸਗੋਂ ਮਸੀਹ ਦੀ ਵਿਵਸਥਾ ਦੇ ਅਧੀਨ ਹਾਂ । 22ਫਿਰ ਜਿਹੜੇ ਕਮਜ਼ੋਰ ਸਨ ਉਹਨਾਂ ਨੂੰ ਜਿੱਤਣ ਦੇ ਲਈ ਮੈਂ ਕਮਜ਼ੋਰ ਬਣ ਗਿਆ । ਇਸ ਤਰ੍ਹਾਂ ਮੈਂ ਸਾਰਿਆਂ ਦੇ ਲਈ ਸਭ ਕੁਝ ਬਣ ਗਿਆ ਕਿ ਮੈਂ ਕਿਸੇ ਨਾ ਕਿਸੇ ਤਰ੍ਹਾਂ ਕੁਝ ਨੂੰ ਤਾਂ ਬਚਾਅ ਲਵਾਂ । 23ਮੈਂ ਇਹ ਸਭ ਕੁਝ ਸ਼ੁਭ ਸਮਾਚਾਰ ਦੇ ਲਈ ਕਰ ਰਿਹਾ ਹਾਂ ਕਿ ਮੈਂ ਇਸ ਸੇਵਾ ਦਾ ਹਿੱਸੇਦਾਰ ਬਣ ਸਕਾਂ ।
24ਕੀ ਤੁਸੀਂ ਨਹੀਂ ਜਾਣਦੇ ਕਿ ਦੌੜ ਵਿੱਚ ਹਿੱਸਾ ਤਾਂ ਸਾਰੇ ਲੈਂਦੇ ਹਨ ਪਰ ਇਨਾਮ ਕੇਵਲ ਇੱਕ ਨੂੰ ਹੀ ਮਿਲਦਾ ਹੈ ? ਇਸ ਲਈ ਤੁਸੀਂ ਇਸ ਤਰ੍ਹਾਂ ਦੌੜੋ ਕਿ ਇਨਾਮ ਜਿੱਤ ਸਕੋ । 25ਖਿਡਾਰੀ ਹਰ ਤਰ੍ਹਾਂ ਦੇ ਸੰਜਮ ਦਾ ਅਭਿਆਸ ਕਰਦੇ ਹਨ । ਉਹ ਇਸ ਲਈ ਕਰਦੇ ਹਨ ਕਿ ਥੋੜੇ ਸਮੇਂ ਤੱਕ ਰਹਿਣ ਵਾਲਾ ਇਨਾਮ ਪ੍ਰਾਪਤ ਕਰਨ ਪਰ ਅਸੀਂ ਅਨੰਤਕਾਲ ਤੱਕ ਰਹਿਣ ਵਾਲੇ ਇਨਾਮ ਲਈ ਕਰਦੇ ਹਾਂ । 26ਇਸ ਲਈ ਮੈਂ ਬੇਮਤਲਬ ਨਹੀਂ ਦੌੜਦਾ ਅਤੇ ਨਾ ਹੀ ਉਸ ਮੁੱਕੇਬਾਜ਼ ਦੀ ਤਰ੍ਹਾਂ ਮੁੱਕੇ ਮਾਰ ਰਿਹਾ ਹਾਂ ਜਿਹੜਾ ਹਵਾ ਵਿੱਚ ਹੀ ਮੁੱਕੇ ਮਾਰਦਾ ਹੈ । 27ਮੈਂ ਆਪਣੇ ਸਰੀਰ ਨੂੰ ਦੁੱਖ ਦੇ ਕੇ ਆਪਣੇ ਕਾਬੂ ਵਿੱਚ ਰੱਖਦਾ ਹਾਂ ਕਿ ਕਿਤੇ ਇਸ ਤਰ੍ਹਾਂ ਨਾ ਹੋਵੇ ਕਿ ਮੈਂ ਦੂਜਿਆਂ ਨੂੰ ਤਾਂ ਉਪਦੇਸ਼ ਦੇਵਾਂ ਪਰ ਆਪ ਉਸੇ ਵਿੱਚ ਅਸਫ਼ਲ ਹੋ ਜਾਵਾਂ ।
Currently Selected:
1 ਕੁਰਿੰਥੁਸ 9: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India
1 ਕੁਰਿੰਥੁਸ 9
9
ਰਸੂਲ ਦੇ ਅਧਿਕਾਰ
1ਕੀ ਮੈਂ ਆਜ਼ਾਦ ਨਹੀਂ ਹਾਂ ? ਕੀ ਮੈਂ ਇੱਕ ਰਸੂਲ ਨਹੀਂ ਹਾਂ ? ਕੀ ਮੈਂ ਯਿਸੂ ਦੇ ਜਿਹੜੇ ਸਾਡੇ ਪ੍ਰਭੂ ਹਨ, ਦਰਸ਼ਨ ਨਹੀਂ ਕੀਤੇ ? ਕੀ ਤੁਸੀਂ ਮੇਰੀ ਪ੍ਰਭੂ ਦੇ ਨਾਮ ਵਿੱਚ ਕੀਤੀ ਸੇਵਾ ਦਾ ਫਲ ਨਹੀਂ ਹੋ ? 2ਭਾਵੇਂ ਮੈਂ ਦੂਜਿਆਂ ਦੇ ਲਈ ਰਸੂਲ ਨਾ ਹੋਵਾਂ ਪਰ ਤੁਹਾਡੇ ਲਈ ਤਾਂ ਹਾਂ ਕਿਉਂਕਿ ਤੁਸੀਂ ਆਪ ਮਸੀਹ ਦੇ ਵਿੱਚ ਮੇਰੇ ਰਸੂਲ ਹੋਣ ਦਾ ਸਬੂਤ ਹੋ ।
3ਆਪਣੇ ਪਰਖਣ ਵਾਲਿਆਂ ਦੇ ਲਈ ਮੇਰਾ ਆਪਣੀ ਸਫ਼ਾਈ ਵਿੱਚ ਇਹ ਜਵਾਬ ਹੈ, 4ਕੀ ਸਾਨੂੰ ਖਾਣ-ਪੀਣ ਦਾ ਅਧਿਕਾਰ ਨਹੀਂ ਹੈ ? 5ਕੀ ਸਾਨੂੰ ਵੀ ਅਧਿਕਾਰ ਨਹੀਂ ਹੈ ਕਿ ਅਸੀਂ ਆਪਣੀ ਵਿਸ਼ਵਾਸੀ ਪਤਨੀ ਨੂੰ ਆਪਣੇ ਨਾਲ ਯਾਤਰਾ ਤੇ ਲੈ ਜਾਈਏ ਜਿਸ ਤਰ੍ਹਾਂ ਦੂਜੇ ਰਸੂਲ, ਪ੍ਰਭੂ ਦੇ ਭਰਾ ਅਤੇ ਕੈਫ਼ਾਸ ਕਰਦੇ ਹਨ ? 6ਜਾਂ ਕੀ ਇਹ ਬਰਨਬਾਸ ਅਤੇ ਮੇਰੇ ਲਈ ਹੀ ਜ਼ਰੂਰੀ ਹੈ ਕਿ ਅਸੀਂ ਆਪਣੀ ਰੋਜ਼ੀ ਦੇ ਲਈ ਕੰਮ ਕਰੀਏ ? 7ਕੀ ਇੱਕ ਸਿਪਾਹੀ ਸੈਨਾ ਦੀ ਸੇਵਾ ਆਪਣੇ ਖ਼ਰਚੇ ਨਾਲ ਕਰਦਾ ਹੈ ? ਕੀ ਇੱਕ ਅੰਗੂਰੀ ਬਾਗ਼ ਦੇ ਲਾਉਣ ਵਾਲੇ ਨੂੰ ਉਸ ਦਾ ਫਲ ਖਾਣ ਦਾ ਹੱਕ ਨਹੀਂ ਹੈ ? ਕੀ ਇੱਕ ਚਰਵਾਹੇ ਨੂੰ ਆਪਣੀ ਭੇਡ ਦਾ ਦੁੱਧ ਪੀਣ ਦਾ ਹੱਕ ਨਹੀਂ ਹੈ ?
8ਕੀ ਮੈਂ ਇਹ ਸਭ ਆਪਣੇ ਵੱਲੋਂ ਕਹਿ ਰਿਹਾ ਹਾਂ ? ਕੀ ਵਿਵਸਥਾ ਇਹ ਹੀ ਨਹੀਂ ਕਹਿੰਦੀ ਹੈ ? 9#ਵਿਵ 25:4, 1 ਤਿਮੋ 5:18ਮੂਸਾ ਦੀ ਵਿਵਸਥਾ ਵਿੱਚ ਇਸ ਤਰ੍ਹਾਂ ਲਿਖਿਆ ਹੋਇਆ ਹੈ, “ਤੂੰ ਗਹਾਈ ਕਰਦੇ ਸਮੇਂ ਬਲਦ ਦਾ ਮੂੰਹ ਨਾ ਬੰਨ੍ਹ ।” ਕੀ ਪਰਮੇਸ਼ਰ ਨੂੰ ਕੇਵਲ ਬਲਦਾਂ ਦੀ ਹੀ ਚਿੰਤਾ ਹੈ ? 10ਜਾਂ ਇਹ ਸਾਡੇ ਲਈ ਵੀ ਕਿਹਾ ਗਿਆ ਹੈ ? ਹਾਂ, ਇਹ ਸਾਡੇ ਲਈ ਹੀ ਲਿਖਿਆ ਗਿਆ ਹੈ ਕਿਉਂਕਿ ਇਹ ਜ਼ਰੂਰੀ ਹੈ ਕਿ ਹਲ ਵਾਹੁਣ ਵਾਲਾ ਇਸੇ ਉਮੀਦ ਨਾਲ ਹਲ ਵਾਹੇ ਅਤੇ ਗਾਹੁਣ ਵਾਲਾ ਵੀ ਇਸੇ ਉਮੀਦ ਨਾਲ ਗਾਹੇ ਕਿ ਉਹ ਆਪਣਾ ਹਿੱਸਾ ਪ੍ਰਾਪਤ ਕਰੇ । 11#ਰੋਮ 15:27ਅਸੀਂ ਤੁਹਾਡੇ ਵਿੱਚ ਆਤਮਿਕ ਬੀਜ ਬੀਜਿਆ ਹੈ, ਕੀ ਇਹ ਕੋਈ ਬਹੁਤ ਵੱਡੀ ਗੱਲ ਹੈ ਕਿ ਅਸੀਂ ਸੰਸਾਰਕ ਚੀਜ਼ਾਂ ਤੁਹਾਡੇ ਕੋਲੋਂ ਪ੍ਰਾਪਤ ਕਰੀਏ ? 12ਇਸ ਲਈ ਜੇਕਰ ਦੂਜਿਆਂ ਦਾ ਤੁਹਾਡੇ ਉੱਤੇ ਇਹ ਹੱਕ ਹੈ ਤਾਂ ਕੀ ਸਾਡਾ ਉਹਨਾਂ ਤੋਂ ਜ਼ਿਆਦਾ ਹੱਕ ਨਹੀਂ ਬਣਦਾ ?
ਪਰ ਅਸੀਂ ਆਪਣੇ ਇਸ ਹੱਕ ਦੀ ਵਰਤੋਂ ਨਹੀਂ ਕੀਤੀ ਸਗੋਂ ਅਸੀਂ ਸਭ ਕੁਝ ਸਹਿ ਲੈਂਦੇ ਹਾਂ ਕਿ ਸਾਡੇ ਦੁਆਰਾ ਮਸੀਹ ਦੇ ਸ਼ੁਭ ਸਮਾਚਾਰ ਦੇ ਲਈ ਕੋਈ ਰੁਕਾਵਟ ਪੈਦਾ ਨਾ ਹੋਵੇ । 13#ਵਿਵ 18:1ਕੀ ਤੁਸੀਂ ਨਹੀਂ ਜਾਣਦੇ ਕਿ ਹੈਕਲ ਦਾ ਸੇਵਕ ਹੈਕਲ ਵਿੱਚੋਂ ਹੀ ਭੋਜਨ ਪ੍ਰਾਪਤ ਕਰਦਾ ਹੈ ਅਤੇ ਵੇਦੀ ਦਾ ਸੇਵਕ ਵੇਦੀ ਦੇ ਚੜ੍ਹਾਵੇ ਤੋਂ ਆਪਣਾ ਹਿੱਸਾ ਪ੍ਰਾਪਤ ਕਰਦਾ ਹੈ । 14#ਮੱਤੀ 10:10, ਲੂਕਾ 10:7ਇਸੇ ਤਰ੍ਹਾਂ ਪ੍ਰਭੂ ਨੇ ਹੁਕਮ ਦਿੱਤਾ ਹੈ ਕਿ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਕਰਨ ਵਾਲਾ ਸ਼ੁਭ ਸਮਾਚਾਰ ਤੋਂ ਹੀ ਆਪਣੀ ਰੋਜ਼ੀ ਪ੍ਰਾਪਤ ਕਰੇ ।
15ਪਰ ਮੈਂ ਆਪਣੇ ਇਹਨਾਂ ਹੱਕਾਂ ਵਿੱਚੋਂ ਕਿਸੇ ਦੀ ਵੀ ਵਰਤੋਂ ਨਹੀਂ ਕੀਤੀ ਅਤੇ ਨਾ ਹੀ ਮੈਂ ਹੁਣ ਇਸ ਲਈ ਲਿਖ ਰਿਹਾ ਹਾਂ ਕਿ ਮੇਰੇ ਹੱਕ ਮੈਨੂੰ ਮਿਲਣ । ਇਹਨਾਂ ਦੇ ਲੈਣ ਨਾਲੋਂ ਤਾਂ ਮੈਂ ਮਰ ਜਾਣਾ ਹੀ ਚੰਗਾ ਸਮਝਾਂਗਾ ! ਕੋਈ ਵੀ ਮੇਰੀ ਇਸ ਆਪਣੀ ਵਡਿਆਈ ਨੂੰ ਝੂਠਾ ਸਿੱਧ ਨਹੀਂ ਕਰ ਸਕਦਾ । 16ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਕਰਦਾ ਹਾਂ, ਇਹ ਕੋਈ ਮੇਰੇ ਲਈ ਹੰਕਾਰ ਵਾਲੀ ਗੱਲ ਨਹੀਂ ਹੈ, ਇਹ ਤਾਂ ਮੇਰੇ ਲਈ ਅਤਿ ਜ਼ਰੂਰੀ ਹੈ । ਜੇਕਰ ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਨਾ ਕਰਾਂ ਤਾਂ ਮੇਰੇ ਉੱਤੇ ਹਾਏ ! 17ਜੇਕਰ ਇਹ ਮੈਂ ਆਪਣੀ ਇੱਛਾ ਨਾਲ ਕਰ ਰਿਹਾ ਹਾਂ ਤਾਂ ਮੈਨੂੰ ਇਸ ਦੀ ਮਜ਼ਦੂਰੀ ਮਿਲਣ ਦੀ ਆਸ ਰੱਖਣੀ ਚਾਹੀਦੀ ਹੈ ਪਰ ਮੈਂ ਇਹ ਆਪਣੀ ਇੱਛਾ ਨਾਲ ਨਹੀਂ ਕਰ ਰਿਹਾ ਸਗੋਂ ਪਰਮੇਸ਼ਰ ਦੀ ਸੌਂਪੀ ਹੋਈ ਸੇਵਾ ਕਰ ਰਿਹਾ ਹਾਂ । 18ਤਾਂ ਫਿਰ ਮੇਰੀ ਮਜ਼ਦੂਰੀ ਕੀ ਹੈ ? ਇਹ ਕਿ ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਬਿਨਾਂ ਮਜ਼ਦੂਰੀ ਲਏ ਕਰਾਂ ਅਤੇ ਸ਼ੁਭ ਸਮਾਚਾਰ ਪ੍ਰਤੀ ਆਪਣੇ ਹੱਕਾਂ ਨੂੰ ਨਾ ਵਰਤਾਂ ।
19ਭਾਵੇਂ ਮੈਂ ਇੱਕ ਆਜ਼ਾਦ ਆਦਮੀ ਹਾਂ, ਮੈਂ ਕਿਸੇ ਦਾ ਗ਼ੁਲਾਮ ਨਹੀਂ ਹਾਂ ਪਰ ਮੈਂ ਆਪਣੇ ਆਪ ਨੂੰ ਸਾਰਿਆਂ ਦਾ ਗ਼ੁਲਾਮ ਬਣਾ ਦਿੱਤਾ ਹੈ ਕਿ ਮੈਂ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਨੂੰ ਜਿੱਤ ਲਵਾਂ । 20ਮੈਂ ਯਹੂਦੀ ਲੋਕਾਂ ਨੂੰ ਜਿੱਤਣ ਦੇ ਲਈ ਯਹੂਦੀਆਂ ਵਰਗਾ ਬਣ ਗਿਆ । ਉਹ ਜਿਹੜੇ ਵਿਵਸਥਾ ਦੇ ਅਧੀਨ ਹਨ ਉਹਨਾਂ ਨੂੰ ਜਿੱਤਣ ਦੇ ਲਈ ਮੈਂ ਵਿਵਸਥਾ ਦੇ ਅਧੀਨ ਹੋ ਗਿਆ ਭਾਵੇਂ ਮੈਂ ਆਪ ਵਿਵਸਥਾ ਦੇ ਅਧੀਨ ਨਹੀਂ ਹਾਂ । 21ਇਸੇ ਤਰ੍ਹਾਂ ਉਹ ਜਿਹੜੇ ਵਿਵਸਥਾ ਦੇ ਅਧੀਨ ਨਹੀਂ ਹਨ, ਮੈਂ ਉਹਨਾਂ ਨੂੰ ਜਿੱਤਣ ਦੇ ਲਈ ਉਹਨਾਂ ਵਰਗਾ ਬਣ ਗਿਆ ਭਾਵੇਂ ਮੈਂ ਆਪ ਪਰਮੇਸ਼ਰ ਦੀ ਵਿਵਸਥਾ ਤੋਂ ਬਾਹਰ ਨਹੀਂ ਹਾਂ ਸਗੋਂ ਮਸੀਹ ਦੀ ਵਿਵਸਥਾ ਦੇ ਅਧੀਨ ਹਾਂ । 22ਫਿਰ ਜਿਹੜੇ ਕਮਜ਼ੋਰ ਸਨ ਉਹਨਾਂ ਨੂੰ ਜਿੱਤਣ ਦੇ ਲਈ ਮੈਂ ਕਮਜ਼ੋਰ ਬਣ ਗਿਆ । ਇਸ ਤਰ੍ਹਾਂ ਮੈਂ ਸਾਰਿਆਂ ਦੇ ਲਈ ਸਭ ਕੁਝ ਬਣ ਗਿਆ ਕਿ ਮੈਂ ਕਿਸੇ ਨਾ ਕਿਸੇ ਤਰ੍ਹਾਂ ਕੁਝ ਨੂੰ ਤਾਂ ਬਚਾਅ ਲਵਾਂ । 23ਮੈਂ ਇਹ ਸਭ ਕੁਝ ਸ਼ੁਭ ਸਮਾਚਾਰ ਦੇ ਲਈ ਕਰ ਰਿਹਾ ਹਾਂ ਕਿ ਮੈਂ ਇਸ ਸੇਵਾ ਦਾ ਹਿੱਸੇਦਾਰ ਬਣ ਸਕਾਂ ।
24ਕੀ ਤੁਸੀਂ ਨਹੀਂ ਜਾਣਦੇ ਕਿ ਦੌੜ ਵਿੱਚ ਹਿੱਸਾ ਤਾਂ ਸਾਰੇ ਲੈਂਦੇ ਹਨ ਪਰ ਇਨਾਮ ਕੇਵਲ ਇੱਕ ਨੂੰ ਹੀ ਮਿਲਦਾ ਹੈ ? ਇਸ ਲਈ ਤੁਸੀਂ ਇਸ ਤਰ੍ਹਾਂ ਦੌੜੋ ਕਿ ਇਨਾਮ ਜਿੱਤ ਸਕੋ । 25ਖਿਡਾਰੀ ਹਰ ਤਰ੍ਹਾਂ ਦੇ ਸੰਜਮ ਦਾ ਅਭਿਆਸ ਕਰਦੇ ਹਨ । ਉਹ ਇਸ ਲਈ ਕਰਦੇ ਹਨ ਕਿ ਥੋੜੇ ਸਮੇਂ ਤੱਕ ਰਹਿਣ ਵਾਲਾ ਇਨਾਮ ਪ੍ਰਾਪਤ ਕਰਨ ਪਰ ਅਸੀਂ ਅਨੰਤਕਾਲ ਤੱਕ ਰਹਿਣ ਵਾਲੇ ਇਨਾਮ ਲਈ ਕਰਦੇ ਹਾਂ । 26ਇਸ ਲਈ ਮੈਂ ਬੇਮਤਲਬ ਨਹੀਂ ਦੌੜਦਾ ਅਤੇ ਨਾ ਹੀ ਉਸ ਮੁੱਕੇਬਾਜ਼ ਦੀ ਤਰ੍ਹਾਂ ਮੁੱਕੇ ਮਾਰ ਰਿਹਾ ਹਾਂ ਜਿਹੜਾ ਹਵਾ ਵਿੱਚ ਹੀ ਮੁੱਕੇ ਮਾਰਦਾ ਹੈ । 27ਮੈਂ ਆਪਣੇ ਸਰੀਰ ਨੂੰ ਦੁੱਖ ਦੇ ਕੇ ਆਪਣੇ ਕਾਬੂ ਵਿੱਚ ਰੱਖਦਾ ਹਾਂ ਕਿ ਕਿਤੇ ਇਸ ਤਰ੍ਹਾਂ ਨਾ ਹੋਵੇ ਕਿ ਮੈਂ ਦੂਜਿਆਂ ਨੂੰ ਤਾਂ ਉਪਦੇਸ਼ ਦੇਵਾਂ ਪਰ ਆਪ ਉਸੇ ਵਿੱਚ ਅਸਫ਼ਲ ਹੋ ਜਾਵਾਂ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India