Rom 9
9
Korowii ne o nɛra
1Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe. 2N tea bini chɔɡɔ, n bambile ɡe aa n wee ɡel bwa. 3N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ. 4Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa. 5Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.
6N ta ŋɔe ŋɔ Korowii vɛh o nyobaɡa la ta teŋa, kɛ Israel tena bwa laa Korowii le kɛ o nɛra. 7Abraham naanar bwa ɡe laa Korowii bii. Korowii aa ŋɔ Abraham be ŋɔ, “Aesek luɡe taa hɛɛ ba he naanar maa baɡɛ nyoa dɔe” la,#Mum 21:12; 25:1-2 8a baɡlɔ kɛŋɔ Abraham dwee la te bwa waa lol ba ɡɛ nɛra bwa aa dɛ lolɛ la, Korowii nɛra laa ban. Abraham bie la Korowii aa baɡɔ nyoa la, o dweee Korowii jemɛ kɛŋɔ Abraham naanaree ban, 9dɛkalkɛŋɔ Korowii aa baɡɛ Abraham nyoa la, waa waa bola laanee kɛŋɔ, “Benanyoa saŋ nɔ mɛɛ berɔɔ ba. N ne bala dɛ Saara lolɛ bibaa.”#Mum 18:10
10Anɔ ɡbo laa. Rebɛka aa kpoŋe o kpara la tea la, ba bwa mɛɛ ɛ beŋkpoŋ. Ya nabaa Aesekee ba mɛɛ. 11Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,#Mum 25:23 12“Bii nɔ, bechala la ɛɛ lɛ nomonome o dɔɔ bee, ásɛ o dɔɔ la berɛ dɛɛ tomɔ.” A ɡɛ waa nɔ baɡlɔ kɛŋɔ lee Korowii aa le Jekɔb la, o tetooraa o leo. Jekɔb we-ɛɛla laa o nyiŋi dɛ leo. 13Anee Korowii Tɔn la baɡle ŋɔ, “N nyin Jekɔb dɛ hah Esɔ” la.#Mal 1:2-3
14Amɔ yaa wonoo ŋɔ Korowii waa ta toɡrɛ kɛɛ? O waa toɡrɔ. 15O ŋɔ Mosis be ŋɔ,
“Naate n tea aa toora kɛŋɔ ń sune o nɛɛ la,
mɛɛ sune o nɛɛ.
Naate n tea aa toora kɛŋɔ ń tea domɛ o nɛɛ la,
n tea ɛɛ domɛ o nɛɛ.”#Kaa 33:19
16Waa nɛwɛnyina aa dɛ nyin ne anɔ la yaa dɛ ɛ la, Korowii te aa an nyiŋi. O te suna waa sune nɛwɛnyina nɛɛ la, anee wɛɛ nyiŋi. 17Ba chwerɛ Korowii Tɔn bini ɡɛ Korowii fa aa ŋɔ Ijipt kooro be la. Anee kɛŋɔ, “N ɡelɔ he ɛ kooro ásɛ nɛwɛnyina bwa che he nɛɛ dɛ na ɡɛ maa dɔ kpeɡri, asɛ dɛ yerɛ n sɔn harɛ ta bobɛlbwa.”#Kaa 9:16 18Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.
19Nomɛl ɛɛ ŋɔɔ, “Dɛ kenii a do aa, Korowii ɛɛ wonoo ŋɔ nomɛl deŋne kpeɡri nomanta, o ɛ wechɔɡa aa? Umee dɛ́ won ŋɔ Korowii we-ɛɛla bɛ won ɛɔ?” 20Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?#Aes 45:9#Jer 18:1-6 21Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.
22Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile, 23ásɛ nɛra waa sune ba nɛɛ dɛ cheɡ ba kɛŋɔ bá ba na som la won jemɛ ɡɛ o som la aa doa dɛ dɔ jirima kohona. 24Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini. 25Kenii o ŋɔ o keame Hosia tɔn bini.
“Nɛra ba fa aa wola n nɛra ɛɛ
n fa aa wola ban nyin la,
mɛɛ yer baa n nɛra ne n nɛnnyinaa.”
26Ba chwerɛ tɔn la bobɛl ɡe ŋɔ,
“Nɛra Korowii fa aa ŋɔ ba be ŋɔ,
‘N nɛra laa heyaa’ la,
baa berɔ yer ba Korowii
waa lole saŋ bɛlbwa bii.”#Hos 1:10
27Aesaya bol Israel tena waa ŋɔ,
“Dɛ Israel tena warɔ kɛŋɔ mpo
nyoa hɛŋle kwaraa naa, ba bini
tamaa kenii Korowii ɛɛ ba lɛɛ.#Aes 10:22
28Wɛɛ bol nɛwɛnyina bwa waa
wɔrɔbe nɛɛ dɛ́ pa bole.”
29Anee Aesaya fa bol la,
“Dɛ Koranar Bwa Kooro fe ta o nɛra
dwee tama bane ɡelɛ aa, ya fe ɛɛ tonɔɔ
kwaraa kɛŋɔ Sodom ne Gomoora tena.”#Aes 1:9
Israel tena yarada bɛ dɔe
30Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba. 31Kɛ Israel tena te aa swɛɛ siwi dɛ kpɔ ba sie do Mmara ta teŋa ta, dɛ ŋɔ anee dɛ́ ɡel Korowii lɛɛ ba kɛ nɛndɛɛɡa ba waa su o siwi la, o siwi ta ba te kwaraa sui. 32Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta. 33O waa ba chwerɛ Korowii Tɔn bini la. Ba chwerɔ ŋɔ,
“Mɛɛ kpɔ Bwee cheɡ Saayɔn,
ásɛ nɛra ɛɛ lɔ naa o ta dɛɛ choɡli.#Aes 8:14
Kɛ nomɛlbwa waa yaradao la,
sihiih aa o kpoe ba.”#Aes 28:16
Currently Selected:
Rom 9: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Rom 9
9
Korowii ne o nɛra
1Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe. 2N tea bini chɔɡɔ, n bambile ɡe aa n wee ɡel bwa. 3N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ. 4Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa. 5Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.
6N ta ŋɔe ŋɔ Korowii vɛh o nyobaɡa la ta teŋa, kɛ Israel tena bwa laa Korowii le kɛ o nɛra. 7Abraham naanar bwa ɡe laa Korowii bii. Korowii aa ŋɔ Abraham be ŋɔ, “Aesek luɡe taa hɛɛ ba he naanar maa baɡɛ nyoa dɔe” la,#Mum 21:12; 25:1-2 8a baɡlɔ kɛŋɔ Abraham dwee la te bwa waa lol ba ɡɛ nɛra bwa aa dɛ lolɛ la, Korowii nɛra laa ban. Abraham bie la Korowii aa baɡɔ nyoa la, o dweee Korowii jemɛ kɛŋɔ Abraham naanaree ban, 9dɛkalkɛŋɔ Korowii aa baɡɛ Abraham nyoa la, waa waa bola laanee kɛŋɔ, “Benanyoa saŋ nɔ mɛɛ berɔɔ ba. N ne bala dɛ Saara lolɛ bibaa.”#Mum 18:10
10Anɔ ɡbo laa. Rebɛka aa kpoŋe o kpara la tea la, ba bwa mɛɛ ɛ beŋkpoŋ. Ya nabaa Aesekee ba mɛɛ. 11Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,#Mum 25:23 12“Bii nɔ, bechala la ɛɛ lɛ nomonome o dɔɔ bee, ásɛ o dɔɔ la berɛ dɛɛ tomɔ.” A ɡɛ waa nɔ baɡlɔ kɛŋɔ lee Korowii aa le Jekɔb la, o tetooraa o leo. Jekɔb we-ɛɛla laa o nyiŋi dɛ leo. 13Anee Korowii Tɔn la baɡle ŋɔ, “N nyin Jekɔb dɛ hah Esɔ” la.#Mal 1:2-3
14Amɔ yaa wonoo ŋɔ Korowii waa ta toɡrɛ kɛɛ? O waa toɡrɔ. 15O ŋɔ Mosis be ŋɔ,
“Naate n tea aa toora kɛŋɔ ń sune o nɛɛ la,
mɛɛ sune o nɛɛ.
Naate n tea aa toora kɛŋɔ ń tea domɛ o nɛɛ la,
n tea ɛɛ domɛ o nɛɛ.”#Kaa 33:19
16Waa nɛwɛnyina aa dɛ nyin ne anɔ la yaa dɛ ɛ la, Korowii te aa an nyiŋi. O te suna waa sune nɛwɛnyina nɛɛ la, anee wɛɛ nyiŋi. 17Ba chwerɛ Korowii Tɔn bini ɡɛ Korowii fa aa ŋɔ Ijipt kooro be la. Anee kɛŋɔ, “N ɡelɔ he ɛ kooro ásɛ nɛwɛnyina bwa che he nɛɛ dɛ na ɡɛ maa dɔ kpeɡri, asɛ dɛ yerɛ n sɔn harɛ ta bobɛlbwa.”#Kaa 9:16 18Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.
19Nomɛl ɛɛ ŋɔɔ, “Dɛ kenii a do aa, Korowii ɛɛ wonoo ŋɔ nomɛl deŋne kpeɡri nomanta, o ɛ wechɔɡa aa? Umee dɛ́ won ŋɔ Korowii we-ɛɛla bɛ won ɛɔ?” 20Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?#Aes 45:9#Jer 18:1-6 21Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.
22Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile, 23ásɛ nɛra waa sune ba nɛɛ dɛ cheɡ ba kɛŋɔ bá ba na som la won jemɛ ɡɛ o som la aa doa dɛ dɔ jirima kohona. 24Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini. 25Kenii o ŋɔ o keame Hosia tɔn bini.
“Nɛra ba fa aa wola n nɛra ɛɛ
n fa aa wola ban nyin la,
mɛɛ yer baa n nɛra ne n nɛnnyinaa.”
26Ba chwerɛ tɔn la bobɛl ɡe ŋɔ,
“Nɛra Korowii fa aa ŋɔ ba be ŋɔ,
‘N nɛra laa heyaa’ la,
baa berɔ yer ba Korowii
waa lole saŋ bɛlbwa bii.”#Hos 1:10
27Aesaya bol Israel tena waa ŋɔ,
“Dɛ Israel tena warɔ kɛŋɔ mpo
nyoa hɛŋle kwaraa naa, ba bini
tamaa kenii Korowii ɛɛ ba lɛɛ.#Aes 10:22
28Wɛɛ bol nɛwɛnyina bwa waa
wɔrɔbe nɛɛ dɛ́ pa bole.”
29Anee Aesaya fa bol la,
“Dɛ Koranar Bwa Kooro fe ta o nɛra
dwee tama bane ɡelɛ aa, ya fe ɛɛ tonɔɔ
kwaraa kɛŋɔ Sodom ne Gomoora tena.”#Aes 1:9
Israel tena yarada bɛ dɔe
30Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba. 31Kɛ Israel tena te aa swɛɛ siwi dɛ kpɔ ba sie do Mmara ta teŋa ta, dɛ ŋɔ anee dɛ́ ɡel Korowii lɛɛ ba kɛ nɛndɛɛɡa ba waa su o siwi la, o siwi ta ba te kwaraa sui. 32Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta. 33O waa ba chwerɛ Korowii Tɔn bini la. Ba chwerɔ ŋɔ,
“Mɛɛ kpɔ Bwee cheɡ Saayɔn,
ásɛ nɛra ɛɛ lɔ naa o ta dɛɛ choɡli.#Aes 8:14
Kɛ nomɛlbwa waa yaradao la,
sihiih aa o kpoe ba.”#Aes 28:16
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.